春水堂 (新城市廣場三期)

营业中

休息中

個brand 做令左？啲野食就可以低水平出貨？😂呢間食到堅係嬲最近食左4 /5間 台灣野小店水準比台灣過江龍還要好食到我地懷疑人生😂每一啖都唔相信自己係食緊過江龍，😂＝食物逐個講先講雞翼便當😂我sd比朋友睇個便當佢問我係咪兒童餐😂 真心笑左唔關樣貌事食物講番味道為重雞翼睇落去好大隻 但有接近3分2係炸皮出街食炸野炸皮係多我明但好硬，😂 冇肉汁我自己都識炸野 但應該炸雞翼都會有肉汁？起碼食過"mc uncle"既我會知呢隻炸雞翼上面扔落去咯咯聲 炸皮冇味 ，肉就好大浸雪味唔知係咪冇解凍 直接扔落去炸😂重點咬雞翼個陣 你唔同我講食個隻係雞翼我都唔知自己食緊雞翼：）菇就勁重草up味有小小味係正常但好up💨肉燥係快餐店肉燥😂食到人都燥呢個價錢 唔值便當多菜👍 讚但冇味 =到半筋半腩 蕃茄麵😂個蕃茄 係生😂係sharpsharp聲既texture howcome如果伴菜應該細舊啲好啲？如果係main ingredient點解個蕃茄感覺好生感覺係煲左3分鐘拎上黎個隻唔係煲好耐煲到出味湯底方面 蕃茄味0 個湯底好濃濃到佢cover 晒所有味💨食牛腩個陣食唔到牛腩味🤛＝杏飽菇炸皮同雞翼一樣硬到介口👍

就算喺台灣旅行，都未試過春水堂。假日經過新城市廣場，突然想坐低飲杯嘢，於是就叫咗兩杯台式飲品外賣chill下。愛玉檸檬綠茶$35- 我幫朋友選擇少冰少甜，幸好冇走糖，檸檬味都幾酸，每飲一啖就會增加口水分泌，酸酸甜甜咁，喺夏天飲一流！鐵觀音拿鐵$36- 我選擇微糖，結果甜度啱啱好。鐵觀音茶味同奶味唔會搶咗對方嘅風頭，入口順喉、幼滑，飲一口熱呼呼嘅拿鐵非常舒服，推介！

第一次黎春水堂食野，都幾多人幫襯，要排一陣隊先有位入去食紅燒牛肉麵飲左一啖湯底，嘩！真係好濃郁，完全唔係死咸得個色～食舊牛肉，一定炆得夠耐，好淋，好入味～d麵條好彈牙，又可以掛到湯汁！呢碗牛肉麵真係好完美！！鐵觀音珍珠奶茶因為我唔中意好甜，平時飲珍珠奶茶都會走甜，但我今次好後悔走左甜，因為呢杯珍奶 d茶味真係好濃好香，個感覺似係用靚茶葉沖出黎，所以走左甜之後變左有 d苦，我偷飲左我朋友冇走甜嗰杯，嘩～真係好好飲！d珍珠都好煙韌呀！(希望大家唔好好似我咁傻)

平時春水堂成日都排長龍，今日一於6點未夠就入去食，直入感覺好爽😆叫左一碗紅燒牛肉麵（半筋半肉）同一杯熱胚芽奶茶。牛肉麵嚟到先飲一啖湯，香濃醇厚而不過咸，飲完又唔會口渴，不錯👍麵條粗幼軟硬適中，能夠索到湯汁，牛肉炆得夠林，但仍能保留咬口，牛筋真係夠晒林，一咬有軟糯口感，而且夠晒入味，真係好好味😋胚芽奶茶有茶香有奶香，有香滑又有胚芽嘅小麥香，甜度適中，熱度夠，呢杯奶茶飲落喉好順滑，令人好舒服☺️

Went for dinner. Ordered the eel bento, beef (half tendon) noodles, veggie with mince pork on top and bubble tea.Surprisingly the eel bento was quite nice even it should be more Japanese than Taiwanese?. The eel was juicy and quite generous. Rice was fragrant. The soup wasn't very nice though. It was just salty. The small portion of starters including pickle, lotus root and spicy cucumber. They were alright.The beef & tendon noodles-noodles were slightly overcooked. A little soggy, had better o

位於沙田新城市廣場嘅春水堂，同朋友行街行到攰，或者想搵個地方坐低飲杯嘢，都算係好選擇。下午兩三點幫襯，叫咗杯 柸芽奶茶，茶味香濃，甜度適中，而且當日人唔算多，坐得多舒服，店員又唔會趕住你走，諗唔到去邊度搵個地方坐，可以考慮吓。

