時新快餐店 (已結業)

今日胃口唔大, 岩岩好放得落一個包我叫左個芝士蛋漢堡, 之前兩次都叫黑淑汁, 今次要咖喱汁 $13識我既都知我唔鍾意食茄汁同埋沙律. 所以時新有其他汁揀, 本人真係超開心朋友們要左芝士漢堡同豬扒包, 都係$11等左5min左右終於有得食.d 汁如舊都係滴晒出黎, 所以食之前最好拎定紙巾.塊扒面積細但夠厚, 肉入面仲係一片片既洋蔥, 絕對唔孤寒d 洋蔥味可以入落d 肉度, 揀直match. 如果另外鋪上面既話冇個咁既口感之外, 亦都好易會跌出黎所以哩個功夫值得加分啦個包烘得脆脆既, 熱辣辣最好食.加隻蛋又多一層味道.佢既煎蛋係好似屋企煎o個d 咁, 加多隻蛋要加$2 係貴左d, 不過食好d 嘛咖喱汁冇乜味, 下次都係要返黑淑汁.我覺得哩個都夠大, 都已經食得好論盡, 都唔知d 人點食雙層再加蛋XD

今朝帶咗豆豆去絕育, 要5, 6點先接返佢, 咁成個中午去邊好呢, 唸完決定黎食盡黃埔, 點知聯川竟然貼咗張紙"2月10至28日休息"!!!!!my god~芝士蛋漢堡包$13 下次唔叫芝士, 唔知點解同蛋混合咗有d怪味個人唔太喜歡, 個蛋仍然係好香, 個扒最正, 勁多洋蔥芝士雙層漢堡$13 呢個加芝士就好夾喇, 食得好滿足, 啖啖肉...但感覺好膩....凍啡$10 我覺得ok, 男友覺得唔好, 冇乜咖啡味喎~好淡P.S. 記得已經一年冇嚟呢度, 今次帶點失望, 因為其實我倆係叫咗沙律醬同黑椒醬, 我食唔到....打開都見唔到...唔通融咗? 男友嘅黑椒汁都可能係蒸發咗, 得返幾粒黑椒碎....以前我們都食到有點狼狽樣, d汁食咇出來, 感覺勁正, 而今次唔好講食唔到, 望都望唔到, 而且以前個扒係肉多d, 好多肉汁, 今次一味多洋蔥, 冇哂食扒嗰種感覺另外, 唔知呢度會唔會可加生菜, 番茄配搭呢, fresh d嘛~

朝早食完麵, 有d失望,希望呢度可以加番分啦!叫左個雙層芝士蛋漢堡包, 即叫即整,正!!!個包熱辣辣，芝士半溶, 漢堡扒好juicy, 一路食d 汁一路滴, 隻蛋仲係糖心的!! 最欣賞d炒過的洋蔥,好香口(本人最憎食生洋蔥)! 真係不枉此行!!!

環境個d全部唔講直接入正題,第1次同同學黎叫錯左,點了芝士漢堡之後發覺原來有雙層,仲有炸雞脾同紅豆冰,炸脾冇咩期望只係想吃又叫,紅豆冰唔差!?個包雖然知道自己叫錯但同其他幾個同學都覺得好好好好味!!包,漢堡即叫即整,芝士片原整,樣子就好似m記既display相中一樣咁靚,完美配搭~~第2次同女朋友黎諗住一試佢個雙層,但反而雙層冇咁完美,應該係肉同其他料既比例唔太岩,兩塊漢堡好滿足但唔夠一塊既整體平均,但都係好好味,扭紋薯條正!!扭紋既薯條係至愛~~

厚厚既漢堡肉，加上芝士同沙律醬，完全係完美既組合，雖然個包外表不及那間McD....同Mos B.... 或burgerki..又或freshness bur...好，又或者無特別既材料或醬汁，但係我敢講，呢個漢堡包比起以上那幾間快餐店既包好味一千倍，越簡單既食材同越簡單既煮法先能夠煮出最美味既食物，價錢又大眾化，大家都食得好開心，真係又抵食又好食，難以以三言兩語可以講出夠竟有幾好味，要知幾好味，真係要自已好試下先知。

