星願 居酒屋 (已結業)

今日去左一間令我有驚喜既🇯🇵🏮居酒屋食飯，性比價高，居酒屋來講價錢唔算貴。我就叫左個🍢金菇肥牛同🍄燒鮮冬菇，好簡單既兩道菜，但真係未試過可以燒到咁好食。仲有啲日本菜式，我就試左🥖蔥盛鵝肝壽司同🥚焦糖鰻魚玉子燒，鵝肝份量唔細，咬落啖啖Juicy。🤤🤤🤤🤤個玉子燒外面層焦糖燒到好脆，真係勁好食。另外🇹🇭泰式錫紙包蜆一定要試，未食已經聞到好香，平時出面食蜆都有沙，但呢間我真係咬唔到有沙，個蜆湯好清甜。😋😋如果唔係一個人咁岩經過試，一定會再叫多啲菜式試下，但真係真心推介，等大家可以放心去食好西，下次聚餐再來星願居酒屋試埋其他新菜式，到時推薦新菜比大家！😙👍🏻

今日同老公都想食串燒之類嘅嘢，结果就近近地喺附近揀咗呢一間位於新都城中心三期地下新開嘅星願居酒屋享用我地嘅午餐。好開心有得試新嘢，咁我同老公分別叫咗份一針穿心-燒虎蝦，一客金菇肥牛，一客燒鮮冬菇咩，一下蔥盛鵝肝壽司，一客焦糖鰻魚玉子燒同埋一份泰式錫紙包蜆！虎蝦賣相靚亦燒得唔會太乾身，肉質彈牙同時都保存到鮮蝦味！金菇肥牛食落感受到肉汁仍在，加埋金菇爽口嘅感覺，好正！😍鮮冬菇燒得夠香口而且夠juicy! 🥰鵝肝壽司有睇頭，有種入口即溶嘅感覺！鰻魚玉子燒有濃濃嘅蛋香加上鰻魚冇腥味！老公都相當滿意呢餐！😙😋

放假好想食日本料理，特別是串燒，於是上網搜尋一下附近有串燒既餐廳，搵到呢間新都城中心地鋪既星願居酒屋。見到呢間串燒又多款，忍不住嗌多左。鹽燒鹿兒島一口牛好嫩，真係只有少少鹽已經好好食！七味粉鹽燒雞軟骨好脆，七味粉同鹽既調味好適中，咸辣得黎又好香。鹽燒雞皮串好脆卜卜又唔會太油膩，食到停不到！👍🏻鹽燒雞皮墨魚滑卷好出奇地夾，口感好彈牙，好好食！😚蒜蓉牛油焗金菇份量好多，但是食唔到口，蒜蓉牛油實在太香，金菇好嫩滑。蔥盛鵝肝壽司一聞已經好香，鵝肝同蔥花絕配，又油膩又清新，超正！😆👍🏻

喺將軍澳番工做嘢，少不免會成日去新都城中心搵野食，不過間間都唔平，而咁岩比我搵到呢間，就是三期地鋪既星願居酒屋！餐廳有提供午餐，大約都是$52-$58，仲配麵豉湯或者汽水。今日Lunch我就選擇左三色魚生丼，會有埋三文魚刺身，甜蝦刺身，帆立貝刺身，配可樂。三色魚生丼真係比想像中大份，魚生刺身好新鮮又好厚身。第一啖當然要試左我最愛既三文魚刺身先啦，滿滿omega3既感覺，魚味濃烈😋🥰甜蝦肉質細綿又鮮甜！帆立貝肉身肥厚，味道鮮爽帶甜！再加上壽司飯，豉油Wasabi，真係好滿足又抵食既一餐又高CP值！☺️

今日同朋友去買新衫，行到累好想食野，於是去到新都城中心三期既星願居酒屋。呢間餐廳我之前就已經食過佢地既午餐，今次就同朋友試佢地既串燒同熟食😚我地點左日式海苔汁燒肥牛牛油果卷，蒜蓉牛油燒生蠔，吞拿魚蓉帶子卷，燒煙肉蘆筍卷，川味麻辣五花腩。燒煙肉蘆筍卷好香，燒過既煙肉真係特別好食，爽甜既蘆筍中和左油膩感！蒜蓉牛油燒生蠔真係超夾，生蠔好鮮美，加蒜蓉牛油非常香！川味麻辣五花腩好有驚喜，麻辣味好突出，五花腩口感軟嫩，好正！👍🏻😆吞拿魚蓉帶子卷賣相已經好靚，吞拿魚蓉魚味濃郁，再加鮮甜帶子，配埋壽司卷超夾超好食！🥰

