時新快餐店 (已結業)

耐冇寫呢間飽店，不代表我冇幫襯架，我一向都係忠實FAN. 今次叫左:雙層芝士漢堡依然係必叫，當然次次都係一個好字啦.第一次試叫滷水雞翼，10蚊2隻，有滷水香味，食落就唔太有滷味，OK啦.

慕名而來，招牌換咗，嘗一嘗那港式漢堡，看到價錢招牌感到非常驚喜，15元一個包，加汽水都是21元，一個字「低」，現今環境食一餐飯絕對超值。口味絕對是港式味道，沒有像美式口味那樣吃過後就有一股洋蔥味，因放在牛肉餅內的洋蔥是熟的不像美式的做法是生的，如果多一點醬是更好，21元食一餐「超值」。結果: 滿意。

第二次黎食, order 左一個魚扒包, 一個豬扒包, 一份薯條第一次黎食都覺得幾好食, 夠多汁..今次食番魚扒包反而覺得一般, d 薯條凍左唔好食><豬扒包係第一次食, 唔掂當

因為我之前同男友大人講好想去食呢度嘅漢堡包，咁所以就決定今日第一餐就試時新啦。位置就正正喺聯記川王隔離，所以如果未去過嘅朋友都唔易搵到。我哋大概十一點左右坐底，都未算太多人，不過唔洗一陣就有好多學生哥入嚟，十二點未夠就坐爆成間店咁泄啦。一望埋牆上個餐牌，花多眼亂，我最終決家要個芝士蛋漢堡加凍檸蜜，男友大人就要咗個雙層蛋漢堡加凍奶茶。之後見到有人order薯條，男友大人又話想試吓沙爹牛肉麵，就係咁我哋就追加埋呢兩味啦。好快啲食物就喺眼前，一拎個包上手，已經感覺到個嘉頓麵包好鬆軟，跟住我一啖咬落個包度...好好好好香嘅漢堡牛肉加埋洋蔥味同又香又濃嘅肉汁、沙律醬就逼入口，真係超好味，肉質鬆鬆軟軟得嚟有一啲肉粒，好有咬口，好有水準嘅港式漢堡。不過男友大人就話略嫌牛肉味唔太夠，不過佢整體都好滿意。薯條炸得透而且唔過火，好香口，但係一定要自行加鹽。沙爹牛肉麵就比較遜色啦，沙爹味唔夠，牛肉好似白烚咁，而個湯比較啖味，個麵質好硬，好似煮唔透咁，所以我同男友大人都只係食咗幾啖就放棄咗。總括佢嘅港式漢堡包真係名不虛傳，男友大人話下次要試埋其他醬汁(黑椒汁同咖喱汁)，而我就會試佢個魚柳包，好期望再會時新。

今天和老公公經過紅磡 ，一齊去試試時新啲漢堡飽~!!我們叫左個双層芝蛋漢堡漢堡的賣相很不錯 而且即點即製 新鮮~good漢堡一個包十五元 而質素很不錯蛋很好吃，沙律汁不太多但分量剛好，牛扒十分juicy>>>>

因為蜜糖兒愛吃漢堡包，又點可以不試試有名的時新呢不講不知原來時新都有40多年歷史，真不可睇小啊：双層牛肉芝士蛋漢堡牛肉真是與一般連鎖經營的漢堡包店不同，首先是牛肉中有洋蔥碎粒，其次是煎至香得來還帶點焦，但又不是燶，所以個包會份外香脆牛肉味又會濃過一般的漢堡包連鎖店，因為是自家製的原固。麵包又焗得香軟。還有是可自選醬汁，食落真是與別不同芝蛋漢堡炸薯條好夠脆，真是炸到條條都脆卜卜"好"炸雞肶這個就一般，雞皮不夠脆，雞肉都可以。凍檸茶茶味不足

一放學~同兩個FD一齊去食漢堡飽~其實話去依間食野都講左好耐~今次終於有機會去到啦~一入到去，即刻搵個位坐低先啦~之後就叫野食啦~周圍望緊個陣~見到有兩個人係後面整緊漢堡~名不虛傳~每份既SIZE都一樣~睇落都幾好食~於是三個人叫左芝士漢堡蛋飽~雙層芝士漢堡蛋飽~同埋雙層芝士漢堡飽~三分鐘之後佢就有得食~非常快~GOOD一拎起就非常掂檔~熱既~我叫左雙層芝士漢堡飽~一咬落去~飽面鬆軟~飽底微脆~漢堡當中加入左唔少分量既洋蔥碎~非常好~由於漢堡係自己整~keep 到 D 肉汁~塊芝士好快就溶左係飽同埋漢堡當中~但係D芝士味就唔係咁覺~應該係漢堡入面既洋蔥太強搶走左芝士個隻味~D 沙律汁同個漢堡飽既配合相當好~令漢堡食落更好味~環境上仍有改善空間~著實坐落會覺得有少少迫~不過依間真係食到香港風味既漢堡飽~

