星洲總廚 (大全街)

营业中

休息中

前排去咗大角咀試下食好野，同朋友去左呢間singapore style既星洲總廚～ 其實我覺得佢似食越南野或者泰國嘢多啲🤣🤣一入去見到環境都好靚，我同朋友揀咗角落嘅位置方便傾計！我朋友就叫咗佢嘅招牌海南雞飯😍 睇落好似幾好食，我就叫咗滿堂椰漿飯～ 一齊share食～ 等咗大概2分鐘左右我幾椰漿飯先到，見到有雞翼，叉燒同埋豬扒～ 不過賣相就一般好似三餸飯咁😅 味道方面，雞翼外皮好脆，但係裏面就比較乾！叉燒幾好味，但係切得大件左少少！有啲難咬，飯撈半熟蛋再配椰漿好特別！都值得一試！至於我朋友嘅海南雞飯就幾好食！不過雞就少咗啲～ 佢唔係好夠食🤣 呢度環境好啱小聚，傾下計幾好！唔會太嘈！亦都唔會太靜唔敢講嘢👍🏻

最近幫襯多咗大角咀呢一間星加坡餐廳，佢裏便環境都幾雅致，又唔似快餐店！睇得出店主有重視環境觀感😊佢有好多唔同嘅選擇，應該最出名係喇沙～ 但係我見好多人都叫海南雞飯，所以同朋友去都叫咗海南雞飯食！等嘅時候唔算好耐，大概8至10分鐘左右～ 餐廳好細心，將一碟碟既海南雞同飯，放係一個盤到俾客人😊！方便佢哋唔會食到周圍都係，而且好衛生！ 海南雞飯味道好好，啲肉超嫩，而且好多髀位，所以好好食！但係飯就唔似油飯，有啲遺憾～ 不過整體好好食，會再幫襯👍🏻

有個大角咀老友非常胃食，也因此很有口福，一直試倒不同的餐廳。繼上次好味墨魚餅漢堡後，我對老友非常有信心。以致幾乎在任何群體中都負責挑餐廳的我，竟也把重任完全交給朋友，樂得清閒。-決定來到這家星馬菜，餐牌款式雖不算多，但有好幾款都好吸引。最後集兩人喜好選了兩個share.當日老火湯是紅蘿蔔粟米豬骨湯，不算很老火，比起阿媽靚湯自然差得遠，但都叫多料，可接受。-小印度咖哩雜菜羊架配烤餅羊架出色，有羊味，不愛羶味者慎選。火候正好，淋淋地易食不痴牙。最可惜是我們倆個都不愛偏酸的印度咖哩。烤餅好正，外脆內軟 口感QQ, 香草味蒜味都濃，絕不是現成default貨色。個人覺得不加咖哩，吃原味更正。-豬頸肉叻沙睇相都記起的濃郁重口味，配菜有魚片芽菜豆卜，正常味道；溏心蛋半成功，竟因此沒有流走於湯中；豬頸肉軟淋入味，醬汁甜甜地，不錯。-看來開在大角咀的小店，都要有相當實力才能生存。

大角咀真係太多野食,如果一間餐廳每次都食唔同野既話,可以一個月都唔會重覆,對於唔鍾意搵餐廳既人黎講應該唔錯今次黎食呢個星洲總廚,睇名都知道,係食新加坡菜,本身想試下海南雞飯既,不過第一次都係唔食油飯住,因為我對海南雞飯都有d要求,叫左個雜扒總會😋今日食個late lunch實在太肚餓,豬頸肉,雞翼,牛肉,太陽蛋,咩都有齊,本身叫雞翼但店員話無要轉雞扒,仲好,可以飽d,大雜會,同價錢成正比,餐廳都算清靜,另一搞笑既係好多人送外賣同拎外賣

朋友介紹話呢間星洲總廚幾好食，趁今日去開奧海城，就決定行過去大角嘴試下呢間餐廳。由奧運站沿天橋行過去大概10分鐘內就到啦，都算幾方便。餐廳裝潢都幾特別，有種特色小店的感覺，牆上貼滿好多星星🌟，可能就代表著新加坡(?)😆但係我覺得食物就一般，可能係咁岩我叫果個餐麻麻地。我點左滿堂椰漿飯拼盤(雞翼、牛腩、叉燒)，但係個飯完全無椰漿味，牛腩同叉燒都有d太乾，所以最後食左一半左右就無食啦。餐牌其他款式好似好食d，下次或者可以試下。

