星海薈﹒譽宴

营业中

休息中

今日喺沙田放工之後就約埋兩個朋友搭車去石門聚下舊食吓晚餐，其實石門都好多餐廳選擇，因為想搵一間比較優雅嘅地方可以傾行，朋友們就搵咗喺沙田萬怡酒店嘅譽宴星海會食中餐🤤入到去感覺比較歡堂，疫情之下枱與枱之間都瞓覺得有一段距離，識得非常安心。我哋首先叫咗一個人人都稱讚嘅招牌白胡椒煎焗澳洲龍蝦，香噴噴嘅龍蝦擺喺個鐵鍋上，飄出一陣陣嘅白胡椒香，龍蝦肉非常彈牙，廚房中非常細心，龍蝦肉好容易就可以撩到出來食，真係啖啖肉，配襯埋白胡椒煎焗真係令到我回味無窮！跟住再叫一人一碗雪梨無花果燉花膠湯，澳門花膠嘅湯，拎我嘴唇黏著黏著，淡淡的雪梨香同花膠煲埋一齊味道非常之夾，可以話非常之重了，又甜又補好飲！跟住就係招牌菠蘿咕嚕肉，非常鍾意食菠蘿咕嚕肉嘅我，唔知係咪見識少，真係人生第一次食到最好味嘅菠蘿咕嚕肉，酸甜味非常適中，第一啖咬落去外脆內軟，炸知酥脆生粉不厚，多汁濃郁，沒有過分油膩嘅感覺，咕嚕肉大小剛好，一口一口吃🤤最後我就叫咗一碟翠綠炒花尾龍躉球，龍躉大大件，肉質嫩滑，顏色非常翠綠，賣相相當好！

上星期同朋友在星海薈吃完晚飯，吃過返尋味，今日再來到飲下午茶。酒樓位於酒店地下，格局都非常高貴。環境優美之餘，服務員都非常有禮及主動斟茶給客人！下午茶普遍點心定價20多元至40多元，價錢尚算合理。而且款式都算多選擇！蒸叉燒腸叉燒餡滿滿的，經過加熱豉油分開提供，客人可按自己需要添加，很細心。腸粉口感非常滑溜下午茶時間都有供應乳鴿，乳鴿非常大隻，肉質唔會乾爭爭，性價比高！炸雞軟骨每粒都大大粒，炸粉不會太厚，每粒都脆卜卜非常惹味鮮蝦菜苗餃驚喜地蝦肉非常大粒，整粒餃都非常飽滿，個人最喜歡這個點心，推介喜愛香口嘢的話，都同樣推介蒜香長春卷及南乳脆雞翼。腸春卷每條起碼15厘米長，炸得非常香脆，每條都滿滿餡料，點喼汁食特別開胃南乳脆雞翼又是另一大推介，首先南乳味好香，雞翼表皮炸得非常香脆，肉汁豐富。因為這個點心好容易就Overcooked，掌握時間好重要。蒜香排骨很特別地用心型碟盛載，肉質都好稔軟，無豬肉羶味！夏日炎炎，點了一個無花果花膠響螺湯清潤一下，湯非常清甜，而且有三舊大花膠，非常足料，甚至湯料比湯水多，絕無欺場👍🏻雖然價錢是一人份量，但都足夠我和友人share！無論晚餐還是飲茶，星海薈的表現

應區内工作朋友約在四星酒店内的食店飯聚，高樓底佈置典雅，員工態度有水平👏跟茗茶同時送上小食:醋香雲耳，酸咪咪好醒胃又爽口😋沙薑豬手粒，味道適中，有咬感，不肥膩😋蜜汁叉燒，份量十足，蜜汁 甜度恰當，肉質鮮嫩但有嚼感，佐膳佳品😋鮮蝦腐皮卷，餡料斤兩十足， 蝦膠爽口彈牙， 腐皮脆蝦膠鮮，飲酒人士必選😋碧玉鮮蝦腸粉，蝦仁大隻又新鮮，粉皮黏度適中，入口不覺黐口😋士多啤梨大蝦球，酸酸甜甜味道討好，脆卜卜炸䊢外皮配合内包爽嫩大蝦球，佐米飯佳品😋一處優悠好食肆👏👏

