有骨氣海鮮酒家 (已結業)

一行三人慕名而來，被安排坐在一樓靠窗的位置，頗近樓梯出入口，還好當天星期一，人流不算太多。坐下後首先發覺面放的不是嵌入式的電爐，而是一般家庭用入樽式的gas爐，但詢問過侍應，別無他選，說全店都是選用這些爐具。我們三位女士要吃得清淡，order了一個$98的木瓜魚湯底，湯好清甜且一點腥味都沒有，如鍋底乾水仍會不斷加魚湯，內還有多片勁甜木瓜。食品點了蟹粉小籠飽、奶黃水晶飽、炸魚皮、鮮牛滑、手唧魚肉麵、皇帝菜、芋頭片、山水豆腐(夠哂清淡)。為保留魚湯底不會太油膩，刻意不叫肥牛；鮮牛滑及魚肉麵非常彈牙且有口感，小籠飽$12/隻但好好味，打邊爐落水晶包好得意，奶黃好滑又不太甜；其餘食物不是太特別但都是我們的致愛，甜品是木瓜雪耳糖水，免費的，當然不夠喉……最後再徒步去波斯富街的義順食埋薑汁奶加紅豆，唔…飽飽回家去了!

星期六，是與波友一年一度的聚餐，有人提議來這裡打邊爐，兼睇波。原以為週未晚幾難訂位，但可能呢度有幾層，地方大，星期五才打電話來，訂兩圍向著大電視的大檯都無問題。安排了在二樓，大家拖男帶女，是坐足兩圍有多。呢度裝修新淨，每個廳都有幾部電視，在任何角度都睇到，我們到正的那部有是超大的plasma，可以播有線，一路火窩一路睇頭場利物浦對修咸頓，幾掂。﹝結果利物蒲竟然給支排尾二的球隊趙低，仲全無還手之力，認真離X譜！﹞兩檯人各自叫，次次都揀豬骨湯底，今次就要冬蔭公窩加牛尾窩。冬蔭公窩辣辣地，落足香料，幾好味道。牛尾窩相比之下就淡味一點，如果牛尾可以多一點就更佳。在火窩的後段渴過兩個湯底，都甜美；由於有最低消費，叫少了也沒著數，加上在座個個是重量級人馬，所以大部份時間都維持成檯係食物。火窩料新鮮，但碟頭較少，一般要叫兩至三碟才可夠一圍人吃，熱門如肥牛的更是叫了七碟！肥牛有三款，一分錢一分貨，如終係最貴的有骨氣肥牛最正，雪花紋最多，稍一滾就吃得。但價錢唔平，要一百蚊一碟，成十蚊一片的；蠔反而一般，不夠肥美又不夠大隻；鱔片亦然，也是普通；手唧的魚蓉麵及牛肉麵當然好玩，味道方面以牛肉麵好一點，有口感又

嚟過有骨氣幾次，第一、二次都响銅鑼灣店，第四次係呢度剛剛開（夏天），第五次來再試中菜，第六次係食尖沙咀。最近兩次又來這裏吃。老實講，呢度啲嘢真係幾得，尤其是嗰時响銅鑼灣店，睇佢細細間，以為無乜招呼，點知服務好鬼好；又以佢只係買普通火鍋，點知又比佢整個冬瓜盅火鍋，同甚麼叉燒包、奶皇包，真係好鬼開心！今次食的依然係豬骨煲，豬骨仍然有筋、有肉，湯底亦無偷工減料。次推介皇帝菜、牛頸脊、有骨氣肥牛、糯米包、竹笙蝦卷。皇帝菜個樣好鬼靚仔，食落味似唐萵，條莖就係西洋菜爽爽的。牛頸脊則牛味重，肉較靭，有骨氣肥牛則爽滑。糯米包好易食飽人，而且個皮好烟靭，提議灼佢兩至三分鐘就可以，灼過久反而會爆皮。竹笙蝦卷唔係新嘢，但次次嚟都要叫，因為竹笙好吸湯味，又夠爽，裏面蝦肉就勁甜。不過呢兩日可能凍咗，我哋無Book位，嚟到都要等成十五分鐘；佢哋個知客話已經開到上十樓，我問佢：係咪真係咁多人呀？點知最後就係安排上咗十樓，果度個Feel唔知點解同下邊唔同，好似仲高級啲咁喎！

