春水堂 (新城市廣場三期)

营业中

休息中

講到台灣野 一定要食春水堂🙌🏻🙌🏻🙌🏻(短短一個月內已經食左三次🤭)🌟半筋半肉蕃茄牛肉麵蕃茄湯好濃好開胃，牛肉淋嘅程度啱啱好 好好味，不過麵嘅份量高偏少🫣🌟黃金香酥雞值得推介嘅小食，外皮好薄好脆，雞肉好嫩，咬落去唔會一pat粉咁 味道一流👅👍🏼🌟慢煮豬手‼️男朋友話一定一定要食‼️豬手煮到好淋，而且吸曬啲滷水汁，連我平時唔食豬手嘅人都忍唔住食番兩舊🤭🌟滷香拼盤拼盤有牛肚、牛筋同大腸，一次過滿足你三個要求，加上濃濃嘅滷水汁，一樣咁正😋🌟魯肉飯台灣最出名嘅魯肉飯反而有啲遜色，飯煮得太濕，而且魯肉唔多夠味🫠總結而言 食物質素大部分都出色，十分有台灣嘅味道，但價錢方面個人認為有小小偏貴，不過都值得推介比大家品嘗～🤤(重點係佢港九新界都總會有間分店喺你附近)📍 (新城市廣場三期) (沙田)沙田沙田正街18號新城市廣場三期3樓A332&A363A號舖

朋友成日介紹春水堂食牛肉麵，次前係銅鑼灣食過，覺得唔係太特別，一直唔會特別去搵春水堂食。呢日行開新城市呢邊，D食肆好似無咩太吸引，所以入左去春水堂試多次，認真品嚐一下佢既味道，但係食完之後我都覺得普普通通的，唔會特別要再去搵黎食。而且，一直覺得呢間價錢性價比低，食碗麵要成九十蚊，飲杯野要三十蚊，一餐午餐要成百鬆D蚊埋單，感覺唔太值，所以下次Lunch都未必再會選呢間食牛肉麵湯味濃，但牛肉較有口感，麵質唔錯珍珠奶茶奶味重，茶味唔夠

沙田春水堂服務態度惡劣 工作人員倦怠冇禮貌 用餐體驗極差之後都唔會返個間店食野Really, it is the first time in my whole life to see such bad service — rude and impolite. It is ridiculous such kind of restaurant has not been shuttered down.For sure, I will never step into this restaurant again, highly not recommend.

行開一田超市，上樓上搵野食，其中人氣台式食品"春水堂"，都食過幾間分店，間間都保持到個味道，確實有水準，難怪每次繁忙時間都大排長龍。一家三口等了半小時都順利入座，QR code落單。今次點了麻辣牛肉麵(半筋半腩）($92)，牛肉麵保持都水準，筋腩都易入口，湯底夠熱，推薦！手工素麵線 ($55)，有魯肉，香芹好香口，夏天非常啱食，麵質爽口黃金香酥雞 ($55) 好好食，但略為鹹了些魯肉飯 (小碗)($35)，小朋友每次啱食 ，魯肉野味 滷香大腸($55) 唔腥，爽口，配埋芽菜底好食珍珠奶茶($36) 茶味夠濃 ,  來到必推介香醇奶茶 ($34) 同樣茶味濃，香滑，好飲所有食物好食,  咁多間分店都保持水準,  出餐好快,  同樣食完好快收拾，整體都滿意！

三寶牛肉麵，有牛展牛肚牛根湯頭很濃，牛肉很嫩，輕輕一咬就撕開差點連湯都想喝清座位好寬闊，枱與枱之間有足夠空間，唔會感覺太迫太侷促點了一杯珍珠紅茶都算好飲但小食鹽酥雞，芋頭糕（？）味道就一般般總體不錯

