時新快餐店 (已結業)

你問我時新鍾唔鍾意食 ? 你估下我是幾多年前已認識佢 ????我敢講句這兒無幾多個人夠我甘老資格 ! 我係小學底年班 (已相隔廿十五年多了) , 隔個星期六日我來探阿爺 , 晚上食完晚飯 , 就會過來買漢堡包食 ( 註 : 果時邊有甘多種類架 , 得一兩種可選) , 食完晚飯可以食幾多個 ???? 細佬仔喎 ? 我可以食兩大個 , size 是 normal size 一定比現在的大 ! 我老豆一共會買八個 , 我地一家四口 ma ..... 不過我通常第二天早餐再食一個 , 呵呵 !講真近來我都有去過回憶下 (我阿爺瓜左我無再去紅磡了) , 質數真是差了很多 , size 唔好講 , D 沙拉醬無以前甘好食 , 以前是甜一點的 , 整法差不多啦 ! 講多樣野比你地知 , 以前不是這個位置架 , 係黃埔街中後段咪有一間西醫 , 開係佢附近架 .... 唔知點解越搬越出 ! 唔信你問下老闆啦 , 果時佢仲好後生 !

近年開的不少過江龍或土砲漢堡包店, “肉汁”是經常見到的字眼.當我食這個雙層芝士漢堡時, 甜酸的白色醬汁和著油滴落台面…“肉汁”也許有吧, 但我相信是洋蔥汁多於肉汁呢! 但無論如何, 有肉味, 面包烘過微脆, 由於油水充足不會乾”真真”不過芝士就可有可無, 而且加了洋蔥失了口感, 太淋..洋蔥味久久未散, 情侶要注意!! 波浪薯條粗身而香脆, 勝在口感. 味道則一般.反而那蕃茄醬有驚喜. 尚記得初來香港報到時, 第一次食m記薯條時點的蕃茄醬就是這種味道,味道較濃, 無咁甜. 炸雞髀無食, 應該唔差.不過如果店方能有紙巾提供就更好了.

第一食..係因為睇左呢度既食評...食完算係okla...因為佢係即整.夠晒熱辣辣...價錢都算公道...不過...我覺得又未至於捧到上天...如果同BurgerKing比..我寧願食返BurgerKing,...m記就....間中一次半次..頂下胃都得既第2次食...lunch黎...試下飯先...嘩..呢d咩野黎..點入得口......而且紅磡黎講...價錢偏貴...仲好難食行經開去食個包..試下就算.....至於值唔值山長水遠黎呢到..就.................見人見識

上個禮拜六行錯路太夜所以唔揾la~~今日終於去一試結果只係~~普通姐！個包好細塊漢堡扒重細晤似睇相咁大Ｄ沙津醬好小不過算啦！唔係太好食廢事叫佢加漢堡包都叫過得去，魚扒包先難食$11蚊同麥記差不多但麥記都有塊芝士包同魚份量又大過佢，佢又無芝士沙津醬又小只係一塊魚加包而沙津醬咁小咁樣配搭係好似乾ga咁~~唉！真係唔值身水身汗專登揾餐飽~~可能以前真係好食但出名後唔優做就會質素下降雞脾都算ok唔會炸到乾哂，同埋Ｄ店員唔會因為出名而寸寸貢都幾nice所以唔加咸面專登入嚟既人要有心理準備希望越大失望越大，可能我希望過高見佢咁勁評語如果係我屋企左右會覺得ok~~但評語咁高去到咁遠只係一Ｄ普通味道未免失望

每次上Openrice都發覺呢間店長據榜首, 上個星期去開果頭, 於是走去試下.叫左下午茶餐: 漢堡飽+熱杏霜因為即叫即整, 所以都等左約10分鐘. 一見到個飽有d失望: 點解個飽咁細o既? 塊漢堡扒重細?! 食味方面就ok, 始終新鮮整好, 都唔會太難食. 個飽好軟但表面有d脆, ok. 漢堡扒真係好細塊....就算係厚身同埋有洋蔥在內, 都覺得唔抵! 好多地方o既漢堡飽都好食過佢!都係試完一次之後冇下次啦!

