星林居雲南米線餐廳 (已結業)

叫蝦丸蘿蔔米線，嘩，不得了，碗面有三大截蘿蔔，好可愛。我勁鍾意呀。不過老o左d，而蝦丸太少，得兩粒。今次叫小辣已好辣，下次還是不要多酸和小辣了，小小已夠。食晒一碗好滿足。服務仍要改善。p.s. 探病後走了很久才到，心情差了。還為了夾起一舊蘿蔔而鬧了暖暖。對不起!

星期三晚去食。呢間又話自己先係正店，最正宗，無人能及咁話。要了香菇貢丸米線，得兩粒，好在米線都幾多。我要了多酸，好好味。自己剔紙仔好過，因為配搭好的，價錢也是一樣。佔3樓全層，好大，裝修好cyber。有飛仔儲，每滿天$26有一張，滿4張起有o野送，都幾好。不過衛生同服務都不合格。

昨晚在尖咀搵食, 由於對雲南米線的菜式幾喜歡, 便幫襯了這間不知名的食店, 結果發現太多疑點:1) 點解店名係"雲南桂林過橋米線"點解將一個菜名做了自己的店名2) 點解一碗米線配菜多過米線, 雖然米線ok但這些配菜就太過隨便了, 尤其是這塊腐皮簡直是代表作(見圖)3) 點解店員的服務態度同埋語氣都係麻麻4) 點解收銀處的牆上要掛一張"香港警察"的合照

Don\\\\\\\'t look down this place for its small entrance and limited space, I found my best bowl of 米線here. 公主and I couldn\\\'t stop coming back again and again and again.The price is reasonable provided that they offer great degree of flexibility on the choice of the ingredients. The soup base is unique and you won\\\\\\\'t be able to find it anywhere else.The place is too tiny though and you have to share tables with strangers. The floor is a bit slippery and it would be perfect if they could

下午三時多，店子依然幾近爆滿，我們兩個人被阿姐安排到四人檯的一邊。無所謂，都有心理準備。落單後，等了好一會兒才有得吃，但挾不到兩撮，就被阿姐「要求」調位。也罷，其實都無所謂，當然你態度好些的話，我也會比較高興。碗米線吃到一半，坐在檯裡頭的顧客埋單，我也要站起來離開座位，讓他出去。坐下扒了兩口，又有新顧客到，又要站起來，於是索性又調多一次位。好處時，可以邊吃邊做運動。說回食物，份量很大，芽菜、菜等指定配菜很多，我鍾意。Default的還有炸醬，味道不俗，米線也彈牙。我另加了豬潤和腐竹，前者又老又細塊，非常不濟；後者則不夠腍。試了友人叫的蘿蔔，異常大件，味道本來不錯，可惜「心」尚未夠腍，也不夠入味。米線的水準不錯，但配料就麻麻，再加上那裡的環境和服務，還要等位的話，我就未必會再去了。

星期四晚的風仍然大得很，男友決定走堂，陪我到海港城拎鞋。　新鞋到手，然後要解決晚餐的問題。男友的心水恆久不變-雲南桂林米線，我就想去尖沙咀中心，完成征服Don Juan/Bulldog's的心願。最後，我們決定先在雲南桂林米線吃正餐，之後去Bulldog's飲野。　這裡的米線味道不差，不然男友也不會每來尖咀都光顧一次；只是吃過多次，再寫乏善可陳。或者談談店名吧，其實雲南與桂林(位於廣西)相距甚遠，此店如此命名只因米線皆是兩地市民所愛。兩地的口味有一定差異，此店吃的不是正宗風味。　但話說回來，忠於原味不一定是好事，港人大概不會接受到厚油覆蓋住的原味雲南過橋米線；反而這裡調整後的酸辣口味幾有特色，可以吸引到一定食客。這何嘗不是一種進步呢?

食過幾次,老實講d食送係普通野,不食也罷,最最最正係個湯底,次次都叫小辣多酸,佢果隻酸好特別,係酸中攜甜,試過好多地方都搵唔返,一個字~~~正!!

叫左碗小鍋米線加腩肉豬肚生菜，少酸少辣，$30D料好多好滿，滿到個waiter"親手"幫你撥好D料~不過料多米線少，食完都唔覺食過幾多啖米線~個湯較濃味，不過酸菜太酸，影響味道~環境唔太好，幾亂，間舖地方細，較迫，唔太舒服~

今日同同事黎呢度ＬＵＮＣＨ～我第一次黎食～不過前都聽講過荃灣Ｏ個間好正～我地三點幾黎到食～都仲係幾多人ＢＯＲ～因為好多料揀～太花心～所以要左囡個料～分別要豬大腸～菜～爆醬鯊魚丸同埋魚腐～要左中小辣～多蔥多芽菜～小酸～碗野黎到～嘩！！咁大碗既？？好滿呀～不過真係好好味～Ｄ丸同埋大都好正～試同事Ｄ腩肉都好正～由太好味既關係～　結果成碗清晒～ＨＡＨＡ～～好飽ＬＡＷ～下次其實要三個料都ＯＫ　ＬＵ～食完即刻想食第二次～ＨＡＨＡ～

