星洲名廚 (已結業)

本來一心再訪譽面坊吃炸雞米線, 誰不知沒開! OH MY GOD!唯有在附近找找其他, 老公說吃翠華, 我才不要吃集團式的機械飯, 而且很貴耶...來到這家門前, 看到咖哩厚切豬扒飯的照片, 看起來很香口, 決定一試.果然!又大塊, 厚身而且香口, 熱騰騰的, 好吸引, 一口咬下, 不乾且咇出沖脂~~邪惡但我愛!!哈哈咖哩香辣帶椰香, 不錯.白飯很多, 但算硬, 不能吃光~~

午飯時間都幾多人食，幸好我只是一人，即刻可入座，不用排隊！第一次試這裡的肉骨茶，上次係食招牌咖哩厚切豬扒飯，好好味，咖哩香濃，厚豬扒一D都唔un！差別好大，早知叫番招牌野，肉骨茶拿來的時候是暖的，味道好淡根本就冇肉骨茶本身應有既藥材味道，就好像煲湯骨頭一樣，但普通例湯比它還有味道，幸好醬油膏味道夠，唯一可取的是分量還可以！下次還是食招牌菜

咖喱牛腩農夫包，個包脆既，牛腩小淋但唔係好嫩，呢隻牛估計生存到青年，係青年危機既時候被 屠宰，所以肉質有啲抑鬱。 福建蝦湯麵， 普通到唔記得係咩味 ，所以係普通既湯面味。材料尚算新鮮，蝦是爽的。驚艷到我既厚豬扒，首先有兩隻手指咁厚，醃得唔錯，食得出豬生前都幾開心，肉質鮮嫩，炸得岩岩好外脆內軟。喇沙好味好多，椰奶同咖哩味岩岩好，米粉豆卜吸晒湯汁，rich豬頸肉撈丁, 普通既豬頸肉加公仔麵加銀牙，銀牙！影到唔知想點既肉骨茶，有藥材味，keep 住煲幾入味。海南雞飯，雞肉岩岩好熟好嫩口，點是油醬最好味，但雞皮肥左啲。紅豆冰幾好飲

今次又黎幫襯，叫佢個名廚咖哩厚切豬扒飯餐，餐包湯同飲品，當然，唔會期望個湯同飲品有咩超水準之作，就係簡簡單單正正常常就算。個咖哩厚切豬扒飯一上枱個樣都幾得，豬扒夠大，色水炸得岩岩好，咖哩夠香。先試咖哩汁，好濃既香料味，但唔會太辣，鐘意重香料既朋友，不妨一試。豬扒夠厚身，大大件，而且帶肥，多肉汁，入口唔韌，又唔會有用鬆肉粉既感覺，難得！ 呢間餐廳初初係土瓜灣開業時，成日排隊，佢既面包咖喱雞、海南雞飯、肉骨茶我都食過，整體都係幾滿意，就係貴左少少！同埋坐位太迫，坐得唔舒服，食品水準都重算係有保証。

一個人食午餐，全場第二位客人，被安排坐走廊边2人檯仔，OK，無問題。冇幾耐，佢哋居然安排另一位一個人的客人搭我柱檯，但裏面有大把吉位，而且D檯是可移動組合的，使唔使搭張檯仔呀，我哋兩個客都奇怪，我咪話唔使搭呀？那人便被安排到另一張。冇幾耐又有另一人，又係咁，今次係另外個客要求坐入面。到我差不多時仲攪笑，有一家3人坐緊張長檯，但可分為2人及4人的，這家人坐在4人檯位置。有另一家3人，佢哋居然叫人搭檯坐埋一齊，但裏面有幾張吉檯喎，我見到都得啖笑。食物一般！

