有骨氣火煱專門店 (已結業)

豬骨湯煲(豬骨、粟米、蔥)肥牛肉(大)、豬頸肉、芝士蝦丸、魚茸麵、水晶奶皇包、豆腐卜、粟米、小籠包、牛丸、牛肉芝士丸、墨魚滑、生菜、娃娃菜、水餃、金菇、粉絲竹蔗馬蒂胡蘿蔔水2瓶啤酒2支汽水3罐魚麵 – 有嚼勁芝士丸 – 很燙口，小心!小籠包 – 皮薄餡(肉)多，但不及蒸的多汁，並不鮮甜墨魚滑 – 非常有嚼勁

以前食的有骨氣...因為這間不用排隊也很多位...所以我比較鐘意去這間...其實入到打邊爐既店舖...最主要食湯底/食料新唔新鮮...我入去我最鐘意係食冬陰公...因為有骨氣既湯底好足料...(湯底)任食都幾好架其實...(之前)..不過+埋1..真係1-2百蚊先走得人(1個人)任食不計湯底的用料放面...我無全部食過...不過有好多自家制...好好食的~~奶皇包~都幾特別~不過好熱-3-入口過陣~~服務都算一般~環境很好~抵食麻麻~味道ok~衛生ok~不過最唔好既係...我地點野食...開頭佢都係送人數份量..小d小d送泥~不過到後尾..可能轉左人俾...差5多食飽...諗住食多小小=.=...佢送左勁多泥...e家既有骨氣~入過去...因為話無任食~so唔入><好貴的...唔係任食真係唔想食=.=...

成日聽人講有骨氣D火鍋唔錯，結果忍唔住同老爹大人同娘親大人走去試吓。未入去時，已經問好咗用某大銀行信用咭埋單有唔知幾多折(請注意，未入去坐低時已經問清楚)(唔係我埋單，所以我唔知幾多折)一坐低，睇咗餐牌，以為入咗黑店…話就話$88任食，不過有好多乜費乜費又話要計，睇到連枱面碟豉油都要計錢時，老爹大人忍唔住話要走，我回曰：既來之，則安之。試吓冇妨！D侍應話食物份量會因番有幾多人決定，不過當碟牛丸嚟得三粒，碟肥牛嚟得六薄片，而鵝腸就嚟咗一大盤！我就真係唔多信！大佬呀，咁大盤鵝腸，當麵食咩！加上D嘢食又唔新鮮，肥牛好明顯飽歷風霜，唔知雪咗幾耐！D丸又話係手打既，不過一落湯，滾兩滾又散晒！唔多食得歡喜之後，埋單走人！張單一嚟到，之前講果D咩折頭已經冇咗件事！個侍應話今日係冇折頭！有冇搞錯！我哋未入嚟之前又話用某大銀行信用咭埋單會有折，而家又話冇！咁擺明扼人啫！我忍唔住曰：你哋冇俾同行折頭咩？(爹娘唔明點解我會咁講)侍應：你都係做飲食業咩？我大大聲講：唔係，我係做賊既，仲專係扼果隻！(爹娘拍手叫絕！)侍應：………我曰：叫你話得事既出嚟！同個經埋講數講咗半個鐘，結果佢哋終於承認有誤會！打回個折頭俾

1.服務差。有名長髮女部長態度差!全程2個鐘黑面。2.表明任食但遲遲都唔上。

有張credit card做緊promotion，$88位任食。但去到時發覺湯底另計，醬油另計。2小時要埋單，哥哥一埋來就話夠2個鐘，要埋單先，叫我地出示credit card。完全無last call如地。稻x 湯底平0的，dishes須然每碟計，但每碟（大概$18-$22）價錢加加埋埋都平過呢度。可以話無下次。

09/05/2007 7:00 p.m. ! (8 people) 我們order @$88 任食buffet 包洒水，因farewell dinner 關係，自行帶備紅洒慶祝，亦預先查問，不另收費。食到中段，男同事order ，有位黑衫略肥女伙計話:你口地面仲有啤酒、汽水、又有紅洒，都未飲完。之後死死氣拿罐出來。世上有此伙計，有骨氣，好!

好耐都冇去過打邊爐啦, 咁旗旗提議去試下, 我地去左比較細間既長沙灣分店, 去到八點九,緊係等到九點先入座啦, 因佢\九點後每位$68 任飲任食二小時, 雖然話任食, 不過湯底, 調味料, 一D 特別D既野, 好似手o即魚面都唔包, 我地叫左個豬骨湯底( $88, 有HSBC CARD 八五折) 埋單$260, 價錢OK 既, 同埋食物都幾新鮮, 不過肥牛就太多肥膏, 同埋D 菜洗得唔係太乾凈, 唔知係咪個湯底太油膩, 食唔到多野已經好滯,食到最後仲有D 反胃既感覺.

