札幌拉麵 Miso No.1

今日去搵朋友食飯，近近地citywalk食札幌拉麵。星期日既關係都幾多人等位，等咗大概半小時，餐廳服務人員殷勤有禮👍🏻打開餐牌，晚餐勁多選擇，我哋一人揀咗一個晚餐我揀左個炸雞肉定食，有麵豉湯，沙津炸雞外層香脆，肉質嫰滑，配以大量鮮甜椰菜絲做沙律，即是冇咁熱氣好好👍🏻朋友叫左晚市自選套餐--肥牛拉麵，豬骨湯底香濃，面底都幾彈，牛肉肥瘦適中。跟雞翼做小食，雞翼炸得脆身，不錯咁多款式揀，都確實係開飯既好選擇👍🏻

據說，札幌拉麵以味噌口味為特徵。而札幌拉麵好像有點兒復甦的跡象，以前經過，好像人流不多，這天再看看，反而旁邊的米線店也給它吞併了，現在還有其他咖喱飯提供。好像很久也沒有試過札幌拉麵，札幌拉麵所使用的是味噌湯底，本人比較少主動去吃這一種湯底的拉麵，大多數時候都是吃豚骨，又或者黑蒜、魚湯拉麵，這次試試味噌的味道。對味噌不熟悉的程度，是甚至乎不知有「口」字邊「曾」字旁的噌字😆。感覺看到拉麵的碗子，好像大角咀的小林拉麵的碗子，都是用比較大的圓碗。拉麵的麵條，雖然看起來好像是麵餅，但是看過師傅在廚房裏邊，用手執起一箸麵條，感覺還好，起碼不像整個麵餅，就咁放落湯煮就是。無論是豬軟骨，或是牛肉，味道也不錯，我的豬軟骨，起碼有四五件，體積也不小，而且軟骨的確非常之遠林，幾臻化境，童叟無欺。麵條比起即食麵的粗少少，不像即食麵那麼軟林林沒有彈力，吸湯能力也還好。拉麵配熟蛋，感覺好像比較普通，因為全熟蛋，其實個個都懂得弄，沒有什麼功架可以，但是札幌拉麵，就是這種模式。一個拉麵可選配一款小食，還可以選擇咖喱飯，好像以前小時候到油麻地的「橫綱拉麵」一般，現在的拉麵店好像已經不多這類選擇🤔。但是由於不想太肚餓，我

是日到荃灣閒逛，友人話不如吃碗拉麵門口已經人頭擁擁等咗一陣就安排坐bar 枱，可以欣賞師傅煮面技術先嚟一客餃子，拉麵最好嘅朋友就係餃子呢道餃子煎得好香，餡料份量適量，唔錯友人點了燒雞翼，味道唔錯，燒完都唔覺太乾我點了牛肉拉麵，牛肉份量好多，多到好似食牛肉飯咁拉麵第一口一定係飲湯湯底係濃濃嘅味噌味食味噌拉麵，呢間一定係首選，好多拉麵店舖都主打魚介，豬骨，醬油，唯得呢間堅持，實屬難得友人的豬軟骨拉麵，份量也大另點了炸忌廉值得一提，坐bar枱可以見到師傅會磅味噌嘅重量誠意可加

呢排好多時都係荃灣做嘢，自然多咗地方周圍搵食，不過最近都幾熱，中午又冇胃口，係街邊食又好熱又出汗，都係去商場食肆開餐又涼爽又唔怕曬太陽，是日又去咗荃新天地二期呢間日式拉麵開飯。呢度午餐都有好多選擇，有午市之自選套餐，精選套餐，午市套餐，午市定食，奄列，加喱，蓋飯同烏冬套餐，真係睇到眼花花，最後點咗午市之自選套餐。係雜錦拉麵同一款小食鰻魚飯，同埋一杯凍檸茶。先來小食係鰻魚飯，鰻魚面已有醬汁，至於肉質鬆軟香濃，但鰻魚唔夠熱辣辣，有D凍之後係雜錦拉麵，配料有叉燒&豬軟骨&蟹柳&半隻熟蛋同昆布。先飲啖湯，味道唔算太濃，再來係豬軟骨肉質鬆軟又嫩滑，其次到叉燒肉唔夠肥廋咗D味道適中，到拉麵麵質彈牙爽口，整體來說還可以，轉頭又食完繼續開工