我無咩寫食評，但今次都想寫吓。有驚喜的一餐！上星期日即日6pm打去訂位，居然有7人位，心想咁容易訂會唔會伏伏哋⋯⋯但去到其實面積不太大，但十分清靜雅緻。我們一行7人點了一個8人餐龍蝦餐，待應介紹很好，另我們再加了推介的皇子豬及砂煲翅。食物份量好充足，好有鑊氣，燉湯超甜，胡椒炒龍蝦入味。最後大家很飽時來個炒飯，出奇哋好味，又食晒，樣樣菜都很滿意！坐得舒服又好味，我們決定下次家庭飯又會再來！

上次食晚飯就覺得麻麻地, 今次食下午茶, 未停業前曾經飲過茶, 覺得超正, 今次黎睇下水準係咪依然keep到先😆🥢鮮蝦腐皮卷 😋👍擺盤非常之靚仔, 一眼已經睇到好多蝦嘅餡料充塞住炸腐皮裏面, 新鮮炸起熱辣辣, 炸得唔油膩, 腐皮脆口, 內裏嘅蝦肉非常爽口彈牙, 既juicy又有蝦味, 必食推介🥢香茜叉燒腸😋真正做到皮薄餡靚, 一粒粒叉燒充塞住滑溜而Q彈嘅腸粉皮, 除咗叉燒味道之外, 仲有微微嘅香茜味點綴🥢南翔小籠包👍外皮厚薄適中, 內裏肉汁雖然唔夠多, 但係都非常之香肉味, 配埋香醋一齊食, yummy🥢薑蔥蒸牛柏葉👍牛柏葉爽口彈牙, 好趙頭, 唔會好似一般酒樓咁 ”林bet bet”, 薑及蔥絲夠哂多星期一至五下午茶(2:01-4:00), 大中小點一律以小點計$24, 茶錢$15米芝連級數嘅點心, 如果仲可以响星期一至五黎到食下午茶, 抵爆喇

餐廳喺沙田萬怡酒店入面，裝修當然高雅。樓底高，枱與枱之間亦都夠寬敞，坐得好舒服。餐前小食白木耳比較罕見，酸酸甜甜健康開胃。餐牌有唔少優惠推介，價錢大眾化。【雪梨無花果燉花膠湯】清甜潤喉，兩大塊花膠，仲有雪梨、雞肉同原粒無花果，非常足料。【招牌白胡椒煎焗澳洲龍蝦 】見到每台都有叫，好受歡迎。鐵板上枱，再即席淋上白胡椒汁，吱吱聲，香味撲鼻而來。龍蝦大約一斤半，食得出好新鮮，啖啖肉，鮮甜彈牙。紫洋蔥煮得微焦，嗦埋龍蝦胡椒汁，太美味。【秘製瓦撐蔥油雞】$98有一隻雞，用瓦撐裝住，咁大煲，超抵食！加咗好多蔥油，濃郁蔥香味。最後叫咗籠【麥胚芽馬拉糕】做甜品，即叫即蒸，鬆軟可口。期間店員不斷幫我哋碗碟，服務周到！

