札幌拉麵 Miso No.1 x 辛味屋

营业中

休息中

唔想捱貴飯，但又想食好少少，呢度都算係鑽石山人嘅飯堂之一，不過等位呢樣嘢就仲係無得傾，高峯飯市時間至少等15至20分鐘，最好都係早啲到!湯底唔錯，豬滑味Ok,唔太鹹，辣味足。我就要咗滑蛋豬扒飯，好多洋蔥呀～豬扒亦算幾厚身~燒鯖魚唔腥亦燒得香口，加啲檸檬汁汁嚟調下味已經香噴噴。整咗兩串呀仔至愛嘅雞翼同雞軟骨，佢話好得~唔係講笑，塊豬扒都幾厚實最後一道唐揚雞翼份量夠大，肉質無鞋烚烚，亦好大口感，做餸一流!

樣樣都要加錢，加5蚊，加10蚊，加15蚊，好心就寫個實數喇！2人餐199蚊以為好抵喇！點知又係要每碗面都要加錢，都痴根既，都唔知點做生意既，啲人就以為好抵食喇200蚊唔使就有5樣野，點知就樣樣都要加錢！我叫左個拉麵，難食到不堪，完全食唔落口，仲衰過出前一丁，完全零口感，啲肉又難哨，仲有個餃子，難食到一個整點，我老公咬左一半吐返出黎，係惠康買既餃子返黎自己煎都好食過呢間野！完全唔明點解咁多人話好食！啲人係咪求其平又填包個肚就覺得ok! 真係伏呀！

今日放工個天黑哂🌩☔️，屋企又冇人煮飯。就即興約好同事食埋飯先歸家。我地揀鑽石山荷里活廣場，因為想食依間平靚正既日本野。-餐廳有多款套餐，我地揀左兩個🌟吉列豬扒奄列咖哩飯套餐 $68跟餐還配有沙律及湯吉列豬粉漿薄炸得金黃香脆脂肪比例偏少，但肉質鬆軟不嚡口最正係一點油膩感都沒有以價錢計算也是不錯的選擇日式咖喱口感香滑濃稠、味甜還有滑蛋喔，伴飯一流。-🌟招牌牛油拉麵 + 自家製餃子 $89拉麵🍜都爽口，而且湯底不會太濃味味道剛剛好配上一片牛油，把它溶化了添香滑口感叉燒薄片軟腍；還有粟米、海帶、竹筍套餐還可另選一款小食自家製餃子🥟皮薄煎得香口，內裏包括豬肉、韮菜等。味道適中-🌟北海道南瓜炸薯餅 $50見隔離台食薯餅係咁話好食，我地又點左黎試下🤤薯餅的確炸得酥脆日本南瓜蓉結身味甘甜，質感挺軟綿剛剛炸起熱辣辣味道很棒跟吉列豬扒一樣，這份炸物沒有什麼油膩感👍🏻-🌟桃果汁酒$28-下雨天的即興晚餐大滿足🤡

餐廳位於荷李活廣場入邊三樓。6點零嚟到嗰時已經好多人，需要等候大約十分鐘獲安排入座。餐牌選擇好多，單單套餐已經有好幾款。見到餐單有二人餐幾抵食。199可以揀兩碗拉麵以及三个個小食。拉麵類別同埋小食選擇好多，齊有一款岩你口味。我揀咗個ankake拉麵，小食方面，揀左自家製餃子，吉列蝦，燒雞翼及燒完骨兩串。飲品點咗個提子酒。拉麵係麵豉湯底，好濃好香，夠曬大碗。拉麵好有咬口好煙韌，叉燒亦好入味唔會太肥。小食嘅分量亦好大，一碟有六隻。皮薄，肉汁香濃。吉列蝦外脆內軟，好新鮮。而串燒亦唔會燒得太濃，好香口。

約了日本動漫迷朋友，一定要食和食！每款都好吸引。晚餐set 好多選擇，唔一定食拉麵。吉列豬扒咖喱飯($59)配salad和miso soup，甘味的咖喱內有牛肉，豬扒炸得鬆脆，不油膩，十分經典的日式咖哩飯，做得好地道，cp值很高。燒雞翼及燒雞軟骨($45各2串)好抵食，燒雞軟骨不會很硬，陣陣雞味十分香，又脆又爽口。燒雞翼都好入味。網燒雪花牛扒定食($108)牛扒好大塊，肉質夠軟嫩，醬汁也不錯，很有質素。炸忌廉薯餅(晚市set加$25小食)炸得脆而不油腻，喜歡多椰菜絲，好新鮮，可以均衡飲食。

