札幌拉麵 Miso No.1

今日和朋友往荃灣札幌拉面食lunch, 我們點了便當自選午市套餐(照燒雞扒+漢堡扒配凍奶茶), 牛油拉面配串燒雞翼和熱lemon water。我吃便當自選午市套餐選了照燒雞扒和漢堡扒。照燒雞扒雞肉煎得乾身, 皮好香脆雞肉肉質鮮嫩, 食落惹味；漢堡扒肉質好腍, 食落啖啖肉, 配上特製醬汁食落醒胃, 飯食落軟綿好香, 便當除了照燒雞扒,漢堡扒和飯外, 還有椰菜絲和薯蓉, 椰菜絲食落新鮮爽口, 薯蓉食落好香滑, 食落美味, 整份便當材料豐富, 食物足料, 份量十足, 十分好味；凍奶茶茶味香濃, 飲落好香滑。餐廳座位舒適, 價錢合理, 食了一頓好味的日本便當午餐。

來過札幌拉麵好幾次，晚飯時段$198二人餐，自選兩碗拉麵和三款小食，拉麵店來說，選擇甚多，抵食！所以經常和波仔玩完，一家人就會過來開飯（笑）基本拉麵加蛋（要另加十元）蛋半隻，還要是烚蛋，所以我再來已經不會再點這款拉麵了（汗）沒有了蛋，就是札幌拉麵的「基本」拉麵。叉燒一片，香蔥，昆布，筍片，粟米，下單不消十分鐘就上桌，熱騰騰，冬天來吃就最合適不過了。我吃過的拉麵不多，也沒去過日本，札幌的拉麵是甚麼樣的口味，我就不知道了（笑）而這裡的札幌拉麵，湯底是味噌，我自己就覺得有日點點偏鹹，所以我很少將湯底全清。但湯掛到拉麵上，就差不多了。拉麵彈牙，附大量芽菜，口感就是煙韌和爽口一起，不錯的。老公不怕肥，會特意點這裡的名物牛油拉麵。我也會偷偷呷一口湯，加了一塊牛油後湯底濃郁得來帶點點牛油的甜味，感覺上是沒白味噌的鹹。不過礙於膽固醇理由，唉，我還是避免吃太過肥膩的東西啦...（苦笑）小食選擇超級多，我最喜歡點這裡的餃子。雖然是小食，份量一點都不吝嗇，一碟共六隻，外皮煎得香脆，推介！牛油炒香菇份量同樣大份，而且用料牛油炒，好香～炸南瓜薯餅甜甜的，就好像晚餐後的甜品。札幌拉麵這裡提供熱茶，和一般拉麵店只有

今天與朋友在荃新天地看電影，入場前，先到戲院附近的札幌拉麵 Miso No.1 ，來個快吃午餐。先吃小食，自家製餃子，皮薄香脆，不油不膩，蘸上餃子醬汁，十分滋味。串燒雞軟骨，燒得金黃，灑點七味粉，熱辣辣吃下，軟中帶韌，口感十足。燒多春魚，燒得很乾身，加上豐富的卜卜魚子，焦香酥脆。朋友吃的是牛肉咖哩烏冬，咖哩香氣四溢，湯底濃稠適中，彈牙的烏冬吸飽咖哩湯汁，配著份量十足的牛肉，以這個價錢，實在超值的美味。自己的鰻魚蓋飯，以日本米泡煮，口感軟綿，飯面鋪滿肥美的鰻魚，入口暖暖的甘香油潤。這裡的午市套餐，選擇不少、價錢相宜，加上份量十足，於午市過後，食客依然絡繹不絕。

又黎食札幌拉麵，貪佢地點好近西鐵站，商場玩完順便食埋野啦。時間尚早未多客，一黎到有枱唔使等，店員好快送上熱茶。睇左陣餐牌，決定叫二人餐$198有三款小食，感覺上較化算，哈哈。炒魷魚鬚嘩，即叫即炒熱辣辣㗎，用蒜片炒勁香，火候啱啱好唔韌，少少鹹好味。燒牛舌賣相有點古怪，哈，東一塊西一塊咁嘅？個牛舌都係即燒的，爽口有咬口，鹽燒好正。北海道南瓜炸薯餅同樣即叫即炸好熱唔油膩，甜甜地嘅南瓜加薯蓉好味又飽肚，賣相仲幾靚添。辛辣拉麵（+$10）朋友叫左辛辣麵，雖然同張圖相差多左啲，但個辣肉醬幾好味，麵條彈牙，湯就鹹左少少，都ok嘅，拉麵普遍都係偏鹹，咁先係風味。鰻魚飯（+$10）自己想食下飯要左鰻魚飯，半條size量都ok，飯多夠飽，鍾意甜甜嘅鰻魚汁撈飯，好味。如果用珍珠米更好，哈哈，定係札幌係用呢種米㗎？店員斟茶密密手，拉麵店好少有㗎，而且係比熱茶唔係冰水，啱我口味。

