星海薈﹒譽宴

营业中

休息中

今天天氣很好天朗氣清，約你幾個朋友到沙田一間酒店裏的中菜廳喝茶。位於在於沙田石門站的萬怡酒店，地點一點都不難找。到步後經理安排座位給我們，也近窗口位置，由於當天陽光猛烈，酒樓非常細心將窗簾放下遮閉陽光，裝修豪華，氣派不凡，坐得舒服座位絕無壓迫感。他們也提供了鹹酸菜小吃及一大盤熱水作消毒清潔食具。點心選擇非常之多，酒店出品的點心做得非常出色，賣相同味道超級出色與普通的酒樓分別非常之大。晶瑩鮮蝦餃/皮薄餡靚，蝦肉餡料鮮甜爽口，真材實料值得推薦。山竹牛肉球- 肉香四溢，牛肉球多汁，去了芫荽馬蹄多了一點清新有層次口感。叉燒腸粉配了有芫荽的叉燒腸，叉燒餡料非常之多，另外配了一碗豉油給大家添加。豉汁蒸鳳爪- 做得非常入味的鳳爪，肉汁實實不會太乾，豉汁不會做得太咸。蜆芥鯪魚球 - 炸得外脆內軟，再配以蜆肉蜆汁作調味用。黑豚肉上湯米粉 - 下午茶時段提供了超級抵食的湯米，一大鍋再配上1/4 的燒鵝。燒鵝肥瘦適中，肉香四溢，油脂均勻，入口即融。牛油香脆白飯魚 - 外皮鬆脆，牛油香味激濃，滋味滿分。今天非常滿足的下午茶。下次一定會再去。

今日約了長輩們出來飲茶，要找間有質素的酒樓， 一於近近哋去沙田萬怡酒店內的「譽宴 星海薈」試下先。店內環境高雅，再看看點心紙款式很多，我們點了很多，不用多久便陸續送上枱。蝦餃皮薄有彈性，餡料豐富，有兩大隻蝦仁和筍粒，令人食唔停口。燒賣粒粒飽滿，口感扎實，咬開見鮮肉粒混入少許肥肉，頂部有鮮蝦和蟹籽，美觀又好味。牛肉球 肉質嫩滑，加上芫荽的香味，馬蹄的爽口，令到整件牛肉球升華不少。招牌胡椒濃雞灌湯餃 每逢點心紙上有灌湯餃我都必點，今日便點來試試。初時送上檯時都，感覺跟一般灌湯餃一樣，但當你嚐一口湯後便馬上改觀了，湯液不但是雞湯咁簡單，還滲出濃烈的胡椒辛辣味，在不知情下真的難接受，但飲飲下又覺得幾暖胃，配埋大大隻足料的灌湯飯，真係有多重驚喜。 蝦腸 皮薄餡靚不在話下，連碟旁的甜豉油也很甘香，淋上腸粉面，美味又滑流。腐皮卷腐皮包裹著蝦仁捲成幼條，炸至甘香，再配上喼汁來食，滋味無窮。燒腩仔 外皮燒得甘香鬆脆，肉質肥瘦適中，要俾贊。百花釀魚肚軟滑的魚肚吸收了蝦餃的鮮味，有爽口彈牙和軟淋淋的口感，雙重享受。小籠包一客有三粒，小籠包皮不算太薄，但剛好可包裹住鮮肉和肉汁，咬開包皮一個小孔，灌入姜米和香醋

