時新快餐店 (已結業)

時新煮的速度很快，基本上不用等得太耐雖然招牌係漢堡包，但我更愛它的炸物炸雞髀及薯條反而更得我心。炸雞髀份量很大，不太油淋淋，外層皮炸的很香脆薯條是小有的肥身粗薯條漢堡包雖然很特別，肉汁多，但內裡的配料自己唔鍾意

其實小弟食過時新都係不多於五次，因每次都山長水遠咁特意走過黎。但每次食完，都係好滿足。漢堡包雖細，但內裏既牛肉實在可口。叫一個 雙層漢堡蛋包，感覺良好。本身想加芝士，但２元一塊芝士又有點吃不消，倒不如加多一塊牛肉或蛋。其實價錢方面係拍得住麥當勞，只係大家俾凈包既之價錢吸引了目光。自己買支汽水，連埋個包都差唔多２０元。若加多碟薯條，就接近３０元。不過我無咁做，因為薯條曾嚐過，實在係一般貨色。炸雞脾雖不突出，但比較上更可取。環境方面就較狹窄，坐得亦唔算舒服，不過，還過得去。

好耐都無黎時新, 不過係因為我黎得早 (好似未到12點), 定係因為OP實行左新既計算方法而再係長期榜上有名, 今日我去到既時候發現入面只有零星既客人. 而已睇大家一身既裝扮應該都係住係附近既住戶多. 如果我之前唔係有黎過既話我諗我絕對會以為自己去錯左舖頭.再黎時新.... 前個幾次黎唔知點解次次都叫錯野. 今日我終於叫到我第一次黎就想試既野: 雙層芝士蛋漢堡配黑椒汁 + 炸薯條.雙層漢堡既份量比起單層漢堡果然巨好多. 咬落去扒肉到依然咁多肉汁. 雖然肉多左, 不過因為有蛋同有芝士既關係, 咬落去既時候唔會啖啖都只有肉既問題. 不過我個人就覺得個黑椒汁唔係好得. 唔知係因為份量少抑或本身個汁既問題, 唔係好夠黑椒應有既辣味. 至於著條, 確實一如其他食友所言, 炸到過晒龍唔係好得. 太乾喇~~~ 我去嗰陣都唔係佢哋既繁忙時間, 所以呢個應該係店既風格問題. 要食外脆內軟既薯條, 呢到搵唔到~~~

今日又特登去左食雙層芝士漢堡包要咖哩汁加埋汽水都唔駛20蚊個包幾好食, 塊漢堡個味道同一般的漢堡有d分別感覺上好食過麥記d漢堡包美中不足的係個包有d細唔夠飽....整體算唔錯下次試下沙津汁個環境係傳統港式風格有d懷舊的感覺不過間野都幾細同埋成日都爆多人成日都要等

班friends 介紹漢堡包好食，可能其望太高，所以有些失望，因為塊漢堡扒沒有質感，只是普通沙律汁，覺得不太夠，叫他們加多一啲，又好似很不願。而且覺得份早餐比起一般茶餐廳貴，而且也沒有甚麼特別，只是一般的煎蛋配火腿通。仲要環境陝窄，食得一點都不舒服。

我今日放假, 下午到時新一試1. 漢堡旦飽 沙律汁很少 隻旦煎得太老 只是一般漢堡旦飽2 炸雞脾 可能是返炸 太乾, 好鞋3 凍奶荼 無咩嘢特別

見到咁多人推介呢度既包...今日就特登去試下...行天橋落黎就見到...都算幾易搵!!去到個陣時11點，無咩客...決定左嗌... 漢堡包配秘製沙律醬包面包底都有烘過，所以好香...唔會太乾身因為即叫即整...唔使等好耐...漢堡好JUICY+醬...兩樣野好夾好好味~ 熱鴛鴦水準以下，唔夠滑唔夠咖啡香... 炸薯條份量合理，但係炸得耐左...有D直情硬到食唔到...我諗嗌「炸雞脾」會有滿足感多D...買野食係自助形式，所以無咩話服唔服務可言...今日無咩客...坐得都OK舒服，但係鋪頭係「衛生」方面真係要努力D，因為D枱好「痴凹凹」同埋張凳背都幾唔開胃，仲有好多野飛黎飛去，都幾困擾食客...食物質素可以幫佢拉返D分...如果要食好野就忍受一下環境!!下次會試下其他出品...

咁多好評緊係要食啦六點去到, 唔係太多人芝士蛋漢堡: 叫左黑椒汁, 好好食, 漢堡好多肉汁, 蛋煎得濃濃地岩岩好下次再去!!!!!!!!!!!

