春水堂人文茶館 (創紀之城五期(apm))

营业中

休息中

早年去台灣春水堂呷頭一口珍奶時嘩了一聲那份香醇茶香令人回味為何香港春水堂的熱奶茶不像台灣一樣成壺上每次來春水堂一定點個魯肉飯($28)肥瘦均勻帶點甘香個人喜好不加肉鬆更地道少不了點個軟綿入味的慢煮豬手($58)膽固醇超標總不能每次點喜愛的滷大腸麻油雞麵滋補暖胃黃姜配麻油、香味濃郁今次吃到的鹽酥雞翼($38)令人失望急凍雞翼處理不好未完全解凍就急下炸爐雞翼連血水一齊炸令雞肉變腥希望店家改善鐵觀音奶茶($31)帶有燶味喝了半杯就停口了疫情下當然不可搭枱店員戴上膠手套抹檯、遞上食物、拿收據......

台灣有1成人口係食素既，所以去到台灣完全唔需要擔心冇啖好食，除左四圍都有素食餐廳，即使係普通餐廳都會有素食揀。來自台灣既春水堂都一樣有素食，同非素食朋友去食完全冇難度。餐牌上有兩個素麵，一個係五香素麵，一個係手工素麵線。兩款睇落好似冇乜大分別，就係一個啲麵粗啲一個幼啲。我地最後揀左幼啲既手工素麵線，份量細左少少，女仔食都未必夠飽。用左冬菇黎取代肉燥，都幾入味。如果鐘意去台灣夜市掃街，依度都有啲街頭小食比大家過下口癮。個杏鮑菇炸得幾酥脆，不過份量都係偏少。地瓜條就比較油膩，同埋都係果句，份量偏少。上面幾款食物既價錢係好平，不過我寧願佢收多少少錢比大份啲我地，咁會食得開心啲。

本身想去觀塘工廈任食牛扒，點知摸門釘😑，所以隨即喺附近搵嘢食。喺我心目中，觀塘中伏嘅機率真係超高，性價比好低。如無做定功課，嘢真係唔可以亂食。我同朋友去咗APM蕩下，見以前排隊排到好誇張嘅春水堂竟然得小貓三四隻等緊，所以就決定試下啦！安排我哋入座同負責收銀處嘅店員就好有禮貌，但舖內其他店員普遍都黑黑地面🌚，唉！餐牌望落好似好多選擇，實則唔少都係同一類別嘅嘢，揀嚟揀去都無幾多樣。台灣菜嚟講，佢定價算貴，飯同麵等主食起碼要$7x-$8x，又無得以優惠價加配飲品。另外，留意返一杯珍珠奶茶都盛惠$3x😟。我哋叫住兩份主食、兩份小食、一份甜品同一杯飲品，計埋加一，埋單就已經要$420😱。但我哋無飽肚感之餘，基本上全部鹹食嘅味道都唔合格，好難食。滷香拼盤($78)，首先份量好少，第二係味道勁淡，完全無香無味，啡啡地色懷疑係落咗老抽／色素、但任何其他醬料欠奉...；而且旁邊嗰碟油狀般嘅汁亦係無味。再者，就係食完哂成碟，我哋都唔知碟滷味有乜，食得出有豬大腸同金錢肚，但第三樣係乜就不得而知🤢。本身想問店員，但都係由佢。手工麻香麵線($48)，本身我自己就好鍾意食台灣麵線嘅口感，點知呢到又係顛覆咗佢原有嘅

聽朋友介紹已經話好好味，路經觀塘，順便一試，一入門口，帶位人員十分親切，為孕媽媽安排一個舒適的座位，食物味道更不在話下，餐牌能顧及素食者的需要，飲品的種類更多，味道和賣相也是一絕！肧茶奶茶的奶十分香滑，值得一試再試！