早年移民外國的朋友回港探親，坐完「疫監」之後，便約她食餐特色的點心。「星海薈」在沙田石門萬怡酒店內，豪華裝煌，氣派不凡，座位寬敞舒適。這裏的點心選擇真多，其中不乏富創意的款式。“金磗脆豆腐”，外脆內滑，加點甜醬來吃，特別美味。“脆網蘿蔔絲腸粉”，軟滑粉皮內夾一層薄脆，加上蘿蔔絲餡料，一咬有三重口感，朋友第一次品嚐，讚不絕口。“木魚花燒汁茄子”，茄子肉餡蒸得很腍軟，加上獻汁及木魚花，很合我口味。“百花釀魚肚”，魚肚煙煙靭靭，上面的蝦膠爽滑味鮮，口感非常好，是必食之選。“鮑魚汁炆鳳爪”，惹味的鮑魚汁，滲入軟硬適中的鳳爪，骨膠原豐富。其他點心如：鮮蝦餃、小籠飽、黑糖糕、金錢肚和浸菜苗等都是即叫即蒸，質素都相當高。大家邊吃美點，邊聊天聚舊，滿足地渡過了一個愉快的下午。

星海薈今日和屋企人去到石門，家人偏好中菜，所以就選了去酒樓用膳，可以慢慢食～椰青燉花膠雞湯見到這個有抗疫優惠，而且幾特別，就點了一試～原盅燉的花膠雞湯有原個椰青，而且湯料都非常充足，有幾塊花膠和雞肉，花膠厚而飽滿，雞肉都吸收了湯的精華非常清甜，加上這個燉湯是用椰青燉出來的，因此整個湯都有椰青的清爽味道！熱的椰青水感覺十分特別，帶一點清甜和平時喝的老火湯和燉湯感覺不一樣～脆皮德國鹹豬手咸豬手都幾大隻，而且外皮真的很脆！而且都已經起肉十分方便吃，肉質一點兒都不會乾，咸道適中都幾香！算是有驚喜！士多啤梨脆蝦球蝦球大大隻炸得非常脆身不油膩，而且炸粉不厚食落啖啖肉，蝦肉非常新鮮清爽～加上酸酸甜甜的士多啤梨汁，非常開胃南非鮑魚炆滑雞煲上碟的時候已經聞到好香，南非鮑魚大大隻，好爽好香，雞肉都調味得很香很惹味，而且很滑很嫩，仍然保留肉汁～仲有一些香菇雜菌一齊炆，吸收了菜汁，送飯一流！三鮮海皇雜菜煲份量比想像中大，而且海鮮都不少，蝦、蚌香帶子都很多，令整個雜菜煲都非常鮮甜～ 雜菜方面有西蘭花、椰菜、小棠菜和白菜還有一些雜菌和粉絲，種類都算豐富，整個菜都非常健康和清甜。蜜汁手切黑豚肉這碟蜜汁叉燒絕對超出預

這天剛好到附近工作，便來Courtyard Marriot 嘆個午市點心。座位舒適 ，價錢正常招牌胡椒濃雞湯灌湯餃 - 胡椒味重，我亦很愛，材料充足，真的有雞件在內，每喝一口都感受到胡椒充滿全身。鮮蝦腐皮卷 - 炸得香脆，而他們用斜剪的方法很值得參考，頓時感覺不一樣。木魚花燒汁茄子 - 燒汁配木魚花，上菜時木魚花在動，跳舞似的。化皮腩仔 - 皮脆肉嫩，肥瘦適中。青芥安格斯牛柳粒- 芥末味跟牛柳粒很夾，輕輕的辣把牛柳味帶上另一層次。 還有南翔小籠包 ，薑葱蒸牛柏葉 ，香茜叉燒腸， 腸粉頗滑，整體不錯。

