普慶餐廳

营业中

休息中

食物種類都算合理，甜品很精美，可以多品嘗幾種不同嘅甜品，職員指示確有不足，但大部分都很友善例如：炸蝦🍤天婦羅亦需要向職員查詢先可以一次分兩件，否則都唔知原來有嘅😅😅😅

想到訪已久，了無藉口，今次例外，因為別人邀請。平日午市自助餐，估唔到咁多咁多人，原來香港真係好多人可以中午食自助餐。排隊掃碼，準時入座。記得再上一次到普慶係參加朋友婚宴，可想而知係N年前。惜日的宴會廳改為全日餐，可能如此，所有食物台都靠邊四散，反而座位在中間。由於打散食物台，所以攞食物時感覺唔會好多人。午市食物種類唔算多，每樣有啲，海鮮比我期望為多。熟食部的燒腩仔較驚喜，外皮脆卜卜，加多件燒菠蘿，解一下肥。甜品選擇多，特別係雪糕雪芭種類。是次用餐比較欠奉的是飲品只有一杯。其次是由於餐廳在地牢，沒有陽光。

屋企人農曆生日諗住去食餐好既，疫情前依間既自助餐好難book，成日都full booking，見openrice咁多好評，人少少就諗住去試下啦個場好大，成個場分左5個Area，有中菜、甜品、西餐、日式同海鮮冷盤區，每拎一次野食都可以幫助消化。安排左我地坐梳化區，燈光柔和，又唔會太近拎野食既地方，都幾舒服既。一坐低就拎左碗蟲草花湯飲，兩個字-「好鹹」，再拎埋個片皮鴨，鴨肉都嫩既，不過不失。屋企人試左個海南雞，雞背都唔會鞋口。之後就進攻冷盤，先黎日式魚生，帶子唔甜，平時一片既size，佢會幫你片兩片，蝦係成隻連殼上，食起上黎勁麻煩，三文魚，吞拿同北寄貝就不過不失啦，但唔好期望會有鮮甜既感覺再黎冷盤就係生蠔，長腳蟹，螺，龍蝦個啲。生蠔豆潤咁細隻，排咁耐絕兩啖就完左，食左4round左右，最後個round食到苦。長腳蟹有少少鮮甜既，但龍蝦就真係唔得，食到我成口沙。唯一可以讚下既就係甜品區，雪糕都叫多選擇，有8款movenpick 雪糕可以揀。有一件細既朱古力餅仔同個貝殼餅都幾好食。但蛋糕都係麻麻，Cheese cake 麻麻，朱古力cake 太漏，唯一唔錯既就係綠色個件廚師推介依個場好鍾意整啲

晚市一放寬，就即刻去食個自助餐先！今晚去咗好出名嘅逸東酒店嘅普興餐廳。 應該好多人都去過幫襯呢間餐廳，所以今次淨係寫重點！海鮮 - 每次見到條隊都大約有五至六人，個侍應會拎個碗幫你執你想食嘅海鮮，有生蠔、青口、翡翠螺、長腳蟹、小龍蝦、 蝦， 等等。。。龍蝦同牆腳蟹OK唔錯，都算新鮮，個生蠔麻麻哋， 可能侍應沖水衝得太耐， 冇晒生蠔應該有嘅味道。魚生有三文魚、吞拿魚、帶子、生蝦， 等等！ 全部都好新鮮，但可惜每次可以拎嘅數量都唔可以太多。其他仲有天婦羅、牛扒（太乾身）、各類中式餸菜同埋咖喱等等，嘢食算好多選擇，甜品有movenpick 同軟雪糕， 可惜冇我最鍾意食意大利奶動呢種口味。 而軟雪糕就似富豪雪糕車嘅味道，超正！呢間餐廳嘅嘢食選擇好多，長期爆滿，未試過嘅朋友可以去試吓！