疫情停業前曾經黎過飲茶覺得佢啲點心超好味, 所以知道佢覆業之後就嚟食個晚飯🥢前菜小食 - 黑白雲耳好少見有白雲耳, 整體味道唔錯, 好食🥢秘製瓦罉蔥油雞$98蔥油雞一放上枱嘅時候望見大大鍋非常開心, 鍋底亦都熱辣辣, 聞落及食落蔥油幾香, 可惜隻雞嘅雪味非常之濃郁連蔥油都蓋不住雪味, 不過肉質都唔算差🥢豉椒炒蘇格蘭蟶子$138總共有四隻蟶子, 蟶子肉新鮮爽口, 炒得剛剛好唔會太老, 不調味過咸及用好多油炒, 豉椒味都幾濃, 其他配料有紅綠椒及洋蔥賣相幾靚仔, 碟嘅一邊有少少沙律菜點綴, 沙律菜都算新鮮🥢星海薈小炒皇$168炒得好香口好惹味, 料頭充足, 有鮮虾,蚌片, 吊片, 虾米, 魚仔乾, 韭菜花及腰果, 不過腰果非常之唔新鮮, 影響哂成碟小炒, 絕對係敗筆之處無諗過晚飯嘅質素咁一般, 整餐飯叫咗三碟餸, 一碟有雪味, 一碟多油, 一碟就腰果唔新鮮, 晚飯小菜就唔會翻兜, 下次再試下佢啲點心會保持水準定失手喇; 不過酒樓環景好好, 坐得舒服, 服務亦唔差魚堅總評性價比 3👍(以5👍為滿分)

疫情人都懶左，少左出街食，心血來潮想食龍蝦同片皮鴨，近近地走左石門的譽宴星海薈食，真係好滿足，一定要寫低佢。頭盤即上花膠雪梨燉湯，足料炮製，絕對真材實料。 豐富材料必定加三個鐘頭以上嘅大廚心血。料仲多過湯，超級甜美滋補又好飲。再嚟半肥瘦叉燒，熱辣辣香噴噴，鬆軟香口輕咬一口，油脂即溶於口。 梗係好難第二度食到咁有標準嘅叉燒。再嚟細心無比香脆嘅片皮鴨， 片皮鴨煮法傳統事實上真係好難再有突破，咁你喺伴菜上面就可以睇到廚師細心嘅地方，刀功了得，唔會只係得d 皮，有少少鴨肉伴下好味d, 代表左廚師同埋餐廳嘅細心。三鮮海皇雜菜煲亦清清地帶海鮮的甜美配到絕，食完d濃味野食返個菜清下味蕾非常不錯！最後就係龍蝦伊麵！出面食好多都比細隻的boston 龍蝦，但鮮味和厚肉比不上呢度的澳洲龍蝦，呢個餸菜真係冇得頂喺任何時候任何場合，佢都係百搭+萬能而且個個都爭住食， 絕對係晚餐 必食之一。臨走見到都好多特價野食，咁靚環境咁高質，抵食呀！

朋友生日找間質素高的酒樓慶祝，這裡除了坐得舒服還有食物很用心製作。點了三寶推介～～～上湯焗龍蝦伊麵一隻，三鮮海皇什菜煲，蜜汁叉燒皇，還點了秘製瓦𦉘蔥油雞和雪梨無花果燉花膠湯。上湯焗龍蝦伊麵原隻斬件龍蝦賣相非常之有氣勢，龍蝦肉好新鮮爽彈，用上湯煨煮的伊麵特別入味。三鮮海皇什菜煲材料很豐富有新鮮大蝦、北寄貝、鮮魷魚、粉絲同疏菜，每樣食材都吃得到食物的鮮甜和爽翠。蜜汁叉燒皇這個叉燒燒得外脆內軟，而滿滿蜜汁包著厚厚叉燒令人吃得特別滋味。秘製瓦𦉘蔥油雞這款菜式一上枱即時吸引各人眼球，熱辣辣新鮮油雞放滿超多蔥很惹味。雪梨無花果燉花膠湯這個湯很滋潤用上花膠無花果瘦肉雞件加雪梨一起燉，喝下很清甜又潤喉。