【2015 年 4 月】儍爸好鍾意飲肉骨茶朋友去星加坡都會買些肉骨茶湯包比我們做手信方便我們在屋企煲嚟飲但這日儍爸突然話想食肉骨茶，一時間又點煲到比佢呢 ???梗系落街食喇 !!!星洲名廚位於土瓜灣，是街坊食店，它的精選晚餐選擇不少的儍爸想食的肉骨茶都有套餐 ... 一人份量 HK$65有肉骨茶、油條、白飯、白灼時菜、還有飲品肉骨茶裡面有很多排骨，還煮到好入味，點少少黑醬油食香甜好味肉湯不油膩，又不會太重中藥味，至鍾意將油條和飯加埋肉湯一起食另外，點了份海南雞飯套餐和豬頸肉撈麵餐奉送足料老火湯 ...海南雞飯套餐 HK$55 ... 有 4 份 1 隻海南雞、雞油香飯、白灼時菜雞肉嫩滑，兩隻小魔怪鍾意點黑醬油，而我就鍾意加少少薑茸和辣椒醬一起食飯吸了雞油和雞湯的精華，不須餸菜單食也可以 名廚晚餐 ... 豬頸肉撈麵 HK$463 個餐都附送咖啡或茶 ... 汽水 +HK$6，儍爸和小魔怪分別 +HK$3 轉飲凍檸茶而我轉飲熱拉茶就要 +HK$12 ... 真是有少少貴，不太捨得，都是儍爸幫我點的我諗貴在拉茶面層手拉出來的泡泡，但是泡泡不夠多和幼細** 以上分享以我的口味、喜好和情況作出

香港美食處處，土瓜灣是近來崛起的地區之一。單是短短一條北帝街，選擇已經多不勝數。一於由星洲名廚試起。茶餐廳的裝潢，賣的是星馬菜。有晚餐，有散叫，選擇不少。椰漿飯，配豬頸肉和咖喱雞扒套餐配老火湯和餐飲。拉茶要加＄12，有點貴，但奶和茶都很香，而且很滑。椰漿飯乾乾的，帶點煙韌，有點像糯米，邊咀嚼邊享受清香的椰漿味，很好吃。豬頸肉雖沒有炭香，肉不爽口但很腍，很入味。雞扒都幾嫩，煎得香口，咖喱再辣點就更惹味。豬扒叻沙叻沙有豬扒、雞扒、羊扒，另有蝦麵。湯底很香，椰漿味濃，辣辣的很滋味。芽菜爽口，魚片彈牙，還有3粒獅蚶，但獅蚶很細粒，也欠鮮味。米粉掛滿叻沙湯，很入味。豬扒跟叻沙有點格格不入，倒不如配個串燒作前菜更吸引。幸好，豬扒煎得非常香口，外層香脆，肥瘦均勻，肉質夠嫩，很好吃。＄60的晚餐，吃得飽飽的，味道也不錯。唯獨熱檸茶有點苦，不推介。店員頗友善，服務不錯，上菜也很快。

執相時發現呢幾張相，居然遺忘了它。於是立刻寫番個食評先。餐廳不大，當天人數亦不多，坐了一會感覺好熱，真是好熱。請侍應開大一些冷氣，他說已開了。因其中一部有間題，只可以開一部。此時，心中已經打了折。好，食野先。喜愛海南雞的我，第一次去食，一定要試一試。上檯時，見到隻雞都幾好，醬汁跟在新加坡食的一樣，有薑，醬油及spicy 醬。先飲湯，簡單2字-無味！！ 飯，白飯一碗。雞，如下圖。生到不得了，沒有味，肉尚算嫩。失敗！好喇，椰醬飯。完全無椰醬味，幸好豬頸肉可以入口。配菜沒有亞統我花生碎等。呢個價錢，我一定建議大家去好x. （可參考我另一個食評）

叫左個肉骨茶套餐，$60無加一服務費肉骨茶鹹味剛剛好，藥材味有 而適中 但唔係濃味，排骨既肉煲完後好易咬，老人家都食到！總括：好味！但如果藥材味再重點會更完美, 會因肉骨茶再去食。

沒來這間「星洲名廚」兩年有多，這一天，又再幫襯。吃的仍然是「海南雞飯」，喝的仍然是「馬來拉茶」。這兒的海南雞飯足有四份一隻雞之多，實在給得慷慨，雞肉嫩滑，水準是不錯的，湯與菜則只是普通，至於海南雞飯的另一靈魂油飯，這兒則做得不錯，有飯香得來又不會太油。「馬來拉茶」在香港愈來愈難喝到，這天可以喝到，特別感到難得。這兒的「馬來拉茶」不算異常香濃，仍然及格，能夠喝上一杯，已感滿足。

