有骨氣海鮮酒家 (已結業)

又一次食家聚會,由於條件所限,只得二十人參與,未免有點可惜,不知何時開始,有菜必有酒,始作俑者,一定係MM兄~~~~~我都開始升仙啦!講真食過D乜野食物,有太多人講,我亦無謂重覆,但有幾樣食品,我有較深印象:手唧牛肉麵同魚茸麵: 兩樣都可以當麵食, 唔夠飽時可以頂肚, 牛肉味道好似酒樓既山竹牛肉咁.小籠飽奶黃飽,: 食就幾得意,但個人始終喜好有麵包皮既包竹笙蝦卷: 其實個人覺得配合得幾好,外爽內有蝦味,可惜太快落鍋, 未能吸收肉湯精華,.對上一次食火鍋,已經係鴻福聚會,其實分野好大,鴻福重食物新鮮,所以無裝修,但有骨氣重服務,睇下你想要乜!

早陣子應OPENRICE 之邀請前往有骨氣火鍋聚會﹐而當晚所有食家的支出將全數由有骨氣轉交OPENRICE作營運資金。作為會員﹐當然舉腳支持!當晚宴設兩席﹐OPENRICE 會員12人加上店方安排的4位賓客共24人。每檯都有兩個鍋﹐一個是冬瓜盅湯鍋﹐另一個為豬骨鍋。侍應先將冬瓜盅的湯分給各人﹐但老實說﹐冬瓜湯是略為清淡﹐作為火鍋底還算可以﹐但作為清湯奉客則略欠火候。豬骨鍋的賣相很不錯﹐絕對是足料之作﹐當中的粟米應該很好味﹐不消一會兒已經被眾人掃清﹐想吃的時候已是太遲。豬骨則略為碎及細小﹐未能讓眾人表現出連豬骨髓汁也啃乾啃淨的豪氣。火鍋料陸續送上﹐當中有一些我未能食到﹐或者其它的食評已有介紹, 所以我不作細述了﹐只集中講幾種我印象較深的鍋料吧。叉燒包及奶黃包很有特色﹐做法有點像水晶飽﹐灼熟後變得晶螢通透﹐論賣相是很吸引的。味道方面﹐甜奶黃包配上鹹豬骨湯又像有點不協調﹐不過還算可以。但叉燒包就不行了..其實味道是可以的﹐但餡料的質感像泥﹐就似是叉燒醬﹐跟平常的叉燒碎口感相差太遠﹐個人而言難以接受﹐小籠包也有同一問題﹐味道還好但口感怪怪﹐請恕我不懂欣賞了。肥牛有三種﹐我最喜歡的是有骨氣肥牛﹐

天氣仍然寒冷, 朋友們正好得到火鍋店的贊助來一個溫暖熱鬧的火鍋晚宴, 近期試了好幾間火鍋專門店, 但這間酒樓還是第一次品嚐, 店的正門口可說有點堂煌的氣派. 亦難得被安排到貴賓房可以盡情吃喝玩樂.酒樓方面已預先設計好菜單, 先來了豬骨煲湯底和冬瓜盅火鍋湯底, 豬骨煲湯料比想像中要豐富而冬瓜盅火鍋湯底則比較特別, 還是第一次嚐試, 而且比想像中清潤; 之後配菜一連串不停上檯, 大夥兒邊吃邊喝, 配料不停的放進火鍋之中, 火爐亦有點抵擋不了我們的攻勢, 好幾次慢了下來. 個人對牛肉有點偏愛, 其中印象深刻的可說是三種牛肉, 特級雪花肥牛, 本地肥牛和有骨氣肥牛, 自己的心水還是首推有骨氣肥牛, 肥肉分怖比較均勻, 而牛肉味亦是三者之中最香濃. 羊肉亦沒有半點失色, 羊羶味道適中; 豬面青亦爽口討好; 兩個手唧麵更加把氣氛推上高潮, 朋友們幼氣的站起來邊唧邊玩有趣得很. 而兩款手唧麵亦彈牙可口.小籠飽亦是至愛之一, 但連試了兩個都好像沒有熟透, 白白的浪費了, 叉燒飽用作火鍋還是第一次, 感覺特別但始終認為叉燒和火鍋有點格格不入; 奶皇飽亦有同樣的感覺, 對於飽類用作火鍋料, 自己還是有