放假可以訓到自然醒真係好幸福，再加一餐美食就真係最幸福既一個放假日。係Openrice睇左好耐，決定左隔離新都城中心既星願居酒屋，一坐底睇左Menu，就點左金菇肥牛，燒鮮冬菇，焦糖鰻魚玉子燒，一針穿心，泰式錫紙包蜆，再加個海鮮拉麵。一人餐黎講好似點太多😆金菇肥牛好好食，好多汁又牛肉味濃郁，正！燒冬菇味道香濃，鮮味十足。一針穿心好有趣😄原來是燒虎蝦插係心形飯團上面。虎蝦大大隻好彈牙，飯團調味好足，煎到外脆內軟。海鮮拉麵好豐富，勁多海鮮料，奶白色湯底都有驚喜，好濃郁但又好清新。真係完美既一餐！😋😊

今日同一班大學同學聚會，其中一位同學特意推薦左間環境闊落又好食既居酒屋。我哋今次就趁着人多，將菜單上所有壽司，串燒，熟食基本上都點曬😂我都係第一次遇到成張枱都係滿滿嘅食物，真係差少少就放唔曬，真係有種食自助餐嘅感覺。件件串燒都好大件，望到已經流晒口水😚燒鹿兒島牛真係好嫩，雞軟骨都非常脆身，金菇肥牛好讚👍 燒冬菇，翠玉瓜都好好食！調味料真係剛剛好，完全唔會蓋過本身既味道！燒生蠔都好正，燒得剛剛好，好多汁！ 鵝肝壽司無得頂👍 滿滿油脂味再配埋蔥花同飯，真係食多幾舊都唔會膩😍 魚生壽司件件都好大塊又厚身，啖啖魚味，好滿足😚

屋企附近所有嘅餐廳都已經食過晒，都唔知有咩好食，唯有上網睇吓有乜嘢餐廳推介，俾我發現到將軍澳新都城中心開左間星願居酒屋，決定去試一試。餐廳環境好日本風格，座位都好闊落。見到串燒都有好多唔同嘅款式，仲有啲我未食過嘅，決定點嚟試吓先！首先係日式海苔汁燒肥牛牛油果卷，口感非常特別，海苔汁非常惹味，肥牛都好嫩😚川味麻辣五花腩好特別，麻辣味非常出色，五花籃滿滿嘅油脂，好好食👍燒煙肉蘆薈卷，鹹香嘅煙肉再加清甜嘅蘆薈，完美平衡左咸度👍吞拿魚帶子卷份量非常豐富，濃郁吞拿魚味，再加鮮甜嘅帶子，啖啖都非常滿足！❤️泰式錫紙包蜆，味道酸酸辣辣，蜆肉又好鮮美，令人欲罷不能😚😚

咁啱今日我同細妹都放假，我又咁啱升咗職，決定請細妹一齊食餐好。於是去到新都城中心嘅星願居酒屋食日本串燒。呢間嘅居酒屋真係樣樣睇落都好好食，搞到我哋每樣都想點。首先點左鹿兒島一口牛，牛肉非常嫩，真係單單配啲鹽已經好好食😋雞軟骨都好脆身燒完更加惹味。雞皮串食落一啲都唔油膩，脆到好似薯片咁。蒜蓉牛油燒生蠔真係一絕，生蠔非常多汁，加上蒜蓉牛油，好香！最後係我同細妹都非常鍾意嘅鵝肝壽司，燒過既鵝肝滿滿嘅油脂，好香，食落入口即溶，細妹同我都好滿足❤️ 好食都全部串燒同壽司要想Encore呀！

難得放假，今日好想食魚生飯，發現屋企附近新都城中心三期開咗間新嘅日本居酒屋餐廳，有午市套餐提供，三色魚生井都係$58仲配飲品或者麵豉湯 ，超級抵食！有三文魚刺身，甜蝦刺身同帆立貝刺身。件件魚生都非常厚身，份量非常之多。第一啖當然要食我最鍾意嘅三文魚刺身，一咬滿滿既三文魚油脂香味，配埋豉油Wasabi，好滿足❤️甜蝦都好大隻，味道非常鮮甜，入口即溶，蝦頭入邊仲有蝦膏，感覺好驚喜！最後成粒帆立貝新放入口，味道非常鮮甜，仲有啲彈牙。呢餐CP值真係高！下次要試埋其他午餐先😋