每一篇食評都係「同男友」,今次亦唔例外夜晚大概七點去到,無咩人由於我唔食肉既,所以唯一既選擇就係魚扒包男友就食芝士漢堡,不過我無食到,俾唔到評語魚扒包 : 初時以為佢係炸既所以都考慮左好耐(熱氣),之後發覺係煎既個心定好多魚扒熱辣辣(我仲俾佢辣親口)啖啖肉,一定好食過MxDonald's,只係略嫌汁唔夠多同唔夠味我留意到每一個叫左薯條既都食剩,仲要剩好多!真係咁難食?

去睇孫燕姿演唱會前來紅磡時新醫肚,OPENRICE ALWAYS NUMBER ONE 既時新,由於女朋友未嚟過,所以今次有機會帶佢嚟試下。雙層芝士漢堡蛋包($16)一次過大啖大啖咁食,不過塊漢堡好似少左咁,芝士味仍都唔突出。可能果個鐘數好旺,好似質素差左D,無咁正,不過仍然肉汁很多,正。炸雞翼($10)炸雞翼已經唔係隱藏食物啦,係餐牌都有SHOW出嚟。UM....................味道普通,好似無咩味。薯條($10)炸得好脆

好耐無黎一定要黎再食, 今日同35成群既友人去到時新, 再一嘗時新漢堡既滋味雖然時新鋪內有點窄, 不過令有一番風味 黎到就order左個雙層芝士旦漢堡, 等左無耐就有得食, 個雙層芝士旦漢堡真係完全無失色! 好鬼好味, 小的本身十分抗拒菜類同沙律汁, 不過時新漢堡內面個漢堡既洋蔥同d沙津汁我又接受到wor 十分抗拒沙津汁既我, 對佢個沙津汁竟然著迷左!! 不過個雙層芝士旦漢堡,如果可以再多d沙津汁就好喇!以上。

特地來紅磡區搵食~第一站：時新!因為太多好評啦，怎麼都要來嘗一趟!當日堂食太多人沒有位，唯有外賣(外賣的人也是很多呢!)點了馳名漢堡包雙層芝士漢堡($13)雙層芝士蛋漢堡($15)新鮮整起熱辣辣的，吃得出牛肉是真材實料，肉汁豐富，芝士半溶化的剛好，配上沙律汁減低了肥膩的感覺!真的很好味!吃了一個已經半飽了~比起麥當當質數當然好很多，重要的是價錢也便宜!

終於一嘗時新快餐店的滋味!!我,阿哥和阿媽三人叫了芝士蛋漢堡包,豬扒包,漢堡包餐,雞脾和薯條~我叫的芝士蛋漢堡包..好juicy..好好味..不過..吃到最後一啖才醒覺..為何沒有蛋??咁就蝕左$2~>.<~無法追討了..算吧la!!薯條...真的很一般~不夠熱不夠脆~不值$10..阿哥叫了雞脾...我試了一啖..ok la!!不過我覺得中大的Coffee Corner的雞脾較好吃~^o^~下次都係check真D先好食個包>.<我會再去試的..10幾蚊食到一個咁juicy的漢堡包..正!!

漫漫長假，唯有搵好o野食o下時新在榜內卻久久未能一嚐，實在說不過去由紅磡站行過o黎都只係個幾字，原來就係呢度，未成為食家前都唔覺就係呢度有間名店已經有不少人在等外賣了店內店外加埋都只係三十個座位度，原先見咁多人就叫外賣算，一買完就即刻有人走，即轉堂食餐牌連日文都有，犀利。o的檯椅都好有舊式快餐o既味道要的是classic 雙層芝士蛋漢堡包，$15，是最貴的一款，default 已經係自製沙律汁等o左個幾字度就有得食簡單的傳統芝麻包夾層，即煎o既香軟蛋塊，厚厚而肉質鮮美o既牛肉餅，食到漏出o黎o既沙律汁，構成一口也吃不下o既高度。麥記那熱氣令人口渴o既旱包，疑似塑膠o既蛋塊，攪到爛晒o既肉碎餅，感覺上只有那片芝士好o的外，真的還一定要吃嗎？其門如市，就係因為佢o的burger 好掂

今日3點同老公諗住食下漢堡~點知食到一肚火~收錢果時都冇問要咩汁~佢就打沙律汁(本人唔食得沙律汁)到我見到果漢堡我就拎返去同果個亞叔講~唔好意思呀~我唔食得沙律汁~佢即刻話冇得換呀~個個都係咁唔得掂~咁我話:你個收銀都冇問我要咩汁~亞叔話:個個都係沙律架啦~你唔食咪包比第二個食囉~d語氣超差~好生意唔代表可以服務差~最後我都包超左佢~我老公就一個食曬兩個包~我就唔會再去多次~