晴空日本料理

营业中

休息中

今日去咗位於次尖沙咀呢一間晴空日本料理試吓，之前一直都好想試㗎啦，開咗晚市就一於過嚟試吓啦，仲要即日book都book到，開心😄今日散叫咗一啲壽司同卷物，我覺得佢每一件壽司都好高質，魚生好新鮮。晴空海之寶石特卷一定要食啊，有海膽、三文魚子同埋拖羅，三樣食材都非常高質，好新鮮。一啖食落去好似有魚生喺口入面爆炸嘅感覺，係好好味嘅爆炸🤣赤身同埋三文魚腩都係必食，赤身食落去肥美，比一般嘅日本餐廳好食好多。三文魚腩超級厚切，食落去都係超肥美，回味無窮。另外仲嗌左幾樣熟食，例如有燒玉子、汁煮吞拿魚、炸蝦，全部熟食都還好啦，感覺上呢間餐廳嘅魚生壽司整得出色過熟食。最後因為見到OpenRice好多人推薦海膽蟹肉炒飯所以就試吓，呢道菜等咗好耐，諗住佢好用心整所以冇乜所謂啦。點知嚟到嘅時候非常失望，因為啲飯黐埋一舊(應該係水加得太多)，調味又唔夠，完全食唔到蟹肉嘅鮮味，我最後食咗幾啖就食唔落啦😅另一半形容係難食，真係非常失望😥總括來講，我覺得佢嘅魚生係非常高質同好味，但係大家對熟食嘅期望就唔好太高啦。

四月限定！尖沙咀高質日本料理發辦，更推出豐盛海鮮一人前$258🥳限量200盒之餘，特意從日本訂購外賣盒，木盒裝住真係好靚！除咗有招牌拖羅蓉丼，亦可以另選炙燒魚生🐟份量甚多，豪華抵食😍🍘拖羅蓉海膽軍艦鮮甜海膽，爆漿三文魚籽，香滑拖羅蓉，口感非常豐富！一啖咬落，香脆，柔滑，一觸即發🤤🍤炙燒魚生丼海膽超鮮甜，配有新鮮厚切嘅刺身🐟 壽司每件精心製作，底下小巧飯粒小巧，搭配魚生比例啱啱好！可以食到由師傅每件人手磋成，有心思😘炙燒魚生，香滑之餘，魚油燒後更香，口感豐富🔥高質食材，用料真心感受到💕

好新鮮，好好味😋直得推介👍🥰第五波之前已經食過，食材新鮮，所以一定會再去！Lunch 及 Dinner omakase都好抵食的😋晴空，用心對待客人，加油💪💪💪

見唔同渠道都大讚呢間小店決定試試。環境係舒服，坐得舒適。但 omakase 確實失望，前菜同普通 lunch set 無分別。刺身還可以，壽司非常普通，餐牌上有註明有手卷，一問之下，侍應說因衞生問題轉了鐵火卷。有點莫名其妙，是否上菜前都應講聲？其他手握壽司就唔怕衞生問題？因為見到坐 bar 枱嘅客人食緊手卷先記得問，點知換到咁嘅答案 🤔 可能係 bar 枱客人另加，因為當時已經食埋甜品，所以都沒有再問。不太推薦 lunch omakase, 或者可能其他 lunch set 性價比較高

聽聞晴空日本料理已經有一段時間，政府禁夜晚堂食又揍住兩個小朋友，想幫襯有困難。好在俾我發現佢哋搞外賣團送到馬鞍山，即刻落order叫咗兩個刺身飯，海膽，蝦，帶子，拖羅，仲有多種類型嘅魚生，果然係好鮮甜好正！外賣都咁正，堂食一定掂。可惜要飛食唔到omasake，希望第日返香港再幫襯，加油！❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

4月限定靚靚包裝！悉心從日本訂購外賣盒，更添和風氣息🥰除咗包裝高質，食材一樣可以令你感受堂食味道❤豐盛海鮮一人前，前菜，刺身，壽司，丼飯，非常豐富，絕對唔馬虎！🐟拖羅蓉丼&寶石丼海膽鮮甜，厚切刺身更鮮味🍣壽司有驚喜，底下飯粒小巧之餘比例perfect，每粒都可以感受到係師父人手磋成，非常有心思👍🏻超愛滿滿拖羅，免治質感吞拿魚蓉，加入清新蔥花，甘香肥美。寶石丼配上海膽，三文魚，角切炙燒魚生，口感非常豐富🥢試過一次，必定可以食到佢哋嘅食材特別高質，普通外賣店完全比唔到，非常專業🙌🏻

