星海薈﹒譽宴

营业中

休息中

第一次踏足石門呢個地方，有咗屯馬線之後交通真係方便咗容易嚟咗，呢間酒樓其實係喺沙田萬宜酒店入面，坐得舒服而且點心亦都唔錯!! ▪️蟹籽燒賣王豬肉同蝦肉嘅比例啱啱好，望落好飽滿!! ▪️鮮蝦腸粉有原隻蝦喺腸粉入面，蝦肉彈牙，腸粉皮晶瑩剔透，好食!! ▪️北菇蟹柳棉花雞花雞▪️豉汁蒸鳳爪呢兩碟俾一般酒樓大碟，鳳爪非常入味，棉花雞發揮正常!! ▪️眉豆客家茶果▪️芋絲炸春卷呢兩個係比較特別嘅點心，眉豆茶果個皮係想像唔到咁軟熟，竟然意外地覺得好食!! 芋絲春卷上枱嘅時候非常熱，裏面有滿滿嘅芋頭蓉，有別於一般嘅鮮蝦春卷!! ▪️鮮茄濃湯浸菜苗最後都要叫個菜嚟食下，除咗豆苗仲有蕃茄仔同冬菇，雖然寫係濃湯但其實個湯都幾清甜同豆苗幾夾!!

都有一段日子冇黎我好鍾意既石門譽宴喇~~鍾意佢地方舒服, 座位寬敞, 同隔離枱唔會好埋, 好有私人空間最重要係佢既食物同服務質素都好高, 讚!!今次黎食見到多左好多優惠~~例如免費晚飯菜式三選一, 有魚/蝦/雞, 好抵丫!!!另外非常吸引既就係白胡椒蟹特價$298!!呢個價錢係出面冇可能食到丫除左優惠外都有好多菜式選擇~~~招牌白胡椒蟹 (震撼價 $298)最期待既白胡椒蟹黎啦!!!超大隻丫!! 估唔到呢個價錢可以食到咁大隻蟹淨係隻蟹鉗都有拳頭咁大!!白胡椒蟹非常新鮮, 肉質鮮甜結實而且啖啖肉胡椒味香濃惹味, 但又唔會好辣大大隻蟹鉗~ 超級多肉!!!有少許蟹膏~~脆皮咕嚕大蝦球 $188咕嚕大蝦球酸酸甜甜好開胃外皮真係超脆丫~~~蝦球大大粒爽口又彈牙!!o者o者蝦干通菜煲 $128非常惹味既通菜煲!! 蝦干好香呢~~通菜熟度剛好, 唔會太硬太淋蜜燒黑豚肉 $168大大力推薦!!!好耐冇食過咁靚咁正既叉燒!!!外皮充滿蜜汁的亮澤, 微燶散發著炭火香氣~~叉燒肉質幼嫩, 有入口即溶既感覺!!!堅好味叉燒

今日lunch time一早去到萬怡酒店入面既譽宴等位飲茶，位於酒店入面但又屬於中價位點心價錢，性格比好高。提早未夠十二點就去到，唔洗等位就安排到入座，太好了，座位非常寬敞，而且裝修好華麗，唔係一般酒樓果啲白色枱布，所以比人有種高級享受既感覺。特別要提下個馬拉糕，非常大個，同出面切左一舊仔既唔一樣，佢係完整一個蛋糕型，四個人食就差唔多，而且個馬拉糕非常香。另外，個小籠包都好出色，熱辣辣咁出爐，入面好熱有好多肉汁，下次都一要再叫呢個。

本身一家人食飯 諗住開開心心慶祝生日入到去 冇白胡椒蟹又吾講問龍蝦點計 又答吾出 最重要態度差到爆！等極d野食都吾黎坐左一個半鐘 先黎得一碟菜叫個白飯 叫足3次先黎吾止我地e枱 附近幾枱都食到嬲哂淨係招呼入面果幾枱大既人地d野食就係咁上我地就好似食法國餐咁一個鐘先上一碟催緊都冇野食 d部長又吾敢出黎答人食過最差既食店