各食家又再聚，今次是一起打邊爐。地點是有骨氣，之前來過幾次，地方及食物俱不錯，印象甚佳。今次有特別的目的，食物亦有特別的安排，作為食友及Openrice的一份子，當然是樂於不動腦筋，亦要多謝籌辦的版主~Ray。安排的房間是三樓的轉角位，大玻璃窗望前新華社，景觀唔錯。擺兩張大檯，有寬銀幕電視，如果有波睇真一流。開四個爐，分別是冬瓜盅及粟米豬骨窩。侍應會先分冬瓜盅給人客，再打邊爐。粟米豬骨窩的粟米及豬骨照例是好受歡迎，三兩下手勢就清了，只得一窩豬骨湯。食物方面，有不少也是以前吃過的，水準亦保持；如水餃、魚皮餃、四寶丸、小籠包等；手唧魚茸及牛肉麵是依然的有得玩有得食，夠味道，麵亦彈牙，有食友還有本事到在放湯是打了一個結；幾款甜的包則不太欣賞，如叉燒包及奶皇包，始終覺得甜甜的包跟鹹鹹的湯底不太配合。鹹的如糯米包就可以，不過吃多會過飽；幾款牛肉，當以雪花肥牛最好，其次就是有骨氣肥牛了，牛滑也不錯；竹笙蝦卷之前未試過的，肥滿的竹笙卷著蝦膠，是不錯的組合，竹笙索了湯汁，加上蝦膠餡是好味道，前後也吃了好幾件呢！紅酒、白酒、氣酒、清酒、甜酒，一口氣飲了好幾款酒，大家情緒高漲，吃得開心，其實圍在一起吃火窩

我自己第四次來﹐今次的食物質素卻比前幾次差。其招牌食物﹐例如水晶叉燒包、水晶奶黃包、手唧牛肉麵、手唧魚茸麵等﹐全都有齊﹐但以前曾經食過的﹐興趣便不大了。說到最重要的湯底﹐豬骨窩和冬瓜盅﹐兩個都唔合格﹗﹗豬骨窩的湯唔夠濃﹐淨係睇的顏色已經看得出﹐好處係冇上次我在謝菲道那家咁鹹﹐但有又唔夠尖沙嘴的鮮味﹐而冬瓜盅﹐重淡過水﹐打之前同打之後都係一樣。個別分析如下﹕手唧魚茸麵﹕如果唔熟會幾腥，魚味唔夠﹐好淡手唧牛肉麵﹕牛肉味幾好﹐唔飽可以當麵來食水晶叉燒飽﹕水晶皮夠薄﹐裡面的餡應該是已經熟了的﹐所以不需淥太耐水晶奶皇飽﹕奶皇甜得剛好﹐是最好食的一樣食物小籠飽﹕個皮幾薄﹐餡料都OK 竹笙蝦卷﹕食到竹笙味但食唔到蝦味招牌四寶丸﹕我淨係食過鯪魚球，覺得的丸打到過散﹐好粉的感覺肥牛﹕應該有雪花、本地和招牌三種(﹖)﹐以打邊爐計﹐牛肉唔夠肥和線味﹐非常差勁﹐淨係呢樣已經可以比個叉佢佢。鱔片﹕唔知邊個切的﹐切到近乎一條條﹐唔係一塊塊﹐每條只有1cm左右寬﹐一樣唔合格鵝腸﹕算爽口但﹐同樣切得過細黑柏葉﹕我相信同淥得耐無關﹐黑柏葉好骸口﹐而且非常“un" ﹐可能選料與處理程序都有問題西生菜和西洋菜﹕唯一好惦的﹐