難得由伯爵麵提議吃飯的地方~~~ 呵呵~~小隊們這次到紅磡去 一試伯爵麵推介的漢堡包最初粉仔以為是那種美式餐廳~怎料原來是一間很地道的快餐店 第一眼還真是有點嚇到~ haha不過店還真是有不少人在排隊買外賣~~~粉仔在伯爵麵推介下點了雙層芝士漢堡包 伯爵麵另外還點了盤薯條~~漢堡的賣相很不錯 而且即點即製 新鮮得很而且不像連鎖快餐店的包都扁扁的~ 這個拿出來很厚一下~~ 雖然漢堡扒的外表好像有點焦 但吃下去一點也不乾身 很juicy而且混入了洋蔥 令漢堡扒更加香口emotion另外有朋友點了魚扒包 不是m記的炸魚扒 而是煎魚扒~~ 很吸引~~魚扒吃下去沒有冰鮮味 而且魚肉還很嫩~ 不錯不錯^0^~~這間的漢堡一個包十三、四元 而質素很不錯只是坐得不是太舒服~ 下次有機會路過 一定要再去吃吃看^^

19/OCT妹子一直一直好想去時新食漢堡包~而今天妹子終於達成願望了！之前妹子看其他食評都是正面的，而時新亦長期霸佔著紅磡區首列位置~於是今天妹子不用上班的同時晚上又要上學時，便早些前往紅磡覓食~當然…妹子要預留肚子的空間去容納當天的美食喇！妹子3時多便乘西鐵前往紅磡總站，平時大多是在此站轉車，並沒有出過站，所以妹子出站時都沒有方向感，不知那個位置出？妹子又不記得抄下地址，於是誤打誤撞又比妹子行對了方向~哈哈…原來行過一條天橋到盡頭地下便是了~好了~在門口看看，店子間隔非常地少，內裡已坐了不少食客~妹子已經想好了吃甚麼了！行去點餐，搞笑地收銀機的位置是吉的，如同陳列品~要買食物請到櫃面，有個姐姐問你食咩？妹子簡單地要了個芝士蛋漢堡包，還有下場呢~個小姐話3號等叫籌。妹子獨樂樂行去面壁位坐下，食客大多是青年，也有不少麻甩佬(容許妹子這樣的稱呼)，大部份的人都是食包為主~那些粉麵飯之類都是陪襯品，廚房主力做包已經忙得抖不過氣了！發現漢堡包也是嘉頓品牌，一排一排的麵包架堆滿廚房~叫到3號了，拿了便開餐~拿起手新鮮熱辣漲卜卜，比起m記新鮮做起的，厚度差很多！牛肉~煎蛋~芝士~沙律汁，份量十足！

應該不會再去....食物： 點了芝士漢堡飽及薯條, 味道一般, 漢堡缺乏牛肉鮮味, 而醬汁也不特別好吃, 可能之前看見評價太高, 有少少失望....環境： 有中學時代的快餐廳FEEL, 很懷舊很喜歡, 但運作模式沒有改善, 外賣及堂食混在一起處理, 結果問口堆滿外賣的人, 而欲堂食的人以為滿座也不敢入內....付款後, 收銀員只會告訴你一個號碼, 十分混亂.....服務： 阿叔叫號碼時叫得太輕聲, 又只站在COUNTER內叫, 欲又怪站在門外等外賣的人聽不到, 態度惡劣....有少少名不符實的感覺.... 吃一次便夠.....

