星林居雲南米線餐廳 (已結業)

今晚特登去哩間嘢食米線，其實之前已經食過幾次，但上次揀咗小辣同多酸，辣到我食唔到，今次哩個配搭剛剛好 如果你要多芽多韮菜嘅話，真係會好大碗，大到成坐山咁高，三十幾蚊，仲要咁好味，認真抵呀。坐位係會迫少少，但係如果好味，迫 d 都無所謂啦，今晚仲叫咗杯青檸梳打，特價九蚊杯咋，都幾 ok 喎。每一次去食，都唔係等好耐，約 5 - 10 分鐘左右有得食啦。講真，我暫時未食過一間比哩間更好味的米線！

幫襯佢好多次, 味道都ok, 我幾中意佢夠哂酸! 不過朋友話佢d汁應該幾"毒", 因為佢個人係比較敏感既, 一食到"毒"d既野就即刻生飛滋同埋依間野係衛生方面, 認真麻麻地, 睇d枱你就知樂道環境比金馬倫道差d - 希望佢地可以改善一下

尋晚食唔飽, 今日又訓過籠冇食早餐, 幾乎餓到暈! 終於崖到食午, 即刻衝左去食米線.叫左個炸魚皮米線, 再好貪心加左腩肉, 蘿白同紅腸. 嘩! 真係好大碗, 我咁餓又一向大食, 結果都食唔晒!最欣賞d腩肉, 切到薄薄地, 好入味 (不過menu話係辣既我就食唔出). 蘿白雖然係好腍但我覺得冇乜味 - 我知道有d餐廳會用豬骨湯煮蘿白等佢地入味, 呢間好明顯唔係. 仲有d紅腸唔知點解有浸油老味? 見又唔似係炸過黎喎....奇怪.....湯底唔錯, 我叫左個中辣, 都食到有麻痺既感覺, 總體上及格!最後想講記得唔好加太多"送"啦, 真係會食唔晒.......

其實我好鍾意食呢度啲米線,煮得好入味!由於我係附近工作,一個禮物都去兩三次!其實坐得迫都唔介意,但係個度啲員工實在又無禮貌,做野又慢,又黑口黑面,一食完就走埋黎收碗等你快啲走...如果我係老闆,我一定炒哂去! 仲有我都唔知個厨房係咪得一個爐,經常等碗米線等左廿分鐘有多,又唔係特別多客等緊喎...所以食飯時間我一定唔會去!我早幾日打電話去叫外賣,坐櫃檯個新女聽電話十分之無禮貌! 今時今日噤嘅服務態度係唔得咖...

之前幫襯過這店的金馬倫道店，覺得不錯，這晚來"總店"試一下。babe說，這間的湯底比較濃味，我卻吃不出分別來，只是覺得蘿蔔好像沒那邊淋和入味。金馬倫道那間比較寬敞，坐得較舒服。

今日突然之間想食米線,之前又食過呢間,感覺上不錯,所以專登走到尖沙咀再幫襯!!八點幾去度,唔洗等位!!蘿蔔+ 豬大腸+ "月南"肉(小小辣)蘿蔔: 仍然保持水準, 入味,林林地豬大腸+ 月南"肉: 份量小左好多, 對上一次食係多好多因為蘿蔔好食,但係其中2 樣既份量小左, 最後終於發現左點解同上次有D分別原來個湯底淡左,只係得辣味,好似飲緊辣油咁"所以今次食完都係比中立!!

成日都聽人講呢間食米線好味, 今次終於有機會試下。入到去,見到d坐位好迫，可能果時多人, 坐得好唔舒服。d野食來到, 嘩~ 真係好大碗, 不過食食下先知，其實係d湯多咋, 米線得好少。其實都好普通唧，d湯又唔係特別好味。建議唔係好食得辣既人唔好食咁辣....因為真係好辣!!!總體我覺得普普通通啦~

lunch去食,都幾多人等位..$21碗米線,每加一樣餸$4..叫左個小辣,多酸,少米線..湯底都唔錯,但太多米線,都食唔晒..d蘿蔔好大舊..但d位好迫..

原本...我係唔食米線0既,但呢度令我對米線完全改觀~ 平時食米線,通常都好\"林\" (即係脹晒),但呢度0既米線係煙\"un\"有彈性,掂~ 湯底唔駛講,濃郁豐厚,酸辣味同肉香好開胃~ 呢個至正湯底第二間雲南米線真係冇得比~ 我個人認為辣度都幾勁, 所以我只會叫中小辣~ 加上佢\D配菜勁多(芽菜,酸菜,芫茜, 韮菜等)~ 好GENEROUS~ 第二D店通常得個幾條~ 我多數會叫多芽少米~ 上枱一大碗成坐山咁, 基本上..係唔唔會食得晒仲會飽死~ (其實2個人食都得)通常配料我一定會揀蘿白- 好甜好入味~ 好食過好多地方; 冬菇- 又係必食, 勁入味同有彈性~ 其他呢, 腩肉&大腸都唔錯~ 不過我都同意涼拌米線好一般.BTW 我見到有D食友似乎mix up左呢間同埋尖咀另一間雲南米線(0係厚福街), 唔同店黎架~ 我個人認為果間冇咁好食,尤其個湯底係有好明顯0既分別~ (不過腩肉都ok) 因為我幾年前都以為一樣(雖然食味唔同), 後來見樂道呢間係咁擺\d聲明先知唔同. 樂道呢間只係得金馬倫道一間分店only, 其他都唔係架.

