春天拉麵小籠飽 (已結業)

尋日食左蟹粉小籠包,只想講......好好味啊!

昨晚(7號) 到這裡一試. 叫了幾味, 當叫到雲吞時,我問落單的那位先生(穿棗紅恤衫的) 雲吞餡是否菜肉？他說是. 但後來吃落才發覺是全肉的! 找他來再問, 他只說句不好意思, 以為雲吞餡是棻肉.大佬, 唔肯定就咪扮醒目喇! 如果知道唔係菜肉,我就一定唔叫! 幾道菜如酸棘湯、粉皮、拉麵等均是普通,小籠飽和素菜飽還不錯. 但百頁唐菜就勁咸..

記得「春天」初開時, 我一心去試食, 卻因為服務態度問題而不曾真正吃過它的食物。食店的服務固然重要, 但畢竟我們是去吃東西, 不是吃「服務」, 所以還是給它多一個機會, 日前去試試它的拉麵和小籠包。樓面的人手總算減少了, 不再擠在顧客面前, 而且衛生環境也稍有改善。小籠包端上來, 皮還算薄, 湯汁也不少, 但肉反而較「的骰」, 跟翡翠還是有一段距離。拉麵方面, 不知道是否叫錯, 鱔糊麵的鱔無味, 大概是它的醬汁被湯沖淡了。麵也普通得很, 有點像味千拉麵。再試了一個雲片白肉, 以為是蒜泥白肉的改進版, 可惜跟蒜泥白肉差得遠, 因為沒有了蒜泥, 純粹醬汁+白肉, 賣相以至味道都沒有可取之處。如果真的是翡翠拉麵的廚子開的話, 他大概要加多幾錢肉緊, 想想如何青出於藍。

在佐敦既最後一日，將事做完後又同女友周圍搵食，行經一條橫街發現春天，見下午茶幾抵，就同女友試試。（不過其實我想去牛屋。）侍者安排樓上入座，裝修係幾骨子，不過清潔就有待改善，樓上地板有一種說不出既污糟感，每行一步都黏住對腳，十分嘔心。行到身水身汗，見餐牌有冷麵餐($35)亦不作他選，而女友則要擔擔麵餐($35)，另又單點雞絲粉皮($35)。雞絲粉皮份量適中，味道亦是意料之內，穩打穩扎。一向唔愛擔擔麵，但基於口痕下亦試左數啖。春天既擔擔麵真係幾奇怪，外表呈淡色，呻啖湯唔多覺有花生味而多左雞味，本人就覺得幾怪，但都總算係別樹一格。跟餐既紅油抄手一客四隻，女友點了走辣，可謂滋味盡失，雖然唔嗜辣，但試問去到麻辣火鍋店唔食麻辣湯底去幹鳥？最後紅油抄手慘變鼓油抄手，名不存實亦亡，唔知點評。冷麵份量都幾大，材料有蘿蔔絲、青瓜絲同冬菇絲，將醬料拌混後都幾醒胃，不過若然將冬菇換上雞絲、加碼青瓜絲將會更有層次更美味。跟餐既係春卷三條共九件，新鮮炸起一定好食，不過自己比較喜歡肉絲做料既春卷，所以都食剩左兩三件。食完飽到上心口，品幾啖茶後就埋單走人，埋單百元左右，下午茶來說算唔平，不過食左咁多野，都唔好再挑剔喇

上完堂後成九點幾鐘, 兩個人想食簡簡單單的一餐, 先來一個肥牛拉麵, 肥牛同湯底唔錯不過拉麵就一般, 個人覺得偏淋左小小. 再叫雲片白肉, 脂肪同肉既比例約莫係1:5左右, 唔算好肥亦切得好薄, 不過汁料唔係好突出, 可以再濃味d. 最後係小籠包, 外皮有d鼎泰豐, 肉汁幾多而且配合得唔錯, 餡料比較鬆散. 整體唔錯, 不過好細隻下. 環境有d似翡翠, 服務有禮貌, 價錢略貴~

昨晚經時裝店Sales姐姐推介，特地與男友前來一試。《暑假自選二人套餐》$198已包加一服務費，並包括有冷盤、湯、主菜及甜品，所以我地都揀咗二人餐。食物都幾好味，最喜愛係冷盤之一《鮑汁螺片》，二人同聲話「正」呀!起初我仲嫌個餐無飯，所以另加咗一碗飯，最後當然食唔哂，其實唔叫飯兩個人都一定夠食。

