昼月

营业中

休息中

「昼月」在熱鬧的銅鑼灣Tower535三樓，扶手電梯直達。餐廳在電梯大堂側，半開放式，格調高雅。西餐廳的裝修而帶日式風格，座位闊落，坐得舒適，更有一部“夾公仔機”給客人玩樂。「午市昼便當」配漬物、沙律、味噌湯和飲品，還可以優惠價錢追加小食和甜品。“昼月燒鰻魚玉子”$158，份量豐富，一大條鰻魚，魚肉肉質嫩滑，加上日式照燒汁，香甜滋味。玉子也很大塊，鬆軟富蛋香，味道不錯。飯底是上等珍珠米，口感細膩，飯味濃郁。“時令燒魚扒飯”$138，燒三文魚扒，甘香鮮味，肥美多汁。配上日式泡菜，味道更好。「追加小食」“玉子卷” $18，蛋香濃郁，口感鬆軟。“照燒雞扒” $28，雞肉嫩滑，味道調校得好。“野菜天婦羅3件” $28，分別是冬菇、番薯和青椒。其中冬菇天婦羅最惹味。「甜品」“迷你牛角包窩夫併雪糕” $38，迷你窩夫併雙球雪糕，鴛鴦味道：朱古力和雲呢拿，窩夫牛肉味重，鬆軟可口。這裏環境優雅，食物有水準，更有「清酒限時任飲」$98，超過35款日本酒3小時內任飲（21：00-23：30 $168），下次約朋友下班後來開懷暢飲。

天氣凍凍地· 最岩就係食壽喜燒吃了幾遍關西風格今天來敞關東壽喜燒！·位於銅鑼灣Tower 535 的昼月最近推出15品壽喜燒套餐· 仲有任飲sake可以飲飽食醉系列！♡A5 和牛壽喜燒15品（$880/二位前）♡酒肴烤鱈魚乾·送酒必備♡自家漬蕃茄酸酸甜甜的蕃茄仔· 清爽開胃·♡時令生蠔 2隻生蠔體型不算大· 但飽滿爽嫩♡季節刺生四點刺身新鮮厚切· 絕不馬虎♡磯煮鮑魚鮑魚軟腍富彈性· 如果再入味點會更好·♡壽喜燒鍋ꕺ肉品4款· 野菜盛合· 御飯A5和牛西冷120g｜A4霜降和牛片100gA5赤肉和牛100G ｜日本豚梅片100G 關東煮法是先配菜放到鍋裡烹調· 再加入和牛肉類令原本香甜壽喜燒醬汁·味道變得更豐富和牛西冷油花分明· 配上蛋漿入口嫩滑·近乎入口即溶赤肉牛味較重· 是愈細嚼愈能感受肉香豚肉軟腍富咬口· 沾滿蛋漿再來口白飯·超級滿足！ꕺ甜品超級有驚喜的·士多啤梨吉士忌廉日式千層酥賣相絕對IGable • 酥餅香脆配上草莓香甜·剛好把肚子填滿·͜· ︎︎♡Freeflow ($168/位）愛喝酒的朋友有福了！清酒櫃隨便自取隨便飲·店員亦會幫忙推介任飲不一定要回本· 但求是暢飲的盡興感！