叫咗個珍奶微糖少冰職員落錯咗做無糖少冰當然整咗出黎先check到錯我都有問題但係個職員一聽到問可唔可以轉番微糖就即刻黑哂面起鋼話 下 整咗就無得改大佬 你落錯單仲咁理直氣壯最後先話 唔會再整架啦 最多篤番個洞加番d糖水囉 就拎杯野走開咗其實咁樣處理已經可以 但最好笑係番到去飲仍然係完全無糖勁苦我係你地間野有飲開微糖知微糖係幾甜職員落錯單黑面仲要覺得係對方錯仲要假動作扮幫我加番微糖真係世界級完全唔明點解個職員要咁做..

❇️紅燒牛肉麵(半肋半肉)$88❇️麻辣牛肉麵(半肋半肉)$88牛肉麵🍜可以揀麻辣🌶同唔麻辣 湯底好香濃🥰但係偏油膩 個人覺得麻辣湯底較為惹味‼️有兩至三塊牛展 肉質淋身不韌 牛筋都好入味 口感滑嘟嘟 同埋十分軟稔✌🏻面底就係用咗幼麵 都掛湯👍🏻分量唔太大碗 飲埋杯嘢 啱啱好夠飽❤️❇️蒜泥白肉$38好似普通烚熟啲豬肉 呢個係勁唔好食呀😮‍💨仲要鞋口 可能脂肪比例少⁉️啲汁仲要好少👎🏻❇️鐵觀音珍珠奶茶$34奶茶香滑 奶嘅比例比較多 茶味☕️唔算太濃 有淡淡的鐵觀音甘香 唔太甜🍬

台灣野從來都係受香港人歡迎春水堂更加係啦，不論在台灣定香港都會支持支持台灣菜離不開夜市小食，台灣牛肉麵同火車便當 相信春水堂都可以滿足各人需要簡簡單單叫左兩個便當和飲料 便當材料豐富，賣相吸引。 坐得舒服，值得一試再試😃飲料多選擇，特別想推介鐵觀音奶茶。仲可以比各人簡甜度和冰度👍🏻

春水堂都好出名，佢既野飲就飲過，想試堂食好耐今日終於排隊試試佢（假日晚上等左30分鐘左右）🔅功夫麵味道👍🏻：肉醉都好夠味又多，反而覺得可以多啲麵/ 少啲肉醉，因為太重味，但係好味的。份量：女仔胃口一人份量，食埋小食甜品就差唔多。🔅滷汁排骨便當味道：排骨入味香口，配菜白烚無味份量很夠，仲要配埋🔅肉丸湯（雖然清湯冇乜味🔅珍珠紅豆鮮奶茶味道： 紅豆好溶，好好味，珍珠細細粒（本人鐘意大粒多啲）🔅黃金香酥雞味道： 酥脆、入味、嫩滑，唔錯（而且熱辣辣）食埋個甜品：🔅珍珠熔岩蛋糕本身想叫佢個珍珠多士，冇哂唯有轉呢個。但好後悔轉左食佢，因為真係好普通，感係雞蛋糕上面淋左啲珍珠&cream, 味道平凡，又唔抵食總結： 佢飲品係出色啲，that’s why佢出左飲品店。但堂食就會覺得試過就算，未至於會想再食，CP值唔高，又要排隊。

聽同事講～春水堂嘅牛肉麵係全香港最貴嘅牛肉麵！可能呢個講法會有啲誇張，但係連埋加一要百幾蚊一碗牛肉麵，又真係好貴！究竟值唔值呢個價錢呢？今日就等我試吓啦～入去之前比呢杯飲品深深吸引😍，不過可惜賣晒。糾結住究竟叫以下邊碗好：-⭕️半筋半肉蕃茄牛肉麵$98⭕️紅燒牛肉麵（半筋半肉）$88我想要紅燒湯底但係想食闊條麵。問咗店員如果要紅燒牛肉麵可唔可以轉闊條麵，發現係唔可以咁改嘅。所以最尾闊條麵贏咗紅燒湯底，最後叫咗半筋半肉蕃茄牛肉麵。我覺得呢個價位的麵應該可以有少少flexibility自由配搭。呢碗麵係好食嘅，不過未到好驚艷嘅味道。蕃茄湯底冇紅燒湯底咁香。賣相方面都唔錯，用嘅碗都幾精緻。牛肉夠淋牛筋夠彈牙，但係蕃茄就仲係生生地。湯底似係落茄膏整。總括嚟講，行過見到有位又想食牛肉麵可以再試，但應該唔會好掛住啲碗牛肉麵，同樣價錢應該可以搵到性價比更高嘅。另外堂食都用咗木筷子，唔係咁環保。呢個可以改變下～