天氣炎熱 真係好唔想食飯 今日決定食拉麵晏就同同事去左札幌食午餐 幾抵食喎一大碗拉麵加小食 都係$68起我地㨂左餐廳熱選嘅豬軟骨拉麵同牛肉拉麵先黎前菜 蟹子沙律同煎餃子沙津嘅醬汁唔算好多 凍凍地岩晒炎炎夏日再黎我每次必叫嘅煎餃子 薄薄嘅皮包住豬肉 再煎得脆脆的 好好味跟手我個豬軟骨拉麵來了 隻碗大個塊面湯底唔算太濃味 感覺味精較少 唔錯豬軟骨軟林 都有成4-5舊 份量都幾多重有同事嘅牛肉拉麵 味道都唔錯喎而且拉麵煮得岩岩好 保持彈牙 正

就喺附近食返餐飯先返屋企，見到呢度選擇幾多，主菜小食樣樣有！二人餐或者一人餐都有。炸魷魚圈好香口，脆卜卜！蟹籽沙律都好新鮮！爽又甜！炸墨魚餅都好煙煙韌韌，有淡淡的墨魚味。呢度有兩份，份量好多！燒魷魚鬚好香又惹味！主菜我哋要咗一個鰻魚飯，鰻魚肥美，沾上醬汁甜甜地唔錯！飯亦都夠晒煙韌，粒粒分明。燒雞泡魚干好惹味好香！唔會好似出面咁過硬。另外我哋仲叫咗個豬軟骨拉麵，豬軟骨非常之林而且仲好入味！拉麵我覺得就一般，唔太特別。不過好在都幾多配菜，粟米，紫菜，雞蛋等都幾好食。我哋仲叫咗個牛肉鍋，份量十分之多！湯底清甜。

想食埋野先返家，在商場轉了一圈決定食拉麵，此店除了單點，亦有一人套餐，二人套餐等，價錢亦有好幾set，就看看要吃多少款小食了。細閱餐牌之時，店員送上熱茶，正好解解口渴。左揀右揀，決定叫一個（$198）的二人餐，兩個主食配三款小食，主食可選飯或拉麵，小食也有數十款，哈哈，選擇困難症啊。第一個小食揀了煎餃子，一碟有六隻，皮薄餡多又煎得香脆，好味。第二個揀了串燒雞翼加雞軟骨，雞翼的雞皮燒得十分香脆，雞軟骨有咬口口感十足，兩樣都好味。最後一款揀了燒魷魚鬚，加了蒜片和醬油，調味幾正又大碟。朋友點了雜錦拉麵（+$15），顧名思義就係咩都有啲啦，一片叉燒，豬軟骨，蟹柳，同其他配菜，味道不錯的，只可惜不是溏心蛋。自己點了泡菜拉麵（+$10），一大堆泡菜爽口帶微辣，酸酸地很對胃。麵條用的是黃色曲麵，吸了湯汁亦沒過淋，很彈牙。叉燒薄切軟腍，欠缺口感。湯底是味噌湯，雖沒有豬骨湯底的豐厚油脂，但味道仍是很濃稠，差不多將湯喝光呢。雖然係連鎖店，但味道也不差，二百多元兩個人食飽飽，價錢抵吃。

