春天拉麵小籠飽 (已結業)

間鋪冇錯係迫D，不過D口野好食，雲片白肉，肉薄汁靚；小籠包汁多，拉面都唔差，除左詠藜園，呢間就最好，好過翡翠添，唔信去試試！

同樣地打著係翡翠走出黎既師傅主理，呢度真係比天后o個間差好遠。呢度d位勁迫，不過入去之前已經預左，但係當張檯細既時候你又要一次過上晒d野黎迫d客快點食完，結果係放唔落。其實佢真係無必要用咁大個碗同隻碟，反正d野食份量都唔多。另外一樣野係你裝修到咁靚下，不如留心下d碗碟，差唔多一半都係崩既。待應新得黎唔熟手，唔記d食物既code(大路到擔擔麵都唔記得)，隔離檯更慘遭比麵淋既恐怖經歷(仲要毫無反應，要人自已抹)，都唔知點解唔train下d人。講返d野食，小籠飽的確皮薄，肉汁夠多但唔夠鮮味。擔擔麵好淡，而且麵唔夠彈牙，宋嫂魚羹有腥味。

同樣地打著係翡翠走出黎既師傅主理，呢度真係比天后o個間差好遠。呢度d位勁迫，不過入去之前已經預左，但係當張檯細既時候你又要一次過上晒d野黎迫d客快點食完，結果係放唔落。其實佢真係無必要用咁大個碗同隻碟，反正d野食份量都唔多。另外一樣野係你裝修到咁靚下，不如留心下d碗碟，差唔多一半都係崩既。待應新得黎唔熟手，唔記d食物既code(大路到擔擔麵都唔記得)，隔離檯更慘遭比麵淋既恐怖經歷(仲要毫無反應，要人自已抹)，都唔知點解唔train下d人。講返d野食，小籠飽的確皮薄，肉汁夠多但唔夠鮮味。擔擔麵好淡，而且麵唔夠彈牙，宋嫂魚羹有腥味。

春天開業以來，日日排大隊，講真，環境就迫d,不過食物質素唔鎮，小籠包多汁，雲片白肉三十蚊大大碟，價錢好平又好食。最重要就係好多菜色冇響MENU但係好正，好似和尚戴帽、年糕炒蟹咁都幾特別！飲品方面幾有創意，用馬名改，選擇多。最抵飲就係豆漿，八蚊杯好有豆味，話係自己磨添！冇收茶錢，但都俾人參烏龍D客飲，算係彌補坐得迫的不足啦！最後值得一提，鍾意食皮旦的話，一定要試下春天皮旦，話同出旺名的鏞記同一貨源，價錢平好多，唔想咁迫就盡量星期一、二、三去，經理話會少d人排隊。

剛剛同亞妹去食完,原本真係好鬼慶,d位好迫,仲要坐響放杯碗柜隔離.個拉麶師父將舊粉打到彭彭聲.諗住是但食d野就算.哈..先叫左小籠包..唔錯喎,d湯汁唔肥.再叫素鵝,外皮脆內付皮滑,唔錯..雲白肉竟然都有驚喜,搶擔麶一般,但d麶好食.叫左個什麼芥末螺片,唔掂.反而墊底d小黃瓜仲正.加兩杯凍豆漿,連加一.$193.但真係頂唔順d位太細好x迫,每次d侍應起菜個陣,我都係叫佢地"無位放呀,放響我大髀度算啦!!!!".哈..仲有d侍應都幾好禮貌喎,可能比人投訴得勁,改善左掛.

坦白講，佢地既食物又未至於咁差，起碼個小籠包真係做到皮薄多汁，我夾既技巧差，一夾就穿，反而我男朋友夾就無事。$25/4個，算幾好。另外，我地分別叫左一碗酸辣湯拉面同一碗擔擔面，各$25，d面就太幼啦，不過都ok。酸辣湯都算多料，味道可以，不過唔係好夠辣。擔擔面個湯就幾香花生味，不過真係唔辣!佢地d位就真係太迫啦，而且都要等位等好耐，我成8點半去到，都要成9點先有位。如果可以坐我舒服d，而且唔使等咁耐都可以試下。

只可以一個字形容: 差碗排骨拉麵得個碗大,麵就好少,湯底似清水加味精排骨梅梅地,竟然收成30蚊仲要加一,求其一間上海麵店都好食過佢,平過佢.絕對不會再來.

