有蒸氣 海鮮石鍋專門店 (已結業)

之前同一班舊同學相約到'有蒸氣火鍋'飯聚，地點頗方便，環境舒適，我們一行十人，店主安排了房間給我們也沒有額外收費，讓我們可以自成一閣，盡情大講大笑。初嚐了蒸氣鍋，吃了黑松露蒸水蛋、蝦、蟶子、蜆、帶子等等既海鮮，平時對食很桃剔的朋友也讚口不絕，大家也垂涎三尺，食物新鮮、清甜可口之餘仲要有份量，物超所值，仲有專人留在房中分食物給您，服務態度超好👍🏻👍🏻👍🏻，令我們回味無窮。入番正題先，今日再去晚餐時，發現岩岩推出左秘制麻辣火鍋，岩曬我呢d無辣不歡既人，火鍋滾起了，陣陣麻香樸鼻，色香味俱全火鍋配料一如以往新鮮不能錯過的還有爆膏大閘蟹

之前一直聽朋友說，尖沙咀開了一間蒸氣火鍋，名叫(有蒸氣)，真的不錯，有機會一定去試下，適逢秋意漸濃，朋友生日，所以決定一試究竟！ 入到門口，侍應態度親切友善，值得加分！這裡不錯喔，有卡位提供，令你與朋友交談時更為方便，而且還有房間選擇，更適合喜歡私隱高的你們，而我今天一行4人就選擇坐卡位！我們剛坐下來不久，待應就送上3款小食，炸茄子，酥炸墨魚頭與及咕嚕肉，呢幾樣小食，我只可以講一個字＂掂＂在品嚐小食期間，待應們已經準備好各款美味海鮮! 首先，來個(黑松露蒸蛋)，呢個蒸蛋非筆墨能所盡容，滑，香，甜，不能不試。再來(清蒸花甲)，味道鮮甜，完全不用再加任何調味醬，而且每一隻呎寸十分適中，可見老闆的誠意，接著，再來(蟲草花蒸鮑魚)，小弟向來不太愛吃鮑魚的，但是，牠加上蟲草花的香味，又令到我不可不吃，完全改變了我對鮑魚愛吃度的從新定位，然後，下一道登場的餸，名叫(冬菜蒸馬友)，原來馬友係可以咁樣食法，肉厚，完全唔腥，令我一吃再吃，話口未完，侍應又為我們蒸好了一味名叫(豆卜蝦膏蒸鮮魷)，此味餸令我忍不住叫了一碗白飯配上，然而只可以說一句絕配，完全係送飯殺手，此時既我已經變了聖誕老人

頭盤食左個炸墨魚角，好正，用新鮮墨魚整嘅，有墨魚粒，令到食落更有口感！個黑松露蒸蛋係做Promotion送架，蛋味好清甜，配搭有少少咸味嘅黑松露👍🏻呢隻冰鎮斑馬瀨尿蝦好多膏，都好食！*不過我個人就鐘意食平時避風塘炒熱食🙈所有海鮮都好新鮮超鮮甜，d粉絲同d蒜好香，但又唔會搶左海鮮d鮮味😋仲有其他食物無影到相😂最後主角就係個粥底啦！集合晒所有鮮味再加d配菜！好味！不過太多咸蘿白粒所以咸左少少！*唔好加就一流啦*

約了幾個朋友聚頭，朋友推介這間「有蒸氣石煱專門店」，踏入門口，已有待應招呼，態度友善。呢度環境舒適，有卡位，有大檯，仲有VlP房，坐位十分寬濶。原來佢地不單只有蒸氣火煱，仲有小菜可供選擇！今日我地試蒸氣火煱，點了幾道海鮮，包括蟲草花鮑魚，蒜蓉粉絲蒸扇貝，蟶子，廣島蠔，仲有蝦醬豆卜蒸腩肉，甜梅菜蒸菜心苗同蒸雞等等。佢地既鮑魚好鮮甜，爽口彈牙，蟶子勁大條，肉質爽滑，扇貝份量十足，真係啖啖肉，而生蠔口感好爽好甜，好有鮮味，諗起都令人回味! 仲有個蝦醬豆卜腩肉也值得推介，本來以為腩肉好肥膩，點知咬落去好有口感，不油不膩，連我最怕肥肉都忍吾住食多幾塊。而佢地個甜梅菜蒸菜心苗亦不容忽視，以為簡單的小菜，經過細心揀選的菜苗，鮮嫩無比，將梅菜鋪係菜苗上面，蒸一蒸，D味道滲入菜心，好味！最後，食蒸氣火煱梗係吾少得個粥底啦，佢地呢個南瓜排骨粥，融合所有海鮮既鮮味同精華，佢既甜度同濃度，可想而知! 呢一刻，共實巳食到好飽，抱住試少少態度去食碗粥，點知食完一碗又添一碗，食到捧住個肚。真是又飽足！又滿足！

