星林居酸辣米線餐廳

营业中

休息中

-{尖沙咀酸辣米線🍜}假日黎左依間 以前係好多好評🤨但係依家假日嚟都冇乜人👀睇下質素點先~🤤三餸酸辣小鍋米線🤤 ($55)今次嗌左3款餸 bb辣非常酸 麵就係米線 麵質偏淋 個湯嗌左勁酸嘅酸辣其實都唔係好酸 入面有肉碎芫荽蔥芽菜 芫荽味幾香💁‍♀️個湯普通 有比較有傷害🧐以下順序排嘅餸😛豬大腸($12): 超肥 好入味但係個份量都唔係好多😂肥牛($12): 好普通 肥肉太多感覺冇乜肉食剩係得啲肥膏🥴冇乜肉味豬紅: 真係一夾就散而且冇乜味🤣同埋個邊邊係有啲黑黑地最尾唔敢食嗰舊🙉最後食完真係口渴 感覺點都有啲味精👀👖褲評: 5.5/10學生有得食平少少但係寫勁多資料超級麻煩🤢份量係比譚仔小啲 感覺好普通 都係老闆娘好食啲🤓性價比: 5/10服務: 5/10環境: 6/10🚩星林居酸辣米線餐廳🚩地址:尖沙咀樂道23號地下A舖尖沙咀金馬倫道14號金輝大樓3樓#fuudjai #fuudjai港式 #fuudjai尖沙咀

.尖沙咀❣️米線關注組本人都係喜愛米線既一群🤤係尖沙咀返工總會有幾間成日都會食！星林居一定有份上榜，多蔥多芫荽唔駛講啦🤭今次叫左超級吸湯既📍油面筋📍蘿蔔📍豬腩肉，多酸中辣🤤講個秘密比大家知，其實佢既煮米線既穩定度係30/100，所以今次好好味，下次就會一係好酸一係好辣一係無味🤭睇下大家好唔好彩喇！穩定發揮既就非常之好味😝好食指數：8/10（正常發揮下）星林居酸辣米線餐廳尖沙咀金馬倫道14號金輝大樓3樓

位於尖沙咀的星林居，成日聽人講，不過都唔係好平，身邊的人都係劣平佢哋嘅服務！今次嚟咗，終於見識到，服務唔知道係咪差，淨係知道好難食！🤮🤮🤮🤮涼拌米線好難食，少少紅紅地的顏色，完全冇味道，好乾，多一陣溴酸未，好恐怖，未食過咁似豬潲的東西🥲🥲🥲叫咗餃子餸菜，得兩隻，仲要冇乜餡料，好似垃圾，真係請我都唔會食！！另外叫咗一個大辣米線，好普通，辣味不足，呢度叫做大啦，就類似某一間另一間米線的小辣！咁其實有冇得再辣啲呢？因為其他地方都有特辣！

鍾意食雲南米線嘅 基本上都聽過星林居呢個名小編以前都好鍾意食 但平心而論覺得係退步咗嘅食唔翻以前麻酸好濃個種感覺😔今次雖然叫咗小米線 點知米線真係小得非常可憐食咗幾小揖就已經無喇🥺 黎到個下有啲SAD咗

行開尖沙咀諗住搵啲嘢食原本諗住去食雪糕但係想食鹹嘢就睇吓有咩好食喺第二個社交平台嘅米線關注組有人話星林居好食即係即管去試吓.其實之前行過見到都冇想食嘅意欲因為佢格局有啲舊同埋有啲噏揼.魚腐 豬肚 $45小中辣 普通酸⬇️魚腐有3舊 豬肚有4-5舊份量還可以湯底味道帶點甜我嗌中小辣 覺得冇譚仔嘅小辣咁辣普講酸都唔係好酸建議重口味人士可以嗌非常酸.魚腐普通冇特別豬肚滷得幾入味 唔會好硬配料都係芽菜韭菜肉碎嗰啲整體其實我覺得可以！.順帶一提星林居原來係韓國旅客當中好出名好多韓國人嚟食🤭🤭

