春天拉麵小籠飽 (已結業)

今日中午與四個人一起去春天午飯，叫了三個特價小菜，端來的是三碟迷你小菜，有咕嚕雞、鱔糊、皮蛋豆腐，另外正價小菜兩款，冬菇小棠菜、年糕、擔擔麵‧味道一般，埋單才發覺特價小菜計了正價，每碟要$48-58‧碟子已經收去，店員辯稱那幾碟小菜是加大的‧但是看到別桌叫的『特價小菜』大小與我們叫的沒有兩樣，心裡知道被騙了‧埋單共$260，物非所值‧此店經營不老實，以後永不錄用‧

　小弟因為事忙，有成幾個月都冇開飯喇發表意見！　聖誕節前後，約同朋友出去佐敦吃晚飯，兩條友又想食上海，行到白加士街見到呢間，出面張貼不少報章推薦佢，而且睇落價錢唔怪，咁咪膽粗粗入去幫襯啦。　點知入到去裡面，個餐牌又顯示另外一個價錢；我問樓面位阿姐，佢話係午餐時間先至特價，佢都有晚餐供應，之但係貴到飛起，而且兩個人都食唔晒，咁咪焗住叫散餐囉。總共叫兩個，一味係炒年糕，一味係擔擔麵，埋單盛惠七十七蚊喇！　我以為我睇錯，望張餐牌，原來一碟年糕四十幾，一碗擔擔麵廿幾，連埋加一，的確係七十幾蚊。找數之餘，我覺得好肉赤，唔係價錢問題，而係食得貴夾唔飽，我都想叫多幾個，但係咁價錢同埋味道，你又會唔會咁笨？我朋友都話一次過咋！　唉！行遠佐敦碼頭附近「大家食」，食碗擔擔麵都係十幾蚊，如果唔係約朋友，幾大都去「大家食」算喇。

和女友2人晚飯，叫了一碟皮蛋(幾正)，一碗擔擔麵(一般)，一客小籠包(勁正)和2個蟹粉小籠包(冇咩特別)。皮蛋鬆化口惑好；小籠包皮溥但能包住D肉汁，正；但蟹粉小籠包就一般左D，冇蟹粉味。其他野就冇試。

好難食......only 個小龍飽得.....其他完全唔得....no good

(18/10/05)過來佐敦買o野,比較熟哩條街。韮皇肉絲炒粉皮─未食過炒的粉皮,緊係要試,都幾好味。其實似上海清淡版上海粗炒,都係豉油炒啫。小籠包─上台已見肉汁在包內浸住,可想而知個皮幾咁薄,點埋醋,正!不過如果D皮厚番DD會更好。鱔糊拉麵─見d湯以為好濃味,但原來唔濃,因為麵好淡,而鱔就不錯。桂花湯圓─我同男友見,有好多糯米&桂花,都抱期望,點知個湯太甜,吃幾啖已吃不下,只吃晒那四粒芝麻湯圓,便放棄了。

19/9專登諗住去澳洲牛奶公司, 点知休息喎!失望之餘也要吃飯, 近近地就試下呢間.叫左小籠包-皮略厚, 肉汁夠但偏咸鍋貼-底脆, ok排骨拉麵- 排骨醃得幾香, 但肉質唔夠鬆化, 麵就麻麻豆沙鍋餅- 皮脆, ok

去過兩次食午餐, 麵食配上海點心加豆漿$32/份, 麵較大路, 稍嫌湯唔夠熱, 其他上海冷菜算有水準, 上樓的樓梯好滑, 上落要小心, 扣了分.

去過兩次，味道ok，但這裹的雲吞雞就不止ok 咁簡單，直頭喜出望外，"正"，大家下次去叫來試下，待應又非常好心機去介紹食物，非常好，環境又清潔，人客又不復雜，是同區少有的清靜和品流不復雜的食店

第二次幫襯，星期日晚都唔係爆滿，我地坐樓下的中間好鬼迫，於是要求有人走就調去卡位，點知有另一個女人唔出聲想坐落去，個侍應就眼定定望住但冇反應。我地開聲爭取先坐到，order左小籠包，$25/4隻，細細隻皮薄多汁唔穿的，好好味。另外仲有鱔糊拉麵，廿幾蚊不過不失，紅油炒手廿幾蚊四隻都幾辣幾好食。再加鎮江餚肉，長方形好細舊大約一隻手指公咁大，十舊都冇，$40，好食。整體野食好味，但侍應好唔掂，揚手好似扮睇唔到咁，成日dup低個頭唔知做乜，總之好混亂。

早幾日同朋友黎食lunch, 叫左小籠包, 上海粗炒, 水餃同埋豆腐, 食物水準不俗! 而我最喜歡的就是小籠包.埋單$160, 收費合理.

黎過呢度兩次，小籠包真係好出色，每次都叫左兩客。佢個皮做得薄，最難得係連個頂都無做到一舊粉，正﹗其他食物水準都ok，叉子燒餅做得好鬆軟，唔錯唔錯﹗

記得開將時, 日日排晒隊, 我以前係附近返工, 都試過食過3次, 但每況愈下...最後食果次都係舊年啦, 最記得果碗擔擔面(走), ' 杰撻撻', 食下食下仲以為自己食緊花生糊tim! 之後就唔敢再食啦! 真係嚇死人!

貴到呢, 小籠包三個$25. 炸菜肉茉係有四個叉燒酥酥皮咁既皮, d皮好正的, d 餡係一盤勁多炸菜肉碎自己擺落去既. 肉碎多酥皮好多, 唔成正比. 呢兩樣野要$58, 又係貴到乜咁. 炸雞麵擔擔麵尚可接受, 炒飯$38 很少, 春天麵唔好食, 總之樣樣野都係份量唔夠唔抵食, 真係唔值呢個價.

小籠包幾好味, 個奶皇包都好好味, 不過d麵好普通...

星期日晚竟然唔駛等位, 好!! 就試下~兩個人的order小籠飽, 25蚊4個, 都幾貴, 不過好味ge, 皮薄但唔易穿擔擔麵, 25蚊, 要小辣但都好辣~沙鍋雜錦, 48蚊, 好味!! d 湯應該無味精糖醋魚, 48蚊, 一般啦~唔知點解, 叫咁小野都好飽, 仲要打包tim!waiter 明顯唔夠張枱太細隔離枱兩個唔識用筷子ge鬼佬, 見佢地'duk' 爛個小籠包黎食...唉...暴殄天物~