-《The Astor普慶餐廳》🍡呢間餐廳對於我來講都幾有意思🙂亦都係我喺香港食過最鍾意既自助餐、（晚市）係非常之高質！講緊幾年前😉而家晚市就冇食過嘞😝有機會試到再出post話比大家知🤪今次吸引到我黎既就係 佢出咗個聖誕下午自助餐🥰個主題係：威士忌邂逅朱古力🍫覺得做得最出色係甜點🍮最鍾意係個威士忌冧酒蛋糕、買個威士忌朱古力泡芙😋鹹食方面就鍾意黑松露菇沙律🥗同埋介紹返🧏🏼‍♀️佢有兩款Cocktails 任飲🍋N.Y.SOUR whiskey x lemon juice（酸到飛起😆）🍫Chocolate 1st vodka x chocolate （甜到飛起）個人比較鍾意朱古力果款、酒味冇咁苦澀！今次呢個聖誕buffet 性價比超高😏每位$2xx 仲要有cocktails 任飲🤩佢每個季節有唔同嘅buffet、建議可以上返佢官網睇吓🌚______________________________score:8.5/10地址：佐敦彌敦道380號香港逸東酒店b1樓層

普慶餐廳 侍應有服務 服裝似茶記 爽手收碟算快分幾大個區域 行都有啲攰……自助餐只提供1杯飲品 奶茶/咖啡/檸茶水 汽水另付款 海鮮區 ~麵包蟹 青口 凍蝦 龍蝦仔生蠔排隊每次2隻 蠔細size 瘦身 都鮮味尾段時間冇人排 可取多幾隻中式燒味頂級 义燒蜜味肉淋嫩海南雞飯香軟熟 雞肉嫩滑熱葷~ 雜菌鴨掌 蠔汁味淳厚 鴨掌夠淋 夠入味皮唔爛黃金虾 ~燶香旦黃味 虾皮脆但冇挑黑腸冇中西湯提供芛絲木耳湯羹 好味似碗仔翅 料較少唔傑 串燒 & 天婦羅區 常缺貨 冇提供炸虾稻庭烏冬 ~滑爽 汁香燒羊鞍 肉嫩粉紅唔騷 但1:30就冇再提供 燒牛扒 邊位硬 心嫩紅肉略生 味淡口粉麵檔 & 泰式區冬蔭功湯金邊粉 泰味足 惹味 牛丸魚片很一般咸旦海鮮粥~ 粥清甜綿傑 但偏鹹少海鮮食物選擇多 refill慢至冇refill 煲蓋重

武漢肺炎搞到過埋年，垃圾正苦仲係限聚，二人限聚限枱，真係好煩。年三十晚， 返工都冇咩好做，武漢肺炎繼續work from home, 放假hea 吓都好, 有d friend又放早， 咁就一於食個團年tea la~見到eaton做緊平日tea buffet, 有chocolate fondue, 我地一行5 人分3 枱食 武漢肺炎，你快d返武漢啦，我想安安樂樂，齊齊整整食飯呀。。。。 分3枱，呢間餐廳又好盡責，隔成條河咁， 傾吓計都唔得。 見到附近有d一家幾口， 要兩個得幾歲嘅細路自己坐一枱， 冇得照顧佢地， 食到污糟晒，成身都係。。。。 我都鄧佢阿媽慘 一日都係呢個武漢肺炎同垃圾正苦搞出嚟講返d嘢食先~ 佢個tea buffet算係semi buffet, 包一個main course, 我地加錢叫咗香草烤羊架配薯蓉，有friend就叫咗安格斯牛肉漢堡配薯條， 呢兩款都要加$40. 佢有d唔駛加錢嘅main course, 計返都係$128 加一， 包杯嘢飲， 真係好抵~我地order咗main course之後，就出去睇吓有咩食， 有生果，棉花糖， 片裝蛋糕等等， 當然有

