影片
以上资料只供参考，请与餐厅确认详情
有关奖赏计划
呢间新开嘅串烧店似足京都后巷𠮶啲秘店，墙身黢黑，配上木制枱櫈，有一种好「大人」嘅居酒屋氛围。 🍅前菜冻番茄冰凉爆汁，好醒胃🥢梅酱鲛鱼软骨脆卜卜带酸香，咬落「索索」声🥗芫茜白葱沙律芫茜白葱丝甜辣交织，加上铿鱼汁，清爽得嚟有性格。 🍢主角串烧全部即叫即烧，师傅对住炭炉心无旁骛，慢工出细货，等嘅时间正好同朋友摸住杯底吹水。 🍢鸡胸肉: 惊艳！选用刺身鸡，烧至半生熟，嫩滑带汁🍢鸡翼: 皮脆肉嫩🍢大葱鸡肉/京葱葱段烧到微焦juicy, 鸡腿肉嫩滑🍢免治鸡肉棒即场手打肉混软骨，用心制作的手工菜🍢鳗鱼皮脆，鱼肉油脂丰富🍢横膈膜野菜卷牛横膈膜肉配搭蔬菜，肉香夹住蔬甜🍢鹿儿岛A5和牛肉眼炭香封印咗和牛油脂，入口即溶但唔腻🌟一品料理🐤特制走地鸡选用日本名鸡，肉质弹牙扎实，好有口感。🐟照烧银鳕鱼鱼油丰腴到漏，照烧汁甜中带香🌟埋单嗌饱但唔滞，暗黑格局反而令人专注食物同对话，即烧慢工带出食物质感。
继续阅读
太子新开左间居酒屋🏮地点非常之方便，主要食串烧、小食，饮酒为主。点左好几款烧鸟，有鸡皮、鸡翼、免治鸡肉棒、梅子紫苏芝士鸡肉卷，佢地烧到鸡肉好嫩滑，鸡皮超级脆，好好味😋其他串物有金菇猪肉卷、牛脷、烧炸豆腐、豚肉溏心蛋、其实卖相唔只吸引🤩真心好味👍🏻烧鱿鱼一夜干，一d都唔干身，送啤酒🍻仲好鬼正。明太子玉子烧，蛋好滑好滑夹埋明太子个味道啱啱好👍🏻明太子茶渍饭，简简单单已经食到厨师嘅心机。
继续阅读
‼️太子新开烧鸟専门店‼️师傅系你面前现烤串烧🤩 食材绝大部份产自日本🇯🇵仲有多式清酒/威士忌/cocktail 选择🍶🥃🔸前菜-梅子汁牛腩牛腩煮得好腍好入味配上微酸甜嘅梅子汁真系好开胃🤩🔸酒盗芝士呢度嘅酒盗酱冇日本𠮶种咁浓味，适合冇咁重口味，但又想食酒盗芝士嘅人士🤭 作为佐酒小食真系一流🔸厨师精选|串烧10串 鸡颈肉｜鸡心｜鸡翅｜鸡蚝肉｜鸡皮｜北海道紫苏豚肉卷｜牛横膈膜野菜｜鳗鱼｜白果作为烧鸡专门店，特别推荐佢哋既鸡肉串！！肉质鲜嫩多汁，而且师傅控制火喉刚好🥰 绝对唔会唔熟或过熟 好多鸡嘅部位都有得拣不过Omakase最正就系唔使谂食咩串烧🤣 其中特别欣赏嘅有鸡蚝肉😱 出边真系好少机会食到 （其实大餐牌都冇 真系要点omakase先有鸡蚝肉食🤭）鸡肉真系非常之嫩滑多汁而且鸡皮超脆🤩紫苏豚肉卷同鳗鱼都非常欣赏👍 完全保留咗食材嘅肉汁原味道🔸鸡肉套餐|串烧8串 鸡胸肉｜鸡翅｜鸡尾｜鸡肾｜免治鸡肉棒｜青椒｜芦笋｜秋葵朋友就点咗另一个鸡肉套餐，主打鸡肉嘅串烧就冇其他肉类。我哋捞埋一齐食，所以食到多啲唔同种类嘅串烧🙈其中高度推荐免治鸡肉棒‼️好钟意入边粒粒鸡软骨嘅爽口口感 而且汁烧都非常之入味🔸主菜-炒面｜鸡肉素面大推呢个主菜炒面‼️‼️见大餐牌都系冇呢个选择 所以应该都系要叫set先至有得叫炒面🙈 口味系大阪烧嘅风味，但系炒得好香同埋面条好有弹牙口感🤓鸡肉素面汤底非常清🤭 饮得出系用鲜鸡熬制 素面吸晒鸡汤嘅精华，真系好正🥳🔸甜品-柚子雪葩｜烧菠萝两个set各自都包一个甜品。个人嚟讲觉得两款甜品都好出色😆 烧菠萝非常之甜，而且面头有少少焦糖嘅感觉而而柚子雪葩好似食紧柚子蜜咁😝 好有柚子香，但又唔会非常之甜 而且仲有柚子果肉喺入面🤭💰Omakase set / chicken skewer set: $420/$330
继续阅读
一开始见到价格有小小高 总会有小小担心但系食落去就觉得值呢个价就知道我无黎错地方食得出餐厅好有诚意味道同份量我都觉得非常值得一试 听师父讲大部分食材都系来源日本唔怪之得咁好食 最好食就系鸡腿肉 同极上牛舌 最令人有惊喜就系个鸡颈肉 真系脆嫩滑多汁 同我想像有🦴完全系吾一样全部都系肉 一啖一啖系极致的享受鳗鱼都好食 但系师傅都强调自己系’做鸡‘既🤣不过鳗鱼同豆腐真系觉得同日本有的比服务上面都唔错 侍应都有介绍每种食材所以今次体验有小小超乎想像希望以后都可以keep到
继续阅读
这间烧鸟店有啲侍应是真正日本人，佢哋仲识少少本地广东话， 在店里面听到广东话也听到日文好有日本感觉， 好似去咗日本旅行咁呢~讲到主角日式烧鸟， 好有鸡味好好食， 我问过师傅，佢哋系用三种鸡混合造出来的烧鸟， 所以咁有鸡味， 店员服务态度也好好，有日式又有港式招呼(哈哈我喺度噏紧乜呀~)， 仲有佢其他串烧都好味，例如日式烧牛柳粒，紫苏猪肉卷，烧饭团，烟肉烧鸡蛋都很好好食， 有机会一定会再去帮衬。
继续阅读
您可能会有兴趣的...