尋晚同老公+佢兩位朋友，一行四人去打邊爐。我地坐二樓吸煙區，都幾舒服，甘好彩無乜人食煙。o的湯底同食物好特別，係我地向其他地方打邊爐好少食到，好多都好想試！我地叫左：冬瓜盅湯底：有waiter serve，因為湯滾之後要飲左湯，然後先放食物。好好味，好清！waiter哥哥之後幫我地起冬瓜肉，service非常好！水晶叉燒飽：好味，好流沙，不過小心燙傷條，因為好熱。水晶奶黃飽：好味，唔好「6」甘耐，好易穿。菜餃：料足。西洋菜餃：ok，無乜特別。有骨氣肥牛：好食，唔係好肥。坑腩：唔鍾意，比較韌。蔗蝦：好味，條蔗都幾甜。蟹蚶：ok唔錯。本地生蠔：好新鮮，非常好味，可能我呢期好喜生蠔熟食。涼瓜：好新鮮，都係唔好淥甘耐，好易黃。魚唇：好似魚雲甘，我唔識食，不過老公就食得好開心。魚蓉面：手唧，好得意，唧極都仲有。小蘢飽：無乜特別。鮮蝦豆苗餃：唔係成日有，皮薄，好味。差唔多喇！point to notice：佢o的辣椒真係好辣，唔好落太多。仲有，最好叫waiter上左個湯先，因為我地o的食物來先，要等個湯，有少少唔開心。因為我地都叫０的幾貴既食物，所以埋單要$840（citibank credit

琴晚一家人去火鍋, 食到我火都黎! d 服務員的態度衰到冇人有! 一去到我叫佢開茶, 佢就話"12蚊一位啵", 雖然佢都係想講清楚, 不過d態度就真係唔多掂, 好似我會冇錢比咁. 後來佢囉左壺茶黎,但係佢又唔比杯...叫左幾次先囉比我地...咁都算喇..最火起就係無啦啦囉左一碟野過黎, 我唔知係咩野...因為未見過..(後來知道係新鮮淮山), 我即刻問佢呢碟係咩呀, 我冇叫過喎. 個服務員居然答"我都唔知係咩呀, 不過你應該有order 過喎" 跟住就走開左. 你話呢d咁o既人點可以做服務行業!我本來都好喜歡有骨氣(總店), 都去左幾年, 今次之後你請我都唔去呀!

本人覺得去一度食野...食物ge質素當然係重要....但其實嗰度ge環境都係好重要的...即使野食有幾好味...但係附近污污穢穢,很迫,很嘈的話....我寧願唔食....但係有骨氣嗰度我就覺得食得幾舒服...嗰晚我坐係7樓window位...望出去就係成個馬場..感覺真的不錯...而且小菜really not bad...specially 嗰燒魚雲好香, 好惹味....仲有...特別一讚的係個洗手間...十分乾淨....而且冷氣十足...唯一有樣野可改進的...就係份量可多返喲就會更加perfect....give it a try....

