春水堂 (新城市廣場三期)

营业中

休息中

週末約朋友仔出黎行街食飯，當然要食大家都中意的台灣菜紅燒牛肉麵(半筋半肉)($83)牛肉面湯底比其他台式餐廳味道要濃郁，唔係味精湯味道，牛肉大舊而煮得夠淋，牛筋爽口彈牙，而且牛筋同牛肉分量都唔算少，可以食得好過癮珍珠奶茶($32)要左微甜少冰，珍珠夠彈牙，係高質珍奶，對於一個珍奶fans黎講絕對係不可錯過同行朋友仔揀嘅其他面款feedback都好唔錯，係咁話下次一定要encore，所以熱愛台灣菜嘅朋友仔一定要試下

其實我仲未係好活躍咁外出用膳, 但因為有時又唔想煮嘢食, 唯有叫下外賣, 今次我早餐食得多咗, 午餐可以挨到15:00先食, 咁我都見到OpenRice 有個優惠Code (希望繼續有), 咁我都係果段時間叫外賣先. 第一次我叫嘅係滷汁排骨便當, 另一個係鹽酥雞翼便當, 上到去拆開盒子…EE 排骨係豬扒嚟嘅(不過我都知有時台式上海食店寫排骨好多時都係豬扒)不過我係滿心期待係排骨。不過一食落去佢比較薄身, 而且係唔脆又唔係滷汁嘅炸豬扒, 有啲啲失望啦, 但佢嘅便當有好多菜菜, 你會覺得好似食得健康啲佢嘅貢丸湯居然吸引到我小姨生, 要飲哂, 平時煲湯叫佢飲, 係要氹住飲, 佢粒貢丸好彈牙另我再次想食呢間店鋪係因為佢嘅飯, 一粒粒好有咬口又唔係硬, 係令我不停想食飯, 有次加埋佢嘅魯肉, 更加想食多啲, 一個好嘅食店, 飯都好重要, 而飯都會留意就睇得出食店嘅一絲不苟雞翼方便係脆口但差啲鹽酥嘅味道, 重點嚟喇, 因為個飯我再叫多次呢間食店, 我今次叫咗滷水豬手, 我第一次叫有4隻添, 咬一口時正呀好入味, 滷水啲香味入到啲肉度, 而且係好淋好淋, 呢啲先叫豬手, 好似食緊骨膠原, 亦都因為佢

🧋珍珠茉香奶茶 微糖走冰 $34好香濃嘅茶味，珍珠比平時食嘅細粒，好煙韌，微糖啱啱好，唔會過甜，又飲到茶味。🧋珍珠鐵觀音奶茶 微糖走冰 $34同茉香奶茶好似，但冇咗陣香味，但茶味更濃，個人覺得呢杯好飲啲，個茶味更實在，回甘。鍾意茶味濃嘅朋友一定會鍾意呢杯，微糖啱啱好。🧁珍珠熔岩蛋糕 $58超級細件😂一隻手掌都冇，蛋糕有茶味，但係唔濃，奶蓋唔多，非常之淡，冇奶香冇芝士味，珍珠都睇得出份量少過奶茶，切開冇熔岩效果😂味道真係好普通，同你一般麵包舖買嘅蛋糕差唔多，大家唔好叫，又貴又細件又唔好食！推薦指數: 8/10個分係俾杯奶茶，大家去春水堂飲嘢係幾好，但甜品就普通啦，可以去第二度食😂

