有蒸氣 海鮮石鍋專門店 (已結業)

朋友介紹左好耐，叫我來呢間有蒸氣海鮮石鍋專門店試吓，早兩日我終於同D朋友訂到枱食飯啊，估唔到我哋30人一起食飯，房間打通都好舒適，環境都不錯，我們到步，廚師親自入嚟介紹，好有禮貌，好有次序咁介紹啲食物，睇我哋啱唔啱食，廚師介紹了，斑馬賴尿蝦，魷魚陳村粉，黑松露龍蝦，芝士蒸肉餅，鵝肝蟶子皇，淮山南瓜排骨粥底，特別介紹我哋食招牌嘅脆皮咕嚕肉，夥計又有禮貌又好招呼，每樣食物蒸的時間都啱啱好，好有禮貌和時間介紹我哋點樣食，個脆皮咕嚕肉真係好好味，大家有時間真係要試吓，我食咁多蒸氣，呢間有蒸氣海鮮石鍋專門店真係冇得頂，有蒸氣食，又有打邊爐，原來仲有小菜添，不是幫佢哋買廣告，今時今日，咁嘅價錢有咁嘅招呼和出品，咁嘅質素，點可以唔介紹俾大家呢，雖然要行條斜路仔上去，但是都是值得的，大家記得去試吓喇😊