坐屯馬線來石門探朋友，當然要趁機共聚晚餐。朋友帶我來這間位於沙田萬怡酒店內的《星海薈》。餐廳地方非常寬敞濶落，裝修新穎，空間感十足。疫情關係，枱與枱之間保持相當距離，食得安心！《抗疫震撼優惠》非常吸引冰鎮花雕五頭南非鮑魚 《震撼價》$68～賣相仙氣十足，感覺清新冰涼。原隻鮑魚肉腍入味， 啖啖滲出花雕酒香！椰青燉花膠雞湯《震撼價》$98～材料豐富，啖啖花膠夠咬口。首嚐『士多啤梨脆蝦球』 $138～蝦肉晶瑩剔透，爽脆嫩滑，淡淡士多啤梨味清新特別！豉汁帶子蒸豆腐 $128～豆腐嫩滑無比， 帶子鮮甜惹味，一道簡單菜色已令人回味！嘩！還有一個超級抵食的免費晚飯菜三選一： 凡晚市惠顧正價小菜一碟，便可三揀一款菜式，款款都咁吸引，真的有些選擇困難呢！燒雞半隻（免費）～燒雞皮脆肉嫩，雖是免費也絕不欺場！燕窩奶凍～甜品以晶瑩小杯盛載，漂亮吸引， 燕窩份量十足，滋潤養顏，奶香味濃，感覺清新香滑！

今日去沙田遊，朋友介紹覓食點位於石門萬怡酒店嘅星海薈。酒樓環境舒適，唔算太大20枱左右。可能我地入座時候較遲，所以只有3-4枱客。入座後樓面同事即刻奉上一大鍋熱水供簡單清洗餐具，疫情間呢啲小舉動都令人心安。而優惠方面於晚市時段凡惠顧正價小菜一款，每枱倆位或以上可免費品嚐三選一嘅菜式一款。我地點左個姜葱龍蝦滑雞煲配金銀蛋浸時蔬。龍蝦係波士頓龍蝦，肉質鮮嫩彈牙，雞肉亦相當入味香口惹味，份量都唔少。金銀蛋浸時蔬湯底清甜，但個人較喜歡配莧菜會好食啲，可惜今日只有菜苗。時日推介有粉絲蒸扇貝，火喉岩岩好，貝肉開邊依然肉厚，而鮮滑粉絲吸滿貝肉嘅汁好正。落單經理為我地介紹左椰青燉花膠雞湯，簡單嘅食材就配搭出，滋潤嘅靓湯，貪心作怪如果花膠份量倍增會更好。招牌菠蘿咕嚕肉--每次唔知點乜咕嚕肉都唔會令人太失望。今次無失望之餘仲有意外驚喜，有老師傅嘅味道鬆脆外皮帶微微嘅吉士粉甜味，酸甜開胃咕嚕汁掛喺外皮上，新鮮菠蘿肉(唔係罐頭)真係好味。而免費嘅菜式我地揀左清蒸虎杉斑仔，雖然免費但都好肥美，總括服務，衛生環境，食物質素都唔錯，有80分。

早前放學同朋友去咗位於石門萬怡酒店的譽宴飲茶，喜歡這裏裝潢舒適，員工殷勤有禮，是我最喜歡的酒樓之一😋💓💯📌晶瑩鮮蝦餃 📌蟹籽燒賣王 📌安格斯和牛腸粉📌南翔小籠包 📌乾鍋醬金錢肚 📌鮮茄濃湯浸菜苗📌原籠大澳三鮮蒸飯 ✨點心全部都相當高質，蝦餃皮薄餡靚，燒賣夠大粒，鮮味滿分，腸粉爽滑彈牙，小籠包皮薄多汁，金錢肚入味濃郁！款款都相當好吃😋！✨很推薦他們的鮮茄濃湯浸菜苗，蕃茄湯酸酸甜甜，配合菜苗，開胃健康！✨大推原籠大澳三鮮蒸飯，荷葉香氣滲入每粒飯，海鮮的鮮味完全落入飯粒中，惹味無窮😋🤤

