星願 居酒屋 (已結業)

放假可以訓到自然醒真係好幸福，再加一餐美食就真係最幸福既一個放假日。係Openrice睇左好耐，決定左隔離新都城中心既星願居酒屋，一坐底睇左Menu，就點左金菇肥牛，燒鮮冬菇，焦糖鰻魚玉子燒，一針穿心，泰式錫紙包蜆，再加個海鮮拉麵。一人餐黎講好似點太多😆金菇肥牛好好食，好多汁又牛肉味濃郁，正！燒冬菇味道香濃，鮮味十足。一針穿心好有趣😄原來是燒虎蝦插係心形飯團上面。虎蝦大大隻好彈牙，飯團調味好足，煎到外脆內軟。海鮮拉麵好豐富，勁多海鮮料，奶白色湯底都有驚喜，好濃郁但又好清新。真係完美既一餐！😋😊