星洲總廚 (大全街)

营业中

休息中

馬拉肉骨茶 $68 肉骨茶有杞子，藥材味較重。肉骨🍖夠淋，易咬，但唔算太入味。附帶既黑醬油微辣🌶整體而言，中規中矩，唔太驚艷🐒 生菜🥗口感爽脆，煮得唔油！平時好驚出街食菜，因為會好油，哩到完全唔會🤩厚切8安士豬扒叻沙 $64厚切豬扒🐽豬扒厚度十足！係名乎其實既厚切豬扒~炸衣好薄，肉質鮮嫩，口感軟淋多汁😍豬扒醃得夠耐，直接食都夠曬味~做得幾好，有驚喜✨差唔多每台客都食緊厚切豬扒飯或者豬扒叻沙就知應該唔差😋 叻沙🍜湯底椰香味十足，夠惹味！米線較淋，質地軟滑，掛湯力頗強，會令人食到停唔到口，一啖接一啖咁吸入😙 配料有溏心蛋、豆卜、魚片同芽菜溏心蛋🥚質地較軟，流心效果一般，唔算入味豆卜唔夠吸湯魚片彈牙芽菜偏淋，可更爽脆🧐整體而言，食物味道唔差，份量十足，值得一試🍽

豬扒真的份量十足👍大大件厚切豬扒很入味 湯底也很香濃 但跟餐的免費熱飲非常小的一杯 另午餐時段排隊的人較多 今日大約等了半小時才入座呢 但一試便知道為什麼人潮不斷了😂朋友還試了他的海南雞飯 雞肉份量很多呢

要發掘美食我會推薦黎大角咀，好多店舖唔單止菜飾特別，而且價錢亦相當大眾化，味道仲唔錯添。今次黎到位置都比較偏僻嘅星洲總廚，餐廳主打新加坡菜。店舖位置都幾多，不過始終舖面細，變左都幾逼夾菜式種類多，不過見到隔離檯嘅豬扒好大塊，所以就決定食招牌新加坡咖哩豬扒飯先講賣相已經好吸引白飯整到成個貝殼型，好喜歡佢嘅碗碟都好有美感，伴碟嘅蔬菜份量多，令到成個餐營養更加均衡，而且唔會得白烚嘅味。主角豬扒真係好巨型份量就好似平時出面食嘅兩塊咁，外脆內軟加好juicy，啖啖都好厚肉，正而咖哩汁就不過不失，反而淨豬扒都已經好夠味，所以淨係撈左好少汁食。餐飲點左凍奶茶，估唔到佢連飲品都做到咁出色。飲品器皿特別，奶茶特登做到有雲抹嘅效果，飲落茶味香醇，好滑口，係啲冰多左少少，好快就飲晒同事話佢嘅海南雞飯都好正，份量都好大，不過中午黎食飯就預左要等位喇，因為真係座無虛席！

見佢每日中午同晚市都要等位，就搵日去試下，點知一食就上左引。咖哩同喇沙都好味，重點係超大大大塊豬扒又厚切。大到跟本食唔哂都只係賣$6x。咁既價錢咁大份量同質素，真係諗唔到有乜可能唔推介，去大角咀記得試下

大角咀一向有好多隱世美食，今日就試下呢間食星洲菜既鋪頭。呢間鋪我覺得都幾難搵，係巷仔入面吾係大街，不過見附近都好多吾同既餐廳。原來餐廳開12點，應該岩岩開門所以未有好多客人。午餐餐牌，包一杯飲品：海南雞飯（脾位）🐥🐥脾位有雞脾加翼，好大份。雞肉好滑有雞味，好香。油飯吾同平時食果啲，應該餐廳自己調味過，個飯食落吾油，有飯香而且一粒粒其實有3種醬汁，不過我都無沾，就甘食已經好正！厚豬扒配喇沙🐷🐷一上枱哇！好大份，滿滿一大碗喇沙，仲有好大塊豬扒豬扒係厚切，真係好厚，食落鬆化有肉汁，連豬扒都食到醃製過既味道。外皮無炸粉，應該只係沾左生粉就去炸，好香又吾硬！喇沙湯底好香椰奶味，飲落超濃味，豆卜吸哂湯汁，好食。個米線🍜覺得淋左小小，癡住一pat，但連湯食就好正！餐廳裝修都幾令，環境坐得舒服，以大枱為主，員工態度友善。我地食完走既時候就見到不停有人入泥食野啦，應該中午食飯時候都幾旺。。