一心諗住難得今日唔使煮飯出街食下野 。。點左個豬紅豬潤豬腩肉小窩米線點知。。勁難食啲米線爛晒好似二手米線咁豬紅豬潤真係硬到不得了都唔知擺咗幾耐，豆豬潤有啲苦添。。。。。。。真係好唔開心 真係越嚟越差唔會再去食唔會再俾機會佢啦！完。

N年前食過，印象中味道係可以，今次再食，簡直嚇親。叫左碗過橋米線，叫左普通酸，但勁酸！過橋米線如果食其他米線專賣店，份量會多過普通米線成倍；但呢度嘅過橋米線，米線唔多，樣樣材料都勁少，食完好似冇食過野咁！餸同米線分開上，喺咁凍嘅日子，成碗米線都唔熱，真係始料不及。叫左杯咸檸水，個咸檸咸到加完雪碧都好似飲緊鹽水咁！呢間鋪喺3樓，辛辛苦苦上3層但食D咁嘅質素，後悔！冇下次。

今日嚟尖沙咀整頭髮，順便可以嚟食好耐冇食嘅星林居。幾次食都係黎呢間分店，照舊都係自己搵位坐，好少會有人帶位或者招呼你。今日晏晝2:30左右嚟到都唔算太多人，好快搵到位。今次我都係照舊中小辣、走韭菜，送就揀咗雞翼同埋豬軟骨。等咗大約10分鐘，請問是未到嗰陣有少少失望。😪因為明明寫左多蔥多茜黎到得好少，食落發現得一舊豬軟骨？好孤寒下喎明明之前都有兩舊。雞翼第一次食，唔係滷水雞翼，白雪雪咁冇乜味。今次米線都好似少左，之前食晒成碗會飽到上心口，今次食完係岩岩好🧐好彩個湯都仲係好夠酸夠辣有好多肉碎，如果唔係真係會好失望😞

當米線重未開到成行成市既時候星林居已經屹立喺尖沙咀開店今日返去懷緬下當年既味道叫左碗 🧡火鴨腎 牛𦟌 豬肚 米線💛米線依然係食得出係一碗一碗煮起辣度夠🔥 酸度足🙈 連米線一齊落肚真係爽唯一美中不足既係 啲餸吸唔到米線既湯汁同埋每款既餸都得好少牛𦟌應該本身炆得太腍 所以佢好快喺我眼前消失左🧐 我好似食得一舊就冇見過喇😅😅不過一碗都好大碗下 食完就飽哂喇😉📍Follow me at IG - @salhfoodle

坐底叫野食，足足等左30分鐘有多都未有野食，然後見到職員送左碗野去隔離枱，見到隔離枱(已除低口罩)不斷用筷子撩左碗野差不多5分鐘，原來碗野係我嘅，係個職員送錯左，最嬲係個職員送返過來果陣，係大大力咁掉碗野係我枱面，湯汁都飛左少少出來！職員頭也不回咁走左！唔好意思都冇講一聲！！好嬲！！！好嬲！！！之後野飲送到來，條飲筒有污跡！！OMG！！！仲要我食到一半，個職員走去拆冷氣機隔塵網，(冷氣機係我頭頂)D塵埃飛到四周圍都係！！點食呀？！！嬲！嬲！星林居衛生同服務態度都咁差！！食物質素又下降左咁多！！以後都唔會再嚟！！！！！

有好幾年無食星林居，因為疫情前經常都好多遊客幫襯，服務與態度極差！最近就想俾多個機會佢，因為鍾意佢多芽菜韭菜，一個月前黎食過，平日午飯時間都有好多位，可能因為無咁忙，服務員態度明顯有改善，我叫左豆卜生菜，食物質素都係咁上下，不過不失。今次朋友話想再食，於是再幫襯。今次叫咗豆卜蘿蔔，朋友就叫咗龍蝦丸生筋，落單後朋友改變主意想改龍蝦丸做蟹子丸，其實都係啱啱落完單半分鐘，叫返同一個服務員想問可唔可以改，佢半秒就黑面回應話落咗單啦改唔到，連嘗試都無⋯不過唔緊要因為始終都係我地要改單🙄跟住我碗米線黎到，同朋友對望，跟住真係笑左出聲🤣 碗米線好似俾人用手剿完跌咗落檯乸翻入個碗咁😨 其實當時都一笑置之就照食，但食第一舊蘿蔔的時候，要落去個心係唔熱的，唔可以講凍，但係碗好熱的米線上面佢只可以講係常溫，雖然有啲心諗⋯😒之後咯啲蘿蔔可能因為浸住啲熱湯，所以都算熱，但有其中一舊係咬落特別酸，因為我個湯叫咗少酸，所以唔係好合理😵朋友叫我唔好食，最後食咗一啖就放棄⋯😓而朋友咯碗的龍蝦丸其實唔係龍蝦丸，而係望落似八爪魚丸，有啲紫色的八爪魚肉，朋友食第一粒時食到中間係又林又霉🤮食咗半粒頂唔順放棄，第二粒佢話無事，但

