時新漢堡飽 (已結業)

心血來潮好想食漢堡包，但係又唔想食麥記嘅防腐劑牛肉，就去咗時新食新鮮製牛肉漢堡。雖然呢個下午茶餐牌好吸引，不過今次想食雙層漢堡，滿足下自己個胃所以決定散叫。。。呢個係雙層芝士漢堡，啖啖肉之餘啲牛肉真係好juicy,加上佢哋嘅秘製醬汁，酸酸甜甜好開胃！望返張相都流口水🤤另外朋友叫咗個雙層芝士蛋漢堡，蛋同牛肉配搭perfect match,好味之餘更有飽腹感！半熟蛋黃仲流緊汁薯條雞翼必食就唔使講啦，對比起滷水雞翼，個人比較喜歡食炸雞翼，又平又扺食！下午茶餐只係$38有埋飲品！對，呢個係普通廚師腸