有骨氣火煱專門店 (已結業)

我4月20日都係去呢度食。已經係自佢哋做$88推廣後，第三次嚟食。我知佢哋之前有做過滙豐半價優惠。係憑星期二做架喎，我都有睇滙豐的newsletter，除咗有骨氣，其實好多食肆，好似時代廣場果啲都有做滙豐優惠，不過其實全部都無半價。先說有骨氣的星期二滙豐半價優惠，佢哋真係講明全部$38以下食品半價，我又覺得OK，而佢家陣的$88任飲任食，收醬油加一又係OK喎，我平時去開稻香都有收，稻香另收茶芥Tim，反而呢度無。講反$88，點解會反返第三次呢，其實因為以有骨氣個品牌嚟計，又真係叫做好扺食，佢哋冬天永遠唔做呢個優惠，反而每近熱天就會有呢啲筍嘢。湯底係另計，但係個湯好得，我都係叫豬骨煲，同出面啲湯底係唔同的，又濃又香，唔係水汪汪，係$88，我去過大角咀食豬骨煲，係賣$68，差到唔恨。所以，我覺得$88，加十蚊醬油同埋加一，真係OK喎！當然，鍋底係另計。