難得去沙田搵朋友，去到商場發現全部都係連鎖店，唯有揀間平時好少食既黎食春水堂長期都要排隊啊，我地3個人今次排左30分鐘多啲先有位🙃本身排隊期間已經揀好食咩，點知坐低左先知有另一份詳細嘅menu鹽酥雞。 7/10炸得幾香，但唔係好脆，肉質好腍，朋友唔太鍾意個口感。紅燒牛肉麵。 8/10牛肉數量都多，而且好入味，麵底都好食鹵汁排骨便當。 6.5/10大大個便當盒，但入面既配菜比排骨飯多！得一塊排骨，而且炸得唔好食，腍腍地手工麻香麵線。 7/10麵線粗幼軟硬適中但略嫌麻油味太濃，食落感覺好油珍珠茉香奶茶。 8.5/10好飲過一般茶飲店！珍珠軟硬適中，好好咬！微甜既甜度剛好愛玉鐵觀音檸檬茶。 8/10少甜令飲品既酸度提升，不過朋友喜愛酸，所以飲得舒服

春水堂連鎖店越開越多，表明它有多好了，每次經過都會想點一杯珍珠奶茶或各式調和茶飲，喜歡他們的茶味，調製出來都非常香醇好喝，喝過這麼多款，個人特別鐘情珍珠茉香奶茶 (HKD31) 。說到堂食必點的料理多到數不清，這次介紹幾款個人最愛吧！推薦的品項有滷香拼盤 (HKD78)、魯肉飯 (HKD28) 及御品三寶牛肉麵 (HKD98)！滷香拼盤很入味， 越吃越唰嘴的豬大腸及牛肚，讓你停不下來， 如有啤酒相伴就完美了。魯肉飯是必點品項，豬肉肥瘦比例抓得很好，又香又好吃，口中香氣久久不散。牛肉麵是我的最愛，湯頭好喝很濃郁，牛肉很嫩份量也不少，大推！招牌豆干 (HKD33)鹽酥杏鮑菇 (HKD38)黃金香酥雞 (HKD48)珍珠奶茶 (HKD29)

每次經過新城市春水堂都站著很多外賣客，上次試完佢的珍珠奶茶都沒有失望，今日就決定試下佢的期間限定(但其實已由12月做了4個月😂😂)~草莓茉奶珍珠。$45一杯確實不平，但勝在大大杯，有cream又有草莓，仲要粉紅色好有sweetheart的感覺。整體味道不太甜，草莓味好濃，內裡的草莓雖然不是日本草莓般香甜，但最重要是不酸😅值得一提是，沒諗過一間咁忙碌的堂食店，招待外賣客人都不怠慢，而且服務員非常有禮貌，大讚。見menu中仍有很多特色飲品，小食及麵類可外賣，下次要試試。

第二次去沙田既春水堂，氛圍都算休閒，幾岩同朋友邊食午餐邊傾計~魯肉飯: 朋友推薦，真係幾好味魯肉同香菇同既比例剛剛好，肉鬆味香，整體好入味。雖然只係細細一碗，但只係$28，性價比都幾高。同朋友share多一份香酥雞，加一杯飲品其實好夠飽。黃金香酥雞: 普普通通，唔算好脆，又唔太入味，純粹嚟叫黎送飯食🤨珍珠鐵觀音奶茶: 一樣係朋友推薦。試過叫走甜，茶味好香，幾鐘意但有少少苦。今次揀微甜，又覺得少左上次既茶香味，同埋偏甜左....珍珠係細細粒個種，口感差少少，個人麻麻地。整體ok，下次想試佢既甜品。

