春水堂 (新城市廣場三期)

营业中

休息中

今日晏晝叫咗外賣，三個牛肉麵、三杯嘢飲、兩個小食、一個熔岩蛋糕，盛惠五百幾蚊，並不便宜。唔緊要，最要係好食而且食得飽。先講味道，麵質有嚼勁，麻辣湯底味道適中，合大眾口味，唔錯牛肉厚切，牛筋同牛肉都炆得好淋，冇乜嚼勁。成個麵扒幾啖就冇晒啦，食完唔覺飽。芋泥丸子香脆，奶黃餡有咸蛋香味，但毫無芋頭味，令人失望。$33得四粒，仲要好細粒，唔抵食。招牌豆干麻辣味香濃，送麵吾錯。不過50幾蚊，份量好少，唔抵食。珍珠奶茶不嬲係招牌，保持水準。但愛玉檸檬特飲，似飲得嘅得力素，有啲古怪，而且愛玉份量太少，啜兩啖就冇晒。個熔岩蛋糕好甜，上邊太多忌廉，唔係人人啱食， 60幾蚊，蛋糕好細，蛋糕質地偏實，唔鬆軟。

之前係台灣無機會食春水堂，咁岩經過沙田終於有機會試下🙆🏻‍♀️當日同屋企人一人一個主食再加個甜品已經好飽，本身想叫埋台式飲品都要留肚試個甜品👍🏻牛肉麵係半肉半筋，湯底都算幾濃味，麵質都唔錯，吃到最後麵質都保持到👍🏻本身有幾款可以選擇，比較少食鯛魚，成個便當都幾健康，有青菜同烚菇，比較清淡，鯛魚調味都甜甜地，感覺有啲似燒汁🤔黎到最期待既甜品，最大特色就係加左珍珠同埋黑糖漿，再加上cream ，整體感覺比較甜，蛋糕就不算太鬆軟，覺得一般

第一次光顧袋鼠外賣平台沿於亞媽話，今日唔想煮飯！哈！我地三個人點了一個便當，一個面，一杯飲品3個人食有6-7成飽😅慢煮豬手便當🍱便當是方型盒的前菜，餸菜跟一盒飯和一個肉丸湯豬手稔而不散膠質豐富，好多骨膠原！便當中有很多菜豬手下有厚厚的一層蔬菜，也有菇紅燒牛肉面牛肉湯和面方開面質好特別，彈牙！好食！牛肉有4舊左右。外賣平台：袋鼠運送時間：比預計早到餐盒類型：紙盒為主，少量膠品食物溫度：微暖，可以改進

想試好耐，沙田開左冇乜人，就入去試下有幾好食，成日要排隊，點知.. 食完好失望我同男朋友都覺得唔好食，唔會再嚟食第二次。2個主食，2杯野飲，1個小食Total 食左$309，佢既食物唔掋俾依個價去食。首先主食，紅燒牛肉麵$82唔辣既，個湯好咸食完係咁飲水。牛肉份量正常，有2舊牛筋，但係面既份量好小。依個係面既質地，比較「淋」，吸曬個湯既味，好咸好咸之後男朋友叫左滷汁排骨便當，其實係炸豬排，都係好「淋」，唔會癡住d牙肯定，但係個飯勁dry 係冇汁既。個配料 菇+菜係冇味。唔知佢所謂既滷汁係邊食飯配送個湯，貢丸湯，應該都係味精湯小食 黃金香酥雞 $48同豪大大差不多，份量亦很小。係當晚最好既一樣。2杯野飲分別是，珍珠鐵觀音奶茶$34茶味特岀，珍珠係細珍珠。另一杯是愛玉鐵觀音檸檬茶$35好酸好酸，唔好飲，個味唔夾 總括依然，依間唔會食第二次，d野唔好食，價錢又唔平。食茶木 都唔會揀佢食完俾錢係要拎張單去收銀㗎，記住喔。另外附上一張店內圖位置不算坐得舒適因為木凳，坐耐屁屁會痛