今晚去咗星洲總廚食晚餐，因為想食下海南雞飯！呢間係朋友屋企附近，所以就幫襯下餐廳嘅位置都幾方便，外面可以泊車，又有咪錶！門面都幾靚，入到去嘅裝修更加有心思，望到就好有食慾！位置都好寬闊，唔會坐得好迫我本來諗住叫海南雞飯，因為朋友極力推介，但係我見餐牌幾特別，對滿堂椰漿飯幾有興趣，所以就叫左，幾特別嘅原因係，見到個組合有雞翼叉燒同豬扒，個配搭好搞笑！後期店員話冇雞翼，所以轉咗做雞扒~我朋友就叫咗海南雞飯，佢嘅至愛！等咗大概15分鐘，海南雞飯就先到，見佢啲雞都好滑！椰漿飯之後亦都到咗，睇個賣相真係有少少失望，真係覺得係拼盤！將啲嘢放埋一齊，然後有飯~ 食落最好食係雞扒，但係都有少少乾嘅感覺！叉燒同豬扒就冇乜特別，椰漿亦都唔係太有椰汁味~ 所以有啲後悔叫咗！我朋友嘅海南雞飯就真係唔錯，我自己試咗一啖都覺得幾好食

今日黎到呢間星洲總廚，係食新加坡菜的，不過由於我未去過新加坡所以其實唔知道佢地既食物地唔地道，只係識分好食同唔好食🤣menu都幾多選擇，有set dinner亦都有二/四人套餐等等。我叫左海南雞飯，上枱其實都幾大碟，海南雞份量都幾多，食落雞肉都幾嫩滑幾香，有埋3個醬俾客人自己點。*張相影到份量好似好細，其實好大份架🙈我最深刻既反而係呢間餐廳既裝潢佈置，幾有特色同玩味。牆上面癡左好多星星，唔知係咪想代表「星」加坡呢？哈哈

大角嘴最出名的一定非食街莫屬，我諗果兩三條街加埋可能有超過100間餐廳🍴今次去呢間叫星洲總廚，係同行的一個住大角嘴的朋友介紹。一睇個名就知道係食新加坡食物，餐廳好colorful真係好有置身於東南亞國家的感覺。我點左小印度咖哩厚切豬扒配印度烤餅，有精心擺盤賣相其實都幾吸引，豬扒烤得好香而且肉質嫩滑，不過烤餅略嫌麵粉感太重。我點既係小印度咖哩，如果好食得辣的人可以選擇星加坡咖哩會更加辣，但係我覺得小印度咖哩都已經好足夠，因為佢既辣係越食越辣。🌶🌶

晚餐今晚去咗大角咀食，其實大全街成條街都幾吸引，但係就花多眼亂～ 就決定由尾食返上頭，見到星加坡餐廳（估計），叫星洲總廚，幾特別，就入咗去試吓因為我哋都算幾早食飯，所以店裏面唔算太多人，但係環境都好舒服，座位幾寬闊，一個人嘅座位有個半張枱咁闊🤣外牆設計都好靚，幾有特色，睇得出老闆花咗心機喺環境佈置😍餐牌方面，我覺得幾多元化，有啲似泰國嘢又有啲似越南野又有啲似新加坡野，不過因為太有特色，唔似大路我哋食開既種類，所以諗左好耐食咩～見隔離好多都食海南雞飯，所以我就叫咗海南雞飯，不過我就覺得偏貴少少！同埋叫咗凍奶茶～等咗大概5分鐘左右，飯菜就上枱！見佢擺得好精緻，真係要相機食先～ 佢用盤將飯同雞放喺一齊，感覺好整齊！亦都好衛生，我估係因為方便之後唔使整污糟張枱😂先講油飯，真係好正宗，唔會有啲白飯溝啲油嘅感覺～ 海南雞方面，雖然我就冇特別要求雞髀位，但係佢比嘅位置係背部，好正 一啲都唔銀，食落啲雞好滑，表面都滑到筷子夾都會滑走～佢俾咗三款醬，但係我淨係食一款，黑色果隻（其實我都唔知叫咩汁）🤣 但係撈飯食同埋點雞食都好好味奶茶方面，比較偏向泰式奶茶，比較甜，而且茶味唔濃，不過唔會唔好飲

大角咀越來越多食店，所以每每在這裡工作，都會預時間過來填肚，完事後已下午三點多⋯⋯決定過來Tea 吓先今次選了食新加坡野，星州總廚⋯⋯下午茶都很多選擇，有咖咉多士、豬排出前一丁、义燒蛋飯、雞肉配沙律，這次選擇了香菇肉醬鮮蝦溫泉蛋撈福建麵$42 另加$3配熱檸檬薏米。以下午茶嚟講，分量相當夠，味道唔錯，那肉醬有一點點脆口，很有星州風味，唯獨是那熱檸檬薏米，話明係熱飲，一啲都唔熱，室溫，杰撻撻好難飲，希望有待改善。