一直都未有吃過春水堂，有天妻兒來接下班，剛好亦都不用等位，就去試一試。這個麻香拌麵，第一口吃落的確是麻油味道豐富，這種麵條就像非常幼的麵線，因此質地比較軟林，完全沒有咬口，幸好麻香味都算香濃。牛肉麵，賣相都好像不錯，試過都覺得挺香濃，牛肉都算不少，看見夾了幾件牛筋，幾件牛肉。而小食來說，這個豆乾及米血糕，份量較多，應該兩款都各有10多件，🤔但頂上不知放了的是什麼材料，味道不甚了了。豬大腸的味道其實不錯，滷水味夠香，不算太鹹，但份量很少，一個長碟子，應該只有10件左右。店方所給的辣油，辣中帶麻香，還算不錯。由於據聞珍珠奶茶的珍珠比較難消化，因此我都點了杯肧牙奶茶，奶茶味道不覺得特別香濃胚牙份量也不少，增加了我這杯奶茶的口感。這個多士反而比較出色，多士烤到香脆，雪糕不太甜而茶味香濃，而雪糕亦都夠幼滑，珍珠比我想像中沒有那麼彈牙，因此我就對這間春水堂的珍珠奶茶都降低評級🤔不過，其實矇眼測試，這兒的台灣菜式，不比起其他店舖，例如的沙田九份十份又或是大埔的真台客、茶語出色得很多🤔但索價就極為高昂。平常都連鎖的茶木，又或是其他地區小店，應該一個主食，即是麵或飯，加小食，再加飲料，最多也不過$100

有台灣「珍珠奶茶始祖」美譽的春水堂，近2年在香港多區開設分店，店前人龍不絕，原本抱著期待的心情，得到的甜品體驗卻大為失望🤭🍰 #珍珠熔岩蛋糕 (香港限定甜品)$58▸黑糖珍珠數量充足，更有咬口💬蛋糕質感不鬆軟，反而偏乾及偏紮實💬蛋糕的鐵觀音味較淡，有可能被黑糖珍珠及奶蓋味蓋過💬切開蛋糕未見熔岩蛋糕應有的流漿感(*食評只反映當日食物質素)🥤#珍珠茉香奶茶 $34▸醇厚茶味，帶有醇滑茉香味▸珍珠煙韌彈牙，非劣質「膠感」▸味道不會過甜，有甜度及冰量選擇

每次經過都必吃嘅春水堂，就算唔坐低吃，都會買兩杯耶飲雖然已經無之前好吃，但依然係新城市高人氣食店！夜晚6點幾來，排足一個鐘頭，先有得入坐🙈飲品推薦: 茉香奶茶、檸檬紅茶(微糖) 確係濃湯但只係好油無乜味，牛肉煮得啱啱好唔會鞋口難咬，但完全無味，咸都5咸下😐之前吃過佢嘅紅燒牛肉麵，又係望落好重味下，常兜耶紅色的，但又係無乜味🥴好啦，我相信佢哋本來嘅煮法係甘。並不是缺鹽。每次嚟都必嗌嘅香酥雞，越吃份量越少🥲連調味粉都小氣咗，點搞啊😅今次就唔夠干身同唔夠味，建議味粉都係重手少少！地瓜條炸得幾好，惹味開胃！常餐唯一夠味就係呢道黃金地瓜😂唔難食，咪就係麻油撈麵線，香口，西芹碎上撈埋解膩！差啲咩？！咪又係乜叉味都無😑吃到懷疑自己味覺，可能人哋本來就甘，可能係特色嚟，係我唔識欣賞姐。

好耐都冇去沙田行街，而家疫情小左拖喼客好好行，市中心多左好多新食店今日就試下春水堂，12點去到都要排隊，排左20分鐘左右就入得之前係台灣食過都ok叫左以下食物牛肉麵，湯底都夠濃，牛筋又淋又入味，好味但麵身教淋滷肉飯女仔食都算夠，男人就唔夠，但餐牌好似得細碗揀好味，啲肉汁撈埋啲飯好正本身我都中意食汁撈飯鐵觀音奶茶，正常味道，不太甜平時台式飲品的size，但冇留意原來太多泡好快就飲完，下次應該要小冰滷水併盤有豬大腸，牛筋，牛肚雖然份量小，有芽菜墊底，但好好味，最驚喜

