時新快餐店 (已結業)

好耐之前已經想黎架喇...但唔就路, 所以等到今日先黎仲要係專程黎, 因為實在太想試佢啲漢煲喇...閒日冇乜人, good~叫左一個芝士蛋漢堡, 我細佬就叫雙層芝士漢堡第一次唔識叫, 原來雙層嗰個先有兩塊漢堡扒!成個包...最正就係個漢堡扒, 真係好好食可能佢有洋蔥係裏面, 又係人手整, 所以食落去同一般漢堡扒好唔同!其餘既都係普通料, 成隻煎蛋擺入去係只有港式漢堡先會有~我兩個都試過, 雙層嗰個真係正啲, 雖然冇蛋~佢個包唔係好大, 我地另外叫左奶茶同薯條...薯條炸得太過火...條條都好脆...脆到入面都脆埋冇左個口感~其實話佢啲漢堡包真係好出色又唔係~我諗時新咁出名既原因係因為港式漢堡係hk愈見愈少既關係吧~overall唔錯~可能會再黎食....下次一定係食雙層嗰個...哈哈