看開飯多過一年多，時新常常每天在十大出現常常位於榜首當然是想去的，但紅勘離家不算近，而且不是很熟路都常到紅勘都會令我想到黃埔，即使要坐車好像不大方便似的前些天經過紅勘，食完東西，散步中原來紅勘站b出口順著橋走到尾就是時新不用坐車，但也不太就腳吧好像要等位，原來是等外賣的餐店很小很逼好不容易才兩人坐入，買東西要自己去counter的伙計說聽到一號就是我的餐以為很快有，便站在counter邊等一等就是超過了10分鐘看著整個production process整漢堡的爐只有一個，而且不大一次只能有有限的漢堡在煎可說是供不應求，尤其是外賣大量包餐的人客不少叫著42，43，44......到49，就跳到2，再到3，15（？）有點不耐煩，好像是同樣食品，為什麼后面的號先食？難道叫的薯條賣完要炸新的一批？終于等到歸位看著賣相不錯的雙層芝士漢堡蛋飽這15塊的包該是全店最貴的包吧咬上第一口，肉很好食，豐富多量，但并不是很多油，食到有點點肥肉粒芝士味不太重而雞蛋是半生熟的，不是連鎖店的熟蛋，配烘過的面包很相融size不是很大，但厚度還是有的代表時新，有道理薯條，以為等這麼久會有新鮮炸的卻是多麼失望冷冰冰，

今日去開大酒店果頭...終於都食左呢個想試好耐既漢堡喇..我今次食既係雙層芝士漢堡...未試之前..我成日估個漢堡又芝士..又沙律汁..又2塊漢堡扒...一定會好"漏"..點知...食落一D 都唔" 漏"...塊漢堡扒仲煎得好香脆添呀....時新漢堡的確係名不虛傳...難怪晚上8點幾都斷斷續續仲有好多客黎食野 or 買外賣....

世姪女於理大畢業, "觀禮"及拍照拍照再拍照後已是3時許, 肚子早已打鼓, 既然難得來到紅磡便順道去人氣港式快餐試試。時新店子很小, 客人坐得逼逼的,或要面璧, 但見大家食相滿足, 相信再逼大家也不會介意。我們要了一個雙層芝士漢堡飽一個芝士蛋漢堡飽。漢堡飽即點即做, 漢堡扒即叫即煎, 難怪店內香味四溢。漢堡芝麻飽熱烘烘軟綿綿的, 夾著剛剛從鐵板上碟的漢堡扒和被漢堡扒的"熱情"融化的芝士片, 實在是美妙之組合。漢堡扒不是連鎖快餐店一片片機製的, 而是HOME-MADE的。所以扒型並不規則, 反而使其口感更有質感。有多款醬汁供以選擇, 如咖哩汁, 茄汁, 黑椒汁, 沙律汁。我們沒有特別要求, 老闆就配了沙律汁。沙律汁味道偏淡, 但正因漢堡扒味濃, 所以配合得很完美。HK13 大大個即製漢堡, 人流極多, 保證新鮮。喂, 時新, 你會開分店嗎?

好多人都話哩間好好食...以前住紅磡一次都未食過...依家搬離左紅磡....今日就特登返去試下....今日食左一個漢堡包, 薯條, 一罐汽水....$27蚊~味道一般...食唔到大家講個種好味...環境方面...就真係好細....我自己一個人去食...坐近牆既位....坐得真係唔係好舒服...Overall黎講真係麻麻...如果大家未試過....試下都無妨...But for me...試一次都夠~

之前係紅磡讀讀書都唔知有呢間野，最近聽老婆講佢同同事食過唔錯，所以特登佢試試地點方便，不過餐桌地方淺窄，坐得一般舒服，不過最緊要d 野好食，咩都係假叫左一個魚扒飽，一個芝士漢堡，一個炸薯條，一杯凍lemon tea 等左10 mins 到，終於有野食2個飽都係新鮮整，芝士漢堡比係m 記好食，可能食得m 記得，不過d 肉無咁實同juicy 好多，而且夠熱。魚扒飽有兩塊魚柳係入面，煎得脆脆，又夠熱，唔錯唔錯，自製的沙律醬唔太"溜"，都match 到塊魚同個飽。兩個飽都烘的有d 脆不過個薯條就ma ma，唔係新鮮炸，都重脆，如果熱d 會好食d lor最唔得係杯lemon tea，我又唔係叫佢走冰，但係黎個時杯入面得5-6粒碎冰，一定唔夠凍啦，走去問佢比杯冰我，大家知唔知佢講咩野佢話"比2蚊我"，攪錯，我10蚊買杯lemon tea，重要比多2蚊你要多d 冰，最後我都比佢，不過我心諗我下次一定唔會幫襯你lor，唔通我要半杯冰，咁你係唔係叫我比一蚊你????