一個夜晚，一對無飯夫妻來到這間陳設裝潢頗為別致，特別以一幅由馬賽克拼砌而成的星加坡旅遊熱點魚尾獅像裝飾最為精彩吸引的「星洲總廚」吃飯。 一人一個晚餐，我揀的「滿堂椰漿飯拼盤」（ $68）的主菜有小印度咖喱牛腩、星加坡叉燒和香辣雞翼，此外，還有一大隻煎太陽蛋放在飯面，也有一些炸花生與青瓜片伴碟。這椰漿飯份量不少，是幾抵食的，我見旁邊兩檯顧客都有叫這個來吃。事實上，這椰漿飯也相當不錯，咖喱牛腩軟腍開胃；星加坡叉燒與常吃的港式燒臘叉燒的樣子有盡相同，味道過得去，但我不是太喜歡；兩隻雞翼就頗為香口和帶點兒刺激感。不過這飯的椰漿味不太濃，如果椰漿味重些的話，我會喜歡它多些。 老婆仔點的「招牌厚切咖喱豬扒飯」（$60）可選較辣的星加坡咖喱或沒有那麼辣的小印度咖喱，她選了小印度咖喱，還另加 $10把白飯轉配為印度薄餅。這「招牌厚切咖喱豬扒飯」我也試了少許豬扒，覺得豬扒的口感都不錯，配以香而不太辣的咖喱汁，都幾開胃。配白飯固然可然，配印度薄餅就更有風味。還點了「星加坡咖央多士」（$20），這多士做得挺好，我喜歡它還多於椰漿飯呢！ 貪新鮮點了餐牌上寫著總廚特別推介，星加坡傳統秘製的「凍冰糖

夜晚8點左右入去，唔使等位，但係啲位同位之間好窄。冷氣開完又好似無開咁。叫左個海南雞飯同埋福建蝦麵餐。個蝦麵OK，有四隻鮮蝦，仲剝埋殼。但就得芽菜同埋少少豬油渣係面，正唔正宗就見仁見智。至於個海南雞飯呢，本身搏到隻脾又排得幾好睇。但食左面幾舊，反開舊脾，發現啲肉根本唔熟。(請見諒食完至影，因為無諗過寫食評)最尾都無同老闆講，是但食完啲飯就算。係香港要食到好食既海南雞飯，啲雞有雞味，全熟又滑真係好難。叫杯凍檸茶，溶晒啲冰都係暖既。

本身對星咖玻野係情有獨鐘。邊到開我就去邊到食。心諗大角嘴都有好野。依間野開業到依家食左三幾次啦。但係佢最好食係vietnam 香矛豬排飯我唔明lo.今次個明爐 首先點解肉骨茶要明爐。。。全部都熟ga wo........佢配飯 但係個肉骨茶唔咸又唔夠濃，跟住要點豉油。跟著我成餐飯都係豉油撈飯。碗飯我最尾食左三份一。都好在，有個頭盤算係幾好食，星州叉燒 蛋黃魚皮（零食好食d）仲有兩舊黑色好好ge野 （menu 冇寫係咩）同埋有幾個炸三角形 同炸正方型幾好食架都。服務係茶記一樣

本身住附近，有日唔行過見新開，下午時間得一枱客，就試試吧。一試椰漿飯同肉骨茶，E，好味喎！到第二次晚飯時間去，隔左幾星期，多返少少人但係都未坐滿。今次試海南雞飯同咖喱牛（or豬？唔記得左...）飯，今次好味程度更高！涷白咖啡都係好好飲，男朋友本身無叫野飲，試完都即刻order返杯。第三次去食蝦湯麵同厚切豬排飯，麵軟左少少，但個蝦湯底幾特別，另外個飯繼續咁好食...雖然今次已經坐滿左客，但都keep到咁好食。希望可以繼續keep住就好喇！我地有福了 XD

環境清潔,燈火通明,地方好闊落, 好多一家人去食, 服務都唔楚！我6:15去到,點好菜大約6:30已經坐滿咗8成人啦！好啦叫嘢食啦! 乜都想試呀! 所以叫個細嘅小食拼盤, 內有2件芋卷😋😋😋😋, 2件春卷😋😋, 2件咖哩角😋😋,炸魚皮浸落去啲喇沙度都幾好食㗎😋😋😋😋,煎豬扒好冧(感覺好似放咗鬆肉粉咁太㝝啦, 味道可以嘅), 再叫咗個豬頸肉laksa湯麵,椰味唔係好夠香,不過,本人喜歡馬來西亞laksa多D,所以覺得可以嘅.豬頸肉味道唔楚,湯麵內有溏心蛋黃呀😋😋😋😋,又多芽菜,豆腐卜又入味,魚蛋可以啦！杯咖啡淡咗D, 再濃味D就好啦!細嘅小食拼盤豬頸肉配laksa湯麵淡咖啡一杯