普興餐廳嘅自助餐果然名不虛傳，有好多個區域😂 唔怪得成日fully-booked海鮮盤有好多選擇，有小龍蝦、麵包蟹，青口、螺👍🏼👍🏼 可以叫侍應每樣攞啲，或者自己揀，但係就冇得自己夾邊個部位，有時就只係得蟹腳，有時就要等蟹蓋生蠔好衛生，每人限攞兩隻，用過濾水掃得好乾淨，完全冇蠔殼，每次排都係大約5分鐘生蠔味道好濃郁☺️唔係海水太鹹嗰隻，而係鮮甜嗰隻冷盤選擇少啲，熱食就好多選擇，有燒味/Pasta/中式/西式，都有5-6個區最後甜品區就有餐廳中間，雪糕口味有成九款😍 整體來講，自助餐食物水準OK，勝在真係好多款😂

生活係百物騰貴嘅香港，食個正常早餐閒閒哋都要三四十蚊，有時真係都幾肉痛㗎。竟然俾我睇到Eaton酒店推出個86蚊Buffet breakfast 優惠，噤我就當然要第一時間親身為大家一試虛實啦！整體嘢食都幾多吓，有超過60 個items，一啲都冇因為低價而比少咗嘢食。熱食有齊基本嘅香腸、煙肉、薯餅、煎蛋、即做奄列同煎魚柳等等，泠盤有齊沙律、切片火腿同幾款芝士👍🏻，包點都好多款，牛角包幾唔錯，仲有雞蛋仔同現製pancakes🥞。同場加映有生果同中式section,有幾款點心同豬腸粉等等。仲唔夠飽嘅話，可以食多碗自選湯面添。飲品好多選擇，果汁有蘋果、橙同西柚，仲有即磨咖啡、維他奶同麥精添。三層高嘅樓底加上懷舊嘅裝修，細意嘆住個早餐都幾舒服㗎！個早餐除咗抵食之外仲有個賣點，就係可以食足四個鐘頭，由6點半食到10點半，食完真係lunch都唔使食😌！💲HK$78 + 10%

Movenpick 雪糕火鍋任食128+1連一個主菜我個人覺得咁既價錢黎講，包一個主菜都算ok既。唔要求得咁多。但佢就只限一次只可以取三球雪糕。而且只有一位職員負責，所以排隊都好多人 ，打左一個圈蛇餅啦平均來說我只排左三輪咋佢個主菜d蝦都算大隻🍤但是雪糕球既話呢.................就是偏細球啦真是一啖一口同埋個雪糕火鍋既朱古力既味道我覺得有點點奇怪.....................

本來睇到只做兩星期嘅Movenpick 雪糕火鍋下午茶$128咁抵，於是好快訂位去食，點知，伏！先講入場，一出笠見排隊就排，點知冇人提示要攞飛仔。。。。幾位排隊中嘅都係咁，仲要入場先講，又要兜返隊尾再排再量體溫睇餐牌，唔洗加錢嘅都係沙律同意粉類，Ok啦，我又唔係要食飽，而係想睇有幾多野食姐一入座就有員工叫可以出去拎野食，但係落單都未落。。。。咁奇怪，重點員工見兩人枱得一個就唔走埋黎落單睇返食物，甜品主打，相信全部都係現成野，講錯勿怪。肚臍餅，Tiramisu嘅餅條，棉花糖，Brownie，曲奇，牛油蛋糕仔，仲有少量朱古力豆，朱古力恐龍蛋，熊仔糖我唔係想食呢啲囉生果係切片蜜瓜同菠蘿，朱古力火鍋應該切粒先啱喎主菜嘅黑松露意大利雲吞，味道唔錯，不過雲吞都係叫返黎，因為小弟喺超市都買過咁細粒嘅黎煮。。。冇野講蕃茄大蝦墨汁意粉，蝦三隻，完。基本上火鍋係我地食出面甜品食到7 成飽先到。。。都算雪糕檔只有一名廚師負責潷雪糕，仲有三尖八角又鬆散，其實點解唔係先預早整定一球球雪糕，有人要就即比？重點係雪糕火鍋雪糕唔硬唔實點玩？點樣拮住佢放入朱古力度呢？我明白有人話潷定有衛生問題，咁Haagen-Dazs