因為得到有骨氣既ｓｐｏｎｓｏｒ今晚得以同一大班食家去試下成晚食左好多野，包括：招牌豬骨煲湯底（初上檯時味道太清，唔似豬骨窩，粟米都幾清甜咁啦）冬瓜盅火鍋(上檯無耐waiter話一人分一碗飲，但感覺上清到以為自己飲緊水，建議唔好分喇，打完邊爐飲就ok既）手唧魚茸麵（好食又好玩，彈牙易熟，但魚味唔夠濃）手唧牛肉麵（仲好食過魚茸麵，彈牙有口感，幾香牛肉味，無論豬骨煲湯底定冬瓜盅湯底都咁正）叉燒飽（水晶飽皮薄唔un，個餡都幾得，甜甜地但感覺上用水晶皮包又好似怪怪地，都係奶皇餡好味d)奶皇飽（又係用水晶飽皮造，一d都唔un，個餡好得，甜度適中，有一食再食既衝動，其他食家都話呢個好食d)小籠飽(皮薄亦多汁，唔錯）竹笙蝦卷（呢個吸左豬骨湯底好得，蝦肉彈牙，好好食）海味糯米飽（都唔錯，咬到粒粒蝦米，糯米唔un，皮薄但唔會因為煮得耐而穿）招牌四寶丸（有鯪魚球，豬肉丸，墨魚丸同一種唔知係咪貢丸，墨魚丸同豬肉丸都唔錯，彈牙爽口，但唔知點解，食豬肉丸時覺得似牛丸多d）肥牛（食晒三種，唔多”好”牛通常一件起兩件止，所以唔識食，但脂肪唔多，ok啦)鱔片（都唔錯既，幾脆口）魚皮鮫（皮太厚，但又唔似係只用麵粉造既皮，

簡直係一間好普通火, 勁唔抵食! 都唔直咁貴, 好彩某張CREDIT CARD有85折! 環境就像大排檔, 兩個伙計SERVE大約六至八圍, 所以服務態度麻麻. 個廁所無水廁沖, 唔掂! 叫茶已經計茶錢, 再叫冰水再計茶錢, 又無酸梅湯, 最終要叫一枝十五蚊啤酒降. 中菜都幾好, 尤其XO醬帶子, 不過細碟d, 價錢當然唔平啦! 呀, 估唔到呢間有壽包食, 不過要三日前預訂.

The hotpot of this shop is really very impressive to me. Great taste and the etmosphere is very very good.I checked my bill by citibank card and got extra 15% discount.I think the price was reasonable.I'd rather pay a reasonable price, but not going to the cheap hotpot buffet shop,coz this resturant is really selling much more high quality food and service to customers.Highly recommend the resturant to the ones who love hotpot. ^o^

年初三赤口,唔洗拜年, 於是就去有骨氣打火,話哂天氣重係凍凍地. 由於食了很多賀年食品,所以想食得清D, 於是叫個冬瓜盅火. 由於有三個大食積既關係,都叫好多特別的食品: 蟹粉小籠包: 必叫,超多汁,蟹粉又夠哂甘香,勁推介,個朋友未去過有骨氣打火, 勁話好特別.蟹粉墨丸:好彈牙，又係另一好味之作，同金寶既蝦丸原理一樣，墨丸內釀滿金色的蟹粉，唔錯.水晶奶皇包：因本人愛甜的關係，所以覺得好滑好好味，個透明的水晶皮又煙煙韌韌,比我清成大半碟，不過不要６太長時間，唔係會爛架！因爲個好得意既侍應推介食有骨氣肥牛，於是無叫本地肥牛。又真係無介紹錯喎！同普通肥牛比，無渣，好香，不過好細塊，一次食一塊唔夠喉！叫好多其他野，水準都唔錯。不過最鐘意都係火點心！至於個湯底，個人認爲都係魚湯好味Ｄ，冬瓜盅都係太清啦，不過都好濃好香海味既味。後來睇真Ｄ菜單有成十多種湯底，但都只係試過豬骨煲同木瓜魚湯底。下次要再試下其他新款湯底先得！

呢間野最唔好o既地方係d帶位成日都好似懶好生意咁叫你幾點要俾返張檯佢(一般約2hrs)，甚至我斷續叫野食都迫我埋單。喂!!! 大佬~~食晚飯就梗係慢慢食o架啦，尤其係同成班friends吹水打邊爐，況且收費唔係平喎~~拒絕再去!!!

之前食過灣仔果間,印象係好好既,service好,野食special...但呢間可能太多人,而個侍應又唔夠sensitive,成日想要乜都要叫幾次先黎...唔係任食火鍋...係差d喇...個冬瓜盅湯底係特別,但飲兩碗就要打邊爐喇...食一次夠喇~好想食佢果個手"o即"魚餌麵,但個texture同街邊假魚肉差唔多...唔太好feel...其他都冇乜特別喇...但個service就好影響食野心情...同埋4個人食,citibank85折左仲7百幾囉...勁貴...