一個食飽飽嘅 lunch time，同同事提起呢間喺Openrice 出哂名，大家興之所至一齊尋寶去。我哋穿過啲橫街，離遠已經見到好多人排緊隊，入到去係一間好舊式嘅自助快餐店，店舖充滿著香濃嘅 burger 味。由於已經飽飽，我哋叫咗1個煎蛋漢堡2個人 share。漢堡包即叫即做，老板仲幫我哋將個包切成2份。淨係見到個熱辣辣嘅包已經流哂口水，一啖咬落去，塊漢堡扒好 juicy ，加埋洋蔥一齊炒特別香，個包烘過後外軟內脆，塊煎蛋仲係溏心蛋嚟架!好滿足，返到 office 口裡面仲回味著漢堡包嘅香氣，下次一定要再嚟!

今次係專登黎試時新ar!!今次點左一個單層芝士漢堡包配黑椒汁外賣，堂食見到每位朋友都食漢堡包，但就好多汁滴出黎, 見到我就好想食啦!!等左5分鐘度，終於有啦!!好開心ar!單層芝士蛋漢堡包配黑椒汁- 個包好熱，塊芝士半溶狀態~好好食- 但我食唔到塊漢堡有洋蒽味~不過塊漢堡就好多汁- 感覺上外賣無咁多油，唔知係咪有個膠袋載住唔覺有油滴呢!- 仲有塊蛋ar - 係半生熟ar~勁好味下次會試炸薯條同埋雙層芝士蛋漢堡包!!

又出紅磡lu做完件事之後呢!同朋友s就去時新好多人!不論係門口同埋入面第一次真係去時新叫野食==攪到我有d徬徨係個開放式廚房前面有個阿姨專門落單收錢同pack up我地叫左漢堡蛋飽同埋雙層漢堡芝士飽等左7分鐘倒woo~熱辣辣香噴噴真係差d唔記得影相事關太肚餓xd漢堡蛋包 $11蛋好juicy唔老!漢堡真係唔同平時m記果d硬kelkel麵飽鬆軟!加埋真係好好味!好match好味呀個價錢又唔係太貴唔洗一陣就食晒!食完好滿足我終於食到啦

昨天吃tea時間突然想起一直還沒有機會試過這間著名港式快餐店決定一試其出名的漢堡包和朋友share了一個雙層芝士漢堡包配黑椒汁還點了一份炸薯條先說說那個雙層芝士漢堡包配黑椒汁($13)嗯~~~十分juicy呢一咬落去個包汁便滴出來其實有少少油不過又未至於成口油~可以接受另外,中間有少許洋蒽配以黑椒汁還有塊芝士半溶的味道好夾~好好味呢~~~~真的不願再吃麥當勞那些又乾又薄又無肉汁的漢堡包了至於炸薯條($10)也是普通的曲形薯條新鮮炸起脆卜卜可惜不夠味道要加些少鹽和胡椒粉才行下次我會試試朋友推介的炸雞脾和魚柳包

時新的雞脾好好味啊!炸得香,又多汁...反而漢堡係好味...但係又吾係有果種一試難忘的感覺...雖然間野好細,但係來到hunghom一定會去食!!!

食過幾次...次次都好得!!!成日都想再去食~~d 漢堡包好好食...d 醬汁仲可以揀~~粗薯條超正...即叫即炸!!

好juicy!!! 食完先知乜叫juicy! M記果d真係行開d!!! mos burger行開d一定再幫襯!!!!

真係好食呀..!!!食到d肉汁juicy既感覺..仲有得簡要咩汁..好似玩緊以前`hit個隻game"快餐店"咁如果下次行開一定要再試

難得哩排係POLY返學 , 今日女友黎接放學一齊去食 !由於唔肚餓關係 , 叫左一個雙層芝士蛋同著條一人一半 ~服務態度都唔錯 , 叫佢切開一半無問題 ~個包好多汁味美 , 而且即叫即整好新鮮熱辣 , 芝士都客哂個包好鬆軟 好好味著條就普通水準不過不失啦

住黃埔今日終於的起心干去試時新!!!芝士蛋漢堡$13,,雙層的話$15,,好後悔無要雙層!!佢既漢堡唔係m記個d,,係自己新鮮整的,,juicy+有洋蔥汁!!好唔好食就見仁見智啦,,但一定係港式!!完全同外國style既burger係兩回事!!即係整比你,,我12:30到去等左5分鐘到啦,,我自己就好欣賞啦