石門多食店，午市想食得舒服啲，揀左萬怡酒店 ，鄰近石門站，揸車方便座內環境乾淨企理，一大排扭紋型吊燈非常搶眼，以深色系作主調，高貴感up餐前小食：黑白木耳，帶點辣勁咕嚕蝦球香煎脆麵我的至愛之一，麵炸得金黃香脆，完全不油膩，原隻大蝦炸成金黃色蝦球，肉質爽口，配上咕嚕汁特別開胃蟹籽燒賣皇燒賣大大粒，爽口蝦肉、香菇，口感豐富薑汁榚淡淡薑汁香味，少甜健康，煙韌軟糯杞子桂花榚圓柱體加波浪邊造型可愛，桂花味清香，清甜清新家鄉咸水角炸得金黃酥脆木魚花燒汁茄子燒得香軟多汁，頂層蝦膠添口感香茜叉燒腸粉碟是熱的，保持食物溫度，熱食特別滑溜職員有禮，態度親切，舒服好坐，我會經常去幫襯~

之前老闆生日一班同事羅漢請觀音, 今次到老闆作客請大家, 又再回到譽宴半落地大窗對著大街, 沒有大廈遮檔, 視野廣寬, 飯也吃得舒服先叫了孖寶餐, 蜜汁叉燒跟三鮮海皇什菜煲, 叉燒濕潤, 精華盡在碟面的蜜汁, 不能錯過 分別要了安格斯和牛及香茜叉燒腸粉, 和牛的味道比預期的突出, 酒樓貼心的將腸粉豉油加熱, 吃來令腸粉保持熱度, 要加分青芥安格斯牛柳粒, 味道鮮活, 有點吃不夠的感覺蜆芥鯪魚球又是另一驚喜,  夠熱有點燙口, 令鯪魚味更鮮明,非常可口自己就非常喜歡胡椒濃雞湯灌湯餃, 份量非常足, 女生吃完這個已經有點飽, 而且湯味濃郁, 可以喝到碗底朝天非常豐富的三鮮海皇什菜煲, 材料多得大家都吃不完, 尤其海鮮材料一點不輕手, 煲底下還有大量蔬菜與粉絲, 大家都吃得非常飽足最後的桂花糕作結尾, 仍然一如上次, 清香美味

芝士焗龍蝦伊麵底，成班人都勁鍾意，加上第一道餸菜！佢哋都好肚餓唔記得咗講開場白，呢間大房體驗真係超值！因為疫情嘅關係最低消費只係$5000！而且服務態度一流，喺食飯之前嘅安排溝通非常好，嚟到更加係賓至如歸嘅感覺五星級享受！整體餸菜都非常好食，係節瓜粉絲蝦米煲好古怪同埋失望，因為係似炆米，而且冇乜節瓜同蝦米的叉燒質素一流賣相都好好！係半肥瘦偏肥，但係大眾人口味非常中！我自己鍾意食瘦差姐～瑤柱貴妃雞雖然388 $500.1隻好似有啲貴，但係食落質素非常好！係靚雞，又有雞味京都肉排比想像中靚仔！一件非常大而且好多肉㗎有個朋友鍾意食仲食咗幾舊！見到大家都願意食嘢我都好開心🥳帶子蒸豆腐，出乎意料之外嘅係，豆腐竟然好好味！明明佢係配角而且只係震下興！好啊得來又唔會失去豆味，好難得粟米海星班好大件，本身都擔心似出面粟米班腩嗰啲cheap野，但係佢果然係不實我所望非常好食厚肉又新鮮呢個花雕蛋白蒸蟹係我最鍾意嘅一道送！雖然最後覺得有少少油唔知係邊度嚟，不過整體都好清甜好味！而且蛋白好厚實好多，食極都有唔使爭成晚嘅體驗我比200分，雖然唔係全部崇高完美，但係起碼九成而且經濟實惠， 服務一流環境都好正！有機

