星泰真味 (已結業)

近排真係太忙了，到今日先有時間打食評。差小小打漏左依份高汁豬手飯。其實平時食晏仔有時真係為左解決一餐問題，食完又做嘢。所以對味道要求唔太就，有幸食到好食嘅真係會滿足一日架。而依餐豬手飯就成功令我開心左一日，仲令我成為回頭客添。地方黎講，比起普通茶餐廳，依都都坐得幾舒服。入正題！唔好睇佢個樣唔係太靚仔，但内在真係超岀我所想。首先，份量大大份不在話下，其實我係食唔曬的！真係好大份。依碟豬手真係比好多餐廳嘅豬手岀色！皮帶有小許咬口，但一啲都唔乾，入面嘅脂肪分佈得好好，同皮好夾，啲肉都好嫩。份豬手好似炆煮左好多咁，真係好入口好好食！！味道方面都好入味。對於一個打工仔黎講真係不錯！不過如果佢啲汁可以多啲真perfect 啦！不過呢，佢嘅嘢飲凍奶茶真係好甜好難飲！！有啲奇怪！