有骨氣海鮮酒家 (已結業)

第一次來有骨氣，本來打算吃小菜，後來因為要等朋友便改吃火鍋，邊食邊等，試了招牌豬骨煲，味道不錯，吃完也不覺得很口渴，應該沒有太多味精。還有很多特別的湯底，好像冬瓜盅、羅宋湯等，有機會要試試看。火鍋配料中，最好吃的是墨魚丸，新鮮彈牙，很好吃！灌湯小籠包則不大欣賞，還是喜歡放在蒸籠的小籠包，那才切合身份啊！

星期五晚去有骨氣食飯,見到陳松齡,佢哋好似都有幾多人食飯!今次係我第五次去有骨氣食飯,第四次見到明星!對比舊鋪,我會推介班朋友去新的那間,因為坐得好舒服!不過我就覺得舊鋪啲房有埋洗手間好啲,都唔明新鋪點解唔整手間~

6 August 2004, 9pm10人邊爐生日會, 暴食. 小菜只叫了椒鹽粟米同埋冰鎮芥蘭, 芥蘭好食, 但係唔值$60 lor =_= 邊爐牛肉好得, 新鮮, 隊了兩大碟, 水晶叉燒包同奶皇包又encore o左一次. service 好好, 非常醒目, 環境幾好, 坐得比鵝鏡橋底果間分店舒服. 另叫飲料大量(呢度有大罐裝Asahi) 唯一唔好係漏o左我訂o既壽包lor 埋單$1700

食中菜就係鍾意佢夠熱辣辣，呢度的中菜確係碟碟夠熱夠香味！其實在他們的舊鋪已經試過火鍋，覺得佢真係幾有噱頭，試埋他們的中菜都覺得幾好。當日我的老外朋友直頭食到嘩嘩聲！當日老外朋友生日，佢無帶passport出街，不過同經理講完之後，求其出示咗長學生證都一樣有壽飽送，都算幾有人情味（因為原來要預訂的！）。而且個飽真係好大，基本上飽到食唔落，不過有得送當然開心啦！對比之下，我覺得有骨氣的食品水準比起金X船同x星的質素的確為高，而且價錢都尚可。最梗要係有房仔可以望馬場，真係好鬼靚！唯一可以講的，就話個地點唔多就腳，時代行過來都差不多十分鐘，好在當日唔熱，否則係冒煙嘞！

30/7同小熊行完街街六點幾來到,門面係幾豪華,但一入到電梯就覺得有d怪怪,我地上到7樓,原來一層唔係好大,都可以遠望馬場景,我地叫了2人套餐$280:日茱牛柳,紅炆雙菇,金湯海皇翅-這三樣都ok,鎮江排骨-好味,不過佢併個兩件南瓜就麻麻,白灼芥蘭-好玩唔好食好硬,因為個樣實在太吸引台台都中曬蕉叫來食,豬骨湯魚茸麵-食了一口,嘩好難食放棄,奶皇西米焗布甸-最好味,環境服務都唔錯,整體質數我覺得好過金龍船,鴻星啦,小熊就話今朝食的滿貫廳好d,埋單加一連tips$350

相信此食肆仍在裝修中，因見到外棚未拆！其實它好像是位於犘理臣山道，（以前好似是德興酒家？）我覺得食物幾好，幾有質素，不過略嫌款式不夠多！但地方真是幾好，夠大又豪華，可以同利舞台間客家好棧有得比，而且位與位之間夠寬敞，又沒有搭台！幾好，唔錯！

每款點心都ok,唔算太特別好食.但要試三式腸粉,一碟裹面有牛肉,bbq pork,竹笙雞絲.一次過試三種口味!!點心只有20款,算少.3個人要$256有D貴!!

究竟是在西環,還是在灣仔?(By Editor : It should be in the Happy Valley )

價錢偏高,但材料足,豬骨煲夠晒豬骨,火鍋料夠特別,可以一試..注意:CITIB(XX)K VISA找數有DISCOUNT