我4月20日都係去呢度食。已經係自佢哋做$88推廣後，第三次嚟食。我知佢哋之前有做過滙豐半價優惠。係憑星期二做架喎，我都有睇滙豐的newsletter，除咗有骨氣，其實好多食肆，好似時代廣場果啲都有做滙豐優惠，不過其實全部都無半價。先說有骨氣的星期二滙豐半價優惠，佢哋真係講明全部$38以下食品半價，我又覺得OK，而佢家陣的$88任飲任食，收醬油加一又係OK喎，我平時去開稻香都有收，稻香另收茶芥Tim，反而呢度無。講反$88，點解會反返第三次呢，其實因為以有骨氣個品牌嚟計，又真係叫做好扺食，佢哋冬天永遠唔做呢個優惠，反而每近熱天就會有呢啲筍嘢。湯底係另計，但係個湯好得，我都係叫豬骨煲，同出面啲湯底係唔同的，又濃又香，唔係水汪汪，係$88，我去過大角咀食豬骨煲，係賣$68，差到唔恨。所以，我覺得$88，加十蚊醬油同埋加一，真係OK喎！當然，鍋底係另計。

很想試試這間食肆, 經常見到廣告HKB CARD 有半價優惠, 但訂位時問是否半價, 職員話$88 一位自助火窩, HKB CARD 只是湯底半價, 問還有否其他收費, 她說只有加一.6 時到達, 已有兩位客人, 我們4 人坐一張中枱也很舒適, 叫了澳門豬骨窩, 但失望是一半食品也要另外收費, 每款醬料也要另外收費! 火窩料很新鮮, 但是由店方分配分量, 各式丸類、牛肉等, 每次只會每人分配一件或一粒, 有時是4 人只有3 粒?? 但鵝腸、豆卜、木耳等則份量驚人, 我們4 個人, 但份量足可供8 人用???SERVICE: 招呼我們是一個年青Waiter常臉掛笑容, 工作也很細心, 反觀年紀較大的Waitress 說話和動作也很粗魯, 像在茶餐廳工作, 令人反感.結賬: 問為何多了70 元, 她說湯底只有85 折, 但訂位時職員說是湯底半價, 但她們說沒有講過, 1 個不合理. 另外每人要收10 元醬料費, 我們每人只用枱上供應的一小碗鼓油, 沒有叫醬料, 但也要收, 訂位時也沒有說明, 餐牌也沒有寫明, 明屈?? 第2 個不合理. 問她為何廣告說半價, 她說有數個套餐於星期二持HKB

同下面個食評家不一樣，小妹於上星期六致電尖沙咀有骨氣，因為Full booking，所以便來到店仔細細的深水埗店。是次都係第一次來幫趁。之前都有吃過$88，但對比今次，我覺得好扺。我係看過報紙廣告，覺得，又係$88，任食仲要任飲，有骨氣係咪做到咁so先？响成個復活節都夾唔齊人，點知搞都今個星期六，阿草菇突然話收早，咪去有骨氣，尖沙咀係方便，但永世都要預先Book，之但係我五點打去又無得Book，話爆晒，雖然我哋係响尖沙咀，不過行過去博又唔值，所以大家一齊坐地鐡過深水埗。去到深水埗已經係八點四，知客小姐問我哋等唔等埋9點至入場，我問佢等九點有特價嘢食咩？佢話九點後$68位！吓吓吓？咁扺？唔係$88咩？我第一句就係問，有無得任飲？佢話同$88一樣，只係當宵夜所以會再平啲。我哋當然等啦！！半個鐘多啲啫。點知愈等愈多人，八點十左右，知客姐姐比我哋入去。一坐底班Friend已經點咗三個豬骨煲。然後我哋狂點牛肉、叉燒包、奶皇包、蝦醬丸、芝士腸、四寶丸．．．．．狂數一輪，我哋又忍唔住叫咗兩客芝士蝦丸及兩支魚面，做半價，$20啫。即係比多八十蚊，不過我哋有八個人，一人比多十蚊。是日我哋埋單係每人$13

這是第2次去此店打邊爐，首次去叫散餐，so far so good，只是d 手即魚麵無得頂，其餘都是名過於實，而且仲好貴！見到它有$88任食，於是再來，但不包湯底，只是半價(約$35-$45)，另加每位$15醬料，連加一，大大話每人都要百五、六蚊。不過我老公喜歡打邊爐，咪再試。是次叫任食，點知坐底叫野食時，侍應好心地推介個雜錦併盆比我地，話樣樣有，其餘食物再叫，於是便信以為真。點知個併盆來到的時候，嚇了我們一跳！多到3-4個人都未必吃得晒。還有，併盆內的都是些平價貨：魚蛋、牛丸、蟹柳豆腐、菜....，質素奇差，仲唔係好新鮮。我和先生幾經辛苦才吃完該併盆，但已沒有空間叫其他貴野食：水晶飽、蝦餃等。還有食完、飲完汽水後，都想飲番杯茶，點知個侍應話每位$10。天啊！d野食渣過d$6、70火任食火，食物唔新鮮不在話，座位又逼，樣樣計錢唔在講，又拿個大併盆比你頂肚，等你唔使叫其他野食。無第3次啦！

