星洲總廚 (大全街)

营业中

休息中

在同事強烈推薦下，我一早就想試吓這家「星洲總廚」的招牌厚切豬扒飯，但次次都苦無機會，有次特登去食佢又停電冇開，超級冇緣份😖今日放工特登再去大角咀終於食到！我6:00pm去到, 未到晚市所以冇乜人，老闆娘同埋侍應都好親切好友善，我仲聽到老闆娘好細心同其他客人解釋薏米水嘅製法，抵讚！講番佢個厚切豬扒蛋飯（配餐$60），就咁放上枱，外表已經好吸引，超級大碟之餘擺得仲好靚，原來塊豬扒足足有成八安士，啱晒我呢啲大胃王食肉獸，雖然好厚但咬落去非常之juicy嬾滑，完全唔會覺得柴，而且炸得啱啱好，又抵讚👍👍👍佢配果兩碟醬汁都幾特別，一個係甜豉油，另一個係類似酸辣醬，幾清新，不過我覺得個炸豬扒唔點醬都好好味了。😋另外佢碟飯連埋隻溏心蛋同啲配菜，隻溏心蛋又係無敵，咬落去d溏心真係超幸福！！不過佢個餐配果杯熱野飲就細杯咗啲（我叫左杯熱檸水），我見到隔離位叫凍飲大杯好多，同好似配例湯都唔錯。下次極有興趣試埋佢個咖喱，喇沙同肉骨茶！環境：8/10服務：9/10 價錢：7/10 食物質素： 9/10整體：8.5/10 👍👍

由於係附近返工關係，發覺大角咀都幾多野食！今日lunch同同事試左間食新加波野，佢推介左個咖哩豬排飯，有2款咖哩汁揀，印度同新加坡，都好濃好正！炸豬扒勁厚肉，炸得鬆脆嫩滑，份量亦好多，2個女仔share食都夠

突然想食新加坡食物，朋友就帶我去呢樹食啦。鋪頭都算企理，又夠開揚，環境都唔錯。想食嘅嘢有好幾款，都諗左一陣先決定到。先黎鮮蝦叻沙，上枱都幾香，湯嘅味道算ok，蝦都夠鮮嘅，我幾鍾意個碗，成件事提升左。要左個檳城椰漿飯，無諗過呢個價錢都算幾齊，味道都夠嘅，夠惹味，雞都算滑，飯唔會太濕，有汁送就爽皮啦，食得我地都滋味嘅。叫多一份烤餅，唔係哂咗啲汁（感覺都係要餅點汁先至正），ok呀，好味嘅。最後叫咗凍美祿恐龍，濃濃古古力味，中和番惹味嘅餅同汁。兩個人唔駛200元，抵食啦！

今次試試依間新加坡野，不過唔係好感覺到有新加坡味道，食完有小小中伏既感覺。無可否認個炸豬排都好淋，味道都唔錯。但其他野就略為失分。本來諗住唔食得太辣試下個烤飯同印度咖哩。唔知係咪唔屬於新加坡的關係，煮得真係有啲唔到家。怪又唔怪得佢既。咖哩得香料同辣味，但無乜味。個烤餅我諗住係印度果啲啦。點知又唔係好同。食落似烤麵包。餅乾味咁。個海南雞就不過不失，雞即肉質都有彈性，唔太差。雞都有啲味。不過啲汁就真係差啲。薑容好似淨係得啲薑味，無調過。個豉油又好單調，好普通。令到整個飯略為失色。只可講依個價錢就真係不過不失。

今晚食外賣叫左一份馬拉肉骨茶 加白飯 配有三粒油條$81三舊大肉 煲得好入味肉骨茶可以伴飯食 好開胃茶湯不重胡椒粉味 小朋友都食到另外叫左一份海南雞飯 平時海南雞飯 通常得六舊雞 呢個餐有成十二至十四舊舊舊都好多肉 份量數多 咸味適中 都只係$78@加两杯涷檸檬茶 total $179