OMAKASE，大家好自然會有較高期望一嚟要好食二嚟擺盤方面點都花多少少心思可惜好多間都係名大於實味道普通之餘，裝飾亦唔令人驚豔！晴空嘅食材尚算新鮮，不過無論壽司定刺身都只係普通水平，如果以同樣價錢，我可能會選擇其他店舖。擺盤方面，亦如大家所見，唔夠精美，餐具方面亦未必好考究，浪費心力，希望餐廳會再努力啲啦！

✿ 豪華海の寶石丼 $138( 午餐定食包埋沙律、茶碗蒸、味增湯同甜品 )呢個丼飯用料好豐富!! 有海膽、三文魚籽、油甘魚、北寄貝、左口魚、三文魚、赤鯥、甜蝦等等既魚生👅海膽鮮甜無腥味 三文魚籽都幾爽脆有啲魚生有經過炙燒 魚油更加豐富 ´͈ ᵕ `͈呢個丼好有誠意 魚生既份量比下面既壽司飯仲多每啖都食到鮮味既魚生 感覺好滿足(꒪˙꒳˙꒪ ） 茶碗蒸同味增湯就無咩特別 係茶碗蒸淡味咗少少甜品係日式蕨餅 咬落口感煙煙靭靭 唔錯喔～ *ﾟ⌖˚˖* 評分𝐫𝐚𝐭𝐢𝐧𝐠 ˖*⌖˚◌ *ﾟ👅美味值：♥♥♥︎♥︎♥︎♥︎♥︎♡♡♡ 💸性價比：♥♥♥♥︎♥︎♥︎♥︎♡♡♡ 🤟🏻回頭率：♥♥♥︎♥︎♥︎♥︎♥︎♡♡♡

疫情嚴峻，家有老嫩，加上wfh, 已經唔知有幾耐無出過街，唔好話食好西。北區想食日本野，來來去去嗰幾間。始終一分錢一分貨，叫做好過無。疫情下，「揾食艱難」。揾食，對各行各業嚟講，生意淡薄，謀生好難。揾食，對食客嚟講，想避到疫又有好嘢食，難上加難。香港人好叻，逆境求生，發明外賣都可以團購，尖沙咀送到粉嶺上水，終於有啖好食🤤🤤🤤事不宜遲，介紹下今晚食咗d乜👇14寸set - 唔知食乜又乜都想食，叫呢個就啱😂 一次過滿足我N個願望 😏🦪海膽魚子蠔 - 我中意生蠔，我中意海膽，我中意魚子，我中意蔥🤣 呢個係必食推介，蠔+海膽+魚子=鮮味x3 😍😍😍 脆炸小白蝦🦐 - 大人小朋友都中意，香噴噴又脆卜卜。我老人家要食多d補吓鈣😌🐟 銀鱈魚西京燒定食 - 好滑呀😲粟米天婦羅 🌽 - 粟米fans一定要叫呢個，真係好幸福☺️食咗好幾次，到而家都仲係覺得d粟米唔散開好神奇😆🐮日本和牛燒配半熟玉子 - 好怕食到好油膩嗰種和牛，呢個一d都唔肥，感覺健康👍海之寶石特卷💎 - 好靚，好睇又好食🤤呢個口感好特別，要試吓😉其實呢餐乜都好，唯一係d炸物淋哂唔好食😢嗱嗱嗱，唔好話我唔提大家，原來炸物係要氣炸返佢㗎，自己🐷

見到雜誌介紹呢間餐廳價錢又唔係貴,所以我哋過去試下佢嘅omakase ($398),第一道菜蟹蒸蛋,全部係濕濕碎碎嘅蟹絲,沒有蟹的味道第二道赤貝，油甘魚，還好岩手縣嘅生蠔但係完全冇味中拖羅有好大條筋…壽司拼盤，海膽唔新鮮，沒有鮮甜味道，紫菜好淋， 啲飯呃得太實，壽司郎質素！最後個蛋捲甜品，好細舊，hea 而家好多日本餐廳想做omakase，濫用咗呢個字！ps:埋單,記住睇返張單,我嗌咗罐可樂最後冇嚟,但係張單冇寫可樂但價錢加咗上去