最近好想食串燒，見到屋企附近新都城中心開咗間新嘅居酒屋，仲有好多款式添，放假就去試一試先。餐廳好有日本居酒屋嘅風格，燈光同環境都感覺好溫馨。見到佢個菜名一針穿心，非常好奇於是點左。原來係燒虎蝦加心形飯團，造型真係好特別😆一咬虎蝦好彈牙，飯團都燒得好香，口感焦脆焦脆，醬油味非常香。金菇肥牛都非常多汁，肥牛肉質好軟嫩。焦糖鰻魚玉子燒味道非常特別，鰻魚好香再加焦糖同玉子，食落鹹甜鹹甜。最後嘅海鮮拉麵令我感到震驚🤩海鮮未免太豐富，湯底都非常鮮甜，好好食😆

服務態度OK,叫嘢食要不斷重複，因為佢會唔記得。。。千祈唔好食佢嗰個鹽燒牛仔骨，要用鋸先至可以切開，個職員反映比個廚師聽，個廚師叫我地下次都唔好再嗌呢一味。佢啲串燒有雪藏味道，如果可以放入口嘅，就只有雞翼同埋雞皮。。。鹽燒牛舌嘅胡椒實在落得太多。。。串燒唔夠熱魚生味好奇怪。。。（海膽花之戀壽司）今日帶咗呢個南蠻炸雞拉麵，個湯底完全唔OK,個半隻蛋有種好腥嘅生雞蛋味，個炸雞嗰層粉好似婆婆d 腳皮咁厚。。。老實講，如果唔係見佢收12點，我真係唔會入嚟。

早幾日朋友生日去慶祝，咁啱樓下開咗間新居酒屋，一於去試下，勝在好似收得幾夜又有得飲下酒。一行六人分咗2張枱坐，位置都唔算好逼，環境又企企理理，唔會覺得同隔離痴到密質質，我地嗌咗啲串燒、炸物、小食、壽司、刺身、拉面。全部野食都係即叫即整，食物新鮮出爐唔錯，不過唔知係咪新開，上菜速度略嫌有啲慢。串燒整體上正正常常，個人覺得去邊食串燒都差唔多味，所以都冇乜要求，不過有個燒鵪鶉蛋幾特別幾好味，可以推介一下，另外生蠔都大大隻幾新鮮值得推介。炸物、小食方面嗌咗雞軟骨同雞泡魚乾，雞軟骨正正常常，不過偏淡味，如果可以轉加檸檬汁就好啦。至於雞泡魚乾係我成餐最中意的野食，就咁食已經好好味，拎嚟送酒又得，攝下牙罅又得。壽司刺身方面幾新鮮，又肥又大舊，個人幾中意佢個wasabi，好wasabi哈哈。最後嗌咗個叉燒拉面，個湯底飲落幾濃，同老細傾開先知原來個湯底係佢地每日新鮮熬出嚟，所以先咁好飲。重點我記得拉面價錢好抵，lunch time仲有lunch set，下次lunch time經過可以試下先。整體嚟講，呢間居酒屋都唔錯，環境舒服得閒落嚟食下宵夜飲下酒都ok，希望下次再食嘅時候上菜速度會快翻啲啦，下次有機

今日晏晝試食屋企附近新開既居酒屋，揀咗$58香蔥吞拿魚蓉三文魚丼，份量夠女仔食，三文魚好厚切，兩款都無腥味好新鮮，呢個價錢食到呢個質數已經好滿足，跟埋飲品，有汽水或綠茶可以揀，仲可以加$12有小食，餃子或枝豆。

接完阿仔放學試咗呢間新開嘅居酒屋🏮一人叫咗個拉麵午餐，跟一個小食同飲品🥤——————————————————————-🍜南蠻炸雞拉麵 $58拉麵口感好似鹼水麵，炸雞雞肉嫩滑，糖心蛋好軟腍，味道都唔錯，不過個樣係吾完整🤣🍜豚骨叉燒拉麵 $58試咗阿仔個碗啲拉麵覺得太似鹼水麵，我就問問可唔可以轉烏冬底，係可以嘅😬烏冬質感比較硬身🥲湯底好古怪，有一陣蘇味🤦🏻‍♀️豚骨叉燒好硬…….跟餐小食招牌玉子燒博多餃子🥟