哈哈...黎札幌拉麵唔係食拉麵.....變左食便當~一入到去就坐低睇MEMU,,因為好趕...要1個鐘內番去公司~其實佢LUNCH都幾多野食架喎...本身諗住去係食拉麵...但見到有便當...又忍唔住嗌左...嗌左個炸雞便當...黎到時個人呆左...勁大個...但講緊都係59蚊...而家59蚊食個飯算抵架喇...碗飯真係超級大碗~跟住原來仲跟埋茶漬~湯....仲有SALAD~個雞好好味呀...應該話好入味....唔會炸到乾哂....又唔太咸...仲有佢原來會跟蛋黃醬架..我忍唔住都問佢拎左2兜~蛋黃醬真係點咩都咁好味~同埋完全冇諗到佢果到會有COT飲...重點佢地既COT係要好似茶記果D咁好味...要encore呀~呢間野..

本身都好喜愛食日式的拉麵，因為麵條有一種獨特的小麥香味，而且質感爽口彈牙，湯底豬骨味濃厚，而在日本，拉麵都因應唔同地區而分咗好多種唔同口味，博多拉麵，北海道拉麵等。今日就黎荃新天地二期試下出名的札幌拉麵。餐牌設有晚餐套餐選擇，有牛柳粒，鰻魚等的定食套餐，拉麵套餐可以一碗拉麵加一款小食，有燒雞翼，炸餃子，細叉燒飯等，價錢都係由70蚊至90蚊左右。海鮮拉麵，湯底係偏鹹咗少少的豬⻣湯，麵條係粗少少的黃色麵，煮得夠淋身，煙韌，有魷魚，兩隻大蝦小食揀咗串燒雞翼，有兩隻，每隻都切開咗一半再串起黎燒，燒得好乾身，香脆，值得一讚。

首推招牌牛油拉麵+細咖哩飯過左咖哩飯既口癮，咖哩香而不辣，非常惹味易入口拉麵是曲麵（帶湯效果不錯）湯底是白味噌，入口不澀，唔係死咸就吞果時先回陣味噌味重點係果塊牛油，將個湯既味道昇華，會令人停唔到

幫襯这店當然除了他的知名拉麵外，必要試即是他的串燒，包括我自己最愛的烧物，全部都是燒得香脆可口，加上這店的裝潢，很像在日本的地道拉麵小店，店長穿著日式和服招呼，拉麵師父頭繞日式頭巾，真令人感到在日本横J吃拉麵和小食的感覺。 而且價錢實惠，完全合符 一般 普羅大眾的消費。

每次想起要吃日式小食，就會想起札幌，幫襯他已不下2-30次，但是質素仍然能保持，尤其是那個炭烤雞翼、牛舌和多春魚，當然他的拉麵和其他小食也很值得推介，包括那個鮮蝦煎餃子和日式咖喱飯，除了幫襯她的晚飯，現在連午飯和下午茶，也到去捧場，因為更加抵食夾大件。

我有一段時間都冇食日本拉麵，今日行過荃新天地商場就入去食碗日式拉麵套餐作為今日午餐。招牌牛油拉麵：面底很彈牙，湯底亦很滋味，我足足飲了一大碗湯。這款拉麵有兩塊燒肉，但是如果燒肉可以多兩塊便會食得更加飽、更加充實。食這款拉麵是要先將牛油慢慢溶解在湯入面才進食，令到這碗拉麵充滿牛油味，食落便會更加滋味。串燒雞翼:有兩隻燒雞翼，要先把檸檬汁點在雞翼上之後才進食，這樣雞翼會更好味！每次幫襯餐廳都可以儲積分，然後可以用積分換現金卷午餐有多款不同嘅拉麵供選擇：