春水堂名聲響噹噹但我從來未試過，今次終於有機會試試了﹗先說說春水堂是怎麼來的～據春水堂的官方FB介紹，他們在1983年已成立並創造了世界首杯台式的泡沫紅茶和珍珠奶茶，名副其實的「珍奶始祖」。現在香港的分店亦不只限於茶飲產品，還有其他的台式菜式，最近想吃台灣菜的你就要留意下文啦～-◾魯肉飯(小碗) 💰 HKD $28魯肉飯看似一小碗但其實份量足夠，多飯足料。由相中看見，碗表面的「料」份量很少，但其實吃時整碗都是甜甜的魯肉汁，真的是「粒粒皆汁」。而且魯肉也不會很肥，推薦給食量少的人。-◾紅燒牛肉麵 💰 HKD $82湯底紅燒味超級重和濃烈；麵質比較淋和軟身。最值得一讚的就是牛肉和筋，兩者都超級淋，一咬即化。之前去台灣吃的牛肉麵，都會碰到比較硬的牛肉，但這裡的牛肉和牛筋真的是超級淋且還帶有點牛味，我覺得比台灣吃到的更好。🥢整體來說，這碗麵無論是湯或是肉都很好吃，吃畢後也不會感到口喝，但對於個人來說就有點不喜歡麵質，如果麵質能硬些的話就更好了～唯一不足的是份量有點少，如果多少少的話會更好吧。🥢-◾黃金香酥雞 💰 HKD $48香酥雞雞肉尚算嫩滑，而且醃得入味，能夠吃到鹹味和

滷肉飯同小食都無特別就唔講了，由其係個米血糕真係好麻麻..話說果日係Apm想食蛋糕，誤打誤撞入左春水堂因為疫情下好多餐廳無人，偏偏見佢有人排隊就試下🧐個珍珠熔岩蛋糕真係喜出望外，蛋糕真係焗得軟滑，最怕啲海綿蛋糕鞋烚烚，黑糖味重，而上面啲cream唔係啲甜cheap cream, 重奶味真係幾好食😋另外仲飲左杯鐵觀音珍珠奶茶，茶味夠特出，又唔會太甜總結係：下次再去只會食甜品同飲珍珠奶茶，主食唔洗再點

約左好耐無見既朋友見面之前係台灣食過春水堂 一直念念不忘知道香港有開分店既時間一直都想去食下 終於都有機會啦平日晚市時段 門口出面都有排左一條小人龍等左十五分鐘左右就可以入坐 唔算好耐坐低就睇下餐牌食咩好啦最後我點左個麻辣牛肉麵 鐵觀音珍珠奶茶朋友要左個 鹽酥雞翼滷肉便當 珍珠紅豆鮮奶茶另外仲要左兩個小食 滷香牛肚 招牌豆干個麻辣牛肉麵味道唔算麻辣 個麵仲有啲淋奶茶就一貫味道 不過不失食左朋友一舊鹽酥雞翼 幾好味 夠香口個兩個小食都可以豆干入味 牛肚都夠淋整體感覺都唔錯都會推薦朋友黎食

每次路過都見春水堂出面大排長龍， 適逢生日月朋友叫我揀餐廳， 心血來潮不如試下春水堂。 開頭諗住疫情之下應該不用排長龍， 誰知都要排大約十分鐘。 餐廳座位格局都比較迫， 店員服務普通， 今次就試下這裏的菜式，麻香烏骨雞麵線$88， 茶香肉燥娃娃菜$28， 滷香拼盤$78， 麻辣青瓜$38， 台式芋米糕$28， 珍珠熔岩蛋糕$58， 鐵觀音拿鐵$36， 珍珠紅豆鮮奶茶$38。麻香烏骨雞麵線～ 湯的味道很清， 麵線幼滑。😊滷香拼盤～ 有豬大腸，牛孖根和牛肚，滷得入味但偏甜。台式芋米糕～ 外觀好像蘿蔔糕，外脆內軟， 味道唔錯。麻辣青瓜～ 麻香味重， 配清新爽口青瓜， 兩者是最夾的味道。茶香肉燥娃娃菜～ 娃娃菜太大棵好難入口。珍珠熔岩蛋糕～ 珍珠爆漿蛋糕， 忌廉軟滑， 蛋糕質感紮實。鐵觀音拿鐵～ 茶味香濃，又滑口。珍珠紅豆鮮奶茶～ 紅豆質感有點硬， 幸好甜度適中。今次終於畀我試到春水堂， 食物質素唔錯， 喜歡吃台灣菜的朋友可以一試。