天氣凍凍地就想吃火鍋🤭 路過這間餐廳，看到有壽喜燒🥘 幸好我們早入座，因為8時左右就滿座了！好好生意啊！「A5 和牛壽喜燒套餐」 $880/ 2位菜品竟然有15品之多呀🙀 ⭐️酒肴⭐️自家漬蕃茄蕃茄有淡淡的芥末味，好醒胃！當然少不了佐酒必備的鱈魚乾，香脆可口😋⭐️時令生蠔2隻超超超新鮮又大隻呀😍 生蠔好多汁，入口咸度剛剛好，鮮嫩無比👍🏼 配上一點柚子汁，味道更清新⭐️季節刺身四點⭐️磯煮鮑魚牡丹蝦彈牙，帆立貝好鮮甜，油甘魚嫩滑，鯛魚爽口札實。鮑魚一點都不韌還很彈牙，醬汁甜甜的很入味⭐️野菜盛合（野菜，鮮菌，豆腐及葛絲）⭐️A5和牛西冷 120g⭐️A5霜降和牛片 100g⭐️A5赤肉和牛片 100g⭐️日本豚梅片 100g⭐️御飯和牛西冷和霜降和牛的油脂分佈得好平均，真的入口即溶‼赤肉和牛肉味好香濃，豚梅片也令人驚喜，又軟滑又香🥰 壽喜燒的甜味，沾一點蛋汁️，令肉味提升了😋御飯用上日本珍珠米，配肉肉一流，如果能大碗一點會更好🤣⭐️甜品甜品也同樣令人喜出望外，香蕉千層酥賣相已經好吸引，酥皮好香牛油味還很香脆可口，香蕉和吉士醬好香甜軟滑，整體口感相當有層次感凡惠顧壽喜燒套餐，可以以優惠價 $168/位享用3小時清酒

去過咁多次銅鑼灣 都唔知有呢間新嘅商場 所以一於去試吓入面嘅餐廳 果然有驚喜😚👅鰻魚天婦羅卷 $88呢個幾特別 佢嘅壽司卷用咗天婦羅嘅炸法 入面包住鰻魚 壽司食落口感脆脆地😆似食緊天婦羅 唔錯😋👅照燒雞扒烏冬 $98雞扒好大塊 同埋燒得好好 雞扒皮脆脆地 肉質幾嫩滑 烏冬都幾好食🤩👅昼月雞肉玉子丼 $158佢係巨大化嘅免治雞肉棒 雞肉有軟骨嘅口感 再配埋玉子同埋蛋汁 正🤤👅雞皮餃子 $58餃子好食 唔會太油膩 調味啱啱好😆👅牛舌芯 $58佢嘅牛舌夠厚😛幾juicy👅鹽燒白鱔 $58白鱔肉質有彈性 👅Kitkat 朱古力杏仁牛角包窩夫窩夫牛油味幾香 幾鬆脆 再配埋朱古力雪糕 有粒粒朱古力kitkat嘅口感 好味道😝👅花生醬朱古力香蕉日式千層酥 $88總括嚟講 呢間日式餐廳嘅嘢食幾有水準 環境唔錯 大家要嚟呢度一試啊🥰😋 好味：8.67/10🤑 價錢：7.89/10🤗 服務：7.86/10😝 環境：7.98/10😚 衞生：7.85/10🤩 整體：8.39/10

呢間日式餐廳以木系顏色為主題，樓底非常高，夠曬寬敞，有個好靚嘅大月亮裝飾喺餐廳中間，好得意又靚，成間餐廳燈光柔和，有種好warm嘅感覺!👍今日相約朋友嚟食午餐🍲壽喜燒套餐🍲⭐宮崎大米豚壽喜燒$148- 日式漬物- 日本宮崎大米豚100g- 野菜盛合- 特色炸物(雞皮餃子)- 御飯- 法國馬卡龍⭐A5霜降和牛壽喜燒 $198- 日式漬物- A5霜降和牛片100g- 野菜盛合- 特色炸物(雞皮餃子)- 御飯- 法國馬卡龍套餐份量好足夠，賣相又好吸引，而且湯底好甜又多蔬菜;肉類嘅同飯嘅份量都配合得非常好!😋朋友仲見到而家做緊推廣🍶$168可以有三小時任飲35款以上嘅清酒，真係非常吸引。不過今日係食午餐，一陣要繼續返工，唔可以飲酒，等下次放工嘅時候，可以嚟一邊食串燒，一邊試下佢地呢個任飲3小時嘅清酒 Promotion😆 暢飲一番🍶🍶🍶