$78就可以享用4小時酒店自助早餐，食物種類多到試唔曬😂 粥粉麵飯樣樣齊，中式，西式，美式，歐陸早餐，糕品點心，沙律，乳酪，果汁 , 真係數唔曬😅最關心既食物質素問題，整體食物質素都唔差，現場多檔食物都有廚師駐守，全部食物即叫即整，保證新鮮，可能即整既關係，全部食物熱辣辣上碟，所以唔會差得去邊😅例如有班戟🥞 🥚蛋奄列，粉麵檔等本人十分推薦蛋奄列🍳 雖然即整，要等3~5分鐘時間，但奄列餡既配料可以自己揀，記得叫多芝士🧀份奄列好味到自己一個人食咗2份😂優惠去到2月7號，想試要快喇👍

在香港的酒店吃自助早餐,  是我的第二次,  上次是因為在五星級酒店Staycation, 所以食了一個貴價自助早餐, 當時都覺得唔錯, 雖然食物種類唔多, 但今次普慶餐廳的食物種類真係好多,  比起五星級酒店的貴價自助早餐多上好多,  質素仲要唔錯, 最值得讚是蛋都有三款選擇, 其中蛋奄列是即煮的, 加了芝士在內, 吃起上嚟是拉絲芝士, 麵包及蛋糕放在最入的部份, 好多種類, 又有雞蛋仔, 雖然不是外脆內軟熱騰騰的雞蛋仔, 但放置成企立式, 很有心思, 另外仲要有芝士吃, 有熱班cake, 沙律, 乳酪, 奶都有分全脂及脫脂, 果汁都有三款, 生果同樣有三款, 粉麵部有四款粉麵及菜, 好多醬料任加, 真心滿足, 環境又舒服, 兩人連加一都是hk$171.6, 超超值啊 不過10:00 a.m. 便 last call , 太遲去便食唔到太多種類了。

🥢佐敦人氣爆燈海鮮良心海鮮自助餐#食好西佐敦美食 #食好西良心推介 #食好西任食自助餐放題 🥢逸東酒店大家都知道佢地有幾良心，呢到唔多講，酒店地庫除了有一層是food court 之外還有一間超級人氣的自助餐，需要早半個月至一個月前去預訂，今次佢地做緊海鮮主題，之前終於訂到位，一於去試下正唔正🥢成人自助餐$658( 1-6 /12 ,27-30 /12 星期一至四）-自助餐沒有做任何信用卡-駕車人士泊車$50/hrs ,兩小時起-預訂生日蛋糕$68 / $88🥢餐廳設計香港式風格，傳統港式水吧特飲紅豆冰菠蘿冰等等提供，每位可跟餐一杯，續杯只是$15,仲有小時候的扭蛋機，入面裝滿糖果任你扭。而拿食物的地方分開幾處地方，好處是不集中，可以令人流分散都算幾好唔會覺得迫夾🥢凍海鮮提供美國生蠔，味道中規中矩帶少少海水味，另外有麵包蟹可惜沒有蓋，肉質鮮甜膏甘香，仲有小龍蝦，青口同長腳蟹腳，最正是龍蝦超多膏，肉質新鮮夠彈性，而凍螺唔好彩其中一隻唔好彩臭左，搞到即刻去廁所嘔🥢烤肉因為臨近聖誕所以都有提供火雞，火雞味道大家都知道係好似雞胸肉咁冇乜味道而且係鞋口，

真係太耐無食蒲飛見到咁多樣野食就覺得好開心😍可惜我唔食海鮮唔食生野 選擇又少左野食方面 都係食開平時會食既普通野🤭🤪紅咖哩牛肉 炒蝦 海南雞飯個雞油飯 燒豆腐 豬仔骨 魚柳 丸 心太軟都好好食😍不過窩夫 海南雞 肉眼扒就一般般Movenpick雪糕有十隻味 無隻隻試勻 食完青檸酸到震🥶都係焦糖核桃最好食 𝑳𝒖𝒏𝒄𝒉 𝑩𝒖𝒇𝒇𝒆𝒕前個早餐太飽搞到仲有好多熟食同甜品都無試到😭下次一定要再食多次😤😤餐飲只限一杯檸茶或者咖啡之類再加就要收費$10/杯😔