15-12-2021 (Wed) Vendor嚟請食飯,我哋total11人,叫個原價$3,488.00,特價$2,288.00嘅招牌白胡椒蟹套餐(8人餐)加啲點心.1. 套餐裡面嘅翡翠蝦仁炒冰極蚌是日翡翠係甜豆,呢啲正常冇問題.味道:3分2. 套餐裡面嘅招牌白胡椒肉蟹大大隻,白胡椒味有啲嗆鼻,但食落又唔係咁哽,蟹肉好腍.味道:3分3. 南翔小籠包湯汁唔係多,味道又唔太鹹,一般.味道:2.8分4. 套餐裡面嘅陳皮蒸八頭南非鮮鮑魚陳皮唔太濃,口感正常冇問題.味道:3分5. 百花釀魚肚一籠三件大大件,魚肚又厚,唔太鹹,唔錯.味道:5分6. $62.00嘅XO醬蘿蔔糕呢個唔辣,OK.味道:3分7. $50.00嘅椒鹽雞軟骨比正常嘅雞軟骨硬.味道:2分8. 蟹籽燒賣皇正常冇問題.味道:3分9. $62.00嘅金磚脆豆腐大大件,外脆內滑.味道:5分10. $44.00嘅湯灼芥蘭唔大碟,但出奇地芥蘭唔苦.味道:5分11. 套餐裡面嘅清蒸金花龍躉斑都幾大條,蒸得啱啱好,滑.味道:5分12. 套餐裡面嘅炸乳鴿3隻因為是日冇脆皮一品炸子雞,所以用呢個代替.我食到嗰件都幾鹹吓.味道:2.8分13. 套餐裡

今日約左三五知己於石門下午茶，朋友介紹了一間環境一流，食物高質的酒家給我們。譽宴.星海薈。酒家距離石門站 5分鐘距離，位置方便。我地大約 2:00 左右到 ，可能因為石門站大部分都係商業大廈的關係。下午茶時間不太多人，反而環境幽靜，十分舒服。我們點了四個點心，兩個小食，一個炒飯。十分滿足。蔥花臘味糯米飯 : 一上菜已經聞到香噴噴嘅臘味香味，而且廚師炒到粒粒分明，每粒糯米飯都充滿醬油味，十分香口。鮮蝦腐皮卷 : 即叫即炸，入口鬆脆可口，蝦肉彈牙，沾一點點喼汁分外美味。上湯一口水餃 : 水餃大細恰到好處，菜苗相當新鮮。不用加任何調味已經能光盤。北菇蟹柳棉花雞 : 雞肉嫩滑，棉花也甚多，而且有整整一大塊的北菇，十分厚肉。蔥花蝦米蒸腸粉 : 沒想到普通的齋腸粉都可以這麼好食，因為它的蝦米相當多，鋪滿整碟腸粉。加上蔥花點綴，口感豐富層次十足。最后兩個小食分別係 蜆芥鯪魚球及青芥安格斯牛柳粒。蜆芥鯪魚球 : 外層炸米香脆，鯪魚肉彈牙，加上蜆芥的提鮮，直很推介。青芥安格斯牛柳粒 : 放到最后介紹當然有原因，這絶對是"今日之最"。本身我們點了叉燒，但店員極力推薦安格斯牛柳粒，所以決定一試，沒想到會這麼

見有一段時間冇去飲茶，今日專程去沙田石門譽宴星海薈飲茶，鍾情呢度環境舒適而且裝修雅緻，仲有下午茶優惠，好抵食。我同家人之後點左蟹籽燒賣皇、晶瑩鮮蝦餃、菜苗餃、碧玉鮮蝦腸粉、炸蝦角、 薑汁糕、桂花蜜脆麻花、叉燒湯米。燒賣皇好足料，蝦肉混和豬肉嘅鮮味，加埋頂嘅蟹籽，食出吾同層次味道。鮮蝦餃晶瑩剔透，睇到入面隻蝦好大，食落又鮮甜。菜苗餃，清清地，冇咁heavy。蝦腸粉嘅粉皮好薄，腸粉拉得好靚，點埋指定醬油食好正。炸蝦角好惹味超香口，而且熱炙炙，好味道。薑汁糕甜度適中，加埋濃濃薑味，且質感一流。桂花蜜脆麻花就香脆可口，加上表面甜甜地嘅桂花蜜，大小朋友都搶住食。叉燒湯米叉燒半肥瘦而且用特製醬汁燒，份外好味，湯米就份量足，湯底亦夠味。