聽咀挑既朋友介紹，慕名而來，之前食過韓式九層塔，同蒸氣火鍋，感覺都係清淡一般！要加埋調味醬汁先覺得可以！今日同朋友來到，正想加調味之時，朋友同我講，唔使加架，就咁已經好食！故且信下佢！先點左小食，咕嚕肉，無得彈，肉炸到脆卜卜，甜酸度岩岩好！小食已經咁正，攪到有點期待蒸氣！主菜黎喇！頭盤。。黑松露蒸蛋，嘩！正呀！d 蛋滑到入口即溶既感覺，配合埋一大匙黑松露，完美！之後陸陸續續既海鮮，朋友果然無呃我！全部都好有鮮味，根本唔使調味料！完全品嚐到老細既誠意，最後精華黎喇！底下既粥底。。就算已經飽到郁唔到，都一定要食！平時蒸氣只係放白米，呢度絕對唔係偷工減料，款式多，我地揀左南瓜排骨，海鮮既既精華完全滲晒落去！絕對係劃上完美既句號。總括以言。。星級飯店，合理價錢，地方舒適，服務優良，絕對值得再去！

成日見fd por相今日終於捉埋佢帶我黎試吓，入到店內環境感覺舒服乾淨，經店員介紹下原來除咗蒸氣鍋重有火鍋同埋小菜食添，今次就試吓蒸氣鍋先……令我最回味嘅首推1.，黑松露嘅芳香再加埋蛋嘅幼滑互相配合之下感覺真係一絕，食完後嗰股香氣仲係口裡面徘徊良久， 過癮……2.蜆就食得多呢樣就係第一次，老闆話唔係周圍有得食重提醒我哋要將蜆裡面嘅汁同肉一齊食，味道鮮甜重帶有微微海水味添……3.[ 雜錦四寶丸] 感覺彈牙爽口，重係佢哋啲師傅自己整，唔怪得同出面嗰d差咁遠啦……4.[ 蟲草花蒸鮑魚]净係賣相都貴氣十足，同樣鮮甜……最後就係5.將所有海鮮嘅精華都融入晒係粥裡面味道又棉又鮮甜……下次去試埋打邊爐先

週年紀念老公話想試蒸煱 睇食評揀左lee間 坐位闊落 staff友善而且主動介紹 可能早左到星期六夜晚唔算多人 揀左$488個set 新鮮海鮮 但調味比較單一係蒜蓉 雖然味道好但如果多d變化會更好

Love to come here, seafood always fresh, me and family come nearly 10 times already. Like they got different type of sake, that we can choose! 👍🏼👍🏼👍🏼

Last Sunday, I had some friends from Japan to play, my boyfriend recommended me to take them to eat steam hot pot, so I took them to Tsim Sha Tsui seafood hotpot restaurant to try, I booked 7 o'clock, the day staff in the afternoon Time to play to confirm my schedule time, the staff know that I am 4 people, would like to quiet some, so she gave me a booth for four,good service attitude. At night due to get off work delays, 7:30 only arrived at the restaurant, the staff well left to me, the envir

朋友介紹我去有蒸氣食蒸氣鍋話好食，上星期五我就同兩個朋友去試下，食完真係覺得冇介紹錯！上到去環境幾舒服，佢安排咗我地坐卡位，每個卡位都有電視睇。我地叫咗蕃薯排骨粥、花甲、扇貝、牛小排同膏蟹糯米飯，跟住個侍應推介我地試下個鑽石蜆，話好鮮味，佢講到咁正咪試下囉，點知呢一餐最正就係個鑽石蜆，真係好鮮味有海水嘅咸味。佢地送左個黑松露蒸蛋俾我地食，個蛋好滑，其他海鮮、牛肉、糯米飯同埋個粥都好食！值得一讚係侍應嘅服務好好，全程由佢地幫我地蒸，唔駛自己郁手，食完又唔會趕我地走，同朋友食飯傾計係一個好地方。