好耐無行街，舊同事唔開心想傾計就走左去apm 春水堂，貪佢唔洗排隊就入去食個tea, 叫左個牛肉麵，牛肉好吸引，肥瘦岩岩好。仲有最特別既 珍珠熔岩蛋糕， 我最愛珍珠，所以我覺得好好味🤣🤣炸雞 最正，好夠味！！食物上得好快，傾計一流，坐得舒服～如果唔洗排隊又肚餓可以一試

🧁係為左個蛋糕先入來食，聽講係香港春水堂限定😂個珍珠熔岩蛋糕上面奶蓋口感綿滑，但無平日芝士奶蓋咁油膩咁厚。蛋糕鬆軟而黑糖味幾重，撈埋黑糖珍珠一齊食味道更加出，整體來講兩三人食都可以，不過食食下整體有少少甜。台灣滷肉飯同平時台式餐廳食冇乜分別，只係唔會成碗肥肉來hea你🤣相對多瘦肉就足料啲，而且醬汁無咁甜。紅燒牛肉麵個牛展炆得好軟，醬汁入味。麵底份量足夠兼軟硬適中，但係個人而言覺得湯汁有啲鹹。

這餐廳由開張到現在都是大排長龍的，這次居然有不需要排隊的情況，當然要試試啦。由飲品出名繼而衍生出食品的台式餐廳，先來一碗經典的紅燒牛肉麵。真的很濃的味道，尤其是湯底，有一層頗厚的油在上面。有效地保留了食物的溫度，卻叫人有點望而生畏。麵質卻不錯，軟硬適中，口感不錯。牛筋煮得很軟，很易入口，好吃。牛肉似是牛展位，可能因為與牛筋一起長時間煮，雖然是軟，但肉質卻有點粗，不夠嫩滑。既然是以飲品起家，但然要來一杯飲品。近來新興的鐵觀音奶茶，茶味很香，奶也夠滑，味道真的不錯。

已經食過春水堂幾次👀2次東涌店 2次觀塘店每次都係帶唔同朋友黎試今次試左杯新野🧉香蕉🍌脆脆朱古力🍫奶茶滷肉飯是必點的 比較特別只有一個細碗size 都係久唔久想返去食既味道 另外每次都會叫2-3個小食黃金炸雞 杏鮑菇 同麻辣牛筋😋

平時lunch都排幾條街所以放棄，咁啱呢排見lunch唔駛點排就試下，入去叫左個鹽酥雞翼便當同一杯鐵觀音拿鐵，另外加個甜品吐司， 便當份量夠大同埋都幾多菜，lunch食夠飽，但味道唔算突出。甜品反而算特別，可能呢間野係專食甜品？但要排隊咁耐就唔算太值。

平時午飯時間想食春水堂可謂無乜機會, 因為條人龍太長. 而家少左人返工終於可以試下.紅燒牛肉麵同牛肉湯牛肉麪各有千秋, 想食得清淡啲可以叫牛肉湯, 牛肉好腍好滑, 係碗麵比較細啲, 如果男仕食可能未必夠飽. 便當就比較豐富, 有湯又多配菜, 鹽酥雞翼都算大隻,滷汁排骨就有啲平淡. 4個人唔夠飽就叫埋招牌甜品珍珠鐵觀音雪糕吐司. 幾種味道質感合而為一非常滿足.珍珠奶茶就好睇個人口味, 對珍珠唔大興趣嘅都可以叫奶茶, 杯芽奶茶係我嘅推介.

想不到疫情嚴重期間，平日晚飯時間apm 的《春水堂》都打兩個龍餅又話留家抗疫，不過留家多天，都感納悶。一見menu，大叫特叫先來黃金香酥雞，外脆內軟，不算太鹹，而且肉質尚算豐富，值得一吃烏龍豆干大大粒，份量頗多，且烏龍香味配上芝麻，口感十足這碟鹽酥雞翼，炸到金黃色的雞翼，香口到不得了，咸香且肉汁香口冷盤 - 麻辣涼拌牛肚絲，爽口彈牙，少少芫荽味慢慢帶出麻辣香味細碗的魯肉飯，肥肉不多，肉汁香濃，面頭大量肉鬆，增強口感珍珠茉香奶茶，細細粒的珍珠十分彈牙，茶香味濃難得好飲的珍奶！