春水堂人文茶館 (創紀之城五期(apm))

营业中

休息中

台灣有1成人口係食素既，所以去到台灣完全唔需要擔心冇啖好食，除左四圍都有素食餐廳，即使係普通餐廳都會有素食揀。來自台灣既春水堂都一樣有素食，同非素食朋友去食完全冇難度。餐牌上有兩個素麵，一個係五香素麵，一個係手工素麵線。兩款睇落好似冇乜大分別，就係一個啲麵粗啲一個幼啲。我地最後揀左幼啲既手工素麵線，份量細左少少，女仔食都未必夠飽。用左冬菇黎取代肉燥，都幾入味。如果鐘意去台灣夜市掃街，依度都有啲街頭小食比大家過下口癮。個杏鮑菇炸得幾酥脆，不過份量都係偏少。地瓜條就比較油膩，同埋都係果句，份量偏少。上面幾款食物既價錢係好平，不過我寧願佢收多少少錢比大份啲我地，咁會食得開心啲。