天氣漸凍，最好食熱辣辣嘅食物暖下個胃。忽然想起除了打邊爐外，壽喜燒亦是不錯選擇。銅鑼灣呢間餐廳最近推出咗壽喜燒套餐。還有優惠價以$168享用3小時清酒放題。自家漬蕃茄醒醒胃。季節刺身，磯煮鮑魚五款都係時令刺身，, 鮑魚，蝦，帆立貝，油甘魚，拖羅⋯⋯鮮甜味美！一鍋輕巧嘅菜蔬，湯底係壽喜燒汁，味道不會過鹹，剛好。菜蔬要時間煲煮，先吃幾款肉類：A5和牛西冷A5霜降和牛片A5赤肉和牛片日本豚梅片三款和牛各有特色，我比較喜歡脂肪位少啲那款西冷，肉質又軟熟。蘸蛋漿增添滑溜感。迷你版御飯好可愛，份量適合女士。最後千層酥，夾心係香蕉，甜度恰到好處。

最近天氣涼涼哋，最啱食火鍋，見到銅鑼灣呢間餐廳推出咗壽喜燒，就立刻相約朋友過嚟一齊食飯，呢間日本餐廳仲有一個最大嘅賣點，$168清酒放題3小時，最啱鍾意飲酒嘅朋友今日我哋叫咗個A5和牛壽喜燒套餐，共有15道菜，兩位$880✨鱈魚乾係高級版嘅魷魚絲，鱈魚乾入口香脆，簿簿一條，連埋蛋黃醬更加惹味✨自家漬蕃茄自家製嘅醬汁加入咗黑醋，番茄仔酸酸甜甜，作為頭盤，非常開胃✨時令生蠔2隻肉色偏牛奶白色，非常肥美，入口帶清新的海水味，口感細膩，連帶子位也極鮮甜，油甘魚肉白皙有彈性，脂肪含量適中，刺身蝦晶瑩剔透，味道鮮甜✨季節刺身四點分別有三文魚腩，刺身蝦，帶子，油甘魚，三文魚腩非常肥美，油脂感爆發，帶子鮮甜同爽口，✨磯煮鲍魚鮑魚肉質相當扎實有口感和嚼勁，肉質非常鮮甜，加上醬汁浸泡同冰鎮，更加爽口彈牙✨野菜盛合（野菜、鮮菌，豆腐及葛絲）✨A5和牛西冷 120g✨A5霜降和牛片100g✨A5赤肉和牛片100g✨日本豚梅片 100g賣相非常吸引，和牛雪花分佈平均，油脂感豐富，和牛西冷是靠近後軀的部分，油脂最豐富，入口即溶，和牛赤身肉，油脂比例較少，但肉味最香濃，壽喜燒湯底濃郁，但唔會太甜，亦都有淡淡的清酒香

放咗個悠長假期，除咗回到現實返工，都要搵上環buddy食飯飲幾杯，吹下旅行趣事。我哋見到昼月有$168/ 3小時清酒任飲，而且9點半開始有宵夜時段，啱曬我哋呢啲唔係收六點嘅人去慢慢食！除咗飲酒，仲叫咗好多唔同種類嘅嘢食。我哋最鐘意嘅係味淋魚乾，甘香微甜，送酒一流。食物份量唔算好大，呢個portion比較啱女仔。或者好似我哋飲酒飽，至在有唔同食物選擇餸酒，嚟呢度就啱曬！今次我哋坐係bar枱附近，環境空曠冷氣比較大，食物嚟到都好快凍咗。下次再嚟，坐返入日式布簾嗰邊先得，而且比較有氣氛！酒肴 - 自家製辣枝豆、明太子玉子燒、味淋魚乾壽司 - 廚師發板六貫串燒 - 雞腎、免治雞肉棒、牛舌芯、甜蕃薯主廚推介 – 海鮮天婦羅甜品 – 牛角包窩夫

星期六12:00，同朋友黎食午餐，OpenRice訂座有優惠。點知…伏到…叫左兩set和牛壽喜燒，以為自己食緊打邊爐…牛肉質素勁差，唔新鮮之餘勁肥，比起我喺街市買嗰啲平價肥牛仲差…侍應俾咗一兜日式湯底比我十下十下…加碗唔熱嘅飯…另order左兩款炸物…真係又乾又硬…都係食壽司郎個炸薯條好過…兩個人食咗四百幾，環境都OK…但食物係差到冇人有，服務都尚可接受，好過茶餐廳咁…

