昭和食堂

营业中

休息中

平日要趕住見客，食Lunch都係得一個鐘時間，所以都無乜要求，隨隨便便就算。難得今日無客見，所以就同個同事落銅鑼灣揾D好野食，去到謝斐道見到間“昭和食堂”係門口見到餐牌D定食已經流晒口水，所以馬上入去試下。首先我地order左個“昭和便當”，裡面有刺身，相當厚切，且好新鮮；仲有壽司；炸樱花豆腐，外脆內軟，同埋好滑；胡麻醬汁雞肉，雞肉無雪味，且好軟稔，配埋胡麻醬，確實好之後再叫份一人前，二色手卷配鵝肝飯，鹅肝份量唔少，啖啖口感，香氣四溢，無稔過Lunch都可以食到鵝肝“昭和”嘅午市定食相當有水準，價錢合理，大家不妨一試。

銅鑼灣食肆林立，尤以謝斐道最出名，各國菜式都可以食到，上星期發現有一間新開業不久嘅日式居酒屋“昭和食堂”為食嘅我當然要去探究一番。當日我同左幾個志同道合嘅Best Friend到昭和，品嚐一下佢地嘅美食。甫入店內，好有傳統日式居酒屋的風味，簡潔且富有特色。日本蕃茄三杯醋……蕃茄好爽好清甜，確實係一個很好的開胃前菜。冰燒鴨胸肉…………不油不膩，鴨胸肉同脂肪比例均勻，肉質軟腍，且帶有少少酒香，確實非常有水準。鹿兒鳥黑豚…………師傅刀工不錯，每片黑豚肉厚簿一切，肉質香口軟腍，加上帶有少許脂肪，下酒一流蟹羔甲羅燒…………將蟹羔和肉釀入蟹蓋，再用猛火燒熟，然後一羹一羹放入口，蟹羔和肉非常鲜甜且好有口感及嚼頭，但略有少少鹹，但整體都非常不錯。燒鵪鶉蛋…………唔係好多居酒屋有呢款小吃，燒得香口，可以連殼食，裡面有流心，口感非常。“昭和食堂”雖為新開業，但食品水準卻相當不錯，再加上店內服務員態度親切且主動，所以值得推介俾大家。

呢度個老細應該好鍾意玩所有裝修牆上嘅佈置甚至酒杯 都有一番玩味但係食物 都係麻麻其實我哋都叫咗唔少嘢食 同埋酒水呢度都算係中上價錢但係食物唔夠合格初初佢畀我哋嘅螢光魷魚漬 非常新鮮好味醃得啱啱好送酒恩物幾十蚊得幾條但係我覺得好抵食因為佢夠大隻夠肥美夠滑呢碟嘢之後我哋就開始一個 好長嘅order list點知佢雞心得一寸 好多串燒都冇我覺得佢哋將 啲食物overcooked串燒唔係就咁燒下就算火候拿捏得好唔好係講師傅嘅工架佢有個魷魚絲非常怪味又甜又辣唔知想點但係燒魚肉燒魚頭又燒得幾好成餐我覺得最最最最最最最最最差係個魷魚筒飯其實我本來一早已經想食但係見到朋友 叫咗咁多嘢食 驚食唔曬所以冇叫但係 其中有一個決定一試原來呢個係伏線嘅開始佢只不過係汁煮咗個魷魚跟住塞啲飯入去然後再切個魷魚ok好食但係個飯就超級難食啲飯畀佢塞到爛哂仲要冇味嗰下先係驚嚇之最

店裏裝修很有日本居酒屋嘅feel，很特別，好懷舊咁氣氛很好！一坐低叫咗個小食，好似叫做炸白飯魚乾，炸得很香脆，點小小沙律醬食，好好味呀接著叫左小小刺身試下：赤貝，帆立貝夾蟹膏，薄切白身魚，燒左口魚邊壽司，每樣都好食，夠新鮮，下次去會試下啲時令刺身！跟住就到我最期待嘅串燒啦牛舌，厚切夠爽彈牙，好好味，必食既雞掌心，用雞掌個粒肉，好特別而且很有口感，必食既雞腎，大大粒，燒到好爽，出面食唔到，推介雞皮，燒得剛剛好，香口而不油膩鵪𪂹蛋，呢個系連殼食既，夠特別蘆筍卷，青椒仔，冬菇，食咗咁多叫返啲蔬菜食下總括來講，一定有下次！

嚇死，又貴又小。以後一定不再去。和女朋友去吃了700塊，女朋友不太會吃，但吃完還是非常餓。我看到它們的炸白飯魚干要50塊，分量小到不成。天啊，我都懷疑我在吃兒童餐。不是，應該是比兒童餐還要小。就是被騙了！

見佢新開張，於是約咗幾個朋友一齊去試，順便同其中兩位補祝生日。店舖嘅裝修，由外至內都好特別，好有日本小型居油屋嘅風格。嘢食選擇種類繁多，呢間居酒屋仲有自家sake，非常吸引。由於第一次光顧，樣樣都想試，於是串燒就每款一串（比負責串燒果位師父知道，應該想殺咗我地 😂😂）。串燒火候十足，調味嘅分量適中。小食，魚生都超新鮮。去過咁多間居酒屋，暫時最滿意呢間。當晚最愛：牛舌，半生熟牛肉，牛肋骨，茶漬飯，炸蝦肉芝士薄餅