譽宴。星海薈木魚花燒汁茄子：茄子入味，而且肥美，唔似得啲醬汁同埋茄子分開。鮮茄濃湯浸菜苗：食材最緊要新鮮鮮味十足，再配合番茄濃湯，風味十足。脆網蘿蔔絲腸粉：內脆外軟，從來都係食脆網腸粉嘅特色，腸粉皮夠滑又夠堅挺南翔小籠包：皮薄餡靚，入邊個湯汁，味道做到同肉汁平衡麥胚芽馬拉糕：麥芽糖嘅香味，喺口腔縈繞燒腩仔：CP值極高，大大嚿脆腩鮑汁扣雞腳：骨膠原重，鮑汁唔會太鹹，食完一隻又一隻原籠大澳三鮮蒸飯：籠仔蒸飯近呢幾年非常火熱，呢個蒸飯鮮味唔野少，而且配料有驚喜地多，而且仲好新鮮，咁多款菜式，呢個菜式最令我深刻。

今晚宴客約咗朋友喺沙田食飯，想食得舒服啲，價錢又唔太貴，諗起以前去過譽宴。星海薈，位置都幾方便！間餐廳位置在萬豪酒店一樓，未去過的朋友要特別留意一下！呢度地方闊落，裝修精緻，我相信平時一定是主打做婚宴的！可能時間尚早，平日晚上的食客不算太多！餐廳提供很多優惠，食鮑魚和燉湯都很吸引！呢個晚飯三選一優惠真係十分抵食！呢度嘅衛生措施做得10分充足，飯前僧特別準備一盆熱水俾大家消毒食具，非常貼心！落單之後，小菜都好快送到，首先出場有鮮蘆筍野菌炒帶子，賣相吸引，蘆筍爽脆香甜，帶子大隻啖啖肉，口感十足！跟住有呢個強烈推介的招牌咕嚕肉，呢個小菜大家都讚口不絕！茨汁完美黏在香脆外皮的咕嚕肉上，甜酸味適中，非常開胃的一個菜式，咕嚕肉做得鬆化，幾近入口即溶的感覺！再嚟有大大隻嘅澳洲龍蝦配伊麵底，芝士味道非常濃郁，啖啖肉的澳洲龍蝦，鮮甜又爽口，真係鮮味十足！充滿芝士汁的伊麵，甜美可口，食完還想一食再食！最後一個小菜係晚飯菜式三選一免費送的清蒸海虎杉產斑仔，睇落都足一斤重，賣相不俗，份量十足！魚肉都幾鮮甜，蒸得非常嫩滑！ 等咗成晚，每位$68的椰青燉花膠雞湯終於嚟到，一打開蓋，滿滿椰香味！呢個招牌燉湯，用料十

我地一家大細都很喜歡飲茶，亞女係石門上數學班，所以黎石門飲茶，lee 度座位都幾闊落。我地3個都有唔同喜嗜。亞女鍾意黃金流沙包同蟹籽燒賣皇，我就喜歡灌湯餃同金錢肚，老公減肥叫左灼唐生菜同咕嚕肉。招牌胡椒雞湯灌湯餃這個灌湯餃比平時嘅有時d唔同，佢比較重胡椒第一啖食嘅時候，比較刺激。灌湯餃皮薄，唔係肥肉係瘦肉同雞件，另外有蝦、冬菇、乾瑤柱，雞湯底好鮮甜。小籠包上枱熱辣辣，皮不會太厚，內裏多肉汁。蟹籽燒賣皇我女食左3舊🤣🤣，燒賣肉不會死實，豬肉蝦肉平均。黃金流沙包每隻都有流心效果。鮮菠蘿脆皮咕嚕肉咕嚕肉大大件啖啖肉，有肉汁，而且仲係用新鮮菠蘿好鮮甜，酸酸甜甜好開胃。

