星海薈 (利舞臺廣場)

营业中

休息中

之前聽同事介紹呢間中菜幾唔錯於是就突登黎食啦 一入到門口睇落相當有氣派 而且門口前有個花花樓梯 好有夢幻氣氛 好適合擺酒～我同朋友都比較細食 正係叫左兩碟餸～分別係熱情果龍仔大蝦球同個招牌小炒王 最令我印象深刻就係呢個大蝦球 味道酸酸甜甜 似芒果味多過似熱情果 但都相當入味 而且蝦球都幾大 一共有六隻 份量唔會話太少而個招牌小炒王就係平時d炒芹菜 雖然菜色無話好特別 但味道岩岩好 唔會過淡 攞黎送飯就一流最後仲叫左兩碗紅豆沙 有d lone味 味道麻麻地

每星期我都會同屋企人飲茶，大家見下面傾下計，互相交流一下⋯老爸朝朝都去街坊酒樓，見今日天氣咁好，就約佢出黎銅鑼灣飲茶，順便買埋冬天衫。利舞台有好多唔同既食店，誤打誤撞去左5樓既譽宴，主打係婚宴場地，一入門口有長長樓梯，方便婚禮新人拍照留念，都幾靚～飲茶一定會點蝦餃燒賣，呢度既蝦餃用上綠色皮旁邊沾有金箔，未食都已經覺得矜貴；加上皮薄，蒸既時間岩岩好，咬落唔會靱皮！暖烘烘既叉燒餐包好Juicy, 內裡叉燒餡料份量剛剛好，比起蒸叉燒包更好味！呢度既棉花雞除左有一般既魚肚之外，仲添加左山藥(椎山)同少少杞子；同平時食開既棉花雞味道有少少不一樣，呢度係好味d，同埋感覺健康養生d!老爸話呢度點心唔錯，尤其是個黑糖薑汁糕；唔會太甜且帶有薑汁味道，香軟滑又暖胃！平日來飲茶仲可享半價優惠哩！

朋友之前喺度搞婚宴，我覺得個場好靚樓底好高，同埋食物質素都唔錯，問吓原來佢哋平日有做晚市，價錢亦都非常合理，喺銅鑼灣區來講其實叫做抵食添，上星期諗唔到食乜就去試吓佢嘅晚飯兩個人叫咗一條老鼠班，條魚份量剛好，兩個人食啱啱好，魚肉好滑，我最鍾意用啲魚汁用嚟撈飯，鮮甜又好味。另點左一碟蝦仁炒西芹，份量亦都好多，鮮蝦大大粒，彈牙又好味。上次去飲宴嘅時候食過呢度嘅炸子雞，覺得做得好出色，今次我哋兩個人叫咗半隻，味道同樣咁好， keep到水準，外皮香脆，肉質鮮嫩，2個人食左3個家常菜，有魚有肉有菜埋單$500有找，屋企唔煮飯，呢度又可以成為我地另一個飯堂。

前幾日約左朋友去嘆茶，佢就建議去呢間銅鑼灣既譽宴·星海食下午茶，話又抵又好食！雖然茶樓位於旺區核心地帶，但平日午市同下午茶價錢以地點、裝潢、服務同埋最重要既食物質素黎講，絕對係非常出色，絕無誇張之言！呢到午茶仲可以用$1享用蟹籽燒賣皇，真係好抵！黎到呢個當然要試佢既招牌翡翠明蝦餃，賣相好別緻，蒸得晶瑩剔透，裡面包住2-3隻蝦，肉質新鮮彈牙，必點！蟹迷點可以錯過蟹粉小籠包！？呢到蟹粉小籠包好大隻，一咬d蟹黃油爆哂出黎，超超超好食！！酸薑糖心皮蛋都係同樣出色，加埋糖一齊食，味道酸酸甜甜，同皮蛋本身獨特既味道竟然十分夾，中間仲要流心，真係不得了～鵝肝煎鍋貼份量足料，每隻都係大大隻，好飽滿～而且煎得好香口，食落埋陣鵝肝味即湧哂出黎！！棉花雞加左好多杞子，味道清清甜甜，中和左雞既油膩～而魚肚好厚身，亦浸滿湯汁，非常好食！最後點少得我最喜愛既馬拉糕！？熱辣辣蒸出黎十分鬆軟～雖然我已經食得好飽，但都忍唔住食左大半個

