星林居雲南米線餐廳 (已結業)

工作關係經常會打電話去星林居叫外賣自取，平時聽電話既喂完就會放低電話收錢，通常等一陣我係無所謂，同埋成日食我都慣左呢個模式。近期我打去叫外賣時，我每次講完我要咩餸，佢都用啲好質疑既態度問我係咪一個餸，有次佢仲連續問左我3次'一個餸？一個餸咋？一個餸咋係咪阿？'，咁我忍唔住就問佢係咪唔可以叫一個餸，因為佢每一次都態度差仲要咁樣問，大佬，你有無寫明幾個餸起？定你想我叫餸叫到放題咁阿？成日都係咁都算，今日我打電話去落完單我問佢個外賣幾耐左右攞得，我問左3次，可能有重疊佢講野佢聽唔到，但點都中一次掛，佢一野就cut左我線。咁我就即刻打去話我個米線幾耐攞得，同問佢做乜cut我線，佢話「我放低電話就聽唔到嫁啦」，咁我話我問左你3次喎，佢話「我而家都聽唔到你講野阿」再cut我線！我火都來埋，即刻就上去舖頭，一去到我就話係咪佢聽電話，佢話係，我問佢乜野服務態度咁樣cut人線，佢「我放低電話就聽唔到，聽唔到就收線嫁啦，我好多野做嫁，唔係淨係服侍你阿」，爭拗其間佢仲同我講「你可以投訴我嫁，投訴我丫，我姓盧(如果我無聽錯)」，我話我見到你老細岩岩落左去丫嘛，佢「係阿，你追落去丫」，點解可以衰到咁？請到呢d員