好多人的餐廳，早食所以有位。叫了農夫包汁另上，送的西洋菜湯很足料，豬腱，粟米紅蘿蔔西洋菜都有，非常夠火候。農夫包鬆軟亦脆，預先切開易食半個，每件包都切開了一點容易分拆，誠意細心。印度咖啡是masala印度咖喱汁,食過印度野會知我講乜。新加坡就是椰香汁，較辣, 但兩種汁都好好味。另外最出色是炸的雞扒豬扒，農夫包的無骨雞是雞扒。兩種扒都是厚切而且軟腍，很香，見到都食指大動。咖啡豬扒飯加了飯，其實所有食物都很大份量。店員也很細心周到。大角咀真係好多好野食。築匠日本菜，麥金肉骨茶，都回味無窮，各有特色。區區食玩遊-大角咀

值得推介 講到食，咩都係假，最緊要d0野好食! 以5為最好。食物質數: 1. 個炸豬手八真係好好食，香脆得0黎好juicy好耐冇食過咁好食! 佢似係生炸2. 海南雞飯雖然冇叫雞脾，但佢個雞胸都算滑，叫做有交代啦！ 份量都叫做多,雞肉都夠，有d店舊舊都係骨。3. 個例湯都值得一提，雖然佢個味唔係超甜，但佢個豬肉真係估佢唔到咁滑咁淋，抵讚!環境:乾淨企理，佢冇話咩豪裝，但感覺都舒服。雖然有小小窄，但可以接受。服務: 阿姐服務都叫ok. 一般小店俾咁0既錢你都唔會有好大期望，佢叫合格。價錢: $60-70個午餐，叫做咁上0下啦～ 有0既食同一個湯或飲品。總結: 咁0既價錢有咁0既食物，我會再幫襯囉!

係大角咀番工既好處係，午餐有好多好餐廳，已經食過好幾次，回頭率咁高當然有原因，午餐款式選擇多，味道唔錯，價錢合理，好似我地幾個人仲可以嗌多幾款試下。😋😋-呢個真係要隆重介紹，個名有啲長，星加坡叉燒香菇肉醬溫泉蛋撈麵。👍🏻👍🏻超級無敵多既肉醬充滿濃濃花生味，仲有好多叉燒、香菇同花生碎粒，撈埋溫泉蛋成個味道好豐富口感濕潤，豬頸肉又係勁香勁多唔洗講，呢兜野非常邪惡但真係好鬼好味，連我減緊肥都豁出去一口接一口呀。😭😭古早味福建蝦湯麵，湯底唔錯，四大隻新鮮彈牙蝦蝦同半熟蛋蛋，個麵去左邊？俾啲餸淹沒左囉。😂😂招牌8安士厚切豬扒飯，性價比奇高，豬扒有兩大塊，真係勁厚，煎到好香口但都係軟𣺉𣺉唔會韌。🥺🥺

星洲總廚喺大角咀區內應該都幾出名，次次黎到都要排隊等。今次中午黎食lunch，都等左起碼20分鐘先入到去。入到去間鋪就唔係好大，每次都坐滿咁滯，要同人搭檯坐。我今次就叫左小印度咖喱雞肉配烤餅。佢啲咖喱都幾香，而且又唔會好辣，岩哂唔食得辣嘅我。啲咖喱都幾大碗，裡面大概有5，6舊雞到。同平時食嗰啲咖喱雞唔同，佢嘅雞肉好似有煎過咁，塊皮脆脆地，幾好食。咖喱配埋烤餅真係一流唯一美中不足嘅係啲烤餅分量有啲少，食完之後仲有好多咖喱剩低。如果可以多翻啲就好。朋友叫左招牌咖喱厚切豬排飯，有得揀星加坡咖喱(較辣)或者小印度咖喱(少辣)。雖然menu寫小印度咖喱係少辣，不過其實我覺得一啲都唔辣。飯嘅分量唔算多，反而覺得豬排都幾多下。食完之後都好飽。雖然豬排係有少少肥，不過真係幾好食，完全明白點解依間鋪每到lunch time都咁多人排隊。下次值得再encore

