星林居酸辣米線餐廳

营业中

休息中

尖沙咀咁多食肆， 但我偏偏對星林居情有獨鍾， 一陣時間總會幫襯下。配料有好多款，豬大腸好推介， 勁淋 ! 其次蘿白清甜， 餃子都唔錯。 舖頭仲可以自己揀酸辣度， 仲可以剔芽菜韭菜芫茜蔥肉碎， 個湯底本身好惹味，加埋配菜令到個賣相味道更加吸引

今日去尖沙咀師兄弟衫👨‍💼，試完之後同其他兄弟一齊嚟咗呢間米線舖🍜，佢哋話呢間嘢開咗好耐，但我一次都未去過🤷‍♂️，我揀咗個撈米線， 餸方面我揀咗雞翼、豬潤同埋水餃，呢度個餐牌已經寫咗喺點菜紙度👍🏻，各樣菜色都係自由選擇想點邊樣就圈邊樣，而且佢啲調味係自己選擇嘅🙂（包括芫茜 蔥)， 等咗一陣米線送到嚟，我一開始就試下豬潤，但發現豬潤好乾😓，可能湯米線會好啲，另外雞翼都算入味👌🏼，水餃亦都不過不失，整體成碗米線算係中上水平，希望我下次嚟到嘅時候會更加好食🤣

Well~相信大家都對星林居嘅酸辣味，次次食完都念念不忘，所以先至會一次又一次咁返轉頭！以前去親我叫來叫去都係果幾樣餸，有次發口痕問姐姐有咩好推介！跟住佢話油麵筋啦試吓， 唔呃你！好食嘅！好! 一於又試吓，原來佢嘅廬山真面目係酸齋，不過冇染顏色！爭啲認佢唔到！通常我會叫非常酸加少少辣，以前我係唔食得辣嘅，不過係我個friend，叫我試吓食少少會好唔同。結果嗰少少辣。真係調起咗佢嘅酸味！之後就欲罷不能。次次都要食辣！其實都只係小辣，不過同走辣係差好遠！於是我就想用啲湯浸死個酸齋！omg!一咬落去，個湯必晒出嚟，真係好q 酸！我仲叫咗杯凍檸樂tim!!!!!!! 從此以後，每次去到星林居，我都選擇浸死個酸齋，去到最後一刻先食！姐姐的確冇介紹錯！

今日試左鼎鼎大名米線冠軍星林居嗌左3送，紅腸，腩肉同腐竹又真係同其他米線唔同，佢個酸味特別醒胃，米線質感又好有咬口，反而d送無乜特別。食米線我最鐘意食d配菜，佢俾左勁多蔥，芫荽同菲菜，仲要大力推佢既肉碎，碗麵仲勁大碗，食晒一碗真係飽足一日失望既係嗌左小辣，係一d辣味都無

第一次食咁大碗既小窩米線今次我選擇湯底係勁辣勁酸，餸菜方面揀咗蘿蔔豬軟骨蘿蔔又甜又淋，豬軟骨入口即溶，米線係淋身，估唔到咁嘅價錢食到咁出色嘅米線仲要勁飽，絕對會再幫襯良心店舖

If you are into Chinese sour spicy noodles, this is THE place to be! You can smell the sourness in the air as soon as you walk in! I know that does not sound appealing but the food will change your mind.I have been coming to this place for a few years now, whenever I want a bowl of super sour and well-flavored noodle soup, I come here, and they never disappoint.Like a traditional cart noodle place, you choose the toppings and the soup that you want in your noodles soup. This picture shows some o

平時酸辣湯米線就食得多涼拌嘅酸辣米線真係第一次食佢嘅米線好似平時叫既一樣佢比紙仔你簡你可以揀你要嘅餸而我當然要我嘅例牌啦炸醬同魚腐其實我一開始抱住唔大嘅期望因為我未食過涼拌嘅酸辣米線涼拌米線食得多但要又酸又辣又係凍嘅真係第一次但出奇地又真係好好食喎令我改觀米線有下次有下次

今日晚上同一個大肚婆朋友過到嚟尖沙咀呢一邊，又唔想食太貴，於是問過大肚婆有啲咩好食呀，佢就介紹咗話我大肚婆梗係要食下啲酸野啦，唔係我點可以咁好狀態繼續生活啊！於是佢就話不如試吓嗰間星林居啊，間酸辣嘅味道都唔錯架！我仲非常喜歡食芫荽，呢間真係正㗎 ！二話不說佢就叫我地一齊跟佢行，呢個大肚婆真係行得快唔講仲以為佢個肚係肥咗！上到嚟你一到佢就二話不說教我可以點，對於我喜歡食麻辣嘅我真係有啲驚驚地，不過入鄉隨俗就試吓呢個酸辣米線啦！餐牌有啲似好似平時去食日式嘅拉麵譜咁樣用紙去逐樣續約選擇，而我就選擇超多芫荽非常之孫同埋要多重多細！當然我梗係叫咗個豬軟骨同埋我最愛嘅炸醬啦！我惜我真係覺得唔錯呀，雖然賣相真係一般但係未到對我來講真係第一間我覺得最好食嘅酸辣！