黎食晚餐炸雞塊奄列咖哩飯漢堡奄列咖哩飯賣相吸引！一個飯 有面豉湯同埋薯仔沙津薯仔沙津唔錯 細細碟唔滯 幾開胃而咖哩飯都好好食！蛋同咖哩絶配炸雞塊雖然係炸 但唔會炸到勁大舊粉果啲漢堡啲肉口感唔錯

又有新電影上映，入場前先找家拉麵店填飽肚子。幸好我們比較早到，不用等位。此店除了拉麵以外還有飯類選擇，$199二人餐配三款小食屬比較經濟的選擇。小食分別點了雞軟骨雞翼串燒、煎餃子和燒魷魚鬚。燒魷魚鬚十分惹味。一碟四串的串燒亦不錯，不會過於乾身。在餐牌上看到牛油拉麵是他們的招牌菜， 牛油在大碗的拉麵融化後味道不算突出，但另加牛油只需$5，也值得一試。友人則點了Ankake拉麵，據店員所知，主要是湯底上的分別，其他是以豬骨作湯底，而這款則以醬油配豬骨湯作湯底。友人對此拉麵評價不錯，兩款拉麵的麵質亦有咬口。

平時黎食野好多時都係食咖哩佢啲咖哩係典型日本咖哩好岩我呢啲唔食得辣既人食好惹味好岩送飯不過我今次係食蟹柳拉麵不得不讚佢拉麵彈牙 蟹柳鮮甜湯底夠濃 係繼咖哩飯之後既一個好選擇如果麵底可以多少少就好了

今日同阿媽去咗鑽石山探阿婆探完之後就行吓荷里活廣場之前都未行過呢個廣場原來都幾大而且都幾多嘢食所以我哋都諗咗好耐之後我哋見到有一間日本拉麵店嘅午市套餐好抵食所以就入咗去我同阿媽每人都叫咗個$69午市套餐包一碗拉麵同一個小食 同埋一杯野飲咁媽媽就揀咗個海鮮拉麵加鰻魚飯海鮮拉麵嘅餸都幾多 而且個湯都幾濃而鰻魚飯都燒得好香 我就叫左豚肉拉麵加雞軟骨個湯底同海鮮拉麵有啲唔同會清少少 依雞軟骨份量都幾多最後我哋都加咗個餃子個餃子啲皮都好薄 好味

過嚟鑽石山睇戲，離開場時間唔多，無時間慢慢揀～決定食由細食到大水準都保持到嘅札幌。招牌牛油拉麵配餃子$89見到一大塊牛油好有親切感，湯底係好熟悉嘅味道～有叉燒、粟米、海帶、蔥，第一次嚟唔知食乜嘅，叫呢個招牌實無錯跟餐揀左4隻餃子，飽晒～今時今日嘅物價，真係好抵食呀～陪朋友食拉麵，但我好想食飯～網燒牛扒定食$108估唔到牛扒咁高質，望落好似好熟，食落肉質嫩滑，完全唔鞋，中間帶粉紅，油脂豐富，個燒汁甜甜地加晒分，有食緊日本牛肉嘅感覺～串燒雞翼$35雞翼切開再燒，非常香口，雞皮脆卜卜嘅

今日同女友去荷李活廣場睇戲，睇完就揾野食，行左陣發現呢間拉麵店奇多人等，翻一翻餐牌覺得幾岩食，一於入去試下。好彩都唔係等好耐，我地七點來到已經滿座。燒魷魚筒賣相靚好香，遠遠已經聞到，食落口好有口感，值得推介。之後我點左燒鯖魚定成，條魚燒得好靚，食落juicy。飯、薯蓉同配菜份量都唔少，食完真係好飽。男友的草茹拉麵的份量可以，佢表示唔會食完好口渴好味精，所以唔錯下次黎我要食拉麵啊。呢款拉麵可以揀一款小食，我地選了煎餃子，咬落仲有汁的。兩個人食飽飽先$250，食物質素唔錯，可以再幫襯。