決心同老媽試勻土瓜灣食街的名店上次飯後路過，見呢間門外有十數人等候，即時將餐廳列入名單第一位次周末不假思索的走入餐廳，又不假思索的叫了最多人點的海南雞事實上餐牌上選擇寥寥可數，多數係套餐，但平日返工已經早午都係套餐周末當然要豪d, "大餸"（即食餸唔食飯）下啦....無計，唯有叫了肉骨茶餐、福建蝦湯麵、海南雞半隻，青檸蘇打、椰青想炒碟菜都無海南雞最多人叫，滿以為是鎮店之寶...　點知係走左雞味的白切雞，而且肉質有點粉有點林，感覺不太新鮮唯一可以讚的係有兩碟醬，我地一人一碟唔駛爭肉骨茶係可以的，排骨夠林，如果個人認為d汁再濃d梗d（藥味勁d）仲好福建蝦湯麵，只能選米粉或麵，但我總覺得呢種濃湯要配米線先好食蝦一看以為有料到，似新鮮蝦，可惜同海南雞一樣，係走左蝦味的蝦，肉質一樣林林地...而且好似煮耐左，溶溶地....青檸蘇打叫走冰，侍應哥哥話無得走冰，只能盡量小冰我的下巴掉到地上，回過神來，再問點解，哥哥話係老闆的意思，無得走冰云云....我估係因為佢地唔想蝕左d蘇打，所以堅持加冰開稀哥哥仲話茶餐廳都唔比走冰，我真係第一次聽...椰青本來應該唔會錯啦掛....但椰青都滾左啡色邊（氧化），相

日夜如是，每次路過都有80%顧客在裏面用餐中，座落於土瓜灣 “食街” 的 星洲名廚 其實小妹已光顧好幾次，這次終於忍不住要上Openrice讚一讚這裡的美食和優質服務態度。這裡的海南雞飯雖然沒有去骨，價錢卻比其他餐廳便宜幾十元而且大碟。有時候雞骨會有點紅，只要告訴服務員想要雞骨熟一點他們也很樂意。顧客亦可加錢選擇要雞腿口感滑溜點，油菜、例湯都是附送的。沒有10%服務費，但服務好食物質素高的餐廳在香港真的越來越罕有呢！光顧幾次都只吃海南雞飯，下次小妹都要試試肉骨茶呀、咖哩雞販啦！

上個星期同屋企人去咗食星洲嘢，嗌咗個肉骨茶同咖喱豬排包。原以為會唔夠兩個人食，但係原來個豬排包好大好飽，可惜啲咖哩偏辣，如果唔食得辣就可能唔係太啱。肉骨茶幾滋潤，飲落好舒服，藥材味都幾重，肉都煮得幾冧，幾好食。

剛於月初去完星加坡, 對當地的美食念念不忘。恰巧要來土瓜灣, 便找到這間評價不錯的餐廳, 便二話不說的選擇了這間。大約 8:00 PM 來到, 見到門口有7,8 個人在等位, 問了 SERVER 攞飛, 兩位唔洗等, LUCKY!想要肉骨茶, 點知賣晒。所以叫了海南雞飯(油飯)飯很香, 很彈, 連不吃飯的我都忍不住多吃了幾口!!雞肉鮮嫩, 不錯。咖喱雞焗包份量很多,很多雞, (當然有骨), 咖喱汁伴著脆脆面包, 好味道!由於太懷念星加坡的叻沙, 忍唔住叫多個海鮮叻沙。份量超足!! 湯底味道夠濃, 海鮮亦不失禮, 令人如置身於魚尾獅旁。很飽, 很滿足的一晚。

今次是第2次來，也是晚市第1次。點的是耶漿飯和肉骨茶。前者整體(包括配菜)味道正路，其中一塊雞扒肉有脆皮啊!至於肉骨茶，肉不夠嫩，但湯不苦，香之餘藥味比起其他地方較淡，係相當適合怕苦之人，可說是"入門者之選"。今餐2個人食，埋單不用一百廿元，算抵。19:30左右入座時即入，尚有一兩台「吉」，出來已見人等位，LUCKY