一諗起想食台灣野就會係春水堂，因為最鍾意飲佢既珍珠奶茶🤗🤗🤗（5分為滿分：🌕）味道：🌕🌕🌕🌖🌑慢煮豬手滷肉便當($92）呢個係小編平時食春水堂八成會叫，因為啲豬手炆到好淋同入味🤤加埋啲滷肉飯一齊食真係正，仲有半隻蛋同蔬菜，男仔都會夠食😎個餐仲有碗貢丸湯，正常發揮🤪🤪功夫麵($53)呢個其實似滷肉+冬菇拌麵，連埋啲芽茶撈埋一齊好有口感，非常惹味，但分量就細左啲，女士食就岩岩好🤪珍珠鐵觀音奶茶(熱) ($34)天氣凍就飲唔到凍野，飲下熱野養生下🤣🤣熱飲都一樣咁好味🥰🥰 係春水堂飲珍珠奶茶最愛鐵觀音/原味，之前飲過茉莉味，好似飲緊tempo紙巾咁😂😂😂怕怕🤪🤪價錢：🌕🌕🌕🌖🌑連鎖餐廳黎講價錢算正常，份量係足夠既，午餐同晚餐價錢係一樣，所以成日都會覺得午餐食係冇咁，所以多數都會夜晚先去食😂😂 但而家冇晚市堂食所以都冇辦法🙈🙈交通：🌕🌕🌕🌕🌗位於沙田新城市廣場三期，無論係搭地鐵定係揸車都十分方便，新城市廣場有泊車優惠，不過星期六日都會好多人一定要咗要等位，要睇下好唔好彩喇🤪🤪環境：🌕🌕🌕🌕🌑餐廳環境尚算闊落，枱同枱之間都隔好遠😎不過位置因為都唔係好多位，所以成日都會大排長龍🥶🥶同埋坐喺近出邊嘅位

✨紅燒牛肉麵湯 香濃 但偏油膩 幸好食落又唔多覺牛肉 半筋半肉 份量都可以有四五件細牛展 一件牛筋 牛展 入味 大部份肉質都夠腍滑但有兩件唔算好腍 有啲咬口牛筋 入味 係啫喱狀嗰種 口感滑嘟嘟個人比較鐘意有啲咬口嘅牛筋麵 係幼麵 軟硬適中麵質滑溜 彈性就冇乜附送兩條小棠菜 但我個人本身麻麻地✨珍珠鐵觀音奶茶呢度可以揀左走冰 呢點幾好珍珠 細細粒 軟糯彈牙 奶茶香滑 奶比例偏多 茶味唔算濃 但有淡淡嘅鐵觀音甘香 唔太甜食物唔錯 份量都足個人覺得佢地出品質素一向都幾穩定環境正常 服務唔錯 價錢可以

本來諗住坐低食個下午茶，但入面有客要等，唔緊要⋯等囉，但明明有位都唔帶，起碼有四、五個服務員，但就係唔帶您入座，跟住唔等，去對面買嘢飲，好死唔死就聽到有人嗌機講話有客唔等，走，話有位唔帶；我真係聽到都笑出聲，點知收錢嗰位經理直頭話，唔使理呢啲人⋯我聽完直頭o咀，無事呀嘛，我係客，您咁樣話啲客？服務業喎⋯⋯唔係咁樣吓嘛？唔知以為我等您嗰麵，唔等會餓死⋯依家已經少人堂食，可能您間舖不斷有生意，所以唔怕無客，但唔應該咁樣去對待客人囉

全港雖然有不少分店，但一般都要排隊🥴 第一次食春水堂，幸好排左一陣就有位了▪️麻辣牛肉麵 ▫️凍珍珠奶茶 牛肉麵有辣同唔辣的紅燒牛肉麵供選擇，麻辣湯底好香同味道濃郁😍 牛肉份量適中，牛筋好入味同口感軟淋，好味！麵條亦煮得剛好，唔經唔覺就食晒⋯配珍珠奶茶真係好正，而且珍珠係細粒的♥️我好鍾意細粒珍珠，因為大粒我會咬到好攰lol▪️珍珠鐵觀音雪糕吐司 吐司可能因凍左的關係，食落有啲乾硬⋯鐵觀音雪糕不錯，但啲焦糖醬(應該係)有啲甜，加埋啲cream同甜珍珠，食食下覺得太甜了🥲個人認為價錢中上，因為食物飲品都係單點如果唔使排隊既偶而食可以⋯