Holiday🥰去左沙田行下食個下午茶~放假心情真係好好❤️.📍春水堂.🥤凍胚芽珍珠奶茶($37)-🙆🏻‍♀️好耐無飲過珍珠奶茶!!難得去春水堂見到個個都點杯珍奶又無理由唔飲返杯😌珍珠分開上好特別落幾多自己決定🤪當然就梗係落哂唔好嘥啦!奶茶唔錯喎~有茶味叫左微糖唔會太甜啱啱好😆珍珠偏細粒但幾有咬口喎🍱滷汁排骨便當($82)-好日式好精緻🤣多菜都幾健康嘅~塊豬扒無骨個味又醃得幾好食喎!!🙆🏻‍♀️覺得碗湯好正~係紫菜貢丸湯😍🐮麻辣涼拌牛肚絲($38)-呢個都幾辣但個味唔錯😆個底唔會好多油係度👍

今日係長假期第一日，女朋友講左好耐話想食台灣野，預左會勁多人，所以一早5點幾已經黎到睇下咩料到。果然一預所料，6點未到，已經有十幾人排緊隊。入餐廳前量體溫係例牌，佢仲會要求一定要用埋搓手液先俾入，而且位與位之間都算隔得開，感覺都食得安心。我地叫左4樣野 1. 半筋半肉番茄牛肉麵：湯底濃郁，牛筋好林好入味，只係舊蕃茄生左啲 2. 豬手魯肉便當：已經係第2次食，水準依然，豬手出色，便當份量亦大份，男人都夠食 3. 珍珠鐵觀音雪糕吐司：女朋友叫的，有驚喜。鍾意飲珍珠奶茶嘅朋友一定會鍾意，而且呢個係香港限定先有，甜品控必試 4. 翡翠香柚茶：小清新，非常refreshing 2人埋單$305，價錢合理，會再翻啅😋不過大家想試建議預早時間排隊羅位！

朋友介紹話唔錯，所以黎試一試環境唔錯，幾舒服，畢竟新裝修完，而且坐位數目都唔少紅燒牛肉麵(半筋半肉)非常推介，湯底好濃郁，同牛筋牛肉好夾，好惹味❤️❤️慢煮豬手愛豬手者可以一試，自問唔係成日食豬手，不過呢隻好林好入味，朋友食完都話唔錯魯肉飯呢個係今餐相對普通既一味，算係正常既魯肉飯吧珍珠鐵觀音奶茶這絕對要一試茶底香，珍珠都好QQ，好香滑，非常推介🥰食完對牛肉麵同奶茶都好回味絕對會再去幫親👍🏼

食完吐司唔夠飽，經過春水堂心思思想食，等左一陣就有得入座了。第一次試台式芋米糕，入口好香米既微甜味，但係佢成件事係勁油，所以最後我地無食曬。紅燒牛肉麵既麵量同肉量都適中，男仔可能會唔夠飽，麵質還好，可能我地個人比較鍾意厚身粗身有咬口果種台灣麵多 d ...手工素麵條，可能因為係用碟上，感覺份量好似少 d 咁？肉碎偏向濕 d ，唔係行乾拌麵既路線，味道都可以的，有 d 麻油既香味。珍珠鐵觀音奶茶 & 珍珠茉香奶茶都好飲，話曬都係始祖茶香奶香都唔會搶左大家既位置，珍珠既份量亦好足，煙韌有趙頭。

同gf去沙田新城市行街 行到攰攰哋 就去左春水堂食個tea大約5 點幾 都要排隊 好多人 大概20 分鐘先入得去 因為就黎要番屋企食飯 所以叫左少少野做個tea咁我地叫左個珍珠奶茶toast share食 件toast好軟好鬆化 配奶茶味既雪糕一流 同埋細粒既珍珠同埋cream成個配搭係剛剛好 甜度同埋口感都配合到 推薦一定要試然後叫左杯珍珠綠茶 (因為唔飲得奶) 飲左咁多間 覺得呢間個綠茶最清同埋重茶味gf叫左個matcha latte都唔錯差不多一百蚊左右 會再去

由佢喺西九開第一間分店時試過佢杯鐵觀音珍珠奶茶之後就愛上佢❤️去坐高鐵必定要買黎飲。之後馬鞍山開都有飲過，到依家沙田開咁方便就一定要捧場啦😋鍾意呢杯飲品嘅原因係佢茶味香濃之餘仲有餘溫，啖茶吞左之後會有淡淡嘅茶甘味，但又唔會蓋過奶嘅味道‼️細粒珍珠夠煙韌彈牙，甜味亦足，所以就算叫半糖都好夠味🤤（利申：本人唔鍾意飲太甜）另一樣值得讚嘅係，So far試過3間嘅同一杯飲品都係一樣水準，唔會有參差嘅問題出現👍🏻