星期六，坐滿晒，唔想自己一個響店內面坐，所以買外賣今次買左 : 雙層芝士漢堡 : 被外賣盒焗左一陣，芝士融融地，好正，塊漢堡扒我覺得比以前多左洋蔥，可能物價上漲啦，但都算抵食o既 炸雞髀 : 第一次試雞髀，未食已經聞到好香，我鍾意冇炸粉包住o黎炸o既雞髀，冇乜雪味都唔算太油伙計幫我用紙盒裝好晒 d 食物 (唔出聲佢通常會用膠袋)，拎到返去都冇乜點走樣 時新咁近，有時我仲會買 d 漢堡扒返去加 "食送" ($5/件)真係成日食都唔會厭

睇到第一位，一定要去食下la!講真，位置就真係幾唔方便下，因為始終無地鐵，所以，我經過先去食！我買左雙層牛肉漢堡及魚柳包。個牛肉漢堡正如大家所講，好食！我想講係個魚柳包，因為個包唔係即時食，隔左成個鐘之後，再食都好正，而塊魚唔係老麥個D炸魚，係即煎魚柳，正！所以，大家可以去試下，真係唔錯！下次，我會食雙層牛肉芝士蛋漢堡！

同好多人一樣, 好想知長據Openrice榜首既時新漢堡飽有幾好食上月某日同男朋友去開黃埔行街, 理所當然去搵時新試試~地方唔難搵, 企既人多過坐既人, 無理由係等位丫? 原來係等緊外賣..收銀機係"假"既, 叫野食同俾錢都係o係返等野食o個邊... 怪怪的..叫左2 sets雙層芝士蛋漢堡+凍奶茶懷著期待既心情, 等左成15分鐘先有得食成個飽比想像中細, 漢堡細過塊包, 蛋就同包一樣大包係烘過既, 外脆內軟好香好口感蛋係半熟, 又未至於會漏d蛋汁出黎, 加埋半溶既芝士, 幾好反而d沙律醬因為成個飽太新鮮滾熱辣既關係而漏晒出黎, 食到有d le hea而主角漢堡, 雖然係厚, 但係好細塊.... 加左洋蔥口感好好, 可惜我覺得太咸......所以overall 既感覺就係飽太細+咸.. 唔算十分好食...個人認為麥當勞好食過佢..Mos Burger, Triple O's 等更加好食過佢幾倍...山長水遠入黎食的話真係不必了... 經過開去食就ok

今個夜晚我同bb去左黃埔, 不過過左另一條橋, 所以搵左好耐先搵到時新呀~佢地理環境其實幾好丫~ 我諗閒日應該好多人黎食一入到去勁多人, 個個都有叫漢堡包同薯條, 我地唔太餓所以淨係叫左包啫~~bb請我食包包~ 買完都要等架,因為即叫即做啊 由於我地唔知咩最好味, 所以叫左芝士蛋漢堡包加沙律醬!第一眼見到個包好厚呀, 好似好新鮮咁, 咬落去d沙律汁同肉汁多都漏晒出黎~大出洋相呀haha~~ 佢都平時d漢堡包唔同味架, 特別係d肉裡面有洋蔥~ 幾好味幾特別呀~~下次想試下我最愛的薯條

第一次黎到時新,係舊式快餐店,今日下晝黎好肚餓呀,當唔算太多人,等左一仲有位添!叫左2個雙層芝士漢堡,炸脾,炸薯條要等一陣,因為係即叫即做.先黎炸脾,薯條,好肚餓關係即食薯條,薯條麻麻地,炸脾好好味,炸到得熟透,好熱添,跟住漢堡包才到,好味,好多汁,可能先黎食左其他先,又唔覺得個包,勁好食.不過我下次會再去,淨食包先,哈哈哈~