今日約了朋友去銅鑼灣行街，先在附近找了間日本定食餐廳食午餐，餐廳舒適，座位寛闊。每人点了個午市定食，包括漬物，沙律，味噌湯及主食。日式昼月串燒飯，雞翼及豚肉加了適量的鹽，帶出肉的鮮甜味。雞腎非常爽口，還有豚肉腸，鮮冬菇及秋葵，配上一粒粒的白飯，好好味。昼月特選海膽刺身丼，海膽，油甘魚，三文魚，海蝦都很新鮮，鮮甜味美，加上新鮮卜卜脆的三文魚籽，很好味。追加了玉子卷和野菜天婦羅，非常抵食。最後迷你牛角包窩夫加雪糕，脆卜卜，煙煙韌韌，不太甜，好味。另外還發現了新優惠，用$168 就可以享用原價$268任飲幾十款清酒3小時的優惠，已經約好朋友下次再來。

今次去咗一間抵食高質又好味嘅壽喜燒餐廳，真係吸引到我！壽喜燒套餐相當豐富，二人只係$880😍開頭先嚟酒餚，佢哋有牛蒡漬，酸甜爽口，好開胃。先嚟時令生蠔，非常大隻鮮甜飽滿！季節刺身四點有帶子、蝦、三文魚同池魚，帶子厚身大隻、蝦鮮甜、三文魚同池魚都好鮮味。磯煮鮑魚亦都好出色，鮑魚煮得剛剛好，鮮甜有彈性😋壽喜燒部份，佢哋嘅野菜盛合有野菜、鮮菌、豆腐同芋絲，營養豐富又健康。肉類方面：有A5和牛西冷，肉質嫩滑，油脂好香🤤A5霜降和牛片同A5赤肉和牛片都非常出色，肉味香濃，入口即化。最後仲有日本豚梅片，豬肉幾嫩，搭配壽喜燒醬汁，味道更加突出。不過，飯食方面唔可以去忽略，佢哋嘅御飯煮得恰到好處，粒粒飽滿，配壽喜燒和牛食，令我唔禁一口接一口。最後嘅甜品係牛角窩夫配雪糕，窩夫香脆，配上冰涼嘅雪糕，真係一個完美嘅結束。呢間壽喜燒餐廳絕對係一個不容錯過嘅選擇🥩🍲🍚🍨餐廳9pm-11:30pm仲有3小時清酒任飲！只係$168/位！超過35款日本酒🇯🇵 🍶鍾意飲酒傾偈嘅朋友啱曬！

係CWB一個旺中帶靜既地方環境好寧靜、裝飾日系好岩打卡我黎既時候early dinner人好少，唔係BAR果邊得我地自己一台，感覺好似包左房咁好正食物味道整體黎講中規中矩，冇咩邊款突出PORTION偏細，配合埋價錢CP值有點低不過佢有出午市MENU，平好多，而且款式都好多，相信openrice價格參考100-200係午市總結出黎可能晚市既話清酒先係佢既賣點?同埋可能我地果陣冇其他人，果度open area黎個商廈冷氣開到雪房咁野食不幸地好快就攤凍左昼月雞肉玉子丼$158睇介紹時比呢個相吸引左所以選呢一間，一開始以為自己係咪睇錯價錢，因為張MENU係有手改價錢既痕跡158呢個雞肉玉子丼都唔平，但佢其他飯同烏冬只係$58-128不等，price range好大….實物係好細碗，屋企食飯果個飯碗SIZE，一個人食一碗都仲有空間食其他野雞肉係平時雞軟骨肉餅既質地，連埋蛋黃都好似平時食月見雞肉棒既味道，都幾香幾好食中間既玉子冇想像中咁綿….而全個飯靠醬油有味，個價錢唔知係咪包埋比你自己落蛋黃果一下for fun 串燒 各$36雞翼同西班牙豬腩肉質同調都幾好，唔會太咸雞皮餃子 $58呢個係呢餐覺得