我地呢班死窮鬼為了幫朋友祝生日,不惜比多d錢來這有免費壽包的食肆,原本都想吃火鍋,但都係覺得人太多,還是叫中菜比較好,但是又有人想吃火鍋(因為沒有朋友試過在這裏吃,我們都是住在屯門的,慘),所以問了有沒有得吃兩樣,他們說可以.我們叫了citibank十二人餐,2,380未加一,因為我們有十五人,所以加了豆付粒,冰灼芥蘭.最後沒有叫火鍋,因為這樣吃好像便宜一點.仲加送壽包做甜品最好吃的有陳年花彫蒸花蟹,鵝肝片皮雞.本人覺得蟹多一點會心較好,每人得少少,想吃多一些都沒有,但好香好好味.片皮雞都好入味,鵝肝又夠香,好得意.冰灼芥蘭是真的很漂亮,不過吃下來又沒甚麼特別,只是又脆又甜,加埋乾冰效果,女孩子會比較喜歡.豆付粒真是幾得,不過不知是否太多人,一人只係配給兩粒咁大把,小食多知味吧?不過茶錢就真係好擺命,成十五元(連小食,但另收加一),十五人單是茶錢已經二百幾.所以我們全部人沒有叫汽水,齋喝茶,勁飲tim!可以說這次的食物的確是十分高品質,但係價錢都是偏高,當是一個高級的享受也不錯,最好當然是平一點,所以下次去他們的銅鑼灣店可能會平一點,因為友人說他們那裏的裝修比較像地踎!

星期六來這裏吃飯, 訂了座, 依然要等, 好多人又好塞人, 不過都食得好開心, 因為我們一家坐七樓近window, 個境好靚, 食物方面, 點了片皮雞乙隻, 星洲炒蝦球, 火山石燒魚雲, 豆付粒, 炸玉米同例湯.例湯好好飲, 好甜, 一定無味精(因為本人的嘴一吃/飲味精即會變孖潤腸, 已經問過經理, 他說一定沒味精), 又濃, 好過媽咪的湯! 我覺得好值得推介.燒魚雲好香, 好惹味, 一開蓋還有很重的蒜味, 魚頭不腥, 肉也滑滑的, 本來不吃魚頭的我也吃了不少.炸玉米雖然都要三十二元,但粒粒都炸過, 又不油膩, 甜甜脆脆, 吃下來很舒服, 不會"確"喉.片皮雞是貴了一點, 不過勝在蟹粉勁多, 炸子雞亦做到皮脆肉嫩, 顏色亦做到一流, 令人未吃已經食指大動.豆付粒可說是完美, 椒鹽不太咸, 夠香, 夠脆, 又大碟, 抵吃, 放得耐了又不會林哂, 好得.星洲沙蝦球似星洲沙米的蝦球, 辣辣的, 惹味!下次才會試citibank套餐, 因為都幾多人吃, 可能平?

與友人一行八人在此開餐, 因其中一人為壽星仔. 每人更有一個壽包贈送.叫左一檯面的火料, 肥牛, 手打墨魚丸, 蝦丸等都走唔甩, 令更點了糯米包, 奶皇水晶包等特式火料. 估唔到水晶包不太甜, 淥過後表面有丁點兒的咸, 味道卻又夾得來, 這個cross-over的作品值得一試. 另外個豬骨湯底亦不賴, 有蘿白, 粟米等, 湯底吸收了肉的鮮和粟米的甜, 很美味, 朋友建議先喝一碗, 再吃吃豬骨, 已飽了一半呢!! 其他材料亦算新鮮, 丸類咬下去亦算彈牙, 對我這丸類愛好者就真的無法抗拒呢!!最後係拳頭般大的壽包, 賣相很好, 加上個餡唔會好甜, 再加埋個有少少漏油的咸旦黃, 又點忍口呢??服務亦唔錯, 加湯, 加水, 拍照全無問題. 因用花旗銀行信埋單, 忘記了有八折還是八五折, 每人平均$150, 會再去!!

飲茶就去過幾次, 今晚第一次去打邊爐, 雖然唔收茶錢, 但是一碗豉油, 一碟棘椒, 一碟胡椒碎, 收每位$15... 我地5位就收了$75... 一共5碗豉油, 一碟棘椒, 一碟胡椒碎!食物有花巧, 但是味道普通, 份量又細, 有骨氣肥牛, $100, 屬於不夠水準, 牛肉少, 牛質粗糙又不肥, 手揤魚肉, 一點味道都沒有, 只是花巧嘢...最慘是上菜混亂, 追了五次碟牛肉才來, 白飯追三次, 過爐唔夠猛... 全部都是打邊爐大忌...呢餐5個人, 埋單$900, 覺得唔值...