天氣凍凍地，最好食返一碗熱辣辣酸辣小鍋米線，位於尖沙咀星林居，環境十分闊落今次選擇了冬菇及豬大腸小鍋米線，每次都有好多米線，太怕食唔哂，點了兩個兩款餸就剛剛好啦😋湯底很濃郁，而且味道一嚐便知道是用長時間烹調出來的湯底，非一般味精湯底，豬骨味道十分突出！米線軟硬適中，而且吸滿湯汁，真的十分美味。最開心就係每次芫茜同葱都一定鋪滿碗上，而且可以加$6便可以選擇汽水🥤所以我每次來都會配飲品，比便利商店買更便宜～

好耐之前同事介紹呢間星林居米線，佢話次次去尖沙咀一定要食大食妹想試好耐㗎啦，但係上網睇一睇評論，見到好壞參半，有D人覺得食物質素唔錯，但係有啲人又覺得米線太過重口味，阿姐態度仲要好差，心思思唔知食唔食好是日終於的起心肝一試好壞<雞翼蟹籽丸生菜冬菇米線$56>由於有少少肚餓，所以叫咗個四餸米線雞翼好入味，應該炆左好耐，咬落去D雞肉都系啡色的蟹籽丸入面仲有芝士的，邪惡得黎好好味由於太多餸嘅關係，生菜另外用一隻小碟上嘅，但係最後都係食唔晒唔知係咪大食妹好彩嘅關係，今日阿姐嘅態度都算唔錯，雖然米線係上得耐D，不過阿姐最少都冇話黑口黑面

之前朋友有帶過小弟黎過一次，跟住就一直念念不忘佢既湯底！呢日行經就去搵番久違既味道啦！魚腐貢丸米線小弟中意星林居既其中一個原因係湯底既辣度、酸度你都可以自己揀。而小弟都睇小左佢既多蔥多芫茜，黎到碗米線睇落好有份量而且湯底d肉碎亦係小弟既至愛不過食完就有d口渴喇。

星林居 酸辣米線三樓鋪填紙落單 小鍋米線 ($28) 逐個餸加🍲學生嘅話記得show 學生證 問佢拎學生tick tick紙! 填咗有得減$3 ☺不過要寫埋校名電話email特別在於配料🍜 全部都係你話是😍少米線 走米線(😂?) 芫茜 葱 素食 煮久(Well done) 幾酸 幾辣 芽菜 走青🌶面頭嘅係油麥菜 ($6) 唔特別油又乾爽 分開上的對於鐘意食菜類嘅人好滿足☺️另外推介嘅有 豬軟骨 😛 牛展 蘿蔔😋係尖沙咀 揾間坐得耐少少又唔算貴嘅餐廳😀

正宗雲南過橋米線$49 免加一有多種配菜選擇，辣度和酸度都可以根據自己的喜好不同來挑選。他們家的配菜用的是綠豆芽，更加入味，口感酸辣爽口。味道正宗，值得推薦～紅腸入味

米綫食黎食去都係果幾間，基本上鍾意食既餸都叫過一次，再鍾意食都會悶。最近發現原來公司附近有一間好出名食米綫既【星林居】。【星林居】主要係食酸辣湯同有超多餸自由搭配！我就叫左腸仔、腐竹、生根、金菇湯米綫、小中辣、走酸走芽走芫荽。（如果走辣就無肉碎）腐竹、生根、金菇呢3樣餸都非常吸湯，好好食！湯底唔會好似某D連鎖米綫鋪頭禁一味得個辣字，好香同如果平時食得辣、小中辣基本上唔辣，反而好惹味！分量真係好多，CP值超高！不過個人覺得鹹左少少！

金馬倫道呢間星林居位於三樓，雖然唔多就腳但都一樣咁多人，可想而知一定有番咁上下質素。等我睇吓有咩食先最後決定嗌咗兩個餸，分別係火雞腎（$6）同埋龍蝦丸（$7），辣度方面就揀咗小辣走酸。碗麵嘅賣相相當唔錯，大大碗幾有睇頭。我最鍾意嘅係佢嘅配料超多，一啲都唔孤寒👍🏻。火雞腎好有咬口但又唔會太硬，相當有驚喜。個人覺得唯一美中不足嘅係啲米線有少少太腍，如果唔係就perfect嘞~