星洲名廚 (已結業)

今次又黎幫襯，叫佢個名廚咖哩厚切豬扒飯餐，餐包湯同飲品，當然，唔會期望個湯同飲品有咩超水準之作，就係簡簡單單正正常常就算。個咖哩厚切豬扒飯一上枱個樣都幾得，豬扒夠大，色水炸得岩岩好，咖哩夠香。先試咖哩汁，好濃既香料味，但唔會太辣，鐘意重香料既朋友，不妨一試。豬扒夠厚身，大大件，而且帶肥，多肉汁，入口唔韌，又唔會有用鬆肉粉既感覺，難得！ 呢間餐廳初初係土瓜灣開業時，成日排隊，佢既面包咖喱雞、海南雞飯、肉骨茶我都食過，整體都係幾滿意，就係貴左少少！同埋坐位太迫，坐得唔舒服，食品水準都重算係有保証。