本來上黎就係想表達對春天既不滿, 眼看前面幾位既食評, 對這食店既印象更跌至負點.<br />上星期與友人兩時多路經, 本來打算食雲吞面醫下肚, 麥文記要等位, 見附近既春天門口貼滿廣告, 便姑且一試. 等了大約十分鐘, 待應帶我倆入內, 竟然要搭枱. 原來已不大的四人卡位, 竟然可以讓兩對不相識的人坐在一起, 整餐打對面的你眼望我眼. 可以想像嗎, 價錢比翡翠還貴的食店(以小籠包計), 竟然要搭枱. 可以想像嗎, 只要放一籠小籠包, 兩碗拉面已沒有多餘位的卡位, 竟然要擠下兩枱客. 於是, 四個人只可以超高速地進食. <br />更令人氣結既係, 當我地叫完食物, 待應入完單后一段時間, 有個待應走埋黎攞走部份餐牌. 坐我地前一張枱, 同我地同一時間入內既客人問點解拎走, 果經理至答因為已經係下午茶時間. 於是個客人就話點解佢地坐低果陣唔同佢地講, 到落完單至講, 要求改為下午茶(平D 同多杯飲品). 果經理答話兩點半至係下午茶時間, 佢地入店頭時未夠鐘, 又話落左單改唔到云云..但係我地可以好肯定, 佢地落單時已經過左兩點半, 因為佢地比我地仲遲落單

坦白講, 我冇食過「春天」, 因為佢唔畀機會我食!1月4日, 我同朋友去到佐敦, 專程諗住試下, 因為據說佢係翡翠個廚自立門戶開的。去到等左冇幾耐就有位, 咁我order左兩個下午茶麵餐。後來有卡位, 我們調左過去坐。只見樓面好迫, 但有七八個侍應走來走去, 洗碗的又捧住d碗周圍騰, 總之成個環境就亂過黎巴嫩。我仲留意到, 至少有三隻烏蠅, 不斷在店內徘徊... 睇下睇下, 睇左20分鐘, 連飲品都未有得飲! 我就問七八個侍應中其中一個, 佢又走去另一個, 搞左一輪, 佢返黎問我地叫左咩! 唔係化, 調位連張單都cancel埋? 我地聽到有個侍應大大聲咁講我地由幾號枱轉係幾號枱個播!嬲起上黎, 即刻走人! 我唔知個廚有幾把炮, 但肯定係管理白痴!

我睇到幾多廣告宣傳，所以去試下食左幾樣食物八寶拉麵、春天招牌拉麵、小籠包食完覺得無乜特別有少少雷聲大、雨點小既感覺而且坐得唔係好舒服我諗未必會再去！

開張無幾耐就黎試﹐四個人叫左﹕1 - 小籠飽廿幾蚊五個﹐無也特別2 - 兩個擔擔面幾似廿蚊碗﹐餐牌上有三隻辣椒﹐以為會好辣﹐點知個面近乎無味3 - 一碟水煮牛肉成六十幾蚊碟﹐又係有三隻辣椒在餐牌上﹐呢碟就辣﹐但只有辣沒有麻4 - 一碟回鍋肉四五十蚊碟﹐普普通通﹐無甚特別﹐唔難食5 - 四杯飲品各十幾蚊杯﹐好清0下﹐唔值咁貴6 - “焉央”銀絲卷落單時個waitress 仲問我要炸定蒸﹖﹖﹗﹗“焉央”唔係等如一炸一蒸咩﹖三百幾蚊四個人lunch ﹐唔可以叫平﹐我情願行多兩步去景霖或澳奶

我明白點解翡翠咁多人排隊等位食啦!我o地兩個人order小籠包、擔擔麵、燻魚、清炒時菜、糖醋魚塊，已經落錯單又漏單三次，有兩次仲上錯菜，好混亂好唔掂。依d都算啦。除小籠包叫做ok外，擔擔麵d麵唔夠彈牙、湯底唔夠濃；燻魚似罐頭鳳尾魚、味道怪怪；糖醋魚得幾件魚塊沒有配菜都唔緊要、不過d魚係“梅”的。