之前嚟過呢度食晚市 都覺得質素唔錯 而且環境坐得好舒服 今日難得放假就嚟飲個茶啦平日午市茶錢$16位 酒店嚟講算ok la 其他點心亦都唔算太貴2個人叫左6款點心就好夠飽啦 南翔小籠包：平時小籠包有四隻呢度就得三隻 不過食落都皮薄嘅 叉燒包：呢個有驚喜 真係食到好大舊叉燒 而唔係淨係得碎同醬鮮蝦腸粉：普普通通正常發揮鮮蝦腐皮卷：嘩個賣相好靚咁 炸到脆卜卜 正呀北菇蟹柳棉花雞：如果可以多舊雞會好d最後甜品豆沙糯米糍 有3大粒 入面係紅豆 剛上枱仲暖暖地ga 估唔到平日午市都差唔多爆滿午市同朋友食下點心飲下茶就坐左成2個鐘

今日同屋企人嚟沙田萬怡酒店 飲茶，朋友介紹過呢度嘅點心，師傅每日會親手包，唔係大陸交貨嗰種質數。靚嘅點心，真係一啖已經食得出。「晶瑩鮮蝦餃」蝦餃皮唔會太厚，裡面原隻鮮蝦爽口新鮮「百花釀魚肚」底層厚厚嘅魚肚，吸哂味，口感好豐富。「香茜叉燒腸粉」好鍾意呢度腸粉外皮，好煙靭，唔會好易爛嗰種「麥胚芽馬拉糕」拎上手熱辣辣，勁鬆軟「家鄉咸水角」好香鮮菇味，外皮好脆環境好舒適，夠寬敞。係我食過沙田區吃過最有質數嘅點心。

在萬怡酒店staycation, check out便到中菜餐廳午餐，幸好已預訂位置，因為是日滿座的啊。入座後提供了花生小食及一大銀盤作消毒清潔食具。看了看菜單，最後點了幾份點心:桂花蜜脆麻花非常長的扭麻花，有些黃色的醬料蓋著，原來是桂花蜜!! 扭麻花入口即溶，加上甜甜的桂花蜜非常好味道，喜歡甜點不能錯過叉燒腸粉有芫荽的叉燒腸粉，皮不薄不厚滑滑的，叉燒饀亦比較多，欣賞咬下去滿口的叉燒碎。另備有豉油可點綴。木魚花汁燒茄子這個一上枱時，曾以為是釀雞翼😂 食掉木魚花後，才醒覺是釀茄子。來1張遠鏡看真身。汁燒味道很好吃，厚厚的茄子軟滑的，加上釀肉很搭配鮮蝦餃大大粒，漲卜卜的，外皮晶瑩剔透，看得出內的蝦球份量亦不少，咬下便知道蝦餃是高品質的百花釀魚肚上枱賣相不俗，少量蟹籽添了色彩，像花一樣。入口同樣嫩滑，而且棉花充分吸了湯汁，讚胡椒濃雞湯灌湯餃點了2份灌湯餃，餒料亦非常非常多，不過湯的胡椒味有點重，若淡一點就更好滿足的午餐

〰️豉汁鳳爪蒸排骨 $38豆豉嘅香味好突出，排骨蒸得又滑又腍，肥瘦比例剛剛好。鳳爪食落好彈～〰️晶瑩鮮蝦餃 $43外皮唔會一夾就散😎蝦餃粒粒都好飽滿，入面有滿滿嘅🦐！〰️眉豆客家茶果 $43睇落硬係覺得有啲似奶皇包🤪入面有起沙嘅眉豆做餡，食落鹹鹹甜甜，正😋〰️胡椒濃雞湯灌湯餃 $58一盅湯飲落去先有胡椒嘅味，之後濃濃嘅雞湯味就慢慢充斥住成個口腔😋湯餃皮薄，仲勁大粒，入面有蝦肉、菇、雞肉🥰〰️安格斯和牛腸粉 $43牛肉腸粉就食得多，安格斯和牛腸粉就真係第一次食！傳統嘅腸粉用創新嘅方法去呈現👻腸粉皮滑，和牛用黑椒處理過，食落除咗黑椒味，仲散發住安格斯獨有嘅香味～食落仲要啖啖肉😎唔錯唔錯！〰️豆沙糯米糍 $33呢一餐用豆沙糯米糍作為甜品嚟收尾👻糯米外皮煙韌，入面有濃厚嘅紅豆餡，外面仲沾滿椰絲架😻〰️〰️📍 譽宴．星海薈 (沙田)沙田安平街1號香港沙田萬怡酒店1樓