話說，農曆假期前的某一晚在大角咀覓食🙌🏻 就選了這間新加坡餐廳，好像是上年年尾才開業的~ 這裡午市和晚市的餐牌是一樣的啊，所以晚飯來吃就比附近的餐廳便宜啊‼️還配老火湯/餐飲~ 當天是我喜歡的蓮藕湯😍我們選了兩個飯，第一個是 🐔 海 南 雞 飯 $65 (脾位加$5)這碟飯一到，就看到一大個”海南雞波”😂🌕雞脾肉每塊都超大，2️⃣層厚厚的堆成球形，結果真的吃不完啊😂 肉質來說，雖然難跟在新加坡吃的相比，但算嫩滑又有雞味🤤，是優質的香港貨色。不過另外的 招牌8安士厚切豬扒蛋飯 ($60)就不會推介了，豬扒是很厚身而且夠冧，但太油膩了，味道一般🙊 比較好吃的是煙燻溏心蛋。

平日lunch time 都幾多人下鋪面唔大 通常要等等望住個lunch menu 好似每一樣都幾好食咁選擇困難症嘅人 系咁好辛苦先揀到Ok 海南雞飯 $65 要脾位 +$5 幾大碟 雞又幾滑 飯唔太油 小編食唔哂幾抵食！

---------✏️招牌厚切八安士豬排蛋飯$60 (lunch)好食指數:5.8/10🤔報稱係新加坡菜既餐廳 點解變左係港式碟頭飯😌不過 唔緊要啦 lunch 預左係頹食豬排係厚既 不過經過高溫油炸 好油膩 而且醃得比較重手 比較適合重口味既朋友比較欣賞係隻糖心蛋 生熟度岩岩好 而且有淡淡既魯蛋味 隻蛋係高質既 食住隻蛋 令我諗返起日本拉麵畫面😭呢碟碟頭飯其實都好難用墨水describe 就係一碟好普通既炸豬排碟頭飯 記錄左打工仔返工食lunch 其實真係無咩可以強求------------------📍星洲總廚大角咀大全街57號地下

星期五晚7點左右已經要等位，等左陣已經入得，坐位較迫，似光鮮茶記。望到多人叫海南雞飯，唸住試下但望真下間離枱果份，雞肉帶血，即縮沙叫左蝦湯麵同豬頸肉炒公仔麵。蝦湯麵個湯底好野味，糖心蛋唔錯，蝦仁同麵底就普通一點，麵似軟身油麵。豬頸肉炒公仔麵，豬頸肉煎到好香，公仔麵好甜，另配酸辣醬汁，可淋落公仔麵到攪勻食。加錢配檸樂，已經叫走冰，都係比一大杯冰（連飲管都插唔到）店員態度不耐煩但願意倒冰，好彩可樂係罐裝唔怕加料。

由於想搞搞新意思試下新野，用openrice大神搵下有咩新野食，於是就冒住中伏既危機試試呢間新加坡餐廳!!!一入去就覺得裝修得好有心思，諗住都算係幾有誠意既小店🤔由於未諗定食咩，有幾樣野都想試，但又唔想👁️闊肚窄浪費食物，所以都諗左陣!!! 其間俾店員問左2次落單囉最終決定試海南雞飯同咖喱厚切豬扒飯雖然係送但都落足料同時間，舊肉係淋架，飲完唔會口渴加左$5轉脾，食得都唔差個幾蚊啦🐣夠滑又實肉唔韌，但唔明點解唔俾多格放食海南雞必落既黑豉油，配菜既味又唔錯好freash既感覺唯一不足既地方係當唔夠薑蓉要加，個待應可以拎去隔離台見到飲曬水都唔加水俾人由於怕辣，於是嗌左餐牌得1隻辣椒既小印度咖喱，冇嗌到新加坡咖喱! 其實小印度咖喱都唔辣反而有陣酸味(唔太岩我口味)，不過豬扒確實係厚切又實肉，連骨炸超香口但服務質素真係有待改善

檳城傳統椰漿飯。$60椰漿飯好香，雞扒出奇地好食，外皮煎得香脆，外皮脆但肉質嫩滑，有入口即溶的感覺，好難忘仲有炸魚仔花生，全部都好香脆，送飯一流！連個溏心蛋都好滑哦！豬頸肉喇沙。$58豬頸肉香脆，完全唔油膩，份量好多！配料有芽菜、魚片、豆卜米線滑溜，個湯底好香濃，椰香味重，足料湯鮮甜啊今餐可以揀老火湯或者飲品，我哋一個揀咗湯，一個揀咗杯熱奶茶，奶茶感覺唔錯，尚算幼滑，但略嫌唔太夠熱！黃瓜瘦肉老火湯湯水入味，連湯渣既肉好嫩喎店員仲送咗小小黃金魚皮俾我哋試，星加坡最出名嘅黃金魚皮好香鹹蛋黃香味，而且夠香脆服務唔錯裝修優雅環境安靜舒適價錢食物非常合理