今晚同舊同事飯局, 訂位時問過佢新舊店的分別, 得到的答案是"新店大d啦, 又有得打邊爐, 新裝修靚d同埋會坐得舒服d架~" 於是決定訂座於新店.我們坐8樓, 一個"翼"大約有6檯, 所以服務都幾足, 唔會叫極唔應. 一個朋友飲茶, 其他飲drinks, 張單就真係只計一位茶錢($12). 例牌都係叫蟹粉小籠, 肥牛, 水晶叉燒包, 魚茸麵等等. 結論是魚茸麵最抵食, 有得食有得玩, o即出來分量有2碗! 一邊打邊爐一邊睇怪獸公司, 本來好開心, 後來唔知邊個多手轉去足球台, 要求個waiter 轉台佢又死唔肯, 扮懞行左去, 最後張單無端端多個"食送", 好彩有check單o者!

今晚食小菜，招呼初初無乜點，但係起菜超耐，並唔止我張檯，好多其他檯都上一碟等一碟。算，忍。最激氣最後o的餸黎到無人理，仲要自己親手攞埋位。厲害在一班伙計見我自己拎，都有望一眼，無反應，繼續行行企企。聽講有骨氣個老闆好注重食物同招呼質素，睇黎唔係諗到就做到。餸菜味道Okay，叫左套餐，個翅既海鮮比翅更豐富，是最感印象的一道菜。不過唔會再去。

果日十幾人去慶祝個fd生日.叫左兩個湯底:冬瓜盅同豬骨煲冬瓜盅侍應先盛起每位一碗,剩低做湯底.清甜,料足,但記住夾起煲底既鋼架,唔係湯底會好耐先滾.豬骨煲ok,但唔及尖沙咀既寶記同大角咀良記,味道唔夠濃味.料方面推介:水晶叉燒飽好過癮;桶蠔同帶子夠新鮮,墨魚丸彈牙,其他餃類都好好.整體中上,環境舒適,但價錢唔夠大眾化,茶位$12位,飲品$15+,西瓜汁一jar $100???不過生日每位送超大壽飽,每個一隻大蛋黃!一大班人同特別日子既話,都可以選擇.

一行十人殺入有骨氣打邊爐...叫左個冬瓜盅做湯底...好特別...未試過用冬瓜盅打邊爐....湯滾時侍應會每人分一碗湯比我地飲...個湯超甜超好味...但係個冬瓜打邊爐時就好阻訂...之但係侍應又會細心地幫你砌開佢...起埋皮...再放番D冬瓜肉入個湯入邊...抵讚....火鍋料我地揀左: 肥牛...魚皮餃...白菜餃...雲吞...叉燒飽..奶皇飽...牛肉麵...墨魚丸..菜呀...烏冬呀...果D...不能盡錄....牛肉麵似山竹牛肉果D味...值得一提:佢D餃好好味...絕對食得過...好新鮮...好多料...尤其個魚皮餃..好味到再要多碟....一路都諗唔到叉燒飽同奶皇飽可以打到邊爐....咁都比佢地諗到.....犀利...不過個人覺得麻麻... 始終都係茶樓果D好味D......另一提:果樹係冇茶供應架...所有飲品都要比$....呢D先一頸血呀....

個日一行七去食lunch, 勁叫野食, 叫佢個勁sell推介貨蟹粉撈河, 個河粉一上檯賣相唔錯, "黃咁咁", 但係食落好似油左d, 同埋好漏, 食得唔多. 得個樣得......大壽包個蛋黃好多油水, good, 但係包個質地好饅頭feel,唔夠鬆,麻麻地,好難食到成個.點心都ok, 有d特色食物好似炸芋頭比較乾身, 食完好口乾, 有個召鹽粟米粒, 都ok, 但係只係粟米粒,唔係好抵食,