時新快餐店 (已結業)

我响哩樹附近做咁耐都係近年先哩間漢堡包咁出名，於是有日lunch去試吓，叫咗個漢堡芝士蛋包。結果食完之後，我覺得仲好食過老麥。可能係永遠新鮮熱辣既野係最好食，所以後期我地下午茶都幫襯佢。另外佢既蛋牛治都好好味唷！

好辛苦咁搵到聯記川王，原來時新就喺隔離，咁當然一併試埋啦 企喺遠遠的都聞到香味了~~~好多人啲包即叫即整等咗差不多十分鐘呢（對於餓極的我，仲要對住佢一個個香噴噴既完成作……頗殘忍 >.<）我只係試咗佢既芝士漢堡（$11）塊漢堡真係好好味同一般連鎖店一餅嘢既好唔同下次要食佢個雙層芝士漢堡，雙重漢堡享受，yeah!!!

呢間野聽唔少開飯友捧過，初頭諗價錢咁大眾化多人覺得抵食一D都唔奇，不過如果唔好食，就係一蚊一個包都無人話抵啦﹗於是說服自己星期日放棄食西堡，決心黎會一會呢個港產『太堡』。其實交通都幾就腳，一出港鐵紅磡站行條天橋就到。係門口聞聞，一股舊式茶室味，難怪經過幾次都唔知內有乾坤。午餐時間爆滿，問阿姐店內可唔可以係出面開枱或者幫下眼搵個位，唔知阿姐係咪俾人訓示過唔好講錯野定好少同客傾偈，只係怕怕羞羞搖搖頭示意『幫唔到你』。在外待了一會，有位坐低，落柯打，過程如大家樂流水式作業。又等了一會，開餐了﹗﹗(食評見圖下)整體感覺良好，不過摺式坐椅配老腰骨，港青們別指望會坐得舒服。就CHEAP 喱平心而論，這店有時間經過一食無妨，但不至於要專程一試。

終於同同學仔品嚐了吃了"單層蛋漢堡"一味食到多油個扒係就係好香 好多醃料可能對佢既期望太高了 我覺得平平無奇但我d朋友就覺得好好味啦總括來說過得去

今次係第二次黎食時新, 上一次食左個芝士蛋漢堡, 食完之後感覺「到喉唔到肺」, 今次識揀嚕, 叫左個雙層牛肉芝士漢堡, d漢堡扒比上一次既結實, 唔會太軟, 不過洋蔥味就重左dd, 但係咁先至正, 好過再夾多層洋蔥!我兩次黎食都係要原本個汁(沙律汁), 雖然都係比較稀, 但係唔會話好淡, 有時太杰個人會覺得比較滯...個汁連埋個飽同埋兩塊漢堡扒係十分之夾, 再加上半溶既芝士.....都係果句, 食到唔停口!! 若果用車打芝士...我會覺得更加好味~~環境方面係d座位比較逼, so far都係食快餐, 唔會坐得好耐, 間舖既位置就比較隔涉, 不過開係旺舖位既話, 個價錢就唔止依家咁平嚕今次係小弟第一次係openrice寫食評, 就係分享下自已對時新既感受, 因為佢既食物, 俾左我好好既印象

幾個月前曾經去過時新，當時覺得水準不錯。但之後上openrice，見到網友評價有讚有彈，於是再去多一次，試真d時新既食物。上次我叫左雙層芝士漢堡+炸雞脾，今次都係再加埋杯凍奶茶~而雙層芝士漢堡及炸雞脾水準就依舊出色，個特製漢堡在製作過程入面已經加入洋蔥，口感獨特，其他地方真係食唔到。炸雞脾雖然都係多油，但炸得夠脆，肉味亦不差，真係時新既兩大特色食物。凍奶茶稍嫌奶味重左d,不過都算唔錯!!整體來講，我眼中時新仍係一間出色既港式餐廳，環境雖然狹窄，但有八十年代既特色。同埋來到時新，一定要叫漢堡呀~

見到大家寫到好似好好食咁,而且今日得閑,所以就去試下~我同男友叫左一個(雙層芝士蛋漢堡)，同一個(雙層芝士漢堡)仲有杯lemon tea~個漢堡包未食就有好多汁了~一拿上手,d汁就不停咁滴,而且好熱騰騰,漢堡好多汁,好好味....食一個都可以是一個午餐了~因為都飽的~

冇想像中咁好味,不過都幾好啦.食左豬扒包同飲左杯熱朱;兩個都OK; )不是熱朱好似貴左D..下次會去試下雙層芝士漢堡*

一路看到時新於openrice有咁多好評，都想去試試，但地點不太就腳，一直都沒有機會。今晚終於有機會去那兒，和媽媽2個人慕名而來。我叫了「雙層芝士漢堡」，真的幾好吃，漢堡排肉汁很多，味道新鮮，芝士溶溶地，醬汁有點酸幾開胃，而麵包好像微微烘了，份量幾大，品質的確比連鎖店好！媽媽叫了「雙層芝士蛋漢堡」，她也很滿意！整體來說幾滿意，再有機會到那兒會再去試！