姑姑年紀日大﹐ 好耐好耐都無惦 junk food 了。 專程驅車過海試下時新D 漢堡點好食。地點唔難搵﹐ 火車站天橋直落紅墈就係。 間店就真係細左D 同埋都好舊下。 港式招呼﹐ 普普通通﹐木口木面。 今時今日﹐ 唔得架哪。3 份雙層芝士旦 漢堡 x $15﹐ 2份豬叭漢堡﹐ 2份薯條 (chippy) = $87.芝士旦 漢堡 好港式﹐ 軟棉棉﹐ 無牛味﹐ 無洋蔥﹐ 無生菜。 食慣番邦漢堡﹐ 港式唔岩姑姑口味。豬叭漢堡兩個食剩一個﹐ 無人吼。薯條唔合格。 粗身薯條叫 chippy, 外脆耐軟。 麥記D 係幼身薯條叫 fries﹐ 唔同食法。 時新D chippy 外唔脆耐唔軟﹐ 重炸到濃晒。姑姑遠居番邦多年﹐ 逢拜五 fish n chips 日﹐ 諗起重流口水。 最近食個間叫 burger field 就真係正啦。 唔知香港有無分店﹖唔好意使﹐ 港式漢堡店碰著個半鬼婆﹐ 唔合格。

先要多謝一位好心的市民...她竟然帶到我行去這店! 謝謝你去到其實人都很多,因為這店地方都不大!有一部收銀機,但是不收銀的?!?!每人都要到櫃面購買!有很多人都是外賣的而我一個人很快就會有位可以坐,所以堂食叫了一個 芝士漢堡蛋 和薯條等了一會就有得食了個包好香,包是有烘脆到的...滿面都是芝麻,雖則都是來貨東西漢堡有別於出面的普遍打正旗的美式漢堡店因為入面有洋蔥關係,整個包層次不同了蛋也做得出色不過可惜小了一點吧薯條,我很喜歡食"波浪薯條"但是我覺得一般,很乾!下次可以不叫這個總括都叫可以了!如果喜歡食漢堡(港式),可以一試但價值真的挺經濟

因為時新正正o係自己學校附近, 所以我同班同學一得閒/ 一放學就會去果到買個香噴噴又即叫即整o既漢堡包食下．．加埋脆卜卜o既雞脾．．真係一流．．佢個孖芝．． 超讚.．．塊漢堡勁juicy．．唔似麥記果d 咁死實實一餅野．．又多我鐘意食o既洋蔥．．勁香．．　試過買入classroom 食，成間房都係漢堡味．．正．．雖然個size 係細左d．．不過以味道黎講佢真係比麥記o既抵食十倍．．講到雞脾，我冇食過比E 到更好味o既炸雞脾．．即炸出黎外層脆卜卜入面又嫩滑，幾蚊雞勁抵食．．我記得佢d 炸雞翼有俾雜誌做過專欄介紹．．不過我從來都唔會坐入去食．．又熱又細．．

o係紅磡返咁耐工都未試過呢間野上星期俾同事再勸我既情況之下決定去試試我叫左雙層芝士漢傑, 薯條, 可樂個包超正我係加curry汁, 都唔錯兩塊漢堡好多肉汁入面又有洋蔥粒好味過m記好多而且價錢唔貴只係13蚊一個咋只係我要用刀叉黎食因為太多咖哩汁流出黎啦我一路食一路諗下次要試邊款至於薯條真係把鬼又唔熱冇乜特色我下次一次會再食!

第二次教完書，跟男友辦簽証前又來一次，一時多到達，這次走很順利，又不用等，只有三兩食客。這次免了炸脾，與男友點了雙層芝蛋漢堡，還有可樂和凍奶茶，他說奶茶普通，可樂也無話可說了(竟然忘了留意容量，看老闆會否為我們爭取更好)。漢堡包的質素沒下降是必然的，跟上次沒差，但因為人少，坐得更舒服，吃到滿咀/手沙律醬 在這一個閒日的下午。