尋日老公一落機, 第一時間話要去食麥文記水餃同一條街上我地見到"春天"拉麵, 我想食小籠包於是我地決定食2次dinner先食麥文記, 再食"春天"麥文記不用多講"春天"小籠包幾掂, 最難得佢d皮凍夠清(我唔知咁即係正宗or not)不過似"鼎泰豐"果d, 食幾隻都唔滯反而"翡翠"小籠包就滯d, 各人有各人喜好啦另外叫左紅油抄手及蔥油拌麵蔥油拌麵d麵好正! 真正手拉!彈口非常, 而且蔥油的做法是加蝦米煮成一個汁似撈麵多d, 冇"翡翠"果個咁乾身,但論適中, 還是中環小南國的蔥油拌麵最好.埋單$89, 抵食, 不過味精頗多, 有機會下次會試下叫佢"走味精".

本來諗住去景琳,但見呢間未試過於是試下.叫左擔擔麵,小籠包,雲片白肉同金錢油餅.小籠包唔錯,令我食番紅樓夢初開張時既口感.皮如實淨多一dd會更好因為都幾容易夾穿.麵就麻麻,雲片白肉味道冇乜特別,金錢油餅都ok.總括來講個人覺得一般.

浪費時間金錢, 食物可以說是難食, 可能我唔好彩啦. 食個d全部都唔掂

星期一,偶與西門混混及另一名朋友到這裡吃午飯,那已是2:30pm了,這就是偶的習慣,為了吃到平的東西,到tea時才搵晏仔其裝潢算不上是豪華,但卻給人一種充滿拉麵風格的感覺。開放式的廚房,踏入門口,便可透過玻璃窗,看到師匠們在拉拉麵。偶們點了春天拉麵($30)、商務餐「小籠包+拉麵+自選小菜一款」($42)、排骨拉麵($28)、醉雞($44)、豆沙鍋餅($忘了),先說主菜－小籠包,說它是主菜是因為偶是為了此子而來的,一客4件(散叫$25),一塊厚度適中的皮,不算厚,也不太薄,剛好將肉汁鎖在包中,而又不易破穿(不精於筷子的笨笨友人,亦沒有出現「流汁」事件),肉汁及餡亦一於期望,十分出色,肉汁富有鮮甜的肉味,而汁量亦恰到好處不會「爆汁」,餡方面,吃到的只有鮮肉味,豬肉本身的蘇/腥味一點也吃不到,不用特意點醋去腥,正合喜愛原汁原味的偶了~師匠的功夫真的到家!至於拉麵,只可以用不過不失來形容,拉麵是手拉的,口感不錯,帶少「IN奀」的感覺,但就是缺少了「麵味」,不過在同類形的店來說已算是水準以上了。湯是清湯,偶並不確定用了什麼料煲,大概是雞吧,湯入口,感覺上是清,但問題是加了不少味精。當清湯加入味

行過剛好又肚餓，見到唔係好多人便入去試下。其實早已聽過這間食店個大名，又話個師傅係來自翡翠小籠飽等。下午茶餐一個手拉麵、一客四個小籠飽及飲品一柸，五十元有找，分量足。坦白講，本人覺得小籠飽的質素同翡翠不相伯仲，豆沙鍋餅亦好新鮮同脆卜卜。可能下午比較清閒，服務都好周到啊！

Food is delicious overall, expecially 拉麵and 小籠飽. However, seating is a little crowded. But the VIP room is great for gathering. I would recommend it to my friends.

我都聽好多朋友推介呢一間餐廳, 昨日下午終於有機會去試一試, 我第一下就叫左出名的小籠包, 還叫了蔥油餅, 春天拉麵, 鮑汁縲片, 我得2個人, 叫的有限, 到小籠包黎到, 馬上試試, 真係好正, 包薄多汁, 我以前去慣鼎泰豐, 呢間係最出名小籠包, 我以為無O麥邊間會好過鼎泰豐, 而家覺得春天同鼎泰豐都有得比. 另外比我驚喜的係『鮑汁縲片』, 如果佢唔話比我知佢係縲片, 我真係以為係鮑片, 肉汁好鮮味, 嫘片又爽口, 值得一試.雖然枱係迫了些, 但都OK, 佐敦好多間都係咁, 裝修都好靚.總結, 真係值得一試, 我一定會再去幫襯.

我同朋友有一晚夜晚九點幾先去，唔使等位，但侍應招呼麻麻。吃過小籠包、炒年糕、炒上海麵、蔥酒大餅、麵，只是普普通通。

去到點所謂既四川菜, 拉麵, 飯, 所有都不知所謂普通既一間茶餐廳都好過佢