之前同朋友睇過尖沙咀譽宴嘅婚宴場地，我哋係沙田友，但竟然唔知道沙田原來都有一間譽宴😯原來喺沙田石門一間酒店入邊。今日難得同屋企人一齊放工，屋企人話想食小菜，就入去問吓，原來係有小菜食個喎～同場都有唔少人喺度食海鮮。酒樓裝修華麗，因為平時都係做開婚宴場地，環境唔會差得去邊。望吓個餐牌，都有唔少嘅優惠套餐，我哋最鍾意食海鮮，所以都算好啱口味。我地一坐低，店員就立刻奉上一大盆熱水俾我哋清洗餐具，心裡已經加咗分。我地柯打咗佢地招牌白胡椒蟹，蜜燒黑豚肉，士多啤梨脆蝦球同埋唔少得既蔬菜(三鮮海皇雜菜煲)。兩人前柯打咗四款菜色，開頭有啲擔担心食唔哂，但味味都好味，最後都食到一乾二淨😆😆😆首先上了白胡椒蟹，好惹味，食指大動，份量好足喎😳二百幾蚊食到咁嘅質素，絕對係好高性價比。不知不覺好快就食完，跟住送來士多啤梨脆蝦球，酸酸甜甜脆卜卜。蜜燒黑豚肉都好腍好鬆軟，最後食埋三鮮海皇雜菜煲。真係食得好滿足，好飽😋另外特別想讚一讚，店員招呼好好，非常週到👍

平時去譽宴係食晚飯多，朋友話想去食下點心，於是中午嚟食。去得飲茶必叫蝦餃同腸粉🤤 蝦餃有4隻，每隻都脹卜卜而且晶瑩通透，食落係啖啖爽口彈牙既蝦肉，忍唔住食咗2隻🙈腸粉既叉燒唔會好肥，腸粉皮比較薄身，唔錯。小籠包都有水準，一咬落去肉汁滿瀉，好有喺上海食既感覺！鳳爪頗入味，但又唔會太鹹，食完唔需要一直飲水。鮮蝦腐皮卷係最意想唔到既，一嚟賣相靚靚，二嚟初時以為係蒸，冇諗過會食到脆卜卜口感似豬肉片既腐皮，而且蝦膠都做得出色~菜苗係一向食得健康既朋友點，一嚟到見佢顏色咁豐富，令人食慾增加。菜苗都幾爽甜，最後我地食哂成碟。

呢度飲茶幾好，坐得好，點心又唔錯！▶️叉燒腸腸粉夠熱又夠滑，叉燒切粒夠多餡，腸粉預先切好6件，唔錯！▶️胡椒豬肚濃雞湯灌湯餃相當特別! 胡椒豬肚濃雞湯好夠味，胡椒辣辣地好暖胃，灌湯餃大大隻有蝦、豬肉、菇等。▶️木魚花燒汁茄子🍆面上有蝦，幾爽口。茄子夠林，▶️豉汁鳳爪蒸排骨鳳爪夠林，排骨半肥瘦，正常～▶️百花釀魚肚面上有蝦睇，幾爽口！魚肚夠大塊，軟綿綿！▶️眉豆客家茶果好傳統嘅味道，咸咸地，外皮煙韌！

屯馬線開咗，除咗興奮之外，約朋友食飯都真係方便好多，我地今次為咗胡椒蟹而來， #招牌白胡椒蟹胡椒味香噴噴，以鐵板熱住上枱，視覺效果滿分，肉蟹本身好大隻，蟹鉗啖啖肉勁吸引，食落胡椒味亦好突出好惹味，必食之選👍🏼#蜜燒黑豚肉豚肉軟腍腍超入味，點住蜜糖汁食，甜蜜蜜嘅感覺令人食到停唔到口😋#薑蔥龍蝦雞煲薑蔥雞煲入面落足薑蔥蒜等配料，香味十足，雞肉入味得嚟嫩滑，仲有龍蝦🦞做拍檔，呢個龍鳳配水準唔錯👍🏼#金銀蛋浸時蔬普通但做得出色嘅一道菜，湯頭好鮮甜，咸蛋皮蛋份量頗多，食起嚟一啲都唔單調😋🔺🔺🔺🔺🔺🔺🔺🔺🔺🔺🔺🔺譽宴·星海薈沙田安平街1號香港沙田萬怡酒店1樓🔻🔻🔻🔻🔻🔻🔻🔻🔻🔻🔻🔻