以前喺台灣只係飲過佢地嘅珍珠奶茶，今次真真正正喺舖頭食，雖然人在香港，但台式風味食品絕對唔差！叫左個紅燒牛肉麵(半牛半筋) 所有嘢包括個面底都好入味，好好食。本身比較鍾意食淋啲嘅面，春水堂呢個牛肉麵較淋身，好入味好易入口。另外叫咗一碗滷肉飯，雖然睇落好似好細碗，但係絕對唔慳皮！滷肉汁，冬菇再加埋肉鬆撈埋飯一齊食，好開胃！小食方面叫咗麻辣牛筋，麻辣味好重比較辣，牛筋方面係硬身同爽少少，彈牙d，同麵既牛筋唔同，喜歡牛筋嘅我都好滿意😂台式飲品之中最鍾意鐵觀音奶茶，當然春水堂都唔會差，相反地珍珠比較細粒，同出面街外大大粒有少少分別，不妨一試！

出唔到國去台灣食，唯有在香港約朋友食台式風味頂下癮先紅燒牛肉麵（半筋半肉），味道夠配上入口鬆化的牛筋，牛肉好軟身。美中不足是麵底只有幼麵，沒有刀削麵幼麵質感太軟，無口感。有好多台式牛肉麵也能給客人選擇，建議改善朋友本身都想叫紅燒牛肉麵，但因為只得幼麵，所以只好叫蕃茄牛肉麵（半筋半肉），因麵底是刀削麵味道方面：蕃茄味道適中，牛筋好軟身，牛肉也很夠味👍珍珠奶茶：半甜少冰，茶味唔夠，珍珠size 比較細粒，但煙軔。鐵觀音珍珠奶茶：少甜少冰，但茶味比較淡，建議茶味重一點較好，珍珠也是比較細，但煙軔。鹽酥雞：雞肉較嫩，但味道唔夠，炸粉不平均，稍為失色。金沙芋泥好好食，外脆內軟，裡面有流心蛋黃，好邪惡，但好食

今次排隊15分鐘就有位 可能係平日關係啦1. 魯肉飯$28 今次都有再食到魯肉飯 都真係平靚正 有好多肉鬆係面 魯肉半肥瘦好平均 唔會太膩或者太乾 而且好多魯肉撈飯😋好中意啲冬菇令到個飯多左口感 2. 御品三寶牛肉麵$98 三寶姐係牛肚牛筋同牛肉 見到相都知份量較少 但個湯底幾濃係唔錯既 麵質都ok3. 麻香麵線$48 係麻油既撈麵 麵線好幻 同麻油既關係麵線好滑 雖然係麻油但食落唔會覺得好油 如果中意麻油既香味一定會好中意飲品叫左胚芽奶茶/香醇奶茶同拿鐵 奶茶既奶味較重 茶味較淡

阿大少行行吓街話又攰又口渴，所以我就帶咗佢嚟春水堂坐下回下氣！媽媽我仲可以順便嘆杯珍珠奶茶 😝之前淨係試過外賣，都係第一次喺香港堂食。疫情下，都要等10分鐘先可以入座。大少話佢唔肚餓，所以我哋淨係叫咗一杯珍珠奶茶，一碟黃金地瓜條，一份奶酥吐司做下午茶。因為阿大少只得四歲，侍應見佢細路仔唔飲得珍珠奶茶，都好樂意俾杯水佢解渴。先講珍珠奶茶，茶味香濃，唔太甜。面頭有少少奶泡又幾好飲，不過頗多冰，好快飲完。珍珠煙煙韌韌好咬口，細細粒食得多都唔會滯。黃金地瓜條 - 蕃薯條炸得好香脆，梅子粉酸酸甜甜，開頭食有啲怪，但食食吓又幾惹味。阿少爺好鍾意，食到就嚟想舔埋個碟！奶酥吐司 - 厚多士外脆内軟，面皮甜甜脆卜卜，好似菠蘿包個皮，但比之再幼滑啲。不過呢個吐司食落有啲膩，最好多啲人一齊分享 (因為阿少爺唔鍾意食，最後我自己一個食晒)叫咗三樣嘢，三樣我哋都好滿意！下次路過一定會再食 😋