第一次去到這間酒樓食飯，媽咪想食中餐，見到晚市優惠之選，所以就上左來，比一般的酒樓坐得闊落，都好開揚。我地見左2個餸，一個係醬燒雞，一個係時菜，另外有送堂剪BB豬。佢係根據幾多位黎送，2至5位一小碟。BB豬好脆，而且暖暖的，送飯很不錯。配搭乳豬醬，很脆好好食，可以睇到上面的皮是很鬆化的。而且又唔會好肥，送都有咁既水準。 另外燒雞，外脆內滑。與炸子雞不一樣，炸子雞多油，但今次沒有太多油，而且燒得好脆。本身已經有味，沾不沾醬一樣好。再叫了一碟菜心，晚飯小菜必備。 最後有糖水送，是紅豆沙，是很綿滑的紅豆沙。

恭喜發財，早點到場飲多兩支 ﹗十年都無一次出城過海，人生路不熟，兜兜轉轉 30 分鐘安全到逹，不過已經身水身汗濕膠晒，行到著晒火呢﹗橫街窄巷用 Google Map 都係玩死。在門外於下買路錢，尋找自己所屬檯號，竟然我最早到？坐坐下漸漸成檯阿叔阿伯師拉阿嬸幾乎無個識。幸好上菜前有位師拉帶晒含家問可否安排坐同一張檯呢？機會黎喇﹗我梗係熱心地舉手，轉到朋友們張檯齊齊醉啦﹗銅鑼灣譽宴星海薈？侍應姐姐嬸嬸最初比較冷淡，不過一輪熱身後已進入狀態，談笑甚歡，招乎有禮周到 ﹗其實敬業樂業，工作時開開心心，時間更易過啦。座位檯椅放得密麻麻，如果疏落寛敞就開揚坐得舒服有私人空間，坐得緊扣一點就更熱鬧更有氣氛，各有各好處。婚宴小禮物 Tea bag ？我都忘記帶走，多謝多謝。紅酒，大會供應兩款都飲得過，夠厚夠醇夠濃我喜歡。白酒，對我遘甜度太高，不是我杯酒，不喜歡。紅運金豬全體，各位來賓都應該好肚餓喇 ﹗繼一對新人連擊咀咀後，第一道菜在打鑼打鼓襯托下出場 ﹗豬皮奇脆不硬，肥膏多而嫩肉少，咸度適中，油膩感強。如意百合花姿玉帶，色彩繽紛食慾大增，現在的我整碟都非常喜愛，以前的我討厭彩椒的。碟中物全部合格 ﹗蜜糖

久違嘅週末拍拖日，返完半日工同先生去銅鑼灣行街，本來打算食日本菜，喺利舞臺等𨋢嘅時候見呢到有茶樓，不如兩公婆休閑啲飲返個茶😉一坐低就見到午市茶位費做緊優惠半價，好抵👍🏻由於會用嚟做婚宴場地，裝修非常精美，除咗有大大個stage之外，天花設計都非常精緻，驟眼睇以為係普通嘅水晶吊燈，細心一望原來係由無數條魚仔組合而成嘅河流，非常有動感❤️香片茶味芬芳，味道清香，係我哋每次飲茶嘅不二之選😊首先上枱嘅係翡翠名蝦餃，翠綠色嘅表皮望眼欲穿，係睇得見嘅薄皮，加上金色顏料點綴，倍覺矜貴👍🏻一咬落去果然同眼見一樣咁薄皮，蝦肉鮮甜彈牙，難怪眼見每枱都叫😋蘿蔔絲脆網腸粉看似簡單，其實極考功架，外面嘅腸粉細嫩軟滑，配上入面清甜多汁嘅白蘿蔔絲同鬆化嘅脆網，沾上甜豉油，帶嚟味覺同口感嘅衝擊😉平日喺茶樓食鮮竹卷同雞扎，最怕蒸到乾爭爭，底部一啲汁都冇，呢味龍蝦湯鮮竹卷就符合晒我要求，鮮竹卷用鮮濃微稠嘅龍蝦湯浸住，保持濕潤嘅口感，為本來已經鮮甜嘅鮮竹卷再添鮮味😋法國鵝肝煎鍋貼底部煎得香口，配上脆網增加口感，皮薄餡料多，沾上餃子醋同食更加解膩開胃👍🏻美中不足嘅係鵝肝嘅味道唔太突出。最後係壓軸出場嘅香滑紫薯冬菇包，之前見過朋