豬骨煲: 湯底好足料、多豬骨，正！(因為我勁鍾情於豬骨，所以成晚主力食豬骨)水晶叉燒包: 特別得黎又幾好食竹笙蝦卷: 竹笙好味蠔同其他海鮮: 一般啦。蠔不夠大隻，鱔片一般小龍包, 奶皇包: 攞 黎做火窩料，怪怪的魚蓉面, 四寶丸: 普通，而且墨魚丸唔係好新鮮喎茶水勁貴，加上食物冇乜嘢特別，眞係幾貴！食完當晚返到家就肚痛，重上吐下瀉添，連醫藥費都賠上！不過唔知關唔關佢事，因為成檯人得我一個中招！

開心，當然要同人分享。星期日晚八點左右，跟家人到訪有骨氣，竟然見到巨星陳慧琳，嘩，陳小姐真係高人一等，而且真係好有明星風範，極之友善，又好笑容。不過佢並唔係我第一次响有骨氣見到的明星，之前都有見過張栢芝，不過個人就太瘦嘞。講回吃飯，我哋當日一家吃中菜，沒吃套餐，只是在菜單上點小菜吃：京湯響螺煲翅、椒鹽黃金粒、馳名口水雞、蒜片牛柳粒、火山石燒魚雲、陳年花彫蟹及冰灼露笋。個翅係一梳梳的，湯味濃，雖然好多上海店都有得食，但係這裏的翅湯是難得一見足料又夠火喉。小食的黃金粒粒脆口，沒有乾乾的感覺；口水雞雞皮夠滑夠嫩夾爽，可以入口，辣汁惹味香口；牛柳粒嫩滑無根，都應該係上等價，只買三十二，抵。石燒魚雲好鬼香，一開蓋已經聞到，尤其薑、蒜味好勁，又夠熱辣辣，老爸都不禁大讚！陳年花彫蟹係咪陳年酒呢？據嗜酒如命的老爸說，香味可以撲鼻，兼久久不散就為之上品，呢味菜式用的必定是上品，食落個花彫蛋真係好正，送飯一流！平日食的是冰灼芥蘭，今次試露笋好爽口清新，唔錯！

其實幾個月之前已經食過佢哋啲中菜，係好食，不過我哋都係嫌有少少貴呀！尋日班屯門友又話要食火鍋，因為凍喎，咁好自然就，說一齊去新浦崗的鴻福，一來平，二來又夠大碟，而且又有好多人話得。不過，因為地方唔就腳，最後都選了這裏。今次有九個人，叫了許多食物：豬骨煲，冬瓜盅，小籠包，叉包，魚麵，牛麵，皇帝菜，西洋菜，雞肶菇，四寶丸，魚皮餃，肥牛，豬頸肉，鳥冬，豬骨，牛展片，總之好多好多嘢啦！食物真係好高水準，招呼都好，不過飲品偏貴，坐了成晚，每人只喝了兩罐汽水，不敢再叫，決定食完再去Seven 買。不過，呢度又真係幾好環境，幾好食，餐餐來當然不可能，兩三個月食一次就仲可以啦！

上次和Openrice幾名食家試完尖沙嘴分店後﹐今次轉戰其跑馬地總店。基於上次侍應服務差劣﹐今次完全冇期望﹐但都搞到一肚氣。我和我的靚女同事抵達案發現場﹐即地下的接待處﹐已經有一大班人圍住﹐接待處共有三個女接待員(竟然三個咁多)。我話佢地知訂左臺﹐佢地就分配臺號﹐我順便問是不是非吸煙區﹐其中一位呀姐竟然話﹕「我地冇分架播。」唔係呀嗎﹐又冇分﹖唔通真係用會所牌﹖個呀姐的態度重好凶添﹐可能我個日累得滯﹐所以冇同佢糟。上到一樓﹐張臺係對正樓梯口﹐我地都冇所謂。但坐低後發覺個位幾凍﹐同有風吹住﹐但湯底都上左﹐唸住算喇。叫左﹕象拔蚌、青口、四寶丸、水晶叉燒包、西洋菜﹐湯底都係豬骨湯。一路都覺得個火好細﹐個湯又唔滾﹐女侍應都看唔過眼﹐過來同我地換個新的氣樽﹐但換左都係唔太滾。原來個火比風吹住﹐所以唔猛。成晚就係咁﹐食一個唔滾的火鍋喇。難得的是一樓的女侍應服務好好﹐成日過來看我地有咪需要。最差就係門口果幾個呀姐﹐聲大夾惡﹗