札幌拉麵 Miso No.1 x 辛味屋

营业中

休息中

睇完戲已經八點幾九點，喺呢個商場搵嘢食，見到門口餐牌都幾吸引，有拉麵套餐，也有二人餐。店內環境都算闊落，有卡位，也有靠牆梳化位。點咗個晚市套餐，招牌牛油拉麵配煎餃子，另外一個燒鯖魚定食。個拉麵上枱時，塊牛油仲未溶，湯底濃香，有一塊日式叉燒，加一些昆布、粟米同筍，麵質爽口唔會太淋。個餃子都煎得好香口，可以沾一些醋吃，如果熱些會更好。燒鯖魚是即時製作，等咗大概十多分鐘便上菜，熱辣辣好大條，沾一些醬汁吃會更美味，配一碗白飯，都幾大碗，還有一個麵豉湯及薯蓉沙律，正常發揮，不錯。整體來說性價比算不錯。