睇戲前當然要醫肚，見門面有大大塊menu，晚市套餐價錢實惠，除了拉麵，還有咖哩飯、定食等等，就入去食晚餐。晚市套餐有拉麵系列、奄列咖哩飯系列、定食，還有幾款二人餐選擇 ，而小食都有十幾款。我同朋友點了拉麵套餐及奄列咖哩飯套餐，再加多個燒魷魚筒，可選鹽燒或醬燒。雜錦拉麵套餐 $88，可揀一款小食，點了雞軟骨。拉麵不算好熱，暖而溫和，雜錦有齊三款配料，有豬軟骨、蟹棒、叉燒等，海帶份量頗多，粟米粒和半隻熟蛋。湯底有濃濃味噌咸香，拉麵有彈性好順滑，偏軟身好易咬。豬軟骨頗入味，十分嫩腍有肉感；叉燒薄切較硬身，肉味不算太突出。熟蛋如果是半熟更美味。小食配雞軟骨，份量有三串，好脆好有咬感，食完想配啤酒的香口小食。吉列豬扒奄列咖喱飯定食 $66，有薯仔沙律及味噌湯。薯仔沙律夠凍又質感綿軟，味道好。味噌湯味道一般，有點跟拉麵湯底一樣，但當然比拉麵的湯較清淡。吉列豬扒超正，保持香脆口感，炸皮平均厚度適中，豬扒炸得不乾，肉質鬆化有彈性，而且好大塊，兩人分享都足夠。奄列蛋做得可以更好，雖然似煎蛋，但面層仍有滑蛋狀態，所以都做得不錯，蛋份量再多點會更好。米飯是飽滿軟糯的珍珠米。加了 $25 要炸忌廉餅，忌廉好軟

周末同屋企人一家大小嚟到荃灣逛街，大家對晚餐嘅意見都有分歧，一半人想食日本菜，另一半人又想食中菜，咁岩經過呢一間札幌拉麵見到食物選擇好多，價錢仲要十分相宜，就決定試一試！呢度嘅套餐平均每人只係＄100多少少，有飯有小食！我哋要咗一個蟹籽沙律，好新鮮鮮甜，蟹籽脆卜卜！生菜新鮮爽脆！呢度嘅串燒亦不錯！雞翼外脆內軟，皮燒得好薄好脆！另外雞軟骨亦都好惹味！滑蛋吉列豬扒飯十分之多滑蛋！好甜又滑，豬扒炸得鬆脆！但略略嫌豬扒本身味道不足，還好滑蛋和吉列外皮夠味！增加整體分數！嚟到呢度一定食返一碗拉麵，我哋要咗蟹腳拉麵，蟹腳一絲絲帶甜！拉麵雖然不太彈牙但有韌度，湯底味噌味好濃！原來呢度除左飯同拉麵外，仲有牛肉鍋！份量亦大！湯底好甜！而且材料好多好豐富！豆腐，金菇，粉，蘿蔔蔬菜等配料！食完之後整體感覺都唔錯， 而且價錢好相宜，食物選擇多而且服務又唔錯！一定會再來。

星期日同屋企人睇完戲搵地方食飯，喺荃新天地二期搵到呢間拉麵店， 喺門口見到個餐牌，個價錢都幾合理， 於是就入去試下 ，等咗一陣間就有位啦。套餐選擇都好多， 而且價錢一啲都唔貴， 如果有六個人以上， 差唔多樣樣都可以試到日式火鍋種類都唔少人少嘅話散叫都唔錯散叫套餐種類亦都好多牛肉壽喜燒鍋定食連一碗白飯或者一碗烏冬 72蚊 抵食鰻魚飯，如果啲汁可以濃少少同多啲就更加理想拉麵湯底還可以，麵質都ok滑蛋豬扒飯味道都還可以燒雞翼同雞軟骨，味道比較淡啲炸魷魚圈味道一般今次一家六口嚟食，雖然嗌咗兩個套餐同埋加咗啲小食，但係埋單都係唔使六百蚊，以呢個價錢我覺得可以， 同埋啲店務員服務態度都幾好

星期日晏就同妹妹食, 但札幌本店冇位 咁個帶位姐姐就帶左我地去隔離辛味屋度坐. 咁我唔明佢個午市套餐點套法（因為平時我食下午茶餐的） 呀落單妹妹態度極差 我完全唔明（sor for蠢）又唔覆單咁叫錯左我就當然就叫佢改嫁啦 佢就態度欠友善本人都係從事服務業 想同落單果位態度欠佳既妹妹講 如果你唔想人改單而令你做多左野就唔該態度好d咁覆一覆單 同解釋下你地個餐牌 其實你地辛味屋個場未滿嫁你唔洗咁趕🙄🙄 但公道d講, 係辛味屋既侍應有問題同札幌拉麵冇關既！札幌本店既呀姐全部都好好既 就算我係一個人去食下午茶都好 呀姐都好好招呼既食物質素一如既往咁好