尖沙咀這間日本料理從外觀店舖觀察頗為日式化，雖然內裏空間細細，但感覺也舒服的。午市有定食供應，在尖沙咀這個價錢都算公道，大約百元以上一個套餐吧。今日揀選了兩個定食套餐，一個係魚生飯：上枱時看到非常像樣，魚生切成粒粒，鋪滿整個飯碗，感覺還以為自己去了日本呢，因為買相真的很似日本的魚生飯，材料非常多，有三文魚、海膽、帶子、鮮蝦、北寄貝等等，非常吸睛。食落口每啖都可以食到新鮮的魚生，非常爽！😋感覺食到魚生多個食飯，因為魚生的品種多，有淋身、有爽口、有煙硬的，所以層次真是非常豐富！一句講晒超正！另一個叫了一個時令魚定食，雖然不知道這些魚是什麼名堂，但相信應該是時令最新鮮、最好吃的魚吧。這個定食把魚塊切得厚厚及大大件，食落質感頗為堅實，但也頗為鮮甜，可能因為浸了醬汁吧，所以用來拌飯也非常好食。差點忘記介紹定食的一些前菜及小食：有雜菜沙律、有湯、有蒸蛋、另有小食好像牛蒡、生薑片之類。蒸蛋非常之滑而且有些瑤柱絲，食落很鮮味！雖然這餐食物份量不是算太多但也是飽飽的離開呢！😋

壽司Omakase店愈開愈多，但在疫情抵下，他們還以親民價錢製作有質素嘅日本料理可謂難得。就算點趕時間都會肚餓，買份外賣回去慢慢歎！豪華海之寶石丼套餐當中套餐已包括多款角切魚生、玉子米飯、沙律、味噌湯及甜品，真係相當吸引。沙律看似簡單沙律🥗但絕不普通，沙律入口爽脆，再加上點點芝麻沙律醬，味道香濃，非常醒胃。壽司飯飯粒飽滿，還有蛋絲、紫菜等，食起來更時口感滿滿，令人開胃！豪華海之寶石丼再來當然要講超豐富嘅海之寶石丼，當中有多款角切魚生 ，淨睇賣相都殺哂…魚生色澤鮮艷，肉質嫩滑、油份充足，味道甘香，啖啖鮮味。海膽質感柔軟，入口即溶，濃郁甘甜；三文魚子鹹香爆脆，味道鹹鮮。焦糖蛋糕蛋糕口感綿綿，焦糖味突出！

面對疫情來勢洶洶，各行各業大受打擊，不少餐廳都需要暫停營業，由兩位80後港人創辦的晴空日本料理不但沒有因而放棄，更轉危為機推出外賣omakase套餐。雖然晚市暫時禁止堂食，但午市亦有八款套餐可以堂食或外賣自取，更包括沙律、味噌湯及甜品，包裝整潔衞生。豪華海之寶石丼 ($138) 用上海膽、三文魚、油甘魚、吞拿魚、三文魚子等，色彩繽紛賣相精緻，刺身雖然份量不多但均新鮮鮮美，連白飯亦加上蛋絲、紫菜及牛蒡粒更加豐富。

晴空特選魚生丼 $178尖沙咀金巴利街點止有韓國菜？發現左一間性價比極高既日本菜: 晴空日本料理😀晴空既外賣包裝又靚又衛生，除左刺身同魚生飯，仲有麵豉湯、沙律、甜品😍 足不出戶都食到full set日本菜，真心滿足💯不得不提晴空既刺身真係十分新鮮，本身都怕外賣拎到番屋企，刺身會唔夠新鮮，但食落肉質仲好結實😋 特別欣賞白身魚真係超鮮甜，口感爽脆附有彈性👍 仲有爆汁三文魚籽、海膽，撈刺身飯真係一流呀😻拎外賣嗰陣見到餐廳環境好靚，好有日本當地料理店既氣氛❤️ 希望疫情快啲過去，可以一試堂食😎

沒有想到在韓國街內有間新開日本菜店舖，用料新鮮，份量足夠。那天我倆點了兩份午餐，餐食送到來，很是滿意，賣相整體新鮮美觀，服務員有禮簡介，價錢不貴，很值得再次去嘗食