朋友介紹左好耐，叫我來呢間有蒸氣海鮮石鍋專門店試吓，早兩日我終於同D朋友訂到枱食飯啊，估唔到我哋30人一起食飯，房間打通都好舒適，環境都不錯，我們到步，廚師親自入嚟介紹，好有禮貌，好有次序咁介紹啲食物，睇我哋啱唔啱食，廚師介紹了，斑馬賴尿蝦，魷魚陳村粉，黑松露龍蝦，芝士蒸肉餅，鵝肝蟶子皇，淮山南瓜排骨粥底，特別介紹我哋食招牌嘅脆皮咕嚕肉，夥計又有禮貌又好招呼，每樣食物蒸的時間都啱啱好，好有禮貌和時間介紹我哋點樣食，個脆皮咕嚕肉真係好好味，大家有時間真係要試吓，我食咁多蒸氣，呢間有蒸氣海鮮石鍋專門店真係冇得頂，有蒸氣食，又有打邊爐，原來仲有小菜添，不是幫佢哋買廣告，今時今日，咁嘅價錢有咁嘅招呼和出品，咁嘅質素，點可以唔介紹俾大家呢，雖然要行條斜路仔上去，但是都是值得的，大家記得去試吓喇😊

朋友話識人介紹情況下去試，去到係甘上熱食（煮好ge) 碟碟都好勁大碟ge，但明明一心想食蒸海鮮，當堂o 咀，食飽曬仲食咩海鮮呢？！，等佢上曬d 熱食，開始食蒸海鮮，點知勁失望！！正常黎講，靚海鮮唔多使調味會食到鮮味，但我個次食，只係食到冇咩味！十個奇! 每人人頭計$500，主要食熱食，好唔抵，想食蒸海鮮，坊間應該有其他更多選擇。另外佢有職員按時間製甘蒸d海鮮ge,但佢地定ge 時間好似比正常長，海鮮都煮到老曬。2個字：失望

第一次因為這裡寫寫食評。價錢合理，海鮮質素中上，新鮮搭夠。Book了枱一到就被問到你好請問是否"陳小姐"，有人帶到座位，因爲慶生被安排了一個很舒適的二人座卡位。服務態度很好很nice，這個很值讚，以這個價錢在香港餐館有這個服務質素很難得，食得很開心。

咁岩撞到母親節價錢貴d，但都覺得好抵食，海鮮好鮮甜，唔好睇d份量好似少咁嘅，後尾個粥都食唔晒。侍應好有禮貌同埋都會幫你煮嘅，捲埋雙手等住食得喇黑松露蒸蛋-黑松露咸咸地加埋蛋嘅香竹串蝦、花甲-好新鮮彈口蟲草蒸鮑魚-好鮮甜唔韌蟶子-鮮甜，可惜份量唔多安格斯牛小排-易入口，唔會有牛腥味薑蔥石斑-加埋薑蔥好得，石斑好彈口豆卜鮮魷梅菜菜心-呢道最有驚喜，好match南瓜滑雞粥-加埋所有海鮮嘅味真係好好味，雞好滑、南瓜好香椰汁紅豆糕-唔會太甜木瓜燉雪耳(打卡送嘅)-雖然係送嘅但都煲得好好味、好養生，食完又想嚟多碗

父親節，老父要求食海鮮，於是做功課搵咗呢間，年令前好heat的即蒸海鮮餐廳，試一試同其他的分別。在套餐唔洗煩先嚟送的蒸蛋，真係好滑開波食鮑魚，不過不失蟶子都OK花蟹鲜甜龍蝦真係不得了，入去蒸時仲識旭😱冬菜蒸馬友，如果原條上我會開心D食蒸汽餐，雞係我最愛再嚟D飽肚野最D倒汗蒸氣粥，飽曬全程有人服侍蒸食物，只管食不管煮Like埋FB仲有甜品送，真係滿足老父都讃好始終，一分錢一分貨，呢道好公道，可以再嚟過