春水堂以台灣牛肉麵為主打嘅餐廳，有多款台式麵類，便當，小食及飲品選擇。當日點咗蕃茄牛肉麵同麻辣牛肚。蕃茄牛肉麵湯頭濃郁鮮甜，牛肉肉質鮮嫩，配上Q彈有嚼勁嘅麵條，非常開胃。而麻辣牛肚口感辣度適中，牛肚軟嫩有嚼勁。餐廳環境寬敞明亮，整體整潔舒適。但服務員清理枱面時，一而再再而三將已經喺佢手上嘅筷子跌落枱面，實在係可以小心d。但整體服務尚算ok。價錢方面，CP值屬一般。食物味道ok，但份量略少。一般女仔食量應該覺得足夠，但以大食嘅我嚟講就未夠飽。總體來說，如果鍾意食牛肉麵，呢度值得一試。

📍春水堂🐮紅燒牛肉麵（半筋半肉）$82牛肉切得好厚身，仲係到諗咬落去會唔會好韌，但個牛肉帶有少少筋位，所以淋得黎又有少少彈性，食落口就多左重口感😆牛肉既分量都唔少，有6-7大嚿，比起出面餐廳食既真係多好多🤩🌶️麻辣牛肉麵（半筋半肉）$82中意食辣既我就點左碗麻辣牛肉麵，亦都係半筋半肉，主要唔同既係湯底，會明顯見到有辣椒、秘製既辣油、蔥、菜等🤣辣得幾過癮！🥵🐥黃金香酥雞 $48炸得酥脆，外皮香黃色既，亦都算大嚿！一咬開見到炸粉唔會好厚，算係薄身，但冇乜肉汁，有少少乾身🫣比起麵，個雞就有啲失色🥲🍫朱古力奶茶 $36正正常常嘅一杯朱古力奶茶，朱古力味唔算好濃～整體都算okay! ⭐️好味指數： 7.5/10📍春水堂 (新城市廣場) (沙田)沙田沙田正街18號新城市廣場3期3樓A332及A363A號舖

同一家店点的饮料外带变堂食要加费用5元，而且态度好差，东西分量很少也不好吃，价格贵，还没吃完就催人结账，太讨厌了，差评，不要来真的味道很一般，不好吃，很难吃，还吃不饱，服务员态度很差呀

今日經過春水堂想食佢個牛肉麵，見冇乜人排，即刻去！叫左一碗半筋半肉紅燒牛肉麵，好食！湯底正，麵條都唔錯，掛湯的！牛肉都整得好好食，好淋另外叫左杯鐵觀音拿鐵，有驚喜，不過下次可以叫少甜，整體都好飲嘅！最後叫左個甜品，有啲失望！以前食好食啲！個蛋糕好亁！以前係濕濕地，好好味架。宜家個cream打得麻麻地，珍珠又唔好食。希望下次食會有進步！

今日lunch經沙田，平時大排長龍嘅春水堂咁啱不太多人，我即刻衝入去。呢度點餐用qr code，幾方便。叫左紅燒牛肉麵，鐵觀音拿鐵，珍珠奶茶蛋糕。先講個牛肉麵，有驚喜，真係唔錯！啲牛肉同牛筋都煮到好淋，好好食，牛嘅份量都多麵底都唔錯，啲麵淋得黎又有咬口同掛湯，幾好！只可惜麵嘅份量比較少，男仔食一定唔夠，可能要3碗先夠。另外個湯底都唔錯！只係酸菜少左啲，一啖食完。鐵觀音拿鐵都推薦大家試下，個茶味幾出，幾好飲，下次試少甜可能都好飲。至於個蛋糕，有少少失望，我記得以前食係好鬆軟，個cream又打得好食。但今日食就覺得個蛋糕偏硬同乾，cream又打得一般，珍珠咬落冇乜口感