大年初五同女朋友去睇戲，經過呢間拉麵店，就做白老鼠試下，因為去日本食過好多地道拉面，所以知拉面湯底最緊要，門口無人接代， 入到去安排坐卡位，叫左兩個拉麵餐，加左餃子及雞亦，不過餃子真係差D好容易散，個雞亦太乾了無味、而拉面湯底一般般有D苦味，不過可能我叫辣湯啦，坐住都幾舒服，$200消費不過不失啦

果日睇完戲夜夜地，好彩見到有間拉麵仲味收，環境唔錯都坐得幾舒服，叫左個豬骨拉麵。店員推介左個自家製日式餃子。先講講個豬骨拉麵先啦，我就覺得佢個豬骨係幾好食，入晒味又唔會咬唔到，個湯底就正常，係香港真係食唔到係日本食野湯底個拉麵應該都唔係手打既。到個自家製日式餃子，一食就知真係自家製，皮係夠薄既，入面都係豬肉同菜，亦都唔會食到有雪味，但係大力少少就會散開，整體黎講都係好味既都諗住過兩日放工去試下其他菜式

自早幾年拉麵擂台開始，在香港好似越來越多拉麵專門店開了。尤其一蘭開後，更加多只賣拉麵，不賣別的專門店。但這類專門店真係無套餐的，師傅也是專門做拉麵，一碗要$100左右也是十分普通的價錢。吃過一蘭，黑虎等老實說是好吃的，至少比很多非專門的好吃，要價貴當然也有他的理由。但有時過下口癮，同友人談談天，還是普通餐廳式的招呼較來得自在。到了荃灣買東西，選了一間札榥拉麵來吃，有套餐跟小食，餐飲，價錢也不貴。除了拉麵，也有定食，照顧不同需要。友人要了海鮮拉麵，浪子要了豬肉拉麵(奇怪不用豚肉/叉燒這類名字)。還可以跟兩個小食，要了雞軟骨和雞翼。先來小食，雞軟骨三串，非常椒鹽，味道咬口都不錯。散叫正常都收$20樓上雞翼較淡，非常乾身，像雞肉乾的材質，但不太燶，算合格。海鮮拉麵和豬肉拉麵的湯底是不同的。海鮮是較鮮味，豬肉是味噌湯一類。拉麵是硬身，彈牙的，非常大的份量。海鮮拉麵的配菜較多蔬菜，海鮮有蝦有魷魚等。豬肉拉麵則較鹹，湯也明顯較濃，配菜為昆布。以$68左右的價錢，有齊餐飲，拉麵和小食，非常抵食。而且這兒的拉麵並不遜色於一些拉麵專門店，但價錢卻便宜約4成左右。坐位十分寬闊，服務也不錯，主動加水，收碟都

終於又可以和另一半約會了, 等了很久我選擇去荃灣的原因是比較近她的家, 想了想決定在荃新天地覓食,又要用法寶 - 上開網發現札幌拉麵 Miso No.1的名字，很多人都覺得抵食味道又不差的, 而且亦有二人餐, 型式和其他拉麵店差不多, 所以我倆就試一試餐廳裝飾簡樸，有拉麵店的氣氛，看一看餐牌, 二人餐$198, 可選二款指定拉麵加三款小食, 款式亦算很多，我倆就點這個了!點二人餐有個好處: 選擇困難症可得到治療在精巧的柸茶是燙燙的，第一已給我們有個好印象，第二在用餐中經常為我們添加, 是十分難得，服務員很親切有禮第一款小食是牛油炒磨菇，有很香牛油味, 十分開胃, 我本人十分喜歡第二款小食是炸油魚圈，感覺不會多油, 沾上特製燒汁，亦美味可囗第三款小食是日式煎較子，味道亦不俗, 一客六隻, 份量不選少而拉麵我自己選擇了泡菜拉麵，拉麵是配濃郁的味噌湯底, 麵質爽口，碗麵整體不錯, 味噌湯底我倆很快吃得很飽而另一半點的是豬軟骨拉麵，同樣是配味噌湯底, 我也品嘗了一囗豬軟骨, 十分鬆軟, 不過不算太熱，可能另一半不太習慣吃味噌湯底的, 所以她覺得在其他吃的好像比較好，不過她也全碗吃光豐富美味的