以前係台灣工作，成日去春水堂食飯。當春水堂登陸香港，當然要試試啦！下午茶時間人不多，好快入坐。點咗個以前成日食既功夫麵加珍珠奶茶！ 有啲似肉汁撈麵，肉汁有油香同菇味，麵身寬而彈牙，配上肉碎、香菇同台灣肥芽菜，撈勻就食得！食落吾會好寡，因為功夫麵既味道層次不少！100個推介🌟 我飲走甜，但奶同珍珠本身都有甜味，所以幾好。珍珠比較細粒，而且QQ。但比較其他奶茶店，珍珠奶茶水平一般。

今日出左沙田新城市食新開既春水堂叫左珍珠奶茶，鹽酥雞，牛肉面。珍珠奶茶有別卡其他出面果d。佢茶味重d，我比較中意，又唔會太甜。而且係我中意既細粒珍珠😌鹽酥雞好脆！牛肉面個湯底好濃好好味（牛肉面可以再食呀！正👍🏻）

這商場裝修完後 第一次到來 3樓的一角 不同國家的餐廳林立 有台菜 有西餐 有新加坡菜最後與家人選了台菜 都要少排一會兒 排頭位置都等了10分鐘 這時勢要排隊的餐廳真不多 証明這餐廳挺受歡迎的坐圓枱位置 椅子旁有布籃 可供放袋 小小的店依然有這貼心服務 不錯《珍珠茉香奶茶》《珍珠鐵觀音奶茶》茶味超級香 與奶茶的比例剛好 不會太甜 而且珍珠煙韌 量多 👍🏻《魯肉飯》這小碗 適合胃口小的朋友當晚餐 或大家想喝珍奶時 配這飯當下午茶亦可 當中的肉碎有瘦有肥 十分滋味 只需$28性價比高《鹽酥雞翼魯肉便當》看似挺豐富的 有菜 有菇 有蛋 當中必定要提及主角鹽酥雞翼 酥脆的外皮 內裏仍保存雞汁 肉質幼嫩 正《御品三寶牛肉麵》三寶為牛肚牛展牛筋 三者口感偏軟 味道濃郁 連湯底都含啖啖的牛肉味 愛牛者必食人均$120 台菜來說 價格算高 但好食 都值得😋

今天跟友人來到這家分店吃下午茶，我點了麻辣牛肉麵，湯底是香濃的牛肉湯，再加些麻辣粉和紅油，個人認為不太夠辣和惹味。牛腩和牛筋各半，份量適中。價錢大約80左右，覺得比較貴，如果跟餐有飲品比較合理。另外，點了熱鐵觀音奶茶，少甜，一喝之下奶茶不是太甜，而且有香濃的鐵觀音味道，而且我覺得奶味不是太濃，本人很喜歡💕而且份量也挺多的，價錢合理。下次如果想找個地方吹水，飲嘢，可以來這家新店，過一個寧靜的下午。

每次去台灣我都一定會幫襯春水堂，佢已經嚟咗香港一段時間，終於有機會去食個下午茶。店舖裝修格局唔錯，坐得舒服嘅，不過我個位嘅地下有啲殘餘食物同餐具冇執，呢樣應該要留意返整乾淨先安排客人入座。打開餐牌發現飲品選擇冇台灣咁多，但就有香港限定甜品😋珍珠鐵觀音雪糕吐司呢個有驚喜😆 雪糕真係有濃厚嘅鐵觀音味，配合滑滑嘅奶油一齊放係吐司上，甜度適中，好味😋春水堂嘅珍珠就唔駛多講啦，一向都煙韌Q彈，係我最鍾意嘅😍黃金香酥雞店舖推介之一，的確值得推嘅。雞好滑，炸粉適中一啲都唔會好似出面咁厚到冇肉食，食落亦唔會好油膩，唔錯唔錯😋蕃茄蜜凍飲呢個唔可以話唔好飲，但同想像中有點出入，冇乜蕃茄味，比較似蔬果汁。胚芽奶茶，紅豆鮮奶茶胚芽奶茶味道正常。紅豆鮮奶茶相對比較特別，好香紅豆味，而且起晒沙，正。茉香珍珠奶茶正常茉香珍珠奶茶應有嘅味道，同台灣飲嘅一樣😁今次下午茶時間試唔到其他食物，下次會再嚟過。