七月一號，好重要ge日子，點解？英格蘭輸波！唔好話乜，我個人最憎就係英格蘭，總之邊隊win無緊要,係英格蘭輸波就得！我果日都係响有骨氣打邊爐，呢個世界盃，我都奉獻好多真金白銀比佢哋，不過唔緊要，係馬會比ge!講返有骨氣，係，佢哋又有$88，係喎，無牛肉喎，不過佢哋啲牛肉有半價，唔明點解下面果位carry食$88但係又要比正價比人哋，又唔追返水喎？？哎，貪平，有骨氣真係唔啱你哋架，食十蚊魚旦粉又話平，食百幾蚊你又話貴，咁想食乜呀？得閒賭下波咪馬會請囉，咁簡單！

想睇波兼打邊爐,結果搵到黎呢間~一入到去,睇見張紙,就覺得唔對路火鍋任食$88,聽落唔算貴,但睇真D任食每位要收$15醬油,即每位$103,心諗都OK啦,話哂有得睇波點知再睇真D,所謂火鍋任食,原來唔包肥牛,另叫每碟$70-120睇到呢度已經想走,但奈何訂左位,實在唔好意思所以一行4個人叫左火鍋任食,諗住填飽個肚就算食物方面:豬骨湯底唔錯,而且加湯既時候真係加湯,唔係加水其餘大部份都好普通,值得一提既都仲有黑椒牛根丸,連埋米線一齊食應該幾好,好既講完,講唔好既....$70一碟大約只有10片略薄既肥牛,肉身有雪花,食落幾林,但唔知點解完全無牛肉味...呢種質素$20碟都唔值日式叉燒片,打邊爐未食過,反正任食,姑且試下一入口,只FEEL到強烈既味精味+少少"梅",在座4人食過,全部入口唔夠3秒就吐番出來..埋單$660（除4位任食,只叫左2碟肥牛+一渣竹借水）唔係話有錢大哂,但呢個價錢唔需要食得咁委屈

星期六.honey想睇波,所以一早在此book定位.一邊食一邊睇.....8:15去到,都差唔多全場滿座,而且環境很迫,枱同枱之間太窄..經過考慮,終於決定選$88任點任食2個鐘,鍋低另計,不過有半價,我地擇左豬骨鍋低,但唔會將價就貨,材料十足,味道就冇乜特別,食物選擇都幾多,有必食推介水晶又燒飽及奶皇飽,其它仲有芝士腸,魚片,火腿墨魚丸,雞片,鳳爪,青口,魚皮餃,雲吞,金茹,秀珍茹,牛栢葉,另佢會送一大碟火鍋并盤,呢個并盤除左冇水晶飽之外,基本上乜都有,我個人認為除左雞片及火腿墨魚丸外,其它就冇乜特別,特別雲吞,好咸,一咬落去,真係要即刻吐出來,唔掂> <""服務員都好有禮貌,一入座所有收費都解釋得清楚,只係睇下你肯唔肯接受,除左醬油預左佢會另收之外(但都貴過人$15/位)連開荼都要$8/位,當然你可以乜都唔飲.所以佢吔飲品都貴過人,汽水$10/罐,其它飲品大約$10-$13到啦,仲有佢地效率都好快,除左收碟快,埋單仲快,一夠鐘,唔理枱面仲有冇野食還是食緊,個經理己經要你埋單及執枱,連甜品都冇問你要唔要,好過份.所以我同HONEY都認為始終都係稻香好!!!而埋單盛惠$

估唔到長沙灣都會開有骨氣.. 打完波夜晚11 點.. 一行5人肚餓到爆.. 原來個個都未食o野..heehee!! 於是決定走去長沙灣"有骨氣".. 因為門口實泊到位... ^^去到都11點9喇.. 侍應姐姐話有88 蚊任點任食.. 哇.. 太開心!! 首先o黎左個豬骨湯先... 未落任何邊爐料.. 個湯清清地.. 有豬骨味.. ^^到order o野喇.. 由於係任食.. 我地點左好多:四寶丸.. 鯪魚球.. 白鱔片.. 午餐肉.. 芝士腸.. 牛柏葉.. 花枝片.. 日式义燒.. 义燒包.. 奶黃包.. 墨魚滑.. 火腿墨魚丸.. 蝦丸.. 魚皮餃.. 豬頸肉.. 豬骨(encore)... 白菜.. 生菜.. 娃娃菜.. 油蜜菜.. 等等..散叫要加錢有大肥牛... 手o即魚麵.. 炸魚皮.. 2 jar 庶水..樣樣都幾好食呀.. 保持水準.. 我最鍾意就係食肥牛..肥瘦適中.. 咬落去充滿鮮牛肉味.. 正!! ^^另外.. 我最鍾意食就係魚麵啦.. 好彈牙.. 墨魚滑又係非常正.. 好滑好彈牙.. 白鱔片好新鮮.. 叫左3碟添.. 花枝片夠爽... 炸魚皮又大塊又脆..奶黃包