以前係尖咀番工都有同d同事黎過，今次就帶左個朋友黎食，無食咁耐都重keep到咁好食，又大碗，每次都總係食唔晒...而且坐既地方都重係咁迫！

之前多數在荃灣總店幫襯此店，因就腳之餘又便宜又大碗，但大個左之後，都唯有去幫襯它的分店了，發覺份量始終是不同，是細碗了很多。最喜歡此店的腩肉，不是一大舊豬肉然後斬得很厚那一種，而是斬得很薄那一種；雖然跟湯上像是會令味道打了折扣，但卻是出奇的入味，而且易入口！而這兒的米線煮得很有咬口，相信是用炒的形式炒好後才放湯，而湯底基本上已很夠味。若要小辣的話，就會加了些炸醬上去，十分之惹味。環境是一般茶餐廳格局，衛生也不是很好那一種。另外一提，今次幫襯，發現侍應質素參差，有些是木口木面陰聲細氣的，有些則是很有禮貌。基本上，米線是較為便宜的食物，銀彈欠缺時真的可多考慮米線了！

果晚想食米線,以為呢度要等位,點知竟然好少客,又會咁?唔理咁多,少客咪仲好,唔使等...幫襯過好多次,喜歡佢可以自己任點送,點配搭都得,蟹籽丸更加係佢獨有而又好味既產品,今次俾我見到個翠肉瓜餅,似前唔發覺,好似好得意咁,所以試上,原來係翠肉瓜片外加炸粉炸成,但係層粉好薄,所以唔會糊口,賣相同食味都好似天婦羅,但係件瓜本身無味道,$4有4件,ok啦!幾得意,但係唔係話特別好味,值得一試!

呢度d米線真係好好味...而且好方便自己adjust要同唔要d配料...o係其他地方下下都要自己講走乜走乜,但次次出黎都無走到...黎呢度必食o既係蘿蔔...真係好入味好正...通常都會叫一樣餸同少米線...因為次次都食唔晒...

時間：　９月８日食晏人數：　我自己消費：　２６元簡介：　今日去開尖沙咀，要搵間未食過，見門口有人等緊位，就呢間。張order紙除可以揀要幾辣外，仲可以要多或少酸菜、芽菜等等，抵讚。[ 味道] 今次叫兩樣，小中辣，其他配菜沒有加減。味道唔錯，係略嫌酸，下次要揀少酸菜。[ 環境] 環境就窄，不過一般食米線都係咁。[ 服務] 其實都冇嘜需要佢服務。[ 衛生] 地方OK乾淨，其實想畀2.5分，不過冇得揀。[ 抵食] 呢度OK抵食啦，廿六蚊兩樣，仲有水供應，唔會焗你叫飲品。

第一次去食!!今日行完街已經好累喇,,又拎完好多野,,唔想行太遠去源記!!最後行左去樂道個邊,,睇下有乜野食見度有米線食!!我地3個人要等25mins之後不段有2人..2人..咁入去忍唔住出聲,,因為完全冇理過我地,,只係話個張台食緊就食完喇..一路拖"我地再問,,個職員叫我地入去坐住先..原來個張台係一對情女係度談更情飲哂野唔肯走,要我地自己出聱打發人地走? 我地係一個客人既角色,,點解呢d職責係我地做..等既同時,,仲要冇禮貌咁同我地講"一陣成張台比哂你喇,不過你要等先得!! 咁既態度...企係門口等既時候,我地3個已經order哂食d乜野..坐一陣唔算等碗米線太耐!!食緊既中途,有一個員工拎錯碗米線比個客!!其實我覺得做錯野鬧唔緊要, 唔好係d 客面前咁大聲鬧,,話佢唔明要陪返9 蚊!! 我知道每一間既舖頭都有一個唔同既管理既系統..但至小都要比返尊重d員工"至於食物既質素真係唔錯!!好食!!*不過係內碎多左d!!我鐘意佢辣既程度同酸既程度有一個平衡.入口個感覺好過隱!!d蘿蔔好入味,,最後我好欣賞佢菜單既設計"可以乎合所有人想要既野^^呢點做得好好!!