之前食過兩次，呢間餐廳嘅出品都算係大角咀區有誠意，今晚紋青要打比賽，就黎食少少野先🌝前兩次都係食lunch set，較dinner set多選擇，呢度出名嘅厚豬扒同雞扒都請過，的確juicy 又有肉味🤤今次就試蝦麵同灣仔蝦麵店相比，灣仔湯底較重蝦味，都較濃。呢度就屬較輕嘅味道，蝦肉未算好新鮮。香煎檸檬草無骨雞，雞扒黎嘅，所以肉都香滑，呢度豬扒雞扒一向唔差👍🏻整體香口非常，配以青檸汁更refreshing 黎嘅話要預多少少時間呀，呢度人手真係少，埋單落單收錢上菜執枱都係得兩個姐姐，如果full house 落左單都要等下，今晚就等左40分鐘先上齊😴

情人節在app落左單，等左一小時，打去餐廳先話無餸（係整個訂單都無），又唔同app反映，打去先話無，極度不負責任！有無搞錯唔係大時大節先搞D咁嘅嘢呀，煮得再好食這樣開餐廳你叫人點去呀？打去又話唔關佢事，重賴app個系統問題！！一定黑名單這家餐廳！建議大家也不要在這家餐廳訂餐，隨時好像我這樣過了用餐時間才知道沒有的吃，宜家9點幾先再同老婆出去找野食！！最慘係D伙計完全無休做，話找老闆娘投訴她。。。

大角咀一係美食多，不同地方的特色餐廳都有。聽聞住附近的街坊也很喜歡這間星加坡菜，所以特意和家人一起來試試。海南雞雞肉嫩滑，這個最好吃。麵包咖喱雞肉，麵包烘得香脆，煎香的雞肉配咖喱一流。麥片蝦，炸得鬆脆，蝦大隻肉彈。肉骨茶香濃，藥材足料，豬肉鬆軟。串燒不錯！咖哩香辣，配鬆軟印度烤餅。另叫了湯～味道不錯

估唔到早一個星期六食團年飯會咁full，本來諗住係奧海城食，但已經滿座。臨時臨急搵左呢間新加坡🇸🇬菜。店面細細，但我地8大三小都夠位。侍應幫我地拍左桌和椅。叫左一個四人餐和一個二人餐，另外再點白飯和菜。最好食係麥片蝦，好大隻，而且好香牛油味。炸既碎碎用黎撈飯一港。肉骨茶都好香濃，但又唔會好藥材味。麵包雞既雞扒皮脆多汁，雞肉都好入味。而麵包加牛油焗得脆卜卜魚湯娃娃菜都夠淋小食拼盤全部都係熱辣辣，即點即炸

行入大角咀內街，星洲總廚海南雞脾飯，油飯一粒粒唔會一舊野；魚湯娃娃菜魚味濃，小食拼盤樣樣出色，豬頸肉唔乾剛剛好呀二杯飲品加幾蚊雞，最後食多串豬肉串燒，好野味又有肉汁，比九龍城果啲好食。會再黎的！💗

昨天去奧海城後，想幫襯下小店，所以就去左呢間星加坡餐廳。平日好少食新加坡野，最多都係食下海南雞。所以今次都試下呢間海南雞質素如何。海南雞好滑，雖然骨位有少少血色，不過如果太熟就會”鞋”和韌。另外，隻雞都好多肉肥美。仲點左串燒。得六串串燒，我姨甥女已經食左兩串，見仲有一串，就不斷問邊個未食串燒，其實係佢自己好想食埋佢😂😂，可見串燒都唔錯，才能俘虜一位四歲妹妹既心。三色咖啡☕️幾特別，樣子都幾靚，味道ok。