還記得以前呢度係飯堂咁滯實在覺得太好味了食完第一次係番唔到轉頭又大碗又好食但自從N年前食完覺得退步晒之後已經放棄左佢了真係爭太遠呀今天突然諗起星林居睇番最近既食評好似又不錯WO就諗不如比多次機會佢啦睇下幾年間有無變好番呀點了:油麥菜, 火腿, 豬紅(小鍋米線)今次油麥菜變了另上以前係放埋入大碗度的咁樣D菜可以吸埋D湯好味好多今次就變到D菜好淡應該係白烚完放入細碗呀火腿就正常啦份量都OK唔會得好少豬紅都係正路唔係好淡茂茂但又未至於勁入味湯底叫了少辣係可以接受的唔會辣到食唔到酸度都幾好最近好怕D好酸既湯底總括黎講個湯底算還好的只係對比以前都仲唔係果回事咁或者回憶係最好的

好耐之前都有聽過星林居 但係一直以來都冇黎試下 今日咁啱嚟到尖沙咀 同埋本身都好鍾意食米線 就一於試吓呢間老字號啦 黎之前有見到尖沙咀有兩間星林居嘅分店 見到其他人嘅食評好似講呢間嘅態度好少少 同埋份量會多少少 所以最後嚟咗啦呢間食💖結果都真係幾滿意幾好食位置就喺尖沙咀地鐵站B2出口行幾步路就到好易搵 星林居喺3樓可以搭電梯或者係行樓梯上去 開頭BB嘅時候仲戇居居咁樣行咗三層樓梯上去🤣🤣🤣一入到去嘅時候女職員好快咁樣幫我安排卡位 因為當時係星期日中午12:00 呢個時間餐廳未算好多人 所以隨便有位見到鍾意嘅就可以坐低 一坐低就梗係睇吓有咩食先啦 平均嗌兩三個餸大約$50到一碗米線再加埋嘢飲就可能人均$60 同坊間其他嗰啲都係普通價錢 唔會話特別平或者貴 腸仔豬潤肥牛米線 $56呢一碗米線係朋友叫嘅 佢哋話中小辣 同埋正常酸度 而佢平時都比較食得辣佢食呢碗都覺得辣度有啲料到 餸嘅份量唔算好多都係適中咁樣啦 而米線嘅份量都唔會話太少 一個正常男人嘅份量都夠飽 移送方面各樣都做得適中平均腩肉豬軟骨米線 $50呢碗就係我叫嘅 因為我比較唔係太食得辣 所以淨係叫咗少少辣同埋正常酸度 即使我唔食得

呢度不嬲都旅客多特別係韓國遊客 呢度啲服務其實就麻麻地啦唔可以話差 但係又唔係特別好米線就偏貴 同埋而家啲蔥都少左好多！以前係俾佢多到成座山咁既蔥吸引宜家冇啦....

話說上咗去食嘢，嗰碗野睇落去勁油都算，辣完全冇辣味，啲米線又少，豬軟骨好似放咗好耐嗰啲味咁，我朋友食唔到辣野都話唔辣，紙巾又要加$3 ，食完呢間野我返到屋企個肚仲要唔係咁舒服，永遠blacklist，我會叫朋友千祈唔好去呢間野，衰啲講句，香港任何一間米線都會好食過呢間咁嘅嘢原本睇到個格局都好似伏伏地，不過見朋友咁啱好似想食米線，咁無辦法一齊嚟到就同佢食埋，但係點都估唔到米線都可以煮到咁難食，唔會再有下一次