銅鑼灣的廣場一向多各式各樣的食肆，今趟見到利舞臺廣場地下有宣傳是食點心，便去試試。扶手電梯上再搭𨋢就直達酒家。非常華麗！情不自禁的要拍個照打打卡！😂茶具感覺衛生乾淨！午市時段點心價錢分別為：小點—$24中點—$30大點—$35特點—$40手切豚肉叉燒腸腸粉晶瑩通透，滑溜中帶點彈牙。豚肉新鮮肉香，點甜豉油食一流！👍🏻法國鵝肝煎鍋貼噢！第一次食鵝肝鍋貼，以鵝肝取替傳統的豬肉作為饀料，無論創意及味道都非常欣賞！💓翡翠明蝦餃綠色的外皮加金薄綑邊，視覺效果已得分不少！養生山藥杞子棉花雞棉花雞食得多，來來去去都是配棉花雞火腿芋頭之類，呢道棉花雞特別之處是，包含了益氣養陰的淮山！乾鍋醬金錢肚醬汁味美，帶點野味，金錢肚彈牙！香滑紫薯冬菇包哈！賣相與真冬菇一樣，紋理及冬菇定都跟足，又一件食物藝術品！😍內裡的紫薯量多夠香濃，應該都會成為必食之選！這間酒家裝璜瑰麗堂煌，每一道點心都看得見食得出是花過不少心思，做到與別的酒家更勝一籌，而價錢亦不會特別高，可以說是性比價高，值得一吃再吃！🏆

兩個人嚟飲茶，有直接lift撘上嚟，呢日係閑日所以唔需要等位!! 叫咗三個點心同埋兩個小菜，呢度嘅點心做得幾精緻，賣相靚之餘食落都好味，尤其是翡翠蝦餃同冬菇包，翡翠蝦餃皮薄有大大隻蝦之餘仲有金泊喺面，冬菇包好可愛裏面係紫薯蓉!! 小菜係蜜汁烤豬仔骨同埋秘製五香牛雜，冇記錯好似每碟$40-$50到左右，絕對抵食!! 侍應話五香牛雜係新菜式，呢個牛雜真係做得幾好，個汁出色而牛雜亦都處理得唔錯，我自己最愛牛肚同牛腸!!呢度嘅裝修都幾華麗，以為價錢會再貴啲，但最後兩個人加埋食左$200頭，價錢好親民，真係食得過!!

今晚同男朋友去左銅鑼灣食中菜。譽宴·星海薈，新裝修完充滿婚宴味道，環境好靚好大，有大大盞水晶燈，長長樓梯，新娘子當晚應該非常迷人。主打婚宴既酒樓，環境好華麗。男朋友同我黎食晚餐，我地兩個唔肚餓，叫左兩個小菜。熱情果籠仔大蝦。大蝦好爽甜非常驚喜。新鮮大蝦充滿鮮味，籠仔賣相好吸引好有趣。大蝦加左熱情果汁，好酸甜好開胃，酸酸地醬汁仲好岩送飯啊！我地叫左蒜蓉炒菜芯。菜芯驚奇地非常爽甜無渣，每口新鮮蔬菜香。

家人生辰，得悉利舞臺的譽宴最近升級為星海薈，特意前來一試一進場就被佈滿花海的旋轉雲石大樓梯所吸引，盡顯華麗氣派酒樓設計極盡高貴典雅，浪漫玫塊金色調配合華麗奪目的水晶燈，雍容華貴晚市優惠菜式十分划算，更可同時點選點了其中一款芒果汁籠仔大蝦球！每份用上一個精緻的迷你蒸籠盛載而上，既富中式傳統，又添玩味拔絲咕嚕肉極具動感，每夾起一塊咕嚕肉會拉起長長糖絲，非常誘人乳鴿肉厚而嫩，脆皮香口脆皮醬燒雞口感酥脆，咸香入味主食鮑汁花膠絲炆伊麵鮑汁的精華盡吸收飯後還贈送甜品香濃又綿綿起沙的蓮子紅豆沙更有中式酒樓少見的即磨咖啡離開前更在門口拿了幾顆糖果呢

同好耐無見嘅朋友約咗喺銅鑼灣吃飯，因為實在太耐無見，所以很想搵間環境舒服，可以慢慢坐，邊食邊傾，又唔會限時限刻嘅食肆。友人想食粵菜，提議去利舞臺廣場的「譽宴·星海薈」。入面嘅裝潢果然好搶眼，以玫瑰金色為主調，配以場內的旋轉雲石樓梯、華麗奪目的水晶燈、浪漫的花海，營造出揉合中西特色的時尚婚宴場地，設計極盡高貴典雅。連用餐大堂都非常之有氣派，絕對可以用富麗堂皇來形容，但又完全不覺俗氣，加上檯與檯之間有一定的空間，令人坐得舒服。入座後，先拿起店員送上的餐牌細看，有幾款晚市優惠菜式、精選小菜、海鮮超值三寶、時令蔬菜、佐酒小食、自家燒味…等。另外亦有一本厚身的餐簿，而入面的選項就更加豐富，由湯羹、鮑參翅肚、龍蝦、生猛海鮮、經典小菜，以至小炒、主食及甜品等，應有盡有。至於茶芥方面，每位 $15， 而餐前小食就每碟 $20。由於我哋兩個人都食量不大，所以只係揀咗三個小菜，包括有熱情果籠仔大蝦球、脆皮醬燒雞同蒜茸菜心。先來的熱情果籠仔大蝦球 ($128) 賣相非常精緻，每隻蝦都用上一個迷你竹籠盛載。蝦球好大隻，經油泡後爽口彈牙，再佐以熱情果醬，入口甜甜酸酸，味道令人驚艷，很有夏日清新感，效果不錯。接著

收工約咗媽咪食飯，喺銅鑼灣等。媽咪話呢排食得日本野同西餐太多😂想食返啲中式小菜，要食返啲米飯。於是就帶咗佢去譽宴•星海薈，嚟酒樓叫番幾個餸得飯嘅小菜。裝修好靚，好適合擺婚宴！餐具光潔新淨，餐前小食有香脆花生。🔹拔絲咕嚕肉次次食小菜我都未必咕嚕肉，鍾意佢酸酸甜甜，味道開胃！呢度嘅咕嚕肉比較大件，食落啖啖肉。🔹脆皮醬燒雞燒雞外皮香脆，皮下油脂唔多，連皮食都唔會覺得罪惡。雞肉嫩滑，醬汁香濃，餸飯一流。🔹招牌小炒王鑊氣之選！呢到嘅小炒王仲有珊瑚蚌，鮮甜得嚟脆卜卜。鮮魷彈牙，西芹爽脆冇渣。

今日lunch同同事去左飲茶，呢間酒樓有專屬的電梯上樓層，不用等長長的人龍搭電梯!上到酒樓就見到好有飲宴的架勢，非常華麗!提前訂座，午市時間茗茶還會半價呢!看看餐單，選擇都算幾多!法國鵝肝煎鍋貼，這款鍋貼餡料配搭非常新穎，除了有平時鍋貼的餡料，豬肉、菜等，還用上了鵝肝，味道特別!而且鍋貼都幾大粒，餡料十足!龍蝦湯鮮竹卷，平時出面酒樓通常都是雞湯的鮮竹卷，但是這裡是用上龍蝦湯，湯的味道濃郁，跟鮮竹卷好夾，很創新的配搭!翡翠明蝦餃，因為我好少食燒賣，所以就點了蝦餃，皮夠薄夠晶瑩，蝦肉大粒又爽口彈牙!金銀蒜蒸娃娃菜，娃娃菜有好濃的蒜蓉味，但味道又不會太咸，非常惹味。還有杞子和木耳，感覺更健康!這裡午市點心都不算太貴，下次可以再考慮跟同事來食lunch!

大概兩年前同屋企人嚟過飲茶， 感覺幾好又唔太貴想再去嘅時候佢地已經開始裝修～～早幾日同媽媽行完MUJI見到原來裝修好媽媽話想去試下佢地嘅晚市！新裝修完餐廳睇落好新又靚樓底好高， 感覺寬趟咗好多喺度擺酒真係一個唔錯嘅地方～叫咗芒果汁蝦球， D蝦超大隻又爽口酸酸地好開胃!媽媽鍾意食海鮮餐廳經理介紹我地食鮮茄浸菜苗有蝦／蚌／魷魚等上湯煮菜苗好好食， 果然係好介紹～加多半隻燒雞皮脆肉嫩， 正！唔知係唔係唔多人知已經裝修好， 所以平日夜晚去餐廳唔算多人SERVICE好好， 坐得又舒服媽媽話WEEKEND要再嚟飲茶