由於家住沙田，諗住近近哋 人少少，中秋前夕嚟到石門星海薈預先做節。嚟到見佢裝修好舒服，又唔會好嘈好迫，可以舒舒服服食餐飯。而且見到有唔少菜式做緊優惠價，好抵咁！見到每枱都叫蟹煲，好香好吸引，但屋企人懶唔想剝殼，所以我哋叫龍蝦雞煲😂.🔸薑蔥龍蝦滑雞煲一上枱個煲仲會發吱吱聲，超熱辣辣，香噴噴！龍蝦都幾大隻，開咗邊，好方便食。雞件滑溜又juicy醬汁。.🔸脆皮鹹豬手好好味！皮好香好脆，好似食薯片咁。豬手唔會太咸同太肥，肉質約彈牙。.🔸牛油香脆白飯魚炸起熱辣辣脆卜卜，送酒一流！.🔸冰鎮花雕五頭南非鮑魚好好味！花雕酒好香又好入味！鮑魚又厚又彈牙！.🔸金鑽脆豆腐外脆內軟，口感一流，豆腐好滑，外皮又脆又惹味。.🔸咕嚕脆皮蝦球酸酸甜甜好香甜開胃，蝦球炸脆左好香口，蝦肉厚而且彈牙。.🔸青島啤酒

當日同家人去咗依間飲茶。我哋叫咗蝦餃、燒賣、牛肉腸粉、馬拉糕、金磚脆豆腐、鮮茄濃湯浸菜苗。蝦餃除咗味道不錯，啲皮都唔算厚，至於燒賣同牛肉腸粉，就不過不失。初初我哋以為馬拉糕係細細件嗰啲，點知嚟咗個份量咁大，幸好我哋都食得晒。味道不錯，尤其是小朋友食就特別鍾意，因為馬拉糕都算鬆軟。金磚脆豆腐，算係整得唔錯，當然未至於有驚喜。而蕃茄濃湯浸菜苗，菜苗都算嫩，唔會覺得好硬。不過環境就感覺細啲，比起一般酒樓來講，呢間酒樓已經算細。不過幸好每張枱之間空位都尚算OK。

放假約埋媽咪揸車去沙田飲茶，入到酒樓環境寬敞坐得舒服，枱與枱之間好有空間感！坐低之後服務員就會攞一盆熱水放入餐具清潔，衛生程度做得好足夠。燒豬腩肉-這碟是店員推介的，豬腩肉份量不少，外皮燒得香脆，肥瘦適中，咬落油脂滲出，肉質軟淋，好好食！燒乳鴿-乳鴿燒至金黃色，望落去好細隻，食落啖啖肉。上枱時店員會跟埋手套和濕紙巾，呢點很細心值得一讃👍蠔皇义燒包-叉燒包即叫即蒸，麵包皮鬆軟，餡料新鮮，餡料的比例剛剛好，每一啖都食到豬肉。山竹牛肉-牛肉熱辣辣粒粒都脹卜卜，色澤新鮮爽口，加上喼汁一齊食，酸酸地食唔停口！這裏整體環境，服務及食物質素都不錯，下次都會再嚟試埋其他點心及其他菜式！

酒樓嘅環境唔錯非常舒適寬敞， 話曬都係酒店裏面，唔差。 見佢個招牌白胡椒蟹做特價 $298， 食評又講到個龍蝦超爽彈鮮甜， 所以晚市過嚟試下。 招牌白胡椒蟹$298👎🏻煲野鹹咗啲， 胡椒味都唔出。 呢個價錢都幾多肉，肉厚， 啖啖肉，肉質都唔錯， 但係食唔出鮮甜味道，因為太鹹。蒜蓉粉絲蒸大元貝5隻$138👎🏻👎🏻切咗一半， 搞到好薄，完全冇口感，而且正蒸到老曬，好似食擦膠咁，失敗。 反而啲粉絲仲好食，因為吸收曬啲精華同埋蒜蓉。 真係浪費咗啲元貝。龍蝦伊麵👎🏻👎🏻比想像中嘅差， 賣相亦好差，伊麵完全唔好食，淋到一pat pat。 佢個汁太杰了， 直情好難吞。龍蝦亦肉唔多， 又唔爽滑鮮甜，唔彈牙。被佢個抗疫震撼價呃咗，中曬伏 💔 無諗過呢一餐咁簡單嘅海鮮， 樣樣都唔掂 ，失望， 真係要畀個喊喊 face佢 😭