去到沙田新城市，對於有選擇困難症的人來說，可能是一個挑戰，哈哈.....左選右選，左睇右睇，大家同意未試過春水堂又還掂唔使排隊，不如入去試吓吧！職員安排了坐位給我們後，就遞上了落單的掃瞄QR CODE。雖然這裡職員還算多，但服務態度就一般了。1️⃣手工麻香麵線。$55🔎麵整得岩岩好，不過食完會覺得唔夠喉。2️⃣滷香大腸。$55🔎沒有難聞的怪味，腸身很軟腍，但不太喜歡有點像肥膏既東西。3️⃣黃金地瓜條。$38🔎地瓜不是太甜，不過不失。4️⃣台式芋米糕。$33🔎第一次嘗試，還以為會有芋頭味，原來是沒有什麼味道。

唔經唔覺春水堂原來已經有十間分店隔咗幾年再食都keep到水準算係比較重口味嘅台灣風味發現佢推出咗好多小食類仲有甜品嘢飲嘅選擇亦都唔少見到餐牌有少少花多眼亂嘅感覺首先講返佢嘅牛肉麵可能因為我鍾意食牛筋半筋半肉麵都幾合我口味但蕃茄味冇我想像中咁濃茄味只係畫龍點睛咁反而辣味會惹味啲麵底煙韌彈牙但就少咗啲酸菜湯底連埋其他小食都係偏鹹小食類嘅麻辣牛筋好味🤤燉豬手係夠淋但冇特別鹽酥雞翼嘅炸皮太厚得鹽味蒜泥白肉反而有驚喜半肉半青瓜加埋蒜粒薑絲撈埋層次香得分明魯肉飯嘅係三層肉嘅肉粒唔係肉燥加少少肉鬆唔太鹹係唔錯但飯粒係偏軟嘅細碗份量一個人食可以加個小食啱啱好嘢飲方面比較甜而且珍珠係細粒嗰種有嘢飲係餐廳規定咗只可以熱或者公司決定咗甜度配料唔可以加減我自己覺得佢嘅嘢食比飲品出色但整體嚟講都算係唔錯嘅選擇😌

之前經過見到好多人排隊，睇D食評又話佢幾好，見平日經過咪走去排吓隊囉，諗住試吓佢係咪真係咁好食？！點知唔試就由自可一試就非常失望啦。我哋食咗一個紅燒牛肉麵一個鹽酥雞飯。紅燒牛肉麵都仲OK但係鹽酥雞就完全冇鹽酥味，啲雜菜又冇鹽又冇油，直頭就好似醫院用餐咁，一啲台灣嘅風味都冇。只有三隻雞翼一個大男人都食唔晒，原因係真心唔好食。仲有嗰個跟餐嘅湯裏面有一粒丸，俾一啲完全冇味嘅滾水浸住粒丸，飲咗一啖有少少覺得係用嚟漱口嘅，其實係唔係我哋唸多左？本身佢係唔係湯嚟架！？🤨排隊入座，又奇怪喎，見到有一張四人枱available, 排隊排到一位，佢唔會理後面排緊隊嘅有幾多位佢都俾個一位入座坐一個四人枱。咁樣做其實係咪可以製造長龍囉…

1行3人沙田一田行街買嘢，行到累搵嘢食，朋友話未食過春水堂，我就覺得呢間都不錯就決定入去，我叫咗黑雞米線想健康啲，朋友就食定食，叫咗1杯邪惡黑糖珍珠奶茶，我覺得黑雞米線好好味，吾會油膩油份剛剛好，整體令人好開胃，很不錯，黑糖珍珠唔洗講超好飲，好香口珍珠都唔會太痴牙，朋友定食都很滿意，跟住我哋叫左一個美人茶，諗住坐耐小小傾吓偈，好驚喜原來美人茶係一盤上，人人都有隻杯，難怪價錢唔平，下午茶大家飲飽食醉非常滿意，不過埋單價錢貴小小，勝在唔趕客，我哋坐到夠。

控制甜度good good！珍珠足夠正~小冰都夠曬凍、茶質唔係太checkD樓面姐姐好好……雖然衹飲杯嘢都唔眼超超、急急收你嘢、而地方不太迫……有得唔趕你走……坐底茶飲.講完