Facebook 大角咀谷友推介，大角咀有新開食肆"星洲總廚"味道不錯，價錢親民！！一於要去試一試！！餐廳位於大角咀福全街，不太起眼，一不留神就Miss 佐。是日，我們試了午餐，價錢大約六七十元，包一般熱飲。有部分飲品需加錢，都是十元八塊點了一個"雞扒叻沙"雞扒是炸的，皮脆肉又軟滑，幾好味，不過就油佐少少，如果隔一隔油或用吸油紙吸一吸先上就更好。叻沙味香濃，好味！！另外點了"鮮奶白魚頭米線"米線送上來很香魚香味，魚湯煲得很白，沒味精，只是味道偏淡魚頭是用三文魚頭，味道其實都唔錯，但三文魚頭太肥，如果轉用鯇魚頭，應該更好味。這餐整體來說都好味的，但略有少少不足。所以過兩天，我們決定再幫襯，試埋星加坡菜最出名的"海南雞飯"同"肉骨茶"晚餐MENU 同午餐價錢都差不多"馬拉肉骨茶"餐包配白飯、油條同油菜肉骨茶味道夠香濃，我很喜歡，但豬肉就有點兒"鞋"，如果可以改用"一字排"，咁就可以連骨都食埋啦。"海南雞飯"轉脾位都是加$5, 性格比高，而且個雞很滑，讚總覺得食海南雞飯要配返個湯，可惜我們已點了餐飲，所以就另加＄5, 加了個例湯，今晚是"老黃瓜湯"味道不錯，無味精最後餐飲我加了$3 要了一個

再次光顧這小店，今次又多了一重驚喜。第一次去時，因是新店初開，餐牌上只有套餐，選擇不多，當時嘗試了他的咖喱厚片豬扒和海南雞飯，已覺得非常美味，而且價錢算便宜，所以今次多約了幾位朋友前往。除了豬扒及雞飯，今次預訂了奶油蝦和酸甜蝦，菜上枱時，賣相已令人驚艶，細味過後，更是讚嘆不已。奶油蝦香味撲鼻，覆蓋上面，如肉鬆般的旦絲也給我們吃光，酸甜蝦味道令人開胃，還配上黃金炸饅頭，沾著醬汁吃非常可口。餐牌上還看到有蕉葉參巴虎蝦，下次一定要試。豬扒和雞飯仍很有水準，也吃到了肉骨茶，魚湯浸菜和燻旦，今餐非常滿足，朋友也說好介紹。

見大角咀街坊推薦，今日試左佢地個豬扒喇沙，份量都足，而且豬扒係新鮮炸。不過我覺得喇沙嗰味太淡，啲面更加無味。朋友叫豬頸肉喇沙，豬頸肉應該一早整好左，係凍嘅。整體感覺普通，食物質素可以提升。

自己是一個海南雞的忠實fans，中午的時候才吃了少爺xx（價錢其實也不太相宜）但忍唔住想食多一餐，經朋友介紹下，強烈建議我一定要到這裏來試試。由於有寶貝在家， 帶了外賣回家，早20分鐘致電，去到後剛剛準備好四個人晚餐份量如下（總數$317！非常抵食）1）糖心蛋小食2）清炒菜心3）海南雞半隻4）豬頸肉喇沙5）小印度咖喱厚切豬扒配印度薄餅6）雞排飯心水推薦top 3! 1）海南雞！覺得又滑又有雞味，食過新加坡文華，覺得仲比佢好食。（當然大家食文華可能係食環境）2）糖心蛋🐣跟飯有雞蛋送，但唔係煙熏。小食呢個係煙熏糖心蛋。有淡淡菜香。3）厚切豬排好鬆軟的豬排！揀的小印度咖哩屬微辣，好惹味！呢間餐館絕對係家常便飯之選，價錢相宜之餘質素好好。見到外賣packing細心，餸、菜、飯三開三格。喇沙除左湯同麵分開，餸都係另上。聞說老闆老闆娘是兩夫婦，難怪感受到餐廳的食物有愛心💗唯一希望遲些網上外賣平台或food panda可以order；不用周圍走。