春水堂 (新城市廣場三期)

营业中

休息中

今日晏晝叫咗外賣，三個牛肉麵、三杯嘢飲、兩個小食、一個熔岩蛋糕，盛惠五百幾蚊，並不便宜。唔緊要，最要係好食而且食得飽。先講味道，麵質有嚼勁，麻辣湯底味道適中，合大眾口味，唔錯牛肉厚切，牛筋同牛肉都炆得好淋，冇乜嚼勁。成個麵扒幾啖就冇晒啦，食完唔覺飽。芋泥丸子香脆，奶黃餡有咸蛋香味，但毫無芋頭味，令人失望。$33得四粒，仲要好細粒，唔抵食。招牌豆干麻辣味香濃，送麵吾錯。不過50幾蚊，份量好少，唔抵食。珍珠奶茶不嬲係招牌，保持水準。但愛玉檸檬特飲，似飲得嘅得力素，有啲古怪，而且愛玉份量太少，啜兩啖就冇晒。個熔岩蛋糕好甜，上邊太多忌廉，唔係人人啱食， 60幾蚊，蛋糕好細，蛋糕質地偏實，唔鬆軟。