星期日無野做去鑽石山荷里活廣場行街，諗住搵間餐廳食lunch，竟然揾到有間好抵食既餐廳，“札幌拉麵Miso no.1"。餐廳最抵食係d套餐，佢地主打拉麵，仲有咖喱飯、定食等等。拉麵套餐 $69套餐已包括一碗拉麵再配一個小食，加幾蚊仲包括埋飲品，佢既拉麵同小食都有好多選擇，更有一款啱口味。因為我地貪心樣樣都想食，所以擇左個雜錦拉麵，有豬軟骨、豬肉、蟹柳、溫泉蛋等，餸菜豐富，而拉麵都唔錯，彈牙有咬口，d湯底如果濃郁d就更好。而小食就選擇左煎餃子，一碟有五隻，每隻都煎得香脆，沾埋醋就更好味。吉列豬扒蛋包飯套餐 $58尼個蛋包飯都幾有質素，份量又多，日式咖喱偏甜少辣，啱曬我口味，而吉列豬扒炸得金黃香脆，豬扒偏瘦但食落唔會覺得乾，配埋juicy既蛋包就正。套餐包埋一個薯仔沙律同麵豉湯，又係非常抵食。另外點套餐仲可以加$22 要小食，佢地既炸物十分唔錯，所以我地加點香脆魚柳同埋炸忌廉；魚柳同樣炸得金黃香脆，沾埋沙律醬最好味。炸忌廉外脆內嫩，仲有流心效果，推介既小食。整體離講“札幌拉麵”性價比十分高，荷里活廣場裡面既好選擇。

朋友在鑽石山附近返工，所以夜晚我們相約在鑽石山荷里活商場吃晚飯，餐廳門口好多人等位，所以我地都去食下。餐廳有定食，奄列咖哩飯，拉麵，最後我地點了$259套餐 兩款拉麵+4款小食+飲品自選2款落完單，食物好快送到，好有效率。招牌牛油拉麵湯底濃郁，但牛油味不太重，食完都唔覺油膩，麵份量剛剛好辛辣拉麵有辣肉碎，有少少辣，味道唔錯。小食枝豆炸魷魚圈即叫即炸，炸得金黃香脆，唔會炸到好硬。自家製餃子每次見到有餃子都會必點，因我太喜燒吃餃子了。燒雞軟骨2串&燒雞翼2串雞翼和雞軟骨用了少許鹽調味，加上檸檬汁，更加好味。

位於鑽石山荷里活廣場三樓，晚市時間都見到好多人黎食。見到招牌有個$259 二人套餐有齊4樣小食 2個主食 包埋2杯野飲一坐底就有兩杯熱茶。上菜速度好快，幾樣小食五分鐘內就齊曬。推薦：小食薯仔沙津酸酸甜甜嘅日式沙律前菜，夏天食好開胃，份量亦估唔到多！推薦：燒雞翼及燒雞軟骨相當有水準，好味又唔膩，而且燒得岩岩咬，唔會乾爭爭。推薦：鰻魚飯鰻魚飯調味嘅醬偏甜，十分開胃，撈飯一流！P.s. 套餐叫鰻魚飯要另外加$10 餃子外皮脆卜卜～好香口～招牌牛油拉麵，好少見！每一啖都有牛油香。整體黎講十分抵食，$259 試到沙律，串燒，煎餃，薯餅，仲包埋主食同兩杯野飲！份量亦算多，二人餐兩個人都好難食得曬！抵食之選。

小朋友又放暑假，襯得閒同佢地睇埸戲，但首先要填飽個肚先。嘩!元氣等成三十幾張枱，求其選間無甘多人既食，食完拿拿聲入埸睇戲。里間係等少D，但吾代表吾洗等，大約二十分中左右，終於到我們啦!一坐低，見到D menu甩皮甩骨如果我整爛，吾知洗吾洗賠🙄囡囡既鰻魚飯，飯多鰻魚都ok,但見到隻碗就吾開胃，好似想甩皮甘，我驚它入面都係甘，淨係夾飯面D鰻魚比個女食，D飯吾敢食，吾好怪我大驚小怪，果個係我個女，我吾試，有咩頭暈身慶，都吾知怪邊個跟餐既乾爭爭，好似燒完又燒，燒完又番燒甘跟餐既似係 微波爐叮既多過似燒灼過龍既毛豆你試過未？微燒，白曬曬旣多春魚食里餐飯，最滿意係里碗拉麵個湯底夠熱，個麵質带爽口，比出面好多拉麵店專業就係我們差吾多食完之制，門口有客人，大約有五位侍應企晒係廚房門口落單位，無人向門口方向行，(個 距離應該有三，四米遠)我係聽到有人問幾位亞，大约四至五次左右，門口既客人終於聽到啦，2位，最搞笑係同時間有两位侍應出聲，里邊亞，係囉一個指左，一個指右，想點亞最後有人講是但你地跟著我地埋單走人