一早起身去左九龍塘搵個師傅補鐘,補完鐘先九點半,見時間尚早又好想食個飽,於是搭港鐵落紅磡去時新買,十點前去到,只見小貓三四隻,不過就算人多都冇所謂,因為要外賣多一個俾媽媽食,所以我order左兩個雙層芝士漢堡蛋飽,買完後上左車我急不及待食返個,未食聞到陣香味已經流哂口水,食完之後簡直冇得彈,d汁又多,流哂出黎咁制,雖然唔係好大個,但係如果做早餐已經係好豐富,15蚊已經飽哂,有時間一定會再黎

好耐之前已經想黎架喇...但唔就路, 所以等到今日先黎仲要係專程黎, 因為實在太想試佢啲漢煲喇...閒日冇乜人, good~叫左一個芝士蛋漢堡, 我細佬就叫雙層芝士漢堡第一次唔識叫, 原來雙層嗰個先有兩塊漢堡扒!成個包...最正就係個漢堡扒, 真係好好食可能佢有洋蔥係裏面, 又係人手整, 所以食落去同一般漢堡扒好唔同!其餘既都係普通料, 成隻煎蛋擺入去係只有港式漢堡先會有~我兩個都試過, 雙層嗰個真係正啲, 雖然冇蛋~佢個包唔係好大, 我地另外叫左奶茶同薯條...薯條炸得太過火...條條都好脆...脆到入面都脆埋冇左個口感~其實話佢啲漢堡包真係好出色又唔係~我諗時新咁出名既原因係因為港式漢堡係hk愈見愈少既關係吧~overall唔錯~可能會再黎食....下次一定係食雙層嗰個...哈哈

今天下午來試食，三點多鐘，只有四五個客人，吃了芝士孖堡、炸雞肶和奶茶，也算不枉此行。芝士漢堡:：漢堡扒味道香濃，牛肉味醃製得宜，即叫即做，煎牛肉時還將醬汁加在牛肉面上煎，令味道得以提升，非常滿意。只是那片卡夫芝士沒什味兒，但也不減興緻。(之後還買了芝士蛋孖堡和芝士孖堡給家人吃。)炸雞肶：不算差，夠熱夠滑，但真覺得味道清啖了一點和油了一點，不夠乾身。(可能我很喜歡美心快餐那炸雞肶的味道。)奶茶：普通，沒特別。有機會一定再來。

we came here on saturday around 12pm and was surprised that the place wasn't that full as it was ranked #3 most popular by this website. we ordered a double cheeseburger (without fried egg) and scrambled eggs with corned beef and toast. the burgers were made to order and were served to us in less than 5 minutes. the patty was super hot and full of onions and supposedly other spices but i could only taste the onions. pretty much everyone in the cafe was either eating the hamburger or a fried

話說吃完川王的涼粉都未夠飽, 順腳兼順口過來時新飲啖茶食個包。是以要了魚扒包 ($11) 和奶茶 ($9) 各一。又是約一年前來過的時候, 那時候時新雖已是開飯的名店, 但那時無論店的陳設到員工的裝束仍是很街坊的, 聞名全港之後, 裝修依舊很七八十年代, 但上至老闆下至扒爐員工都已清一色醒目紅色制服上陣, 招呼也好像比以前好了。三數分鐘後就叫號取餐了 (沒錯現在是要攞飛仔的)。稱得上是港式漢堡包鼻祖, 麵包用上了本地製作的嘉頓芝麻包, 香鬆軟兼備; 魚扒是煎的, 軟滑無炸皮, 不用怕吃到刮口, 不過也算多油, 而且沙律汁很稀, 流到一手都是, 挺狼狽。奶茶倒是一般貨色。點餐的時候看見炸的金黃的炸雞脾, 實在誘人, 可是我再吃不下了也......倒帶一年前: 第一次來吃的時候, 吃的是牛肉漢堡, 其實還算不錯的, 只是肉餅做的比較鬆散, 但起碼不是麥記那種牛肉乾貨色, 我為了它破了戒又有什麼所謂, 哈哈!

十分擁有懷舊感覺的時新,交通不是太方便,但不難找~一向不會去紅磡的我,今天把心一橫,決定去試試!!!兩點左右,只有一,兩位客人~點了一個芝士雙層漢堡包+汽水,師傅立即動手去煎牛肉和漢堡包~<芝士雙層漢堡包>新鮮熱辣的漢堡包有兩塊牛肉漢堡扒,小量洋蔥和一片芝士~漢堡包因剛剛煎的關係,外面脆脆的,但內裹還很軟熟~芝士亦因熱而很快溶化~漢堡扒很軟,而且很多肉汁,比出面漢堡包店大有分別其實現時有很多新晉外國漢堡包選擇,款式也令人花多眼亂~整體而言,今天嘗試的漢堡包好像比外國漢堡包略遜一籌,不是時新弄得不好吃,而是外國漢堡包會用很多醬汁令味道更濃或很多不同款式~不過我還是會給一個笑臉,因為以港式漢堡包而言,它已經很出色~