今日要到樂道睇中醫, 因未夠鐘, 所以同林小B在此店食TEA:紅腸,豬肉丸,金菰小鍋米線(小小辣) - 小B話呢個唔係好辣, 下次可以再辣D, 紅腸煎過所以幾香口, 金菰好多, 小B至愛。蘿蔔小鍋米線(小酸) - 因為牙肉腫只可以食到蘿蔔, 初時一望以為好硬, 食落又唔硬夠入味, 個湯有小小酸但好清, 連小B都飲咗幾啖。D侍應成日入咗廚房企埋一堆, 叫咗幾次先有人應, 同埋要叫先識收咗上手飲淨杯茶。

對我嚟講勁大碗。以前食都冇咁滿架喎！揀左腩肉、豬大腸，仲要好多芽菜tim！以前去開荃灣分店食會叫多酸菜，點知今日嚟到尖咀分店照版煮碗就”乃”嘢！碗米線搞到超酸呀！好似飲緊醋咁~ x.x ( 女人果然呷醋呀吓！)咁計埋湯底呀！餸菜呀！個麵身呀！都好似荃灣好味啲喎！同埋發覺食呢類米線，揀”唔辣”同唔叫腩肉的話，真係等同食緊碗清湯米粉架咋！我當腩肉用嚟吊味咁~ 因為自己試過，味道清到會覺得好普通~ 會唔明點解啲人會話好食！下次挑戰中辣先XD啲阿姐態度都過得去啦！

朋友話依間雲南米線極之好味，好，又等我試試先~　聽朋友o既推介，點左豬腩肉、豬耳同腐竹，要多韮菜同中小辣(冇錯，佢o既辣分左好多grade，中小係中間級數~)。米線一上檯，非常熱辣辣，合我心意!一試，豬腩肉真係好好味，韮菜真係好多；主角米線軟硬度非常好，充足吸收湯汁味道唔錯，不過湯底本身酸左少少~ 要提一提碗米線真係幾辣，一定要準備紙巾包雲吞!　食物幾好味又唔貴，難怪小店客似雲味。不過環境迫d又要食二手煙(依樣差差差!!)，令我唔會太想返炒~

去完hmv 走黎試下見到門面大大隻字寫住話同區有人抄襲佢個店名依間先係正宗。然後寫紙仔點配菜，叫了多酸小辣的腩肉大腸($+8)米線。等左一陣，見到隔離坐左大陸人，碗米線好大碗，到我碗黎到。真係嘩左聲，好滿好高，難怪waitress 好小心攞過黎。喝一啖湯，夠酸。不過d 餸凍左d.... 但整體黎講真係幾好同好飽.......

食過現場同叫過外賣……現場--- 座位非常地迫, 食完一定要即刻走, 不可以坐好耐. 比起其他米線店, 呢間係貴左少少的. $5蚊2粒墨魚丸. 味道又不是真的非常好味, 有點誇大左, 我都係覺得滇滇居比較好味. 另外, 加埋餸的話, 小鍋米線既份量是非常大碗的, 所以要量力而為, 不要叫太多餸了. 打電話叫外賣--- 12點15分打電話叫, 1點45分先到, 可能當日落雨多order 啦, 不過, 等左勁耐, 1點左右打電話催, 佢地話已經出左門口, 唉~~ 仲要等多45分鐘, 餓死人了. 外賣的確無咁好食, d 米線吸哂d 湯, d菜已經黃哂了, 呢碗米線好明顯放左好耐先送到. 失望呀. 如果當日不是勁想食米線, 我一定不會叫這間店.

12月18日下午六時多醒來,又是晚餐時間了,舟車勞動後來到尖沙咀,一班小伙子已佔進此店的一角,拎定位來等耆英,真係識敬老為何物啊!!甫坐下來,同檯友人的食物已陸續上來,嘩,超級勁大碗啊!友人已嚷著一定吃不完的,因此我提出與她共享,她當然首肯啦!!之後另一友人知我沒有叫吃的,又說和我分享,當然求之不得啦,兩碗都試過,湯底幾好味,喝罷也不覺得太口渴,可能味精不太多吧!同檯男性小伙子叫了小鍋米線,唷!是巨號的!直情滿到瀉,他也看至目瞪口呆,問過他味道如何,他道好吃是好吃,不過實在太大碗,吃至飽滯也不能完成它.這裡的魚蛋呈橢圓形,非常有口感,而其他配料也是有水準的,米線亦都QQ的,很討好.另叫了鴨舌,亦都算是鹵得很入味的小食,若能濃味一點,相信是更加好呢!我沒柯打飲的,但有幾位朋友叫了,據報飲品是一般,不喝也不會遺憾!值得一提這裡的服務是麻麻,叫人拎兩隻碗,得到的回應是轉頭拿來,但等了好久連影也沒有,想再叫人拿來,竟是店面空無一人,難道侍應也躲進出品處?收銀員又離我們太遠,所謂遠水不能救近火,莫非要我們大叫大嚷咩?等了好久才有碗來,幸好未令米線凍下來,不然一定打回頭!!