呢間兩三個星期我總會食一次，因為抵食又好味，每次都唔會失望，簡簡單單一個lunch又滿足的。今日阿女食左海鮮拉麵加雞翼，我就叫了一個雞翼鰻魚便當，鰻魚好飽滿多肉，鹽燒雞翼是我最喜歡既，燒得好香，味道啱啱好，仲好細心咁加左一角檸檬比你自己選擇加檸檬汁，雞翼加左檸檬汁特別好味。次次食都咁好味，真係好值得推介。重有佢既麵鼓湯，我都好鍾意，唔會太鹹，好正！一個l都算豐富既lunch,只需要$70多元，真係好抵

呢間店除左札幌既食物之外,仲有埋辛辣屋,我地入左之後仲以為札幌多左咁多野食, 原來係搞合作!店內比較大, 坐位正常, 都算舒服我覺得比較出色既係蛋包飯,主要原因係, 個蛋煮得好滑,連望圖都望得出! 汁同豬反而係正常, 米都係OK香!不過有D餐廳會幫米煮過汁整成第2d色既, 有制作過既米會特別好食!網燒牛味道濃既, 同埋香, 一般網燒都比較香嫁啦~口感小小硬, 日式定食咁既feel啦, 都係咩都有d.飯係珍珠米我比較中意食^^湯唔算太咸岩岩好, 算係不錯.鯛魚向來都好有營養, 佢整既湯會有好多膠原蛋白tim,不過煎就唔知啦XD , 魚香味唔錯既, 煎到金黃色! 份量有半條魚到啦~55$唔算貴.整體價錢不貴, 算係平民價~

好日唔來荃灣，原來由荃灣西去到荃灣東係非常之遠嘅一件事，有荃新天地一期行到去荃新天地2期都已經足足行左我15分鐘。但係冇計啦，話要去玩遊戲喎。如果放假要來行街我諗足足要兩日先至會行得晒，真係夠唒消磨。雖然個名就叫做札幌拉麵，但係唔好以為佢淨係有拉麵食，除咗拉麵之外佢仲會有其他嘅飯餐有魚，有牛肉都會有豬肉。而且佢啲套餐都會跟一個面豉湯同白飯。今日就叫左個蒜蓉牛柳粒餐。其實除咗牛柳粒之外仲可以揀原件嘅牛扒，但係我個人就比較鍾意食啲細細粒嘅牛肉，覺得咁樣煮就會入味啲，同埋肉嫩d。果然呢到的味道做得不錯，合格有餘。另外就叫左一個最普通的叉燒拉麵，最普通的係最好食嘅。 呢度嘅豬骨湯拉麵味道唔算話好濃，但係會有淡淡的豬骨湯嘅清香，啱晒啲口味比較淡嘅人。跟餐加少少錢就可以有埋個小食，小食非常之特別，就係中式嘅韭菜炒豬潤。竟然可以係日本餐廳度食到非常之特別，味道又不錯。下次如果經過呢一度行街又或者玩嘅時候係呢一度食返個輕便嘅午餐又或者晚餐其實都唔錯。

和朋友相約到荃新天地逛街，逛到有點累就想起這裏有一間日本餐廳札幌向來名氣不錯，以前我食過都覺得挺有心思製作 午飯價錢不貴每人一杯茶，坐下來一邊飲一邊等食物我點的是豬軟骨拉麵 老實說真的有點失望，湯底是不錯的，但是豬軟骨不滑，沒有粘粘的感覺就已經沒有意思...朋友點的是咖喱豬扒烏冬，他說味道不錯，而且豬扒份量很多哦！！我的小食是餃子....又是失望，是溫的不是熱的...或者可以再一次機會...但不會是短期內

今晚約咗朋友喺荃灣商場拎野，順便食埋晚飯，由於朋友最後會搭西鐵返屋企，所以我哋選擇左一間係西鐵附近嘅商場度食朋友想食日本野，發現呢間拉麵店比較多人排隊應該不錯，所以我哋決定等一等，原來呢間餐廳同佢隔離嘅咖哩屋係同一個集團，所以兩邊餐廳嘅食物都可以選擇，唔怪之得有咁多人排隊入去之後我哋就選擇左食呢個豪華二人套餐，貪佢選擇多，份量亦都好多首先我選擇咗加錢叫呢個雜錦拉麵，湯底好香濃但唔算係好杰身，配料好足而且叉燒同埋豬軟骨整得好淋，不錯另外煎餃子表皮好香脆，就算放得耐左都唔會好硬，不過肉汁唔算多另外呢個蒜片牛肉粒，蒜蓉味好香，而且牛肉唔鞋口，份量亦都不少最後想讚一讚呢個炸蝦，佢外面個脆漿感覺好鬆化，而且蝦都算大隻，算新鮮不錯