今日同朋友去銅鑼灣睇戲，睇戲之前食個lunch先，之前上網睇過呢間餐廳啲丼飯好似幾精緻，同朋友嚟試吓。餐廳行535 Tower，半開放式，好有空間感。我哋分別叫了兩個午市套餐，再追加兩款小食同甜品一齊share食。昼月雞肉玉子丼$118套餐包咗沙律、湯同埋漬物。個丼飯疊得高高的，好吸引。自己親自將蛋黃醬汁淋上雞肉餅上面，好有儀式感，雞肉餅變得亮澤，即時食慾大增。雞肉餅厚厚的，口感充實，中間均入咗啲雞軟骨碎，口感豐富，燒肉只軟綿綿加上個飯撈蛋黃燒汁，好滋味。炙燒海鮮丼$148賣相吸睛，壽司飯上面鋪滿晒三文魚，左口魚，三文魚子，帶子同埋一件玉子。啲魚生全部炙燒，帶出了魚油香。三文魚厚身夠滑，帶子大隻有鮮味，三文魚子亦鮮甜。唐揚炸雞$38炸雞熱辣辣，好香脆惹味，佐酒一流。朋友鍾意飲下酒，佢見到餐廳有$168 3小時任飲清酒，好有興趣話下次過嚟試吓。蝦天婦羅$48炸蝦係介乎天婦羅同埋吉列蝦中間嘅做法，好酥脆，三隻蝦都大大隻。迷你牛角包窩夫拼雪糕$38綠茶白玉雲呢拿雪糕$18我哋嗌咗兩款甜品，兩款甜品同一碟上，擺盤美美的，適合打卡。牛角包窩夫係即叫即做，外酥內軟，散發着牛油香氣，再蘸埋黑朱古力雪

最近同朋友嚟銅鑼灣呢間日本餐廳食Lunch半開放式嘅環境．配上木系裝潢環境寧靜．有空間感 好舒適$168 3小時任飲35款日本清酒係放工同朋友聚會嘅好地方午市套餐都係幾十蚊，仲跟埋味噌湯．沙律同飲品下次可以晏少少入座，見到2:30後下午茶仲抵✨ 生薑燒豚肉飯豚肉厚薄適中．配上生薑同醬汁每粒珍珠米沾上醬汁，好惹味✨炙燒海鮮丼左口魚邊包著爽彈嘅三文魚籽火炙過嘅三文魚．帶子，味道更香口配上香甜玉子．份量充足追加咗幾款小食炸物香口唔油膩✨雞皮餃子．雞皮香脆．裡面肉汁豐富✨野菜天婦羅✨玉子卷✨枝豆食到停唔到口前菜 / 小食 最佳選擇✨迷你牛角包窩夫併雪糕熱辣辣嘅牛角包窩夫上面加上朱古力醬同朱古力雪糕球為今餐劃上完美嘅句號

銅鑼灣行完街朋友提議去食日本野 咁就是但搵到呢間謝斐道535一上到去見到間餐廳裝修同佈置超靚 仲要係開放式廚房 非常衛生 waiter都好有禮貌 會同我地介紹返d野食 。昼月雞肉玉子丼（$158）雞肉嫩滑可口 玉子鬆軟 加埋壽喜燒雞蛋嘅新奇食法 味道出奇地夾明太子玉子燒（$48）玉子燒鬆軟清甜彈牙 仲有層蛋香味油甘魚壽司（$28）油甘魚新鮮爽口 食得出係用靚魚 左口魚邊壽司x2（$38）肉質鮮嫩 入口即溶 完全唔腥牛角包窩夫雪糕（$68）開放式廚房唔小心俾我昅到佢係用Dreyers雪糕 牛角包窩夫夠熱夠脆 食到停唔到口百香果蜂蜜梳打（$38）非常清新嘅梳打飲品 味道唔會太甜 飲完成個人都好爽 最後埋單唔貴 有機會一定會再黎食