今日去飲茶，阿爸指定要食呢間價錢唔貴裝修幾好點心精緻嘅酒樓，呢度又真係幾乾淨同衛生。枱同枱嘅距離保證有1.5米。.食物方面之前都食過其他唔同嘅點心，覺得佢性價比都幾高，叫咗「香茜叉燒腸粉 （大）」、「黑松露蝦餃之王 （特）」、「山竹牛肉球（小）」、「芝士蝦春卷 （大）」、「木魚花汁燒茄子（中）」、「蠔皇叉燒包（中）」，佢個芝士蝦春卷真心係我食過最好食既，流心芝士一咬就流，加埋鮮蝦好夾。黑松露蝦餃價錢唔貴又重黑松露味，好特別出面食唔到。叉燒包同腸粉正正常常，山竹牛肉球幾好食，牛肉蒸得夠淋同埋好多馬蹄😇😇.除左點心之外，最緊要點個叉燒食😚😚因為真係好正又抵食，$88喳又大舊又厚肉Juicy..3人埋單每人$100左右，性價比幾高嘅飲茶。

居住沙田多年，酒樓好似賣少見少，有時想搵間高質少少嘅酒樓，可以坐得舒服啲、食物質素好啲，都好似有啲困難。吾係租約期滿結業了、就就要排等位等到懷疑人生。好彩突然想起石門嗰邊有間酒店，人流又不是太多，即刻上 Openrice 搵下，果然係石門《萬怡酒店》有間《譽宴·星海薈》，見佢原本有多間分店添。吾使猶豫一於趁住半日假期，同埋仔仔去嘆番杯茶，食番一盅兩件。好好彩，可能今日落大雨關係，午飯時間去到也不用等候便有位了。職員引領我到坐位上，檯面已經預好一盤熱水及夾，供客人洗杯碗。係疫情下呢個安排真係十分細心，讓客人食得安心又放心。除了基本點心選擇，仲有小菜，亦有午市商務套餐供應。當然亦有多款廚部小食添，真係花多眼亂。我哋只兩個人，吾想叫太多又食唔晒浪費食物，所以最後決定選擇幾款特色點心。呢款 「脆網蘿蔔絲腸粉」，腸粉皮滑滑厚薄均勻，中間夾著脆脆的蘿蔔絲，咬落又軟滑又鬆脆，真係好驚喜。重點係放咗一陣，之後再食嘅時候，腸粉仍保持內脆外軟，師傅手勢一流。第二款最愛係「木魚花汁燒茄子」，上檯時只見茄子面鋪上大大片木魚，配上燒汁，咬一口茄子燒得剛剛好，與燒汁十分夾。而且原來茄子面釀上了彈牙鮮味嘅蝦膠，好好

難得平日放假，朋友帶我來到萬怡酒店一樓嘅酒樓飲茶，從石門站行過來都好方便，一條直樓就到。首先讚下個環境，樓底夠高，座位寬敞，冇平日酒樓咁嘈，坐得好舒服，啱曬歎茶傾計。點心選擇都幾多，我哋叫咗6款，全部都好有水準，最滿意係黑松露蝦餃皇🦐(必食），我對蝦餃要求比較高，外皮薄而有韌性，原隻蝦好彈牙，加埋少少黑松露嘅想味，真係冇得輸。👍🏻👍🏻😋鹹水角外脆內軟，吃落唔會成口粉，餡料分量足。😍👍🏻奶黃流沙包，濃郁嘅鹹蛋黃，難得可以做到放涼咗都一樣咁流心。脆網蘿蔔絲腸粉，口感好特別，薄薄嘅腸粉包住蘿蔔絲，又保留到外軟內脆，正！北菇蟹柳棉花雞亦係我至愛，雞件夠滑，吃落一點都唔油膩。南翔小籠包，皮夠薄，有肉汁，有水準！整體食物同環境我都好滿意，吃到